Morgunblaðið - 22.12.2002, Blaðsíða 46

FRÉTTIR
46 SUNNUDAGUR 22. DESEMBER 2002 MORGUNBLAÐIÐ
Sérhæfðir sölumenn í atvinnuhúsnæði!
FRANZ@holl.is
Hóll — Alltaf
rífandi salaAGUST@holl.is
FJÖLDI EIGNA TIL
SÖLU OG LEIGU!
Ekki hika við að hringja í
okkur félagana,
Franz, gsm 893 4284,
Ágúst gsm, 894 7230.
FJÁRFESTAR
Góðar eignir með traustum leigutökum.
Í Smáranum ca 200 fm vandað verslunarh. Traustur leigutaki,
langtímaleigusamn. Áhv. hagst. lán. 16,8 m. Leiga á mán.
325 þús. Hagst. kaup.
Laugavegur - 237 fm verslun. Traustur leigutaki.
Leiga á mán. 300 þús. Áhv. hagst. lán.
Bakkabraut í Kóp., 200 fm Eignin er öll í útleigu.
Mjög góð staðsetning. Leiga á mán. ca 200 þús.
Áhv. hagst. lán til 25 ára. Verðtilboð.
Fossaleynir - ca 740 fm vandað verslunarh. Traustur leigutaki
(Húsasmiðjan). Leiga á mán. ca 780 þús.
Áhv. hagst. lán 46 m. Góð kaup.
Stórhöfði - 347 fm vandað skrifst./lagerhúsnæði. Traustur
leigu-taki, leigusamn. til 2009. Leiga á mán. 375 þús.
Áhv. lán ca 20 m.
Í Smáranum - 237 fm vandað þjónusturými. Er í leigu til mjög
traustra aðila til 2011. Leiga á mán. 460 þús.
Áhv. hagst. lán ca 23 m.
Upplýsingar veitir
Magnús Gunnarsson í
síma 588 4477 eða 822 8242
Til leigu í Hveragerði
í hjarta bæjarins á 2. hæð ca. 100 fm húsnæði
Fyrir bókhaldsstofu, fasteignasölu, tannlækningastofu o.fl.
Tölvulagnir og símkerfi til staðar. Upplýsingar í síma 897 2681
VIÐ Tjarnargötu 35 í Reykjavík
stendur reisulegt hús, sem fyrst var
heimili listamannsins Jóns Laxdal og
síðar sjúkrahús. Undanfarin sautján
ár hefur húsið gegnt hlutverki at-
hvarfs fyrir börn og unglinga sem
eiga í vanda og er rekið af Rauða
krossinum. „Starfsemin er því í anda
Rauða krossins, þar sem mannúð er
höfð að leiðarljósi,“ segir Edda
Hrafnhildur Björnsdóttir, forstöðu-
maður hússins. Í húsinu starfa auk
hennar unglingafulltrúar í fjórum og
hálfri stöðu og 20 sjálfboðaliðar sem
skiptast á að koma síðdegis í húsið
og sinna tilfallandi verkefnum.
Að sögn Eddu er fast starfsfólk
ýmist háskólamenntað í uppeldis-
tengdum fræðum eða hefur mikla
reynslu í vinnu með börnum og ung-
lingum.
Að eiga ekki í önnur
hús að venda
„Húsið tekur á móti börnum og
unglingum sem eiga ekki í önnur hús
að venda. Fyrir því geta verið ýmsar
ástæður, erfiðleikar heima fyrir,
óregla hjá þeim sjálfum eða ofríki á
heimili þar sem beitt er uppeldisað-
ferðum sem gera það að verkum að
samskiptin ganga illa. Þá finnst okk-
ur rétt að börnin, rétt eins og þeir
fullorðnu, geti leitað til hlutlauss að-
ila sem talar þeirra máli.“
Edda Hrafnhildur segir að í
Rauðakrosshúsinu fái unglingarnir
upplýsingar um hvert þeir geta leit-
að með vandamál sín og rætt sé við
þá í fyllsta trúnaði. Ef barn er yngra
en 18 ára er undantekningarlaust
haft samband við barnaverndar-
nefnd. Hún sér síðan um að vera í
samskiptum við foreldra, skóla og
aðra aðila sem að máli barnsins
koma upp frá því. T.d. að sjá til þess
að barnið fái viðeigandi greiningu,
meðferð eða sálfræðiaðstoð sé þess
þörf. Þá segir Edda Hrafnhildur
samstarf við aðra aðila sem vinna að
hagsmunamálum með börnum og
unglingum mjög gott. „Húsið virkar
því sem athvarf eða skjól fyrir þessa
krakka, sem koma hingað að eigin
frumkvæði og vilja flest snúa sínum
málum til betri vegar. Enda er rík
áhersla lögð á það hjá okkur að þau
setji sér markmið og vinni í sínum
málum meðan þau dvelja hjá okkur.“
Edda ítrekar að dvöl þeirra í Rauða-
krosshúsinu verði alltaf að vera með
samþykki forráðamanns.
