Morgunblaðið - 09.11.1978, Blaðsíða 23

MORGUNBLAÐIÐ, FIMMTUDAGUR 9. NÓVEMBER 1978
23
negent btreet í London er nú að komast í jólabúning. Vegna orkukreppunnar í heiminum hefur
jólaskreytinxin þar ekki verið ljósum prýdd undanfarin fjöKur ár, en nú verður breyting þar á. Karl prins
kveikir jólaljósin á þriðjudaj? í næstu viku, en þann dag verður hann þrítugur.
Sambandsflokkurinn
sigurvegari kosn-
inganna í Færeyjum
Sambandsflokkurinn vann
kosninj;arnar til LögþinKsins í
Færeyjum í fyrradaj?. Fékk flokk-
urinn 5.950 atkvæði og 8 menn
kjörna og er fylgisaukning
flokksins 7,1%. Framboðs- og
fiskvinnsluflokkurinn, sem áður
hét Framboðsflokkurinn. mcð
Kjartan Mohr sem fremsta mann
og eina lögþingsmann, jók einnig
Veður
víða um heim
Akureyri 5 skýjaó
Amsterdam 12 heiðskírt
Apena 18 skýjað
Barcelona 16 pokumóða
Berlín 6 heiöskírt
Brdssel 16 heiðskírt
Buenos Aires 21 heiöskírt
Chicago 11 heiöskírt
Franklurt 4 skýjað
Genf 8 skýjað
Helsinki, 6 skýjað
Jerúsalem 19 skýjað
Jóh.borg 24 heiðskírt
Kaupm.höfn 14 skýjað
Lissabon 21 rigning
London 17 heiðskírt
Los Angeles 29 heiðskirt
Madrid 14 rigning
Malaga 20 mistur
Mallorca 19 skýjað
Míami 27 rigning
Moskva +1 snjókoma
New York 15 skýjaö
Ósló 7 skýjað
Rio de
Janeiro 30 heiöskírt
Róm 9 heiðskírt
Stokkhólmur 10 skýjað
Tel Aviv 23 skýjað
Tókýó 20 heíöskirt
Vancouver 12 skýjað
Vínarborg 7 skýjað
fylgi sitt. Flokkurinn fékk 1393
atkvæði og 2 menn kjörna.
Fylgisaukning flokksins er 3,G%
og Kjartan Mohr sem nú nálgast
áttræðisaldurinn var kosinn á ný.
Sjálfstjórnarflokkurinn (Sjálv-
stýriflokkurinn) hélt sínum hlut.
Flokkurinn fékk 1624 atkvæði og
7,2% atkvæðanna. Sjálfstjórnar-
flokkurinn fékk einnig 2 menn
kjörna í þetta skiptið. Stjórnar-
flokkarnir misstu allir fylgi. Þjóð-
veldisflokkurinn missti þó minnst,
hann fékk 4,604 atkvæði og 20,3%
atkvæða. Fylgistap Þjóðveldis-
flokksins var 2,2%. Flokkurinn
fékk 6 menn kjörna á hið nýja
Lögþing. Fólkaflokkurinn missti
fylgi sem svarar 2,6% en hann
fékk 4.062 atkvæði eða 17,9%.
Fólkaflokkurinn fær 6 menn
kjörna en hafði áður 5. Sósíaldem-
ókratarnir töpuðu mestu fylgi eða
3,4%., Flokkur þeirra fékk 5.079
atkvæði eða 22,4%. Sósíaldemó-
kratarnir fá 8 menn kjörna en
höfðu 7 menn áður.
Ofangreindar tölur eru birtar
áður en endanlegri talningu er
lokið. Lokatalningin getur raskað
nokkru um skiptingu þingsæta
milli flokka. Samkvæmt hinum •
nýju lögum eru 27 menn kjör-
dæmakjörnir en uppbótarþing-
menn, samkvæmt hinum nýju
kosningalögum, verða aðeins 5 á
móti 10 áður. 32 menn eru nú á
Lögþinginu. Aður voru 20 menn
kjördæmakjörnir og uppbótar-
þingmenn gátu orðið allt að 10.
Sambandsflokkurinn fær einn
uppbótarþingmann á norðureyjun-
um, Fólkaflokkurinn fær uppbót-
armann á Norður-Straumey, Sjálf-
stjórnarflokkurinn einn á Suð-
ur-Straumey og Framboðs- og
fiskvinnsluflokkurinn fær einn
uppbótarþingmann á Suð-
ur-Straumey.
