Golf á Íslandi - 01.05.2015, Blaðsíða 8

Það er mat fagmanna og sérfræðinga sem sjá um umhirðu
golfvalla landsins að vellirnir komi vel undan vetri. Þrátt fyrir
leiðindatíð í vetur, þar sem hver lægðin rak aðra, er ljóst að
grasplantan hefur haft það býsna gott í frekar mildum vetri.
Bjarni Hannesson
vallarstjóri á
Hvaleyrarvelli
í Hafnarfirði
segir í pistli sem
hann skrifaði
snemma vors að
andlegt ástand
grasplöntunnar
sé mun betra
á þessu vori en
fyrir ári síðan þegar
klakabrynja var
yfir flestum golfvöllum landsins í marga
mánuði samfellt.
„Grasið er algerlega laust við sálfræði­
flækjur sem fylgja gjarnan sólrýrum
vetrarmánuðum, snjóþyngslum, roki
og hláku. Það sem skiptir grasið máli
er að það sé ekki lokað undir klaka í
lengri tíma. Það góða við þessi ógrynni
af lægðum sem við fengum yfir okkur
í vetur er að þær bræddu oftast allan
þann snjó og klaka sem hafði myndast.
Þetta einfaldlega gerðist ekki veturinn
2013-14,“ skrifar Bjarni m.a. í pistli
sínum en bætir við að frostlyfting sé
helsta vandamálið á völlum landsins.
„Það verður töluverð vinna að reyna jafna
mishæðirnar á næstu vikum,” segir Bjarni.
Í lauslegri samantekt Golf á Íslandi er
ljóst að staðan á golfvöllum landsins hefur
sjaldan verið betri að vori til. Stefnt er
að opnun inn á sumarflatir á Jaðarsvelli
um miðjan maí, sumarhiti hefur verið í
kortunum á Austurlandi á undanförnum
vikum og á Vestfjörðum hefur vorið verið
mildara ef miðað er við árið í fyrra.
Fjölmörg golfmót fóru fram í vor víðsvegar
um landið – sérstaklega á SV-horninu.
Þátttakan var góð og greinilegt að kylfingar
voru óþreyjufullir að komast út á völl eftir
erfiðan vetur.
Grasplantan laus við sálarflækjur
– Golfvellir landsins koma vel undan vetri
Smakk ð ...
Lexus NX 300h hefur skarpari línur og sker
sig úr fjöldanum með sportlegri hönnun sem
gleður augað frá öllum sjónarhornum.
lexus.is
SKARPARI Á ALLA KANTA
NÝR
NX 300h
ÍS
LE
N
SK
A/
SI
A.
IS
/L
E
X
7
12
77
1
0/
14
Lexus-Ísland | Kauptúni 6 | Garðabæ | Sími: 570 5400
8 GOLF.IS - Golf á Íslandi
Grasplantan laus við sálarflækjur - Golfvellir landsins koma vel undan vetri