Helgarpósturinn - 05.09.1985, Síða 3
„MYNDIN SÝNIR BORG SEM
MÓTAST AF MANNLÍFI...
...en ekki öfugt,y/ segir Hrafn Gunnlaugsson um
heimildarmynd sína „Reykjavík, Reykjavíky/ sem hann
hefur lokið tökum á.
Hrafn Gunnlaugsson kvikmynda-
gerðarmaður hefur nýlokið tökum
á heimildarmynd sinni um mannlíf
Reykjavíkurborgar, en verkið hefur
verið í vinnslu síðan fyrir 1982. Það
var vinstri-meirihlutinn sem fól
Hrafni þetta verkefni á sínum tíma,
en það skyldi verða tilbúið til sýn-
ingar á 200 ára afmæli Reykjavíkur,
1986. Útlit er fyrir að myndlegri
vinnslu verði lokið um næstu ára-
mót, en þá verði tekið til við hljóð-
setningu og samningu tónlistar. Hún
verður frumsamin af Gunnari Þórð-
arsyni, en hann og Hrafn hafa ekki
unnið saman síðan við gerð „Blóð-
rauðs sólarlags".
Reykjavík, Reykjavík — en það er
nafn myndarinnar — „mun taka
sinn tíma í sýningu eins og þokkaleg
bíómynd," segir Hrafn við HP, en
getur þess jafnframt að inni á klippi-
borði hjá sér liggi átján tímar af not-
hæfu efni, þannig að nokkra
grimmd þurfi í niðurskurði. Myndin
er svo til öll sviðsett og tengd saman
með beinum heimildarskotum og
leiknum atriðum. „Þegar ég var að
byrja að skrifa þessa mynd vildi ég
reyna að forðast þessi þurru heim-
ildarmyndaskot, og ákvað þess-
vegna að sviðsetja nokkrar „aksjón-
ir“ sem ég hef upplifað sjálfur sem
Reykvíkingur í borginni minni.
Þannig er til dæmis eitt myndskeið-
ið á þá leið að þekktur borgari kaup-
ir dagblað af Óla blaðasala í Austur-
stræti, en síðan fylgir myndavélin
Hrafn: „Ég sviðset nokkrar
aksjónir sem ég hef upp-
lifað sjálfur sem Reyk-
víkingur í borginni minni...
hagræði þannig
heimildum..."
honum áleiðis inn götuna en stopp-
ar í nærmynd af einum af þessum
ungu landnámsmönnum sem er að
selja helgarblað, en ég á þarna við lít-
inn Víetnamstrák. Svona myndskeið
sýnir okkur svo ljóslifandi hvernig
gamli og nýi tíminn mætast. Þetta
heitir náttúrlega að hagræða heim-
ildum, en er að mínu viti miklu
árangursríkari leið til að sýna borg-
ina en til að mynda endalaus skot af
helstu byggingum, sólarlagi og
Sundunum," segir Hrafn og bætir
við: „Þessi mynd mín tekur hvort
tveggja á mannlífi og borg. Og þá á
ég við borg sem mótast af mannlífi
en ekki öfugt."
Talandi um þessa leið sem hann
valdi til gerðar Reykjavíkurmyndar-
innar minnist hann þess sem hon-
um fannst eftir sitja að séðum gömlu
Reykjavíkurkvikmyndunum: „Það
voru ekki sólarlögin, heldur sund-
bolirnir sem fólkið laugaði sig í inni
í Laugardal. í þeim anda er þessi
nýja mynd. Hún sýnir neyslu, tísku
og lífsanda."
Samstarfsmenn Hrafns við gerð
Reykjavíkur, Reykjavíkur eru marg-
ir þeir sömu og liðsinntu honum við
síðustu leiknu mynd hans, „Hrafn-
inn flýgur'*. Þar má fyrst nefna Sví-
ann Tony Forsberg kvikmyndatöku-
mann. Hljóðupptöku annaðist Gunn-
ar Smári Helgason, búninga Karl Júlí-
usson og helstu hlutverkin eru í
höndum þeirra Katrínar Hall, Sig-
urðar Sigurjónssonar, Eddu Björg-
vinsdóttur og uppáhaldsleikara
Hrafns að hans eigin sögn, Gott-
skálks Dags Sigurðarsonar, en
menn minnast hans fyrir frábæran
leik í rullu ljóshærða hnokkans í
Hrafninn flýgur.
eftir Sigmund Erni Rúnarsson myndir Jim Smart
„ALLSHERJAR VÍDEÓSJÓV
AÐ HÆTTI TÆKNIIDJÓTS...