Tvær konur, Jona Henriksen og
Karin Kjölbro, voru í fyrsta skipti
í sögu Lögþings Færeyja kosnar á
þing.
Helslu breytingarnar sem orðið
hafa við kosningarnar eru að
Þjóðveldisflokkurinn missti þing-
mann sinn á Suðurey, Sósíaldemó-
kratar misstu sinn mann á Sandey
og Fólkaflokkurinn missti þing-
mann sinn á Vagey. Kosningaþátt-
taka var 85,5%.
Öfgasamtök
gegn eiturlyfjum
Róm. 8. nóvember — AP
ÍTALSKA lögreglan skýrði frá
því í dag að samtök öfgasinnaðra
vinstrimanna hafi staðið að árás-
um og morðum á mönnum. sem
tengdir hafa verið eiturlyfjaverzl-
un í Róm og Milano. Hafa samtök
þessi lýst sig ábyrg fyrir að
minnsta kosti tveimur morðum
undanfarna fimm mánuði.
Samtökin nefna sig „Vopnaða
alþýðan", og barst lögreglunni í
dag tilkynning um að þau hefðu
staðið að morðinu í gær á kaup-
manni í Milano, sem fyrir tveimur
árum var sýknaður af ákæru um
aðild að eiturlyfjasölu. Þá hafa
samtökin í Róm játað að hafa
myrt mann grunaðan um eitur-
lyfjasölu þar á nýliðnu sumri.
Lögreglan segir að samtök þessi
hafi starfað í um tvö ár. í fyrstu
handleggsbrutu þeir þá, sem álitn-
ir voru stunda eiturlyfjasölu, síöar
beittu samtökin skotvoþnum til að
særa hina grunuðu og loks nú er
dauðadómi beitt.
Þetta gerðist
1971 — Kínverskir kommúnist-
ar í fyrsta sinn til S.Þ.
19G5 — Lög um afnám dauða-
refsingar í Bretlandi taka gildi.
1912 — Þýzkt herlið sækir inn í
Vichy-Frakkland — Banda-
ríkjamenn umkringja Oran í
Alsír.
1938 — Nazistar kveikja í
•bænahúsum, heimilum og verzl-
unum Gyðinga.
1918 — Bylting í Berlíni Max
prins segir af sér og Vilhjálmur
keisari leggur niöur völd —
Lýðveldi stofnað í Bæjarlandi.
1882 — Egyptaland undir sam-
eiginlega stjórn Breta og
Frakka.
1799 — Napoleon steypir
frönsku byltingarstjórninni.
1794 — Rússar sækja inn í
Varsjá.
1G81 — Þingið í Oldenburg
veitir ungverskum mótmælend-
um trúarfreisi — Frakkar setj-
ast uin Luxemborg.
1580 — ítalir og Spánverjar
ganga á land á írlandi.
1569 — Uppreisn Norðurjarla
hefst á Englandi.
1541 — Katherine Howard
drottning flutt í Tower — Franz
I. af Frakklandi gerir bandalag
við Dani.
Afmæli dagsinsi Ivan Turgenev,
rússncskur rithöfundur
(1818-1883).
Innlenti ísland tekið í SÞ 1946
— D. Ari fróði Þorgilsson 1148
— Skúli Magnússon landfógeti
1794 — „Gúttó-slagur“ 1932 —
Magnús Guðmundsson dóms-
málaráðherra dæmdur í 15 daga
fangelsi (sekur fundinn í gjald-
þrotsmáli; segir af sér og seinna
sýknaður) — F. Magnús Ás-
geirsson 1901.
Orð dagsinsi Hin sanna auðiegð
mannsins felst í hinu góða sem
hann lætur af sér leiða í lífinu
— Múhameð (570-632 e. Kr.)
Metast um völdin
Salisbury, Rhódesíu, 8. nóv. AP
ÆTTARHÖFÐINGINN Kayisa
Ndiweni hefur sagt af sér ráð-
herraembætti í bráðabirgða-
stjórninni í Rhódesíu vegna
ágreinings um skiptingu ráð-
herraembætta milli ættflokka
þegar blökkumenn taka við völd-
um þar í landi. Jafnframt sagði
Ndiweni sig úr ZUPO-flokknum,
sem er talinn íhaldssamastur
þeirra þriggja flokka blökku
manna, sem aðild eiga að ríkis-
stjórninni. Kvaðst Ndiwcni segja
af sér vegna þess að í nýju
stjórnarskránni, sem verið er að
semja, væri ekki gert ráð fyrir
nægri aðild Matabele-ættflokks-
ins í væntanlegri ríkisstjórn. „Ég
er á förum heim til Matabelelands
til að hugsa málið,“ sagði hann.
