Morgunblaðið - 22.12.2002, Side 31

LISTIR
MORGUNBLAÐIÐ SUNNUDAGUR 22. DESEMBER 2002 31
SIF Tulinius og Steinunn Birna
Ragnarsdóttir hafa unnið saman
um nokkurt skeið og hefur samleik
þeirra mátt heyra
meðal annars á tón-
listarhátíðinni í Reyk-
holti og víðar. Nýtt
afsprengi samvinnu
þeirra er geisladisk-
urinn Poème, með
frönskum og fran-
skættuðum verkum
fyrir fiðlu og píanó.
Á örfáum árum hef-
ur Sif Tulinius skipað
sér í röð okkar
fremstu fiðluleikara;
gegnir stöðu 2. kons-
ertmeista Sinfóníu-
hljómsveitar Íslands
og leikur með ýmsum
kammerhópum, þar á
meðal Kammersveit Reykjavíkur
og Caput. Einkenni á leik hennar
er fíngerður og fágaður tónn, mjög
hlýr; framúrskarandi bogatækni,
sem lýsir sér meðal annars í því
hve listilega hún getur skipt milli
uppstroks og niðurstroks án þess
að skilin séu heyranleg; fingrafimi,
sem gerir til dæmis erfiðustu tví-
grip létt og áreynslulaus á að
hlýða; en umfram allt músíkölsk
spilamennska, sem skiptir mestu.
Öllum þessum eiginleikum er
tjaldað til á geisladiski hennar og
Steinunnar Birnu, sem sjálf er úr-
vals píanóleikari með mikla mús-
íkgáfu. Að leika safn verka sem
samin eru fyrir flinkustu meistara
fiðlunnar er ekkert áhlaupaverk
og ekki að ástæðulausu að slík
verk eru oft kölluð fingurbrjótar,
því mörg þeirra eru beinlínis svíð-
ingslega erfið í tæknilegri út-
færslu. En meðal þessara verka
eru líka ljóðrænar perlur sem
krefjast fyrst og fremst þess mús-
íkinnsæis og ljóðrænu sem Sif og
Steinunn Birna hafa báðar í svo
ríkum mæli. Slík verk á diski
þeirra eru Melodie eftir Gluck úr
Orfeifi í undirheimum í útsetningu
Kreislers, Chopin noktúrna í cís-
moll umrituð af öðrum fiðlusnill-
ingi, Nathan Milstein, Andantino
quietoso eftir Franck, Regrets eft-
ir Vieuxtemps. Stúlkan með hör-
gula hárið eftir Debussy og Poème
eftir Chausson. Ravel á fjörmeiri
verk á diskinum, Verk í habañeru-
formi og hið sívinsæla og blóðheita
Tzigane. Á toppnum í tæknikúnst-
um er Wieniawski með Minningar
frá Moskvu, þar sem hann útfærir
rússneskt þjóðlag í til-
brigðum, sem krefjast
mikillar tækni af hálfu
fiðluleikarans. Alla
tónlist – líka þá
tæknifreku, þarf að
spila músíkalskt og
það gera þær Sif og
Steinunn Birna með
afbrigðum vel. Það er
vandalaust að bera
slíkt lofsorð á leik
þessara listakvenna.
En því betri sem lista-
menn eru, verða kröf-
urnar sem til þeirra
eru gerðar meiri. Og
það verður ekki kom-
ist hjá því að tína til
þann eina galla sem finna má á
annars frábærum leik þeirra. Í
verkum eins og Minningum frá
Moskvu þarf tæknin að vera nán-
ast fullkomin til þess að þau njóti
sín til fulls. Þótt þær fari frábær-
lega af stað verða tækniþrautirnar
undir lok verksins þeim um megn.
Þar eru tvígripin hjá Sif of gróf og
missa hljóminn og Steinunn Birna
sýnir fiðluleikaranum ekki biðlund
og er á undan í tempói.
Að öðru leyti er þessi geisla-
diskur þeirra yndislega fallegur og
ber þar hæst lag Glucks, And-
antiono Césars Francks og
Regrets eftir Vieuxtemps, listilega
músíkalskt mótuð og túlkuð af
djúpri tilfinningu. Best er þó Tzig-
ane, þrungið snerpu, skaphita og
sígaunskum losta sem þær fanga
snilldarlega í leik sínum. Umbúðir
um diskinn eru fallegar, en upplýs-
ingar um tímalengd verka misvís-
andi. Texti Elísabetar Indru
Ragnarsdóttur í pésa er bæði fróð-
legur og skemmtilegur aflestrar.
Ljóðræna og
(svolítill) losti
TÓNLIST
Geisladiskar
Sif Tulinius fiðluleikari og Steinunn Birna
Ragnarsdóttir píanóleikari leika verk fyrir
fiðlu og píanó eftir Gluck, Chopin,
Wieniavski, César Franck, Vieuxtemps,
Debussy, Chausson og Ravel.
Útgefandi: Edda útgáfa.
Poème
Bergþóra Jónsdóttir
Sif Tulinius
Opnunartími
Listasafns
Reykjavíkur
yfir jólin
KJARVALSSTAÐIR og Ás-
mundarsafn verða lokuð frá og
með mánudeginum 23. til og með
26. desember.
Hafnarhúsið verður opið til kl.
18 mánudaginn 23. desember en
lokað frá og með 24. til 26. des-
ember.
Lokað verður á gamlársdag og
nýársdag.
Þriggja
tenóra tón-
leikar á Sólon
Á ÞORLÁKSMESSU kl. 19.30
verða tenórarnir þrír að
venju með tónleika á svölum
Sólon kaffi (húsi málarans) á
horni Bankastrætis og Ing-
ólfsstrætis í boði Reykjavík-
urborgar. Tenórarnir er Jó-
hann Friðgeir Valdimarsson,
Snorri Wium og Þorgeir
Andrésson. Með þeim á píanó
leikur Steinunn Birna Ragn-
arsdóttir.
Þorláksmessuskata
mánudaginn 23. desember
Hlaðborð!