Morgunblaðið - 08.01.1974, Blaðsíða 11
MORGUNBLAÐIÐ, ÞRIÐJUDAGUR 8. JANUAR 1974
11
Sjötugur:
Johan Ellerup
apótekari Keflavík
SVO er sagt, að eldri mönnum
bregði við, þegar þeir í fyrsta sinn
heyra sagt um sig, að þeir séu
gamlir. Þetta á a.m.k. ekki við um
vin minn Johan Ellerup þvf enn
er hann ungur og hress á likama
og sál þrátt fyrir 70 árin.
Kynni okkar Johans hófust þeg-
ar hann tók við störfum apótek-
ara í Keflavík árið 1950, en hinni
ágætu konu hans, Astri, hafði ég
þekkt frá æskuárum eins og
bræður hennar, Forbergsbræð-
urnar, sonu Olavs Forbergs,
fyrsta símastjóra á íslandi.
Johan aflaði sér fljótt vinsælda
í Keflavík sem apótekari og sem
maður. Hann er miklum hæfileik-
um gæddur og varð fljótlega kjör-
inn til margvíslegra trúnaðar-
starfa fyrir bæjarfélagið. Þannig
hefur hann verið um árabil at-
kvæðamikill í heilbrigðisnefnd og
umferðarnefnd Keflavíkur og
fleiri nefndum bæjarins.
Hann er félagslyndur og tekur
drjúgan þátt í ýmsum félagasam-
tökum. Þannig hefur hann setið í
stjórn Krabbameinsfélags Kefla-
víkur og verið gjaldkeri Norræna
félagsins í Keflavík frá stofnun
þess með frábærri kostgæfni.
Hann situr nú í varastjórn Nor-
ræna félagsins á Islandi. Þegar
það féll í hlut Keflavíkurbæjar að
halda hér vinabæjamót 1968, var
Johan sjálfkjörinn framkvæmda-
stjóri þess vegna dugnaðar síns og
skipulagshæfileika. Undirbúning-
ur allur og framkvæmd hans á
mótinu var með svo miklum ágæt-
um, að orð var á haft bæði af
hinurh erlendu gestum og heima-
mönnum.
Fljótlega eftir komu sína til
Keflavíkur gerðist Johan félagi í
Rotaryklúbb Keflavíkur og hefur
gegnt þar forsetastörfum sem og
ritara- og gjaldkerastörfum og
leyst öll þessi störf af hendi með
mikilli prýði.
Frú Astri hefur búið manni sín-
um fallegt og vistlegt heimili, sem
er vinum þeirra og öðrum gestum
kær samkomustaður, enda eru
hjónin bæði samhent og gestrisin
með afbrigðum.
Spakur maður hefur sagt, að
aldurinn sé ekki undir árafjöld-
anum kominn, heldur undir and-
legri og líkamlegri heilsu manns-
ins. Þessi orð eiga vel við afmælis-
barnið í dag því það á þeirri gæfu
að fagna, að eiga enn hvort
tveggja, góða andlega og líkam-
lega heilsu í ríkum mæli.
Kona mín og ég færum afmælis-
barninu og konu hans innilegar
hamingjuóskir í tilefni afmælis-
ins með þeirri ósk, að Johans
megi enn lengi við njóta um leið
og við þökkum vináttu þeirra nú
um tæpan aldarf jórðung.
Alfreð Gíslason.
I dag verður Johan Ellerup 70
ára. Mér finnst varla hægt að láta
þennan merkisáfanga í lífi þessa
vinar míns hjá líða án þess að
minnast hans að nokkru, enda er
vinátta okkar orðin um það bil 40
ára. Þegar ég bjó ásamt fjölsk.
minni á Seyðisfirði um nokkur ár,
hófust okkar kynni, sem leiddu til
vináttu er staðið hefur óslitið síð-
an.
Þaðvar eiginlega frú Astris, sem
átti frumkvæðið að þessum kynn-
um, en hún er innfæddur Reyk-
víkingur, dóttir Forbergs land-
simastjóra og þótt hún sé talsvert
yngri en ég, þekktumst við vitan-
lega, í sjón að minnsta kosti. Þeg-
ar við svo fluttum til Seyðisfjarð-
ar þar sem við þekktum engan,
bauð Astrid okkur heim til sín og
varþaðupphaf vináttu milli heim
ilanna. Oteijandi eru þær
ánægjustundir, sem við
minnumst frá apótekinu á Seyðis-
firði. Johan tók okkur þegar í stað
tveim höndum með sinni rólegu
alúð, sem haldist hefur alla tíð,
enda finnst mér hann hafa breyst
mjög litið á þessum tæplega 40
árum, sem siðan eru liðin.
