Helgarpósturinn - 26.07.1984, Blaðsíða 27
l sjónvarpsþættinum fræga um
verð á íslenskum sólarlandaferð-
um, þar sem reyndar var fyrst og
fremst staðfest það sem fram kom í
Innlendri yfirsýn Helgarpóstsins tíu
dögum áður um hátt leiguflugsverð
íslensku flugfélaganna, bauð Injg-
ólfur Guðbrandsson, forstjóri Ut-
sýnar, í Iokin þeim Jóni
Magnússyni, lögmanni og
formanni Neytendasamtakanna, og
Páli Magnússyni fréttamanni sem
hleypti öllu málinu af stað í
fréttatíma fyrir nokkru, að koma
ókeypis til Spánar með Útsýn og
kynna sér af eigin raun aðbúnað og
viðurgjörning viðskiptavina
Útsýnar á sólarströnd. Jón
Magnússon hafnaði boðinu
kurteislega en HP heyi ir að Páll hafi
haft samband við Útsýn fáum dög-
um seinna og spurt h\ort tilboðið
stæði. Ingólfur er sagður hafa sagt
já, víst stæði tilboðið, og bætti um
betur: Hann bauð sjónvarpinu að
senda heilt kvikmyndag< ngi niðr-
eftir á kostnað Útsýnar. Aðeins
fylgdi þessu kostaboði smáskilyrði,
eiginlega örlítið: Sumsé það að sjón-
varpsmenn tækju í leiðinni snotra
fréttamynd um aðbúnað og viður-
gjörning Útsýnarfarþega á sólar-
ströndum. Hún þyrfti ekki einu
sinni að vera lengri en 15—20 mín-
útur. Til mikillar furðu mun sjón-
varpið hafa hafnað þessu gullna
tækifæri...
lEin af toppstöðunum í flokks-
vél Sjálfstæðisflokksins er nú laus.
Það er staða framkvæmdastjóra
fulltrúaráðs Sjálfstæðisfélaganna í
Reykjavík. Henni hefur undanfarið
gegnt Árni Sigfússon sem verið
hefur formaður Heimdallar, en jafn-
an veljast í hana ungir menn á upp-
leið í flokknum. Tveir menn þykja
koma helst til álita í stað Arna, sem
fer til framhaldsnáms erlendis: Ann-
ars vegar Gunnlaugur Sævar
Gunnlaugsson, sem lengi hefur
verið í forystu fyrir Félagi frjáls-
hyggjumanna og hins vegar Gústaf
Níelsson, sem á sæti í stjórn Sam-
bands ungra sjálfstæðismanna. Lit-
ið er á þessa menn sem fulltrúa
tveggja arma flokksins, — Gunn-
laug Sævar úr frjálshyggjuliði og
Þorsteinsarmi og Gústaf úr hinum
frjálslyndari Gunnars/Albertsarmi
sem jafnframt er nær Friðrik
Sophussyni varaformanni. Þykir
sumum sem eðlilegra væri að full-
trúi síðarnefnda armsins kæmist til
áhrifa í flokksvéiinni, ekki síst með
tilliti til þess að annar frjálshyggju-
foringi, Friðrik Friðriksson, var
ráðinn framkvæmdastjóri þing-
flokksins gegn vilja Friðriks vara-
formanns. Valið milli þessara
tveggja manna kémur til kasta
helstu leiðtoga Sjálfstæðisflokksins
en hin endanlega og formlega
ákvörðun er í höndum stjórnar full-
trúaráðsins, þar sem er formaður
Guðmundur H. Garðarsson. . .