...sem sýnir dýrð borgarveitnanna,/y segir Baldur
Hermannsson um nokkur myndskeið sem hann er að
gera fyrir tæknisýningu Reykjavíkur á afmælisárinu.
„Megnið af þessu efni er komið á
filmu, en ég á þó eftir að mynda
snjómokstur og annað sem erfitt
er að taka að sumarlagi. Allur frá-
gangur, að ég tala nú ekki um allt
nostrið, tekur svo væntanlega sinn
tíma, þannig að þetta verður varla
fullbúið fyrr en í ágúst á afmælisár-
inu.“
Þetta segir Baldur Hermannsson
eðlisfræðingur með meiru um
nokkur myndskeið af veitnakerfi
borgarinnar sem hann er að sýsla
við ásamt Sigurði Jakobssyni kvik-
myndatökumanni og klippara. Þau
verða til sýnis á yfirgripsmikilli
tæknisýningu í Borgarleikhúsinu á
næsta síðsumri, í tilefni af tvö-
hundruð árunum. Baldur er umsjár-
maður sýning;.rinnar í heild.
„Þetta verður, skal ég segja þér,
allsherjar vídeósjóv, allt saman gírað
inn á þá geira borgarinnar er lúta að
veitunum; ég nefni hitaveitu, raf-
magnsveitu, vatnsveitu, skolpveitu,
mannveitu, en svo má kalla götur
og gangstéttir, svo og Landsvirkjun
sem borgin á að hluta, eins og menn
vita. Ég skipti þessu efni í eina átta
þætti. Fyrst er að nefna fimmtán
eða tuttugu mínútna sjóv sem við
getum eins kallað upp á íslensku
myndkabarett. Þar verður sýnt með
myndmálinu einu og jafnframt
Baldur: „Tuttugu mfnútna
myndkabarett ásamt
einum sjö upplýsinga-
glefsum er snúa að rekstri
veitnanna, línurit og
þvíumlíkt..."
klippingu fram á alla dýrðina bak-
við veitur borgarbúa, en hér verður
um algjöran óð að ræða ásamt
músík sem Þorsteinn Hauksson
tölvutónskáld semur í hinum heill-
andi anda örtölvutækninnar. Af-
gangur þess efnis, sem ég hef verið
að taka upp að undanförnu, er svo
örstuttar og aðskildar upplýsinga-
glefsur sem snúa að rekstri veitn-
anna, línurit og svo'eiðis nokkuð.
Ég býst við að þetta myndbandsefni
verði sýnt víða á sýningunni innan
árs, auk þess sem það hefur komið
til tals að Sjónvarpið taki einhverja
þættina til sýningar um svipað leyti
og tæknisýningin stendur yfir, en
þar er þó enn bara um hugmynd að
ræða,“ segir Baldur.
Það er Reykjavíkurborg sem borg-
ar þetta myndbandsefni að öllu leyti
og kvaðst Baldur ekki geta séð að
hér yrði um dýran hlut að ræða.
Hann segist hafa unnið þetta verk-
efni í áhlaupum allt yfirstandandi ár
og orðið margs vísari um innviði
borgarinnar, leiðslur hennar, línur
og lönguvitleysur.
„Umfram allt verður þetta þó alls-
herjar vídeósjóv," vildi hann undir-
strika að lokum og sagði í leiðinni,
„að hætti tækniidjóts á borð við
mig.“
Er joð err við?
Ólafur Laufdal
„Nei, — því ég heiti Ólafur Laufdal."
— En beitirðu nokkrum brögðum í viðskiptum eins
og hann?
„Nei, alls ekki, — síður en svo."
— Ertu ekki kominn í samkeppni við sjálfan þig með
þessu öllu?