Johan er fæddur á Jótlandi og
ber ýmis einkenni, sem í Dan-
mörku eru talin einkenni Jóta.
Þeir eru taldir rólyndir, þraut-
seigir, velviljaðir, áreiðanlegir og
hafandi mjög glöggt skopskyn. Ég
held ekki ég þekki neinn, sem
þessi lýsing á betur við um heldur
Johan Ellerup.
Johan varð stúdent 17 ára og
lauk kandidatsprófi frá apó-
tekaraháskólanum í Kaupmanna-
höfn 1926. Til íslands kom hann
1928 og tók þátt i undirbúningi að
stofnun Iðunnarapóteks 1929 og
starfaði þar í ein 2 ár. Hann var
siðan í heimalandi sínu um 2 ár og
á þvi tímabili, eða nánar tiltekið
22. nóv. 1930 giftust þau Johan og
Astrid.
Arið 1932 losnaði apótekið á
Seyðisfirði og yfirtók Johan það
þá. Á þeim árum voru erfiðirtím-
ar á íslandi, kreppan i al-
gleymingi og þó vist hvergi eins
slæm og á Austfjörðum. Það mun
þvi síður en 'svo hafa verið árenni-
legt að hefja starf á þessum tima
og á þessum stað og það í fram-
andi landi. Með útsjónarsemi og
dugnaði tókst honum að koma á
fót allviðtækri starfsemi í sam-
bandi við apótekið, efnagerð,
framleiðslu á tyggigúmmíi o.fl. og
allt dafnaði og þreifst i höndum
hans. Þaðvar ævintýri likast.
Oft var leitað til apótekarans
þegar eitthvað amaði að skepnum
og vissi ég að hann var stundum
sóttur til að lækna kýr, aðstoða
við erfiðan burð eða að vana
hesta. Þessi hæfni hans við dýra-
lækningar mun sumpart vera
meðfædd og í samræmi við allt
skapferli hans, en sitthvað mun
hann hafa séð og numið af föður
sínum, sem var dýralæknir.
íslenzku lærði Johan þegar
hann hafði ákveðið að segjast
hér að og talar hana með ágætum,
þótt heyra megi á hreimnum, að
hann er ekki innfæddur. Islenzk-
an ríkisborgararétt sótti hann um
og fékk, rétt eftir hingaðkomuna.
Árið 1950 verða mikil þáttaskil
Höfum kaupendur
að tvíbýlishúsi á hitaveitu-
svæðinu í Reykjavík eða 2
ibúðum
Útb. 3 millj.
Kvöldsími 42618.
í lifi þessa vinafólks okkar, því þá
flyst fjölskyldan til Keflavíkur.
Þar stofnsetti Johan Keflavíkur-
apótek, sem hann rekur enn. Það
er sömu söguna að segja þar eins
og fyrir austan, allt virðist leika I
höndum hans, og Johan Ellerup
breytist ekki, mér finnst hann
vera alveg eins og hann var, þegar
ég fyrst kynnntist honum, fyrir
nærri 40 árum.
Margt hefur þó breyst á þessum
árum, börnin öll gift og gengin út,
2 synir i Ameríku, 1 sonur og
dóttirin hér heima. Enn eigum við
stundum glaðar stundir saman i
apótekinu i Keflavík, þar sem
Framhald á bls. 17.
18830
Höfum kaupendur
að 3ja herb íbúðum í
Norðurmýri.
Höfum kaupendur
að 2ja og 3ja herb. íbúð-
um í Háaleitishverfi eða
Hlíðum.
Höfum kaupendur
að 3ja og 4ra herbergja
íbúðum í Teiga eða Laug-
arneshverfi.
Höfum til sölu
ýmsar gerðir fasteigna
víðsvegar um borgina.
Fasteignir og
fyrlrtæki
Njálsgötu 66
á horni Njélsgötu
og Snorrabrsutar.
Símar 18830 — 19700.
Heimasimar 71247 og 12370
HÖFIIM FEHGIÐ TIL SÖLU MJÖG VANDAÐAR
K
I
ENGJASEL
Í BREIDHOLIIII.
Stigahúsið er þrjár íbúðarhæðir og
kjallari, með rúmgóðum 3ja og 4
— 5 herbergja íbúðum á hverri
hæð.
I kjallara er bílahús af fullkominni
gerð.
Hér er því um hús af vönduðustu
gerð að ræða, með fallegu útsýni.
Byggingaraðili:
Birgir R. Gunnarsson s.f.
MuniÓ aÓ
FASTEIGN ER VIRKASTA VÖRNIN GEGN VERÐBÓLGU.
Fasteignaþjónustan
Austurstræti 17 — sími 26600