Talsmeun stjórnarinnar í
Salisbury skýrðu fpá því í fyrri
viku að töf yrði á þvi að nýja
stjórnarskráin yrði lögð fram
vegna þess að Matabele-fulltrúar
krefðust helmings þeirra 72 sæta,
sem ætluð eru blökkumönnum, en
alls verða þingsætin 100. Matabele
er minnihlutaþjóð í Rhódesíu, og
er Mashona-ættflokkurinn sex
sinnum fjölmennari.
Ndiweni er annar blökkumaður-
inn, sem hverfur úr bráðabirgða-
stjórninni í Salisbury frá því hún
tók við fyrir átta mánuðum. Þykir
afsögn hans táknræn fyrir þá
sundrungu, sem ríkir meðal full-
trúa blökkumanna innbyrðis.
Flugvélin f órst vegna
vanrækslu fiugstjórans
FYRIIÍ skömmu dæmdi ítalsk-
ur dómstóll flugstjóra banda-
rískrar farþegaþotu í fjögurra
mánaða fangelsi fyrir van-
rækslu í starfi. en þota hans
fórst í lendingu við Mílanó
fyrir þremur árum. Að auki
fékk flugstjórinn skilorðshund-
inn dóm í eitt ár. Um 30
farþegar og nokkrir úr áhöfn-
inni slösuðust í slysinu. og
þotan brotnaði í tvennt.
Það var 22. desember 1975 að
þota af gerðinni Boeing 707 frá
Trans World Airways flugfélag-
inu fór út af flugbrautinni og
brotnaði í tvennt á Mal-
pensa-flugvellinum við Mílanó.
Vélin var að koma frá New York
og um borð voru 113 farþegar
flestir ítalir á leið heim í jólafrí,
og níu manna áhöfn.
Fyrsta tilraun til lendingar
mistókst þar sem ekki sá fram
fyrir vélina fyrir þoku. í annarri
tilraun tókst flugstjóranum að
lenda flugvélinni, en ekki betur
en svo að hún fór út af brautinni
og brotnaði í tvennt áður en hún
staðnæmdist.
Samkvæmt reglum TWA
mega flugmenn félagsins ekki
lenda flugvélum við eins slæmar
aðstæður og voru þennan dag á
Malpensa-flugvellinum. Sagði
dómstóllinn, að flugstjórinn
hefði brotið þessar reglur og
bæri hann ábyrgð á slysinu.
Aðstoðarflugstjórinn á flugvél-
inni hélt því fram við réttar-
höld, að flugvélin hefði farið út
af brautinni vegna ótrausts
lendingarbúnaðar. Sérfræðingar
sem rannsökuðu slysið drógu þá
fullyrðingu aðstoðarflugstjór-
ans í efa.
Noregur:
Drjúgt
framlag til
bamahjálpar
Ósló, 8. nóv.
Frá Jan Erik Laure.
fréttaritara Mbl.
NORÐMENN seildust djúpt í
peningabuddur sínar um helgina
og söfnuðu um það bil 45 nilljón-
um norskra króna til styrktar
alþjóðlegri barnahjálp. Um
70.000 manns gengu hús úr húsi í
landinu og söfnuðu sem nemur
2,8 milljörðum íslenzkra króna.
Anna Bretaprinsessa hleypti
söfnuninni af stokkunum í
Noregi, en hún er forseti barna-
hjálpar í Bretlandi.
Norska sjónvarpið styrkti
söfnunina og var með sérstakar
útsendingar í tilefni söfnunarinn-
ar á sunnudaginn. Anna prinsessa
kom þar m.a. fram og flutti
þjóðinni ávarp í beinni útsend-
ingu.
Að meðaltali gaf hver Norð-
maður um 10 norskar krónur til
söfnunarinnar. Söfnunarfénu
verður varið til að klæða og
mennta börn í vanþróuðum ríkjum
svo og til meðalakaupa og læknis-
hjálpar.