Skógræktarritið - 15.05.2003, Blaðsíða 25

Lokaorð
Greinarhöfundur við sitkagreni og lerki, gróðursett 15 árum
áður. Ljósm: Sveinn Kristjánsson.
grenið hefur verið mikið notað
sem jólatré og er það mjög barr-
heldið ef rétt er farið að. Einnig
hefur sitkagrenið skilað mestu
viðarmagni þó að það hafi aldrei
verið sérstakt markmið.
Fyrstu árin var gróðursett þó
nokkuð af rauðgreni en veðráttan
á þessu svæði virðist ekki henta
rauðgreni, það vex mjög lítið en
lifir þó, vex eins og runnar en
nær ekki að teygja sig upp fyrr
en skjól hefur myndast frá öðrum
trjám.
Talsvert var gróðursett af berg-
furu á fyrstu árunum og var góður
vöxtur í henni í allt að 40 ár og
voru þá komnir margir fallegir
lundir af henni. Fyrir um 10-15
árum fór að bera á drepi í berg-
furunni og nú er svo komið að
flestir lundirnir er orðnir mjög
ljótir eða alveg búnir að vera. Það
var vissulega mjög sárt að þurfa
að horfa upp á heilu svæðin
hverfa og sjá handaverk nemenda
verða að engu.
Nokkuð var gróðursett af stafa-
furu á fyrstu árunum og frá 1975
er hún eina furutegundin sem nú
er gróðursett og hefur hún yfir-
leitt staðið sig mjög vel. Stafafur-
an hefur heilmikið verið notuð
sem jólatré.
Rauðgreni að teygja sig upp,
sitkagreni í bakgrunni.
Ljósm: ]ón Freyr.
Á fyrstu árunum var sett niður
mikið af skógarfuru en í hana
kom sveppur sem eyddi henni að
mestu, en þó eru nokkur tré sem
lifðu af og eru þau á nokkrum
stöðum í landinu.
Fyrir 25 árum voru fengnar 100
broddfurur frá Hallormsstað og
þeim valinn staður í landinu sem
þótti líklegur til að henta þeim
vel og var sérlega vandað til
gróðursetningarinnar. Þessar
plöntur uxu hægt en voru mjög
fallegar. En fyrir nokkrum árum
kom eitthvað fyrir þær og er sá
reitur nú alveg horfinn.
Lerki var lítið gróðursett nema
fyrstu árin og í kuldahretinu vorið
1963 drápust flest lerkitrén en
nokkur lifðu af og eru nú
þau hæstu orðin tæplega
10 m. En frá 1980 hefur
verið gróðursett allmikið
af lerki og hefur það vaxið
vel.
Nokkrar aðrar tegundir
hafa verið gróðursettar í
litlu magni eins og t.d.
aspir, alaskavíðir, rifs og
reyniviður.
Nú þegar þessi grein er skrifuð
eru liðin 50 ár sfðan fyrsta gróð-
ursetningarferðin var farin. Það
eru því góð tímamót til að líta til
baka og velta fyrir sér hver árang-
urinn hefur verið af þessu starfi.
Það er ljóst þegar landið er
skoðað hve mikil breyting hefur
orðið á gróðrinum. Stór svæði
eru skógivaxin og því mjög skjól-
sælt þar sem áður var næðingur
og gróðurlausir melar hafa gróið
upp.
Það verður að hafa í huga þeg-
ar árangur af trjáræktinni er skoð-
aður að verkamennirnir eru börn-
in í skólanum og kennararnir í frí-
tíma sínum að vinna f landi sem
þeir eiga ekki nema á meðan þeir
dvelja eða vinna í skólanum.
Þá má benda á að mikill tími
og kostnaður hefur farið f að
halda við húsinu.
Gerðar hafa verið vandaðar
kennsluáætlanir fyrir hvern ár-
gang skólans til að vinna eftir og
kennarar eru í stöðugri endur-
menntun f ýmsum þáttum nátt-
úrufræðinnar sem getur tengst
kennslunni í Katlagili.
Það sem er því mest virði eru
þau tækifæri sem nemendur og
kennarar Laugarnesskóla hafa
fengið við ræktunarstarfið, útiver-
una og náttúruskoðunina um leið
og landið hefur verið verulega
bætt.
SKÓGRÆKTARRITIÐ 2003
23