Goðasteinn - 01.09.1995, Blaðsíða 149

Goöasteinn 1995
aldur fram. Við verktaka hússins,
Klakk h.f. í Vík, Sigurð Sigurðsson í
Hvolsvelli og Rangá h.f. á Hellu hef ég
átt ánægjulegt samstarf. Ólafur G.
Einarsson fyrrverandi menntamálaráð-
herra hefur á þýðingarmikinn hátt létt
okkur róðurinn í erfiðri framkvæmd.
Síst væri við hæfi að ég gleymdi unga
fólkinu, Elísabetu og Tómasi Birgi,
sem starfað hafa með mér í safninu
síðustu sumur og sýnt mér og safninu
mikla og góða umhyggju dag hvern.
Heimili mitt hefur á lofsverðan hátt
stutt mig og safnið í starfi.
Fyrst og síðast vil ég þó þakka fólk-
inu í hinum dreifðu byggðum
Rangárþings og Skaftafellsþings sem
opnaði hús sín fyrir mér og sýndi safn-
inu þann trúnað að fela því gripi sína til
varðveislu. Áhugi og elja safnarans
hefðu litlu til vegar komið hefði hann
ekki mætt skilningi, velvilja og vin-
semd fólksins. Hér skyldi þá og ekki
vanrækt að þakka þeim einstaklingi
sem í gjöfum færði mestan fjársjóð í
gripagjöfum til Skógasafns, Haraldi
Ólafssyni bankaritara, föðurbróður
Davíðs forsætisráðherra. Faðir hans var
Rangæingur og Haraldur unni héraði
hans best að njóta meginhlutans af
merku minjasafni sínu.
Eg vona að framtíðin verði hagstæð
söfnum þessa nýja húss svo vel sem nú
er búið í haginn fyrir þau. Ég get sagt
með Jóni Helgasyni: „Senn er þess von
að úr sessinum mínum ég víki.“ Ég trúi
því að vel takist til með komandi safn-
stjóra og safnverði. Hingað mun þó
enginn koma sem vinnur með sama
Frá vígslu safnahúss. — Ljósmyndir:
GSæm.
hætti og ég sem legg 10 tíma í daglegt
starf í háönnum, finnst að ég sé að
svíkjast um ef ég tek 10 mínútna mat-
arhlé, spila á hljóðfæri og syng með
safngestum og sýni þeim gömul vinnu-
brögð í baðstofu. Ég hlýt þó að segja
að nokkur hluti af velgengni Skóga-
safns tengist þessu. Það er ekki nóg að
gera því skil að taka við peningum
safngesta og reyna að sjá því borgið að
engu sé stolið, í alvöru og gamni talað.
Ég minnist þess sem góður safngestur
frá London sagði við mig í sumar: „Yið
eigum mikið af ágætum söfnum í landi
mínu en við eigum þess ekki kost þar
að komast í persónulegt samband við
safnstjóra og safnverði eins og gerist í
þínu safni.“ Þetta gæti á öðrum stað
-147-