Morgunblaðið - 04.02.1988, Blaðsíða 68

68
MORGUNBLAÐIÐ, FIMMTUDAGUR 4. FEBRÚAR 1988
OI«g Blochln.
Mm
FOLK
■ STEFÁN Araaldsson og Ól-
afur Haraldsson, handknattleiks-
dómarar frá Akureyri, eru famir
til Noregs þar sem þeir dæma tvo
vináttulandsleiki um helgina. Það
eru Norðmenn sem fá Dani í heim-
sókn. Leikimir fara fram í Alta og
Tromsö í norðurhluta Noregs.
■ KEITH Burkinshaw var í
gær rekinn úr starfí sínu hjá portú-
galska 1. deildarfélaginu kunna
Sporting Lissabon. Burkinshaw
hefur aðeins þjálfað liðið í eitt ár.
Sporting er nú í áttunda sæti, 13
stigum á eftir Porto, og tapaði um
helgina 0:4 gegn Penafíel. Þessi
frammistaða þykir ekki viðeigandi
hjá félagi sem almennt er talið eitt
þeirra þriggja stóru í landinu, ásamt
Porto og Benfica. í gær var An-
tonio Morais, fyrrum aðstoðar-
þjálfari landsliðsins, ráðinn þjálfari
Sporting út tímabilið. Burkinshaw
var um árabil stjóri hjá Tottenham
á Englandi.
■ JAPANSKA stúlkan Ayako
Okamoto, sem var kven-kylfíngur
ársins í fyrra og sú sem þénaði
mest á árinu í keppni, byijaði árið
1988 heldur illa. Hún gleymdi að
skrá sig í fyrsta mótið! Okamoto
verður því ekki með á mótinu sem
fer fram í Stonebridge í Flórída
um helgina.
■ DAVE Stringer, fram-
kvæmdastjóri Norwich, hafnaði
tilboði frá Tottenham í gær. Terry
Venables, framkvæmdastjóri Tott-
enham, bauð þá 550 þús. sterlings-
pund í sóknarleikmanninn Kevin
DrinkeU.
■ FIORENTINA á Ítalíu hefur
mikinn hug á að fá danska leik-
manninn Ugo de Lorenzo, sem
leikur með Lyngby i Danmörku,
til liðs við sig. Það er sænski þjálf-
arinn Sven-Göran Eriksson sem
vill ólmur fá Lorenzo. Pabbi hans
er ítalskur og búsettur í Mílanó.
„Ég reikna með að fá tilboð frá
Fiorentina nú næstu daga. Það
þarf að vera mjög gott til að ég
fari. Mér líður vel hér heima í Dan-
mörku,“ sagði Lorenzo.
■ DREGIÐ var um helgina í
8-liða úrslitum ítölsku bikarkeppn-
innar í knattspymu. Drátturinn var
þannig: Avellino-Juventus,
Tórínó-Napólí, Inter Mílanó-
Empoli og Sampdoria-Ascoli.
Leikimir fara fram heima og heim-
an 10. febrúar og 2. mars.
■ SOVÉSKA knattspymusam-
bandið hefur gefíð grænt ljós á það
að Oleg Blochin, knattspymumað-
urinn kunni geti farið til Austurrík-
is og leikið þar með 2. deildarfélag-
inu Worwárts Steyr. Blochin er
35 ára og hefur leikið 108 lands-
leiki fyrir Sovétríkin. Hann kom
inn á sem'varamaður gegn íslend-
ingum í Simferopol í lok október
og lék þar sennilega sinn síðasta
landsleik.
■ GARY Shaw, knattspymu-
maður hjá Aston Villa, hefur verið
Iánaður til Blackpool. Shaw þótti
geysilegt efni fyrir fáeinum ámm
en hefur verið gífurlega óheppinn
með meiðsli. Hann hefur ekkert
leikið síðastliðin tvö ár.
KNATTSPYRNA
„Mun ávallt
leika sókn-
spymu
- segirJohn Cruyff,
fyrrum þjálfari Ajax
ÞRÁTT fyrir að Johan Cruyff sé hættur
sem þjálfari hjá Evrópumeisturum bikar-
hafa, Ajax, er ekki þar með sagt að hann
só hættur að þjálfa. Hann svipast um
eftir áhugaverðum liðum og þau hefur
ekki skort síðan hann hætti hjá hollenska
liðinu. En hvert sem hann fer er það víst
að hann mun halda áfram að leika sóknar-
knattspyrnu og leggja ánægju áhorfenda
ofar stigum.
Cruyff, sem er án efa fræg-
asti knattspymumaður
Hollendinga, gerði Ajax að stór-
veldi að nýju. Liðið sigraði í
Evrópukeppni bikarhafa í fyrra
og þótti leika einstaklega
skemmtilega knattspymu þar sem
höfuðáherslan varjögð á sóknar-
leik. Cruyff er á þeirri skoðun að
lið eigi ekki að leggjast í vöm þó
að búið sé að skora eitt eða tvö
mörk. „Hvert sem ég fer mun ég
alltaf halda áfram að láta lið mitt
leika sóknarknattspymu. Ég er
staðráðinn í að láta ekki undan
þeirri pressu sem fylgir blöðum
og öðmm sem meta stig ofar
ánægjunni að sjá skemmtilega
knattspymu," sagði hann nýlega
í samtali við Reuíer-fréttastofuna.
