Helgarpósturinn - 20.02.1986, Blaðsíða 22

Mín upphefð kemur ad utan, segir
í leiktexta nóbelsskáldsins og undir
það geta þeir jafnt tekið í Kuklinu og
Mezzoforte. Kuklið hélt utan í morg-
un og heldur sjö tónleika á níu dög-
um i fimm borgum: Kaupmanna-
höfn, Hamborg, Bertín, Amsterdam
og Gronigen. I Höfn leigja þau sér
sendibíl og aka síðan um þau Evr-
ópulönd er Jón Hreggviösson sótti
heim. Keyra sjálf og fyrir utan sex-
menningana verður skáldið Sjón og
hljóðmeistarinn Mel Jefferson með í
för.
Björk söngkona sagði að nokkur
ný verk væru á efnisskránni og að
sjálfsögðu léku þau ekki annálinn er
fluttur var á Borginni í útlandinu, en
þar suðu þau gömlu lögin sín í hálf-
tímagraut fyrir aðdáendurna hér
heima.
Björk sagði að þau fengju alltaf
betri viðtökur erlendis. — Það er
kannski vegna þess að þar sem
mannfjöldinn er mikill eru áheyr-
endur sérhæfðari. Þar eru djassarar
í einum hóp og pönkarar í öðrum og
þeir fara á tónleika til að heyra í sín-
um mönnum. Þeir sem koma að
hlusta á okkur erlendis koma til að
hlusta á tónlist sem þeir hafa gaman
af. Svo erum við betri þegar við leik-
um erlendis. Við erum að vísu harð-
ákveðin í hvert skipti sem við stíg-
um uppá svið hér heima að halda
jafn góða tónleika og úti. En það er
eitthvað sem kemur í veg fyrir það.
Kannski það að maður þekkir svo
marga í salnum, kannski fáum við
ekki jafn góða svörun frá hlustend-
um. Aðsóknin hér heima hefur þó
verið ágæt, en það er bara ekki nóg
af fólki sem hlustar á tónlist einsog
okkar, hún rennur ekki Ijúflega
gegnum eyrun. Annars hefur nýja
platan okkar gengið vel í Englandi og
við búumst jafnvel við að hún kom-
ist inná óháða listann.
— Heldurðu að hún komist á vin-
sœldalista rásar 2?
— Eg á ekki von á því en hefði
ekkert á móti því.
Dóra í Gramminu sagði að fleiri
og fleiri kæmust að þeirri niður-
stöðu að þeir Kuklarar væru frábær-
ir músíkantar, jafnvel þó þeim þætti
tónlist þeirra leiðinleg. — Annars
verða menn helst að sjá Kuklið á
tónleikum til að læra að hlusta á
plöturnar. Gamli Þeysarinn Sig-
tryggur trommari hefur verið upp-
götvaður að nýju. Enn einusinni eru
menn að átta sig á hversu frábær
trommari hann er.
Þá var næst á dagskrá að hringja
í úrklippuþjónustuna Miðlun þar-
sem Sigtryggur hefur atvinnu af að
Iesa blöðin og spyrja hann að
þessu. — Ertu að stríða mér, svaraði
kappinn og hló. Og hvernig leggst
ferðin í hann. — Vel. Við lékum í
Höfn og Berlín í haust og fengum
óhemju góðar viðtökur. Sérí lagi í
Höfn. Liðið sem kemur á tónleika
einsog okkar í Metropol í Berlín er
rosalega svalt lið. í Berlín er lenska
að klappa hljómsveitir ekki oftar
upp en tvisvar, sama hversu menn
eru hrifnir. Við vorum klappaðir
upp tvisvar í Berlín en ég hef ekki
töluna yfir hversu mörg aukalög við
lékum í Kaupmannahöfn, að lokum
urðum við að spinna upp lag á
staðnum. I Höfn lékum við í Ung-
domshuset — gömlu leikhúsi og þar
endum við þessa tónleikaferð þann
1. mars nk. Það er alltaf gott að spila
fyrir danskinn. Hér heima spilum
við lítið um þessar mundir því Einar
Örn er í námi erlendis, en þegar
hann kemur heim spilum við alltaf
eitthvað.
