Skógræktarritið - 15.10.2020, Síða 57

SKÓGRÆKTARRITIÐ 2020 57
Umfjöllun
Einnar tegundar skógar – algengir á
norðurslóðum
Samkvæmt nýjustu tölum finnast alls
60.065 tegundir trjáa í öllum skógum
heimsins5 og flestar þeirra vaxa náttúrulega
í blandskógum. Eftir því sem norðar
dregur fækkar þó trjátegundum og reyndar
er það einkenni á tegundasamsetningu
barrskóga hve fáar trjátegundir af fáum
ættkvíslum vaxa þar á hverjum stað.30
Víða samanstanda þar náttúrulegir skógar
af aðeins einni tegund, ýmist sökum þess
að skógareldar eða skógarhögg hafa
valdið því tímabundið, eða vegna þess að
vaxtarskilyrðin eru þannig að aðeins ein
tegund er fær um að vaxa þar, þroskast og
viðhalda sér.
Sumsstaðar getur það borgað sig að
gróðursetja skóg eða rækta hann upp.
Ýmist er það, að engar ákjósanlegar
fræuppsprettur eru nálægar, eða af einum
eða öðrum orsökum vegur aukið verðmæti
ræktaða skógarins upp kostnaðinn sem er
Inngangur
Í upphafi einmánaðar 2020 varði fyrsti
höfundur þessarar greinar meistaraverkefni
sitt í skógfræði við Landbúnaðarháskóla
Íslands.22 Vörnin fór fram á netinu
vegna COVID-19 og var hún vel sótt af
fagmönnum innan skógræktargeirans. Í
almennum umræðum í lok varnarinnar
var skorað á Jón Hilmar að birta hluta
af almennri umfjöllun sinni um tegunda-
blöndun í skógrækt í Skógræktarritinu
og hét hann því að gera það í samstarfi
við leiðbeinendur sína. Í þessari yfirlits-
grein er ætlunin að gera slíka almenna
samantekt um áhrif þess að blanda saman
tegundum í skógrækt og þætti sem skipta
máli við umhirðu og tegundaval í slíkum
skógum. Í næstu grein mun verða farið
nánar yfir einstakar tegundablöndur
hérlendis og erlendis. Í þriðju greininni
hyggst Jón Hilmar svo segja frá helstu
rannsóknaniðurstöðum sínum um áhrif
tegundablöndunar í fremur ungri tilraun á
Suðurlandi (LT-verkefnið) (1. mynd).
Blandskógrækt I:
Staða þekkingar hér og erlendis
1. mynd. Yfirlitsmynd af hluta LT-verkefnisins á Spámannsstöðum í Gunnarsholti. Mynd: BDS