Helgarpósturinn - 26.07.1984, Blaðsíða 5

☆Æ meir færist í vöxt aö
fyrirtæki af ýmsu tagi bjóði
viðskiptavinum sínum upp á
lágværa bakgrunnstónlist úr
hátölurum, og munu kjör-
búðir hafa riðið á vaðið í
þessum efnum. Til þessa
hafa bankar ekki verið með
slíka tónleika, en þar verða
tækniframfarir eins og
annars staðar. Iðnaðar-
bankinn á Akureyri mun
ætla að bjóða upp á
betrekkstónlist í tenglum við
breytingar á húsnæði sínu.
Akureyringar bíða spenntir
eftir því hvaða áhrif þessi
tónlist hefur á þjónustuna,
en bændur hafa þegar feng-
ið þá reynslu af tónlistar-
væðingu fjósa að kýrnar
bæði mjólki betur og séu
viðráðanlegri á allan hátt.
Vafalaust veltur það mikið á
lagavali hvaða áhrif tónlistin
kemur til með að hafa í Iðn-
aðarbankanum á Akureyri,
og mætti t.d. benda á lög
eins og „Nobody Loves Me
When l’m Down and Out“
og titillagið úr „Rich Man,
Poor Man“ .. .★
☆ í framhaldi af klausunni
um tónlistarvæðingu Iðnað-
arbankaútibúsins á Akureyri
má bæta því við að fyrirtæki
og stofnanir á Akureyri virð-
ast hafa tröllatrú á róandi
frekar en vekjandi áhrifum
tónlistar;þannig hefur
Póstur og sími nú fengið
einhver þeirra þar í bæ til að
festa kaup á sérstökum út-
búnaði sem tengist síma og
leikur Ijúfa tölvutónlist fyrir
þá sem hringja en þurfa að
bíða eftir að umbeðinn
maður svari. Sem dæmi má
nefna að HP heyrir að í efsta
sæti vinsældalistans á síma
Útvegsbankans á Akureyri
sé hið sígilda enska þjóðlag
Greensleeves í tölvuútsetn-
ingu...*
Framvarða-
sveitin
☆ Það var Dani hérna í heim-
sókn á dögunum, sem væri
svo sem ekki í frásögur
færandi ef þessir menn á
myndinni hefðu ekki fylgt
honum hvert sem hann fór.
Þetta eru strákarnir í fram-
varðarsveit íslensku lögregi-
unnar; mótorhjólagaurarnir
sem fara alltaf fremstir með
látum þegar mikið liggur við.
Þeir heita Sigurður
Snorrason númer 104 og
Guðmundur Sigurðsson að-
stoðarvarðstjóri. Ökutækin
þeirra eru engir máttleys-
ingjar. Tvö gljáfægð Harley-
Davidson, hvort um sig 1340
kúbikk-sentimetrar að vélar-
afli, sem þykir mikið. „Já,
það má komast áleiðis á
þessu“, sagði annar þeirra
um tækið sitt. „Nei, það fer
ekki svo mikill fiðringur um
mann orðið á fleygiferðinni.
Þetta er komið upp í vana, og
maður tekur (pessu eins og
hverri annarri vinnu“, sagði
hinn. Þeir sögðu okkur líka
að eitt svona tæki eins og
þeir væru á kostaði ekki
undir 500 þúsundum króna.
En það er af Dananum að
segja að hann er nú kominn
heimtil sín, sæll og ánægður
með íslandsdvölina. Hann
fékk enda að skoða það
helsta; Þingvelli, Dettifoss,
Árnastofnun, Alþingi og
heilsa upp á forsetann. Og
gott ef hann hefur ekki hugs-
að með sér: „Þeir hafa nú
bara farið ágætlega með lýð-
veldið sitt þessi fjörutíu ár frá
því við réðum þeim!“
(Jmsjón:
Óli Tynes og Jim Smart
STOFNFJARREIKNINGUR
S KATTAIÆ KKUN
, OG EIGIN
FJARFESTING
Framlög einstaklinga til atvinnurekstrar eru frádráttarbœr frá skatt-
skyldum tekjum að vissu marki skv. nýjum ákvœðum skattalaga.
Frádráttur má vera allt að kr. 20.000,- á ári hjá einstaklingi eða kr.
40.000.- hjá hjónum.
SKILYRÐI
Til þess að njóta þessara skattafríðinda geta einstaklingar m.a. lagtfé
inn á stofnfjárreikning í því skyni að stofna síðar til eigin atvinnu -
rekstrar.
Stofnun atvinnurekstrar máfarafram hvenær sem er innan 6 árafrá
lokum innborgunarárs.
INNLÁNSKJÖR
Stofnfjárreikningarnir eru sérstakir innlánsreikningar bundnir í 6
mánuði. Innstæður eru verðtryggðar samkvæmt lánskjaravísitölu.
Landsbankinn býður 1.54% vaxtaálag á þessa reikninga.
HAGDEILDIN AÐSTOÐAR
Hefur þú í hyggju að stofna til eigin atvinnurekstrar með þessum
hœtti? Sésvo geturþú leitað til sérfrœðinga Hagdeildar Landsbankans
að Laugavegi 7 Reykjavík og ráðfært þig við þá um rekstur fyrirtækja
þér að kostnaðarlausu.
Upplýsingar um stofnun stofnfjárreikninga eru veittar í sparisjóðs -
deildum Landsbankans
LANDSBANKINN
Græddur er geymdur eyrir
HELGARPÓSTURINN 5