réttaskot svokölluð eru voða
vinsæl hjá skammstöfuðu dagblöð-
unum DV og NT. Þetta almenna
fréttaútboð blaðanna mun þó hafa
ýmsa erfiðleika í för með sér fyrir
starfsfólk þeirra. Heyrir HP að rit-
stjórnir þeirra séu meira og minna
lamaðar við sjálfstæða fréttaöflun
vegna þess að meirihiuti blaða-
manna er upptekinn heilu og hálfu
dagana við að elta uppi og tékka af
eitthvert „fréttaskotið" sem lesandi
hefur lesið inn á hina sjálfvirku sím-
svara. Og stundum verða skotin
skondin. Um daginn var hringt í
símann sem aldrei sefur hjá DV og
sagði röddin að íslenskir sjómenn
hefðu þá um kvöldið framið alvar-
leg spjöll á Litlu hafmeynni, stytt-
unni heimsfrægu í Kaupmanna-
höfn, nánar tiltekið brotið af henni
tærnar. Morguninn eftir er blaða-
maður settur í það verkefni að afla
upplýsinga um þessa fyrirhuguðu
stórfrétt. Hringir hann út og suður;
í lögregluna í Kaupmannahöfn, í
prest íslendinga þar í borg og svo
framvegis og svo framvegis og fer
allur starfsdagur hans í þetta.
Um miðjan dag kemur til starfa á
ritstjórn DV Eiríkur Jónsson
blaðamaður sem lengi var í Kaup-
mannahöfn, m.a. sem fréttaritari út-
varpsins. Honum eru sögð þessi tíð-
indi og þeir erfiðleikar sem DV er í
við að fá þau staðfest. Þá segir Eirík-
ur sem satt er: Tærnar hafa ekki
verið brotnar af Litlu hafmeynni,
hvorki af íslenskum sjómönnum né
öðrum, því Litia hafmeyjan hefur
ekki tær, frekar en hafmeyjar yfir-
leitt. — Þannig fór það fréttaskot
fyrir lítið.. .
ic
H^^æra Jóns Skaftasonar yf-
irborgarfógeta á hendur Jóni
Oddssyni hæstaréttarlögmanni
var til frásagnar í HP fyrir viku, en
Jón kærði Jón fyrir að hafa valdið
ónæði á heimilum þeirra Skafta
Jónssonar með látlausum sím-
hringingum að næturlagi. í vikunni
barst HP í umslagi afrit af símskeyti
sem Jón Oddsson hefur sent Jóni
Skaftasyni og hljóðar það svo:
„Aðvörun. Askorun um leiðrétt-
ingu kæru og formlegrar afsökunar-
beiðni fyrir 24. júlí. Að öðrum kosti
allur réttur áskilinn sbr. 148. grein
almennra hegningarlaga." í tilvitn-
aðri lagagrein er kveðið á um viður-
lög við rangri kæru, röngum
framburði o.s.frv.. . .
F logið hefur fyrir, samkvæmt
heimildum HP í viðskiptalífinu, að
hið umsvifamikla fyrirtæki Þýsk-ís-
lenska verslunarfélagið hafi hug á
að kaupa annað umsvifamikið fyrir-
tæki, Hljómbæ. Viðræður þar að
lútandi hafa staðið yfir að undan-
förnu milli Ómars Kristjánssonar
í Þýsk-íslenska og þeirra Bjarna
Stefánssonar og Péturs Björns-
sonar í Hljómbæ.. .
Shíiis og HP hefur þegar greint
frá eru ýmsar mannabreytingar á
döfinni hjá hljóðvarpinu og nú bæt-
ist enn við þann iista. Samkvæmt
áreiðanlegum heimildum er nú tal-
ið nær fullvíst að Andrés Björns-
son útvarpsstjóri láti af störfum
innan skamms. Eins mun
Guðmundur Jónsson fram-
kvæmdastjóri hugsa sér til hreyf-
ings um næstu áramót, og við þetta
bætast svo jafnvel fréttastjórar
bæði hljóðvarps og sjónvarps, þau
Margrét Indriðadóttir og Emil
Björnsson. Það eru sem sagt mikil
mannaskipti yfirvofandi hjá útvarp-
inu og sumir segja að kynslóða-
skipti fylgi í kjölfarið með viðeig-
andi breytingum fyrir þessar stofn-
anir...
mM
■ WÍ ý reglugerð var samþykkt í
borgarstjórn í vor þar sem réttur
listamanna í stjórn Kjarvalsstaða
var skertur verulega, svo sem kunn-
ugt er. í þessari breytingu fólst með-
al annars að nú munu aðeins þrír
pólitískir fulltrúar ákveða hver
hljóti starfslaun borgarlistamanns.