— Hvernig er að lifa aftónlistinni?
— Við erum í spilamennskunni af
hugsjón en lifum ekki af því. Við
erum öll í einhverri annarri vinnu
eða námi. Hérlendis er ekki hægt
að lifa af að leika tónlist einsog okkar
— ég hef ekki áhuga á að leika aðra
tónlist en þá sem sköpunarkraftur
minn fær útrás í — þá er betra að
lesa blöðin á launum.

NYJUNG I ORLOFSMALUM
ÍSLENDINGA
Orlofshús á Spáni
- NÚ ER ÞAÐ MÖGULEGT
Sól og hiti allt árið
Bjóðum ótrúlegt úrval af glaesilegum
húsum á hinni stórkostlegu Costa
Blanca-strönd við Miðjarðarhafið
(skammt frá Benidorm).
Costa Blanca (Hvíta ströndin) er róm-
uð fyrir fegurð og veðursæld og er
jafnframt talin hreinasta strönd Spán-
ar. Þar eru að meðaltali 315 sólardag-
ar á ári og hægt að baða sig í sjónum
fram í desember.
Raðhús eða
einbýlishús
Á miðri Costa Blanca-ströndinni
stendur fiskimannabærinn Torre-
vieja. í útjaðri þessa dæmigerða
spánska bæjar, sem telur um 30 þús-
und íbúa á veturna og margfalt fleiri
á sumrin, eru húsin okkar.
Þar getur þú að eigin smekk valið allt
frá hinum vinsælu Kasbah raðhúsum
upp í glæsileg einbýlishús.
Þessi hús eru sérlega vönduð, sniðin
að kröfum íslendinga og viðurkennd
af íslenskum arkitektum.
Verð húsanna er frá kr. 658 þús. Hús-
in afhendast fullbúin, þ.m.t. ísskápur,
eldavél, fataskápur, eldhúsinnrétting.
PÁSKAFERÐ ÞANN 26.3-9.4.
fullbúið baðherbergi, flísar á gólfum
og fullfrágenginn garður.
Óteljandi
möguleikar
Torrevieja og nágrenni hefur margt
að bjóða, meðal annars hinn glæsi-
lega 18 holu golfvöll Villa Martin,
tennis- og squashvelli, stangveiðar,
siglingar og útreiðar.
Fjöldi góðra matsölustaða og diskó-
teka.
Mikið úrval af verslunum, glæsilegur
útimarkaður og margt fleira.
Ódýrar ferðir
Á 3ja vikna fresti allt árið getum við
boðið beint leiguflug til Alicante (45
km frá Torrevieja) á mjög hagstæðu
verði.
Kynningarferðir
Við förum reglulega í sýningarferðir
svo þú getir af eigin raun kynnt þér
hvað stendur til boða. Næsta ferð
verður farin 28.2. nk.
Verð aðeins kr. 18.000.
Ath. Ferðin er ókeypis þeim sem
festa kaup á húsi.
Kynning og hvíld
Dvalið á Benidorm f 10 daga og
Torrevieja í 3 daga. Verð kr. 24.900.
Þeir sem festa kaup fá 80% ferðar-
innar endurgreitt.
Hafðu samband strax
Myndbönd, Ijósmyndir og frekari upplýsingar liggja frammi á skrifstofu okkar
á Laugavegi 28, 2. hæð. Opið frá kl. 10—17.
Ath. Opið laugardag og sunnudag frá kl. 13—17.
UMBOÐSSKRIFSTOFA
Suomi Sun Spain
Laugavegi 28, Rvk. S: 622675.
22 HELGARPÓSTURINN