„Það eru þau sem velja sér leið, við
hjálpum þeim síðan að rata, finna
réttu tækin og tólin og læra að brúka
þau til að rata eftir. Við erum hérna
fyrir þau, til að vinna í þágu þeirra,
fyrir þeirra málstað. Og að hjálpa
þeim að axla skyldur sínar, gagnvart
foreldrum, skóla og öðru.“
Flestir gesta Rauðakrosshússins
eru á aldrinum 14-18 ára. Edda segir
að þó komi fyrir að yngri börn og
eldra fólk leiti til hússins. „Þau sem
hingað leita eru yfirleitt á þeim aldri
að hafa náð þeim þroska að geta þeg-
ið okkar hjálp til sjálfshjálpar.“
Edda Hrafnhildur segir fjölda
gesta í Rauðakrosshúsinu svipaðan
frá ári til árs, en í húsinu er pláss fyr-
ir átta gesti samtímis. Engum er þó
vísað frá, „við myndum alltaf leysa
það ef fleiri vildu gistingu,“ segir
Edda Hrafnhildur. „Eftir að ung-
lingur kemur í Rauðakrosshúsið ger-
ir hann í samvinnu við starfsmann
grófa áætlun um hvernig hann
hyggst vinna í sínum málum og
bendum við honum þá á úrræði sem
hann geta nýtt sér. Hann ákveður
kannski að stunda skólann betur,
bæta samskiptin við sína nánustu,
sækja tíma hjá félagsráðgjafa og þar
fram eftir götunum.“
Edda Hrafnhildur bendir á að oft
komi foreldrar og leiti ráðgjafar í
húsinu eða hringi og er þá fúslega
veitt hjálp. „Þetta ráðgjafarhlutverk
er mikilvægt. Hingað koma ekki allir
til að gista. Stundum lítur fólk inn og
vill fá ráð um ákveðna hluti sem við
veitum eftir fremsta megni.“ Edda
segir að þarna komi einnig Hjálp-
arsími Rauða krossins að góðum not-
um.
Vilja yfirleitt vinna
í málunum
Misjafnt er hvað unglingar sem
leita til Rauðakrosshússins dvelja
lengi. Sumir staldra aðeins við í sól-
arhring en aðrir eru lengur, allt upp í
nokkra mánuði. Þá er sömuleiðis
misjafnt hvort leiðir liggja saman
aftur síðar, en sú er þó oft raunin.
„Þegar þau koma hingað gera þau
það af fúsum og frjálsum vilja og eru
því jákvæð fyrir að vinna í sínum
málum. Við leitumst við að nota leið-
beinandi samskiptaaðferðir fremur
en boð og bönn, þannig að þau dvelja
meðan þau eru að vinna að uppbygg-
ingu lífs síns en við viljum ekki taka
þátt í að þau eyðileggi fyrir sjálfum
sér.
Sjálfsmynd gesta styrkist oft hér í
nýjum samskiptum þar sem þau eru
„andlit án fortíðar“ þ.e. þau fá tæki-
færi til að sýna allar sínar bestu hlið-
ar og draga á þann hátt fram hæfi-
leika sína.“
Edda segir að sá hópur sem leiti
endurtekið til hússins séu helst þeir
sem eru einir á báti, eigi ekki stóra
fjölskyldu og því í fá hús önnur að
venda.
„Oftast taka foreldrar því vel þeg-
ar börn þeirra leita hingað, því þau
eru með því að taka ákvörðun um að
vinna eitthvað í sínum málum. Oft er
líka gott að fá ákveðna fjarlægð og
sjá hlutina í öðru ljósi. Eftir það geta
samskiptin orðið mun betri.“
Á aðfangadag verður jólasteik á
borðum Rauðakrosshússins og er þá
ávallt von á gestum sem þar fengu að
halla höfði á árum áður. „Við finnum
fyrir miklu þakklæti frá mörgum
þeim sem hér hafa dvalið í gegnum
tíðina. Margir hafa komist til betri
vegar, aðrir glíma enn við sín vanda-
mál. En þeir gleyma okkur ekki og
kíkja stundum inn og heilsa upp á
okkur,“ segir Edda að lokum.
Edda Hrafnhildur Björnsdóttir forstöðumaður.
Morgunblaðið/Golli
Svanur Smith unglingafulltrúi við Hjálparsímann.
Hjálparsími Rauðakrossins og Rauðakrosshúsið opið yfir hátíðirnar
„Skjól fyrir unglinga í vanda“
Rauðakrosshúsið, neyð-
arathvarf fyrir börn og
unglinga, er opið allan
ársins hring. Þar verður
jólasteik á borðum líkt
og á hverju öðru heimili.
Einnig verður einhver
við Hjálparsímann yfir
hátíðarnar eins og alla
aðra daga.