Áður var það svo að listamenn áttu
tvo fulltrúa sem tóku þátt í þessari
ákvörðun. Er HP sagt að íslenskir
listamenn bíði spenntir eftir því
hvort Sjálfstæðisflokkurinn hygli
sínum mönnum. Það mun ráðast í
ágústmánuði...
A1
H W Hikil uppsveifla er í rekstri
Frjáls framtaks um þessar mundir.
Fyrirtækið var nýverið að festa sér
útgáfuréttinn á landkynningarrit-
inu Áföngum sem Sigurður Sig-
urðsson hefur gefið út og ritstýrt
fram að þessu. Þá hefur Frjálst fram-
tak sent frá sér enn eitt sérritið og
fjallar það um sportveiðar. Það heit-
ir Á veiðum og er Ólafur Jóhanns-
son ritstjóri þess, en upplagið
verður líkast til í 7500 eintökum.
Auk þessa eru í bígerð nokkur
önnur sérrit frá fyrirtækinu, og það
sem meira er, það hyggur á
bókaútgáfu á komandi hausti. Þykir
víst að þar muni fara
sérfræðibækur af einhverju tagi.. .
R
■^Litstjóri Áfanga verður Sig-
hvatur Blöndahl og er hann þar
með ritstjóri hvorki meira né minna.
en fimm tímarita hjá Frjálsu fram-
taki. Trúlega er þetta einsdæmi í ís-
landssögunni að einn maður stýri
svo mörgum blöðum og er ljóst að í
íslenskum blaðaheimi myndu losna
margar vænar stöður ef Sighvatur
ákvæði að snúa sér að öðru. ..
Ljóst þykir að kennarar munu
grípa til þess ráðs í haust að segja
upp störfum sínum og freista þess
þannig að ná fram bættum launa-
kjörum. Eru kennarar við nokkra
skóla í Reykjavík þegar famir að
segja upp, og munu t.d. 13 kennar-
ar við Arbæjarskóla hafa sagt upp
störfum. Nokkur kvíði mun þó vera
í kennurunum þar sem mjög mikil
eftirspum hefur verið eftir kenn-
aréistöðum á Reykjavíkursvæðinu
og óttast þeir sem hafa þar stöður
að kennarar utan af landi sýni ekki
stéttvísi og sæki um ef stöðumar
verða auglýstar lausar til um-
sókna...
Hverfisgata 56
— Sími 23700.
Opiðfró kl. 12-23
virka daga og
14—23 laugardaga
og sunnudaga.
Nóatún 17
— Sími 23670.
Opið fró kl. 15—23
virka daga og
14—23 laugardaga
og sunnudaga.
Júmbó-is Akureyri —
Fellagörðum Glerórgötu
- Sími 77130. - Sími 26088.
Opið fró kl. Opið fró kl.
9—23.30 alla daga. 9—23.30 alla daga.
Ath. að heimilt er að skila spólum á öllum stöðum á höfuðborgarsvæðinu.
M'~í
Whot
hoppcrxd
tohim
thould
WP*"
Munið afsláttarkortin. Nýtt efni daglega. íslenskur texti.
FYRIR MYNDBANDALEIGUR
Sölusími 26858 — Opið frá kl. 9—18 — Hverfisgötu 50, 3. hæð.
STALLONE
Vhe Retwm of the SoJdíeo
VfSA
HELGARPÓSTURINN 27