„Nei, nei, ég er það ekki. Nú er verið að stefna á nýjan mark-
að. Það eru ólíkir hópar sem sækja þessa staði. Hins vegar má
sameina þetta á einn hátt; mikið af gestum Broadway og Holly-
wood er fólk utan af landi, og nú get ég selt því gistingu líka
á Hótel Borg. Síðan er rekstur hér allan daginn, og í rauninni op-
ið allan sólarhringinn."
— Breytist eitthvað á Borginni við þetta?
„Já, ég held það. öll þjónusta verður bætt. Allt hótelið hefur
verið tekið í gegn og bætt verður um betur hvað herbergin
varðar. Við reynum að lyfta kvöldunum upp; matarsala hefur
verið fremur lítil, þó aðsókn að deginum til sé mjög góð. Við
stefnum að því að fá fleiri matargesti á kvöldin, og reynum að
hafa eitthvað að gerast á hverju kvöldi."
— Dæmi?
„Það er ekki komið svo langt ennþá, en það er stutt í að hér
verði starfsemi á hverju kvöldi."
— Dansleikir um helgar?
„Dansleikir verða, það er víst."
— Og hvað svo með fjórða staðinn?
„Ég er að fara að byggja hótel í Ármúla, 70 herbergja hótel
og síðan verður þar stór salur sem tekur 1100 manns í sæti,
þ.e.a.s. í mat, og jafnframt verður það skemmtistaður."
— Er þetta ekki alveg brjálæðisleg bjartsýni?
„Ég get nefnt þér sem dæmi að það gerist oft í Broadway
að færri komast í sæti en vilja. Þegar góð „sjóv" eru í gangi er
pantað fimm, sex helgar fram í tímann. Ríó voru til dæmis 57
sinnum."
— Verðurðu ekki ríkasti maður á fslandi með þessu
áframhaldi?
„Ég veit nú ekkert um það, en eitthvað verður maður að hafa
út úr þessu, hvað sem öðru líður."
— Hvert stefnirðu næst?
„Ég veit það ekki, þetta er nú nokkuð gott í bili."
— Ferðu ekki að verða einráður í skemmtanabrans-
anum?
„Ég er nú búinn að vera það í dansleikjahaldinu nokkuð
lengi. Hollywood og Broadway eru, fyrir sitt hvorn hópinn, lang
vinsælustu staðirnir í Reykjavík, og mesti fjöldinn sem sækir
þá. Og ég ætla að vona að það verði ekki minni traffík á
Borginni."
— Hvert ferð þú sjálfur að skemmta þér?
„Það er nú lítið um það, en ég fer yfirleitt ekki á aðra staði,
örsjaldan sem það kemur fyrir."
— En ertu nokkurn tíma heima hjá þér á kvöldin?
„Jú, jú. Ég er meira heima á kvöldin en ég var. Þetta var of
mikið."
— En til að halda dampi, þarftu þá ekki sífellt að fá
nýjar hugmyndir?
,Jú. Jú, jú."
— Hvernig færðu þær?
„Ég veit það ekki. Ég hef þó alltaf verið fremur hugmyndarík-
ur. Öðru vísi hefði þetta ekki gengið. En annað er, að ég hef
mjög góða stjórnendur með mér, sem eru í takt við það sem
er að gerast. Það er leit að jafn hæfum stjórnendum."
— Hvert er leyndarmálið á bak við svona velgengni?
„Það er erfitt að svara því. En ég hef alltaf verið í nánum
tengslum við mína gesti, það hefur haft mikið að segja. Auk
þess hef ég þekkt vel það fólk sem er í skemmtanaþransanum
og skemmtikrafta og átt auðvelt með að fá fólk til að vinna fyrir
mig."
— Áttirðu ekki fyrstu skrefin á Borginni?
,Jú, jú, ég byrjaði sem piccalo 13 ára og lærði síðan til
þjóns."
— Ákvaðstu þetta strax þá?
„Nei, — og þó. . . maður var duglegur sem strákur að bjarga
sér og ég átti fljótt auðvelt með að vinna mér inn pening."
Ölafur Laufdal hefur fært út kvíarnar, og tekið Hótel Borg á leigu. Auk
þess rekur hann Hollywood og Broadway og stefnir að hótelbyggingu
í Ármúla. Valdamikill ( skemmtanabransanum, Ölafur Laufdal.
HELGARPÓSTURINN 3