Skemmtun
Cruyff, sem var upp á sitt besta
sem knattspymumaður á áttunda
áratugnum, gjörbreytti leik Ajax
þegar hann tók við liðinu. „Úrslit
leiks er ávallt mikilvæg, en knatt-
spyman snýst ekki bara um það.
Hlutverk knattspymumana er
einnig að skemmta áhorfendum.
Þannig lejt ég_ á málin þegar ég
var hjá Ajax. Ég læt ekki stjóma
mér sem knattspymumanni. Ég
mæti til vinnu á hverjum degi og
vil að vinnan sé skemmtileg."
Hann sagði af sér hjá Ajax eftir
deilur við stjóm félagsins m.a. um
leikaðferðir og valdsvið þjálfara.
Talið er að hann gerist þjálfari
hjá liði í Frakklandi, Spáni eða
Ítalíu. Hann segir að það sé sama
þó hann fari til Italíu, þar sem
blöðin em óspör á gagnrýni ef lið
tapar stigum. Hann muni ávallt
láta lið sitt leika sóknarknatt-
spymu.
Frjáls knattspyma
Johan Cruyff varð Evrópumeistari
með Ajax þijú ár í röð í upphafí
áttunda áratugarins. Hann var í
liði Hollands sem lék til úrslita
gegn Vestur-þjóðveijum í heims-
meistarakeppninni í knattspymu
1974 og hann varð Evrópumeist-
ari að nýju sem þjálfari Ajax
1987. Cruyff segir að þessi árang-
ur hefði ekki náðst án þess að
leika sóknarknattspymu. „Þessi
árangur Hollendinga er allur til
kominn af því að leyfa leikmönn-
um að leika fijálst. Leyfa leik-
mönnum að ráða ferðinni og þurfa
ekki að hafa áhyggjur af því að
gera mistök. Með öðrum orðum,
að leika án ótta.“
Þrátt fyrir þreytulegt andlit, negl-
ur sem em nagaðar uppí hviku
og keðjureykingar er Cmyff ekki

Cruyff endaðl ferll sinn sem leikmaður hjá Feyenoord í Rotterdam. Hér er
hann í búningi félagsins.
Hann var góður leikmaður en
ekki óumdeildur sem þjálfari. Hér
fylgist hann með sínum mönnum í
leik.
þreyttur. Þvert á móti er hann
fullur af ferskum hugmyndum og
ákveðinn í að koma þeim áfram.
Dæmigert fyrir hann var hvemig
hann uppgötvaði nýjustu stjömu
Ajax, hinn 17 ára Brian Roy og
setti hann beint inn í liðið. „Roy
er mjög snjall leikmaður og svo
lengi sem hann leikur með liðinu
er ég ánægður."
Cmyff spáir því að Englendingar
sigri í Evrópukeppninni í knatt-
spymu sem hefst í sumar. „Þeir
leika sína eigin knattspyrnu og
em að mínu mati líklegastir til
sigurs." Hann á einnig von á að
Hollendingar standi sig vel, svo
lengi sem þeir gera ekki stór mis-
tök í leikaðferð.
Real Madrid á möguleika
Cmyff hefur ekki trú á því að
fram komi jafn skemmtileg lið og
Ajax og Bayem Munchen vom á
þeim tíma er hann og Franz Bec-
kenbauer vom upp á sitt besta
sem leikmenn. Hann telur Real
Madrid vera líklegasta liðið til að
ná jafn langt og Ajax og Bayem
náðu í upphafí 8. áratugarins.
Johan Cmyff er í flestu ólíkur
öðmm knattspymuþjálfumm. Það
hefur gengið á ýmsu hjá honum.
Hann lék 48 landsleiki fyrir Holl-
and og skoraði í þeim 33 mörk.
Hann hefur leikið í þremur lönd-
um, Hollandi, Spáni og Banda-
ríkjunum, en lagði skóna á hilluna
fyrir þremur ámm. Þá hóf hann
hönnum íþróttafatnaðar, en hætti
því fljótlega og sneri sér að þjálf-
un. Nú mun þessi skærasta
stjama hollenskrar knattspymu
líklega halda til Spánar eða Italíu.
Hvemig honum vegnar þar er
ekki gott að spá um, en hvert sem
hann fer mun hann ávallt gera
sitt besta til að skemmta áhorf-
endum með sóknarknattspyrnu. Á
síðustu dögum hafa þær raddir
gerst æ háværari sem telja að
hann verði þjálfari hjá Barcelona
næsta keppnistímabil, en ekkert
hefur fengist staðfest um það.
arknatt-