HIN árlega úthlutun úr Afreks- og
styrktarsjóði Akureyrar fer fram í
hófi sem haldið verður í Íþróttahöll-
inni mánudaginn 30. desember nk.
kl. 16. Auk úthlutunar úr sjóðnum
verður nokkrum einstaklingum veitt
sérstök viðurkenning og einnig verð-
ur öllum þeim Akureyringum er
unnið hafa til Íslandsmeistaratitils á
árinu 2001 afhentur minnispeningur
íþrótta- og tómstundaráðs. Þá verð-
ur og tilkynnt val Íþróttabandalags
Akureyrar á íþróttamanni ársins.
Árangur akureyrskra íþrótta-
manna var góður á árinu. Sam-
kvæmt þeim upplýsingum sem bor-
ist hafa til stjórnar sjóðsins hafa 239
Íslandsmeistaratitlar unnist á árinu
og einnig voru margir Akureyringar
valdir til að leika með landsliðum í
hinum ýmsu íþróttagreinum. Það er
von Íþrótta- og tómstundaráðs að
þessir glæsilegu afreksmenn og
þjálfarar þeirra sjái sér fært að
koma til athafnarinnar. Góðar veit-
ingar verða fram bornar í boði
Akureyrarbæjar.
Akureyrskir íþrótta-
menn heiðraðir
239 Íslands-
meistaratitl-
ar á árinu
FJARSKIPTASAMBAND á einni
vinsælustu gönguleið landsins,
Laugaveginum svokallaða, milli
Landmannalauga og Þórsmerkur,
hefur verið stórbætt með uppsetn-
ingu tveggja endurvarpa fyrir tal-
stöðvar í sumar. Annar þeirra er
staðsettur á Reykjafjöllum og er á
rás 42. Mun hann þjóna Ferðafélagi
Íslands og björgunarsveitum og nýt-
ast skálavörðum, gönguhópum og
farartækjum og þannig auka öryggi
ferðamanna. Hinn endurvarpinn er á
Háskerðingi og er á rás 46. Er hann
ætlaður björgunarsveitum, Lands-
sambandi íslenskra vélsleðamanna
og jeppaklúbbnum 4x4.
Á Laugaveginum er lélegt NMT
símasamband og lítið sem ekkert
GSM samband. Eru vonir bundnar
við að bætt talstöðvasamband muni
bæta verulega þar úr.
Stórbætt tal-
stöðvasamband
á Laugaveginum
STARFSFÓLK Hjálparsíma Rauða
krossins sinnti 484 símtölum fyrstu
24 dagana sem símalínan var starf-
rækt. Símalínan hefur verið starf-
rækt frá 19. nóvember sl. og er
samstarf barna- og unglingageð-
deildar, Neyðarlínunnar og Rauða
krossins sem áður hélt úti Trún-
aðarsímanum fyrir börn og ung-
linga. 93 þeirra sem hringdu fyrstu
24 dagana voru í sjálfsvígshugleið-
ingum og er það mikil meðaltals-
fjölgun frá því sem verið hefur að
sögn Eddu Hrafnhildar Björns-
dóttur, forstöðumanns Rauðakross-
hússins, þar sem aðstaða Hjálp-
arsímans er til húsa. „Þörfin er
greinilega mikil,“ segir Edda. Í
Hjálparsímann er hringt með hvers
konar vandamál. Einnig hringja
þangað margir eftir ráðgjöf vegna
vina og vandamanna sem þeir telja
í vanda stadda.
Hjálparsíminn er opinn allan sól-
arhringinn fyrir þá sem þurfa að-
stoð vegna depurðar, kvíða, þung-
lyndis eða sjálfsvígshugsana.
Þangað geta allir leitað, ungir sem
gamlir, þegar sálræn vandamál
virðast þeim um megn.
Góð reynsla af
Hjálparsímanum
OPNUÐ hefur verið sölusýning á
verkum eftir 10 listamenn í Lista-
koti í Vestmannaeyjum. Verkin eru
sprottin af mörgum rótum en eru
þó flest landslagsmyndir, myndir af
bátum og húsum í Eyjum, en einnig
kennir þar ýmissa annarra tegunda
verka. Hópurinn sem stendur að
sýningunni samanstendur af fólki
sem á einn eða annan hátt kemur að
rekstri Listakots eða sækir nám-
skeið til Steinunnar Einarsdóttur
listamanns sem undanfarin ár hef-
ur staðið fyrir námskeiðum í Vest-
mannaeyjum, á Hornarfirði og
fleiri stöðum um landið. Sýningin
stendur til jóla. Á myndinni má sjá
hvar listamennirnir eru að und-
irbúa sýninguna. Frá vinstri:
Tryggvi Jónasson, Ólöf Waage,
Hilmir Högnason aðstoðarmaður
og Alda Björnsdóttir.
Morgunblaðið/Sigurgeir
Myndlistarsýn-
ing í Listakoti
Vestmannaeyjum. Morgunblaðið.
♦ ♦ ♦