Morgunblaðið - 04.02.1988, Blaðsíða 59

59
MORGUNBLAÐIÐ, FIMMTUDAGUR 4. FEBRÚAR 1988
Eyjólfur var farsæll maður bæði
í lífí og starfí. Hann sigldi skipi
sínu ávallt heilu í höfn og honum
var lagið að sigla milli „skers og
báru“, jafnt til sjós og lands.
Eyjólfur kvæntist 22. nóvember
1946 Ragnheiði, f. 29. október
1911, Guðjónsdóttur járnsmíða-
meistara í Reykjavík, Jónssonar og
konu hans, Halldóru Hildibrands-
dóttur. Þau eignuðust eina dóttur,
Guðmundu, f. 20. febrúar 1947.
Hún vinnur á skrifstofu borgarfóg-
eta í Reykjavík.
Ragnheiður andaðist 28. mars
1983. Margs er að minnast fyrir
mig, sem naut svo margs góðs frá
mínum góða frænda, er hann kom
með ýmislegt frá útlöndum, eða ég
ferðaðist, bjó og borðaði í skip-
stjórasvítunni, hvort heldur ég var
lítil, stór eða með barn og eigin-
mann, var ég alltaf jafn hjartanlega
velkomin. Einnig bjó ég mín fyrstu
hjúskaparár í íbúð sem hann inn-
réttaði fyrir okkur í húsi sínu á
Fomhaganum. Vináttu hans hef ég
og fjölskylda mín notið alla tíð.
Það er mikill sjónarsviptir sem
orðinn er, þegar hann kveður,
síðastur systkina sinna, mér finnst
að hurð hafí verið lokað fyrir svo
stórt svið af ævi minni, því það
líkist enginn þeirri kynslóð sem
hverfur með honum. Þess vegna
vil ég kveðja hann með þakklátum
huga og biðja hann að skila kveðju
yfir móðuna miklu, sem enginn
veit hvemig er, en er.
Ég og fjölskylda mín sendum
Mundu innilegar samúðarkveðjur.
Hulda
Karítas Þórðar-
son - Minning
Fædd 2. október 1902
Dáin 23. janúar 1988
Til að vera hjá þér
allt vildi ég bera
föðurlaus, vinalaus
félaus að vera.
Mig langar til þín
eins og lækinn til stranda
eins og svöluna á haustin
til suðrænna ianda -
eins og íslending dreymi
undir erlendum hlyni
um mjallhvita jökla
í mánaskini.
(Þýð. Magnús Ásgeirsson)
Þessar ljóðlínur koma í hugann
og tengjast minningunum um vin-
konu okkar, Karitas, sem við
kveðjum nú í dag og viljum minnast
nokkmm orðum. Hugurinn hverfur
til baka til þeirra ára sem við störf-
uðum saman við eina kunnustu og
virtustu tískuverslun bæjarins,
„Feldinn".
Varla er hægt að nefna þá versl-
un nema mynd Karitasar komi upp
í hugann, svo samtengd var hún
starfsemi fyrirtækisins, því þar
starfaði hún frá upphafí og átti
langan og giftudijúgan starfsferil.
Það er gæfa hvers fyrirtækis að
hafa á að skipa hæfum starfsmönn-
um sem hvort tveggja búa yfír
fagþekkingu og hæfíleikum til að
nýta hana í mannlegum samskipt-
um. Afgreiðsla, sölutækni og
þjónusta spannar vítt svið mann-
legra samskipta og reynir mjög á
alla þætti samvinnu. Þar var Karit-
as öðmm fremri.
í stómm hópi starfsfólks var hún
sú sem allir leituðu til, meira eða
minna. Hún var menntuð í verslun-
arstörfum og sölutækni bæði í
Kaupmannahöfn og París og hafði
til að bera frábæra fagþekkingu og
það sem meira var, hún hafði hæfí-
leika til að miðla henni til annarra.
Karitas var fagurkeri um allt það
sem viðkom listum, sérstaklega var
smekkvísi hennar varðandi tísku og
klæðaburð rómuð og í þjónustu
sinni var hún listamaður.
Hún var „dama“ í besta skilningi

þess orðs — hafði til að bera per-
sónutöfra, ríka kímnigáfu en
umfram allt hjartahlýju. Hún var
hefðarkona er bar með sér andblæ
evrópskrar siðmenningar, heims-
myndar sem liðin er undir lok. Það
voru mikil forréttindi að fá að um-
gangast og starfa með þessari konu
sem hafði svo menntandi og auðg-
andi áhrif á umhverfí sitt.
Við fundum að við vorum að
bergja af brunni heimsmenningar í
návist hennar. Mörg eru þau mínn-
ingabrotin sem raðast saman um
fæmi hennar í starfí svo og minn-
ingar um ógleymanlegar stundir
sem við áttum saman utan vinnu-
tímans. Þar nutu töfrar hennar sín
til fulls.
Hún var félagi og vinur, stolt og
viðkvæm í lund og kunni að gera
andrá augnabliksins að ævintýri því
að hún kunni þá list að gæða hvers-
daginn lífí og lit.
Uppeldi hennar og langar dvalir
erlendis mótuðu persónu hennar svo
þess gætti ávallt í fasi hennar og
framkomu að þar var heimsborgari
á ferð. En ísland átti hug hennar
og hjarta og hér kaus hún að lifa
og starfa. Hér vann hún sitt lífsstarf
og markaði sín spor.
Að lokum færum við henni þakk-
ir fyrir allt sem hún var og felum
hana algóðum Guði. Megi kærleikur
hans umvefja hana og leiða.
Lóa og Ester
Birting afmælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á- í miðvikudagsblaði að
berast síðdegis á mánudegi og hliðstætt er með greinar aðra daga.
í minningargreinum skal hinn látni ekki ávarpaður. Ekki eru tek-
in til birtingar frumort ljóð um hinn látna. Leyfílegt er að birta ljóð
eftir þekkt skáld, 1—3 erindi og skal þá höfundar getið. Sama gildir
ef sálmur er birtur. Meginregla er sú, að minningargreinar birtist
undir fullu nafni höfundar.
Við birtingu afmælisgreina gildir sú regla, að aðeins eru birtar
greinar um fólk sem er 70 ára eða eldra. Hins vegar eru birtar af-
mælisfréttir með mynd í dagbók um fólk sem er 50 ára eða eldra.
Mikil áhersla er á það lögð að handrit séu vel frá gengin, vélrituð
og með góðu línubili.
VERÐLÆKKUN
omegasImkerfi
frá fyrirtækinu Iwatzu
Georg Ámundason & Co.
Suðurlandsbraut 6, sími 681180 og 687820.
Við efnum til stórkostlegrar
BÓKAÚTSÖLU
frá og með 30. janúar - 13. febrúar í verslun
okkar að Síðumúla 11. Opið frá 9-18,
nema 10-16 á laugardögum.
Á útsölunni verða boðnar
ÚRVALSBÆIWR A ÓTRÚLEQA LÁQU VERÐI,
MEÐ ALLTAÐ 80% afslætti.
Það verður enginn fyrir vonbrigðum, hvorki
með verð né vörugæði.
Lítið útlitsgallaðar bækur
verða einnig á boðstólum. Sumar þeirra eru
nánast nýjar en seldar með ótrúlegum
afslætti vegna smávægilegra útlitsgalla.

ORN OG ORLYGUR
Síðumúla 11, sími 84866