Morgunblaðið - 15.11.1988, Blaðsíða 49
MORGUNBLAÐIÐ, ÞRIÐJUDAGUR 15. NÓVEMBER 1988
49
eru: Guðmunda, ógift; Þórður,
kvæntur Ingibjörgu Auði Óskars-
dóttur; Guðný, ekkja Ingólfs Eð-
varðssonar; Jóhanna (látin), var gift
Nikulás Jenssyni; Guðrún, gift Guð-
mundi H. Sigurðssyni; Elín, ekkja
Ólafs H. Jónssonar; og yngstur var
Jónas (látinn) en hann var kvæntur
Maríu E. Ingvadóttur.
Afkomendur Þórarins og Guðrún-
ar eru nú milli 80 og 90. Þau ólu
upp dótturson sinn, Jón, en eftir að
hún lést árið 1963 gekk Þórarinn
öðrum dóttursyni sinum, Hilmari, í
föðurstað og ól hann upp ásamt
Guðmundu móður hans. Þau héldu
heimili að Hlíðargerði 16 í Reykjavík
— þar til hann fór á Hrafnistu.
Þórarinn, afi minn, er líklega er
einn af fáum karlmönnum hérlendis
sem hafa orðið fyrir þeirri sérkenni-
legu reynslu að verða að koma í ljós-
móður stað. Hann tók á móti tveim
dóttursonum sínum við fæðingu, Jóni
fóstursyni sínum og þeim sem þetta
ritar. Ekki er vafamál að hann bjarg-
aði lífí þess síðarnefnda á elleftu
stundu; ljósmóðirin ókomin og nafla-
strengurinn tvívafinn um hálsinn svo
að lá við köfnun. Á þessum stundum
naut hann góðs af því að hafa fylgst
með nokkrum af bömum sínum koma
í heiminn og gat því komið við réttum
og snörum handtökum. Oftar en einu
sinni lýsti hann fæðingu minni fyrir
mér og það er ekki vafamál að þessi
lífgjöf tengdi okkur sterkari böndum
en ella hefði orðið.
Þórarinn var fríður sýnum, hávax-
inn og ljós yfirlitum. Hann orkaði
traustvekjandi á aðra strax við fyrstu
kynni, var vandaður til orðs og æðis
og hugsaði hlýtt til allra. Aldrei
heyrði ég hann hallmæla eða hæðast
að nokkmm manni og það segir mik-
ið um manngerð hans. Sakir mann-
kosta sinna báru þeir sem þekktu
hann mikla virðingu fyrir honum.
Þó að ýmislegt blési á móti honum
í lífinu, svo sem að missa tvær eigin-
konur, bam við fæðingu og tvö upp-
komin böm, bjó hann yfir þeim mik-
ilsverða eiginleika að ergja sig ekki
yfir því sem liðið var heldur horfa
alltaf hnarreistur fram veginn. Hann
var sterkur einstaklingur.
Þegar ég, Snæfellingurinn, var á
ferð í Reykjavík á bemskuárunum
og dvaldist hjá afa í Hlíðargerði
fannst mér hann eilítið strangur og
fastur fyrir ef því var að. skipta.
Hann vildi hafa reglu á hlutunum
en ef farið var eftir þeim var hann
hinn blíðasti í viðkynningu. Líklega
hefur þessi skapgerð hans mótast
mest af brauðstriti og áhyggjum
enda hefur hann oft þurft að gera
miklar kröfur til sjálfs sín þegar
hann framfleytti stórri fjölskyldu og
aurar lágu sjaldan á lausu.
En þ'að var eins með Þórarin og
marga aðra að hann mýktist mikið
þegar aldurinn færðist yfir enda da-
gamir ólíkt rólegri og minna sem
kallaði á. Eiginlega var það ekki
fyrr en hann fluttist inn á Hrafnistu
sem ég kynntist honum að einhveiju
marki enda var ég þá orðinn eldri
og þroskaðri en áður og gat talað
við hann sem jafningja. Þegar ég
hugsa um allar þær stundir sem við
áttum saman fínn ég glöggt hvað
þær vom dýrmætar, einkum vegna
þess að slíkar stundir koma aldrei
aftur. Afí hafði róandi áhrif á alla
sem komu til hans með hlýlegri og
hæverskri framkomu sinni. Eg heyrði
hann sjaldan eða aldrei kvarta þau
14 ár sem hann dvaldist á Hrafnistu
og var hann þó orðinn lasburða
síðustu ár. Fyrir áratug eða svo dró
mátt úr fótum hans og hann varð
að fara allra sinna ferða í hjólastól
eftir það. Það voru slæmir fjötrar
og komu eiginlega í veg fyrir að
hann kæmist út fyrir hússins dyr.
En hann lét það þó ekki á sig fá.
Hann sagði bara sem svo að hann
væri orðinn gamall og við þessu
væri ekkert að gera.
Og nú er komið að leiðarlokum. í
dag verður þessi góði vinur borinn
til grafar í Fossvogskirkjugarði og
mun hvíla þar við hlið Guðrúnar,
konu sinnar. Það er skrítið að geta
ekki lengur talað í nútíð um hann
afa á Hrafnistu. Hann er genginn á
vit feðra sinna, laus við helsi sitt.
Eftir lifa minningar um öðlingsdreng
sem hafði margt að gefa þeim sem
kynntust honum. Erfitt er að sætta
sig við að hann sé horfinn sjónum
en hugur okkar er fullur þakklætis
fyrir þær minningar sem hann skilur
eftir.
„Far þú í friði.
Friður Guðs þig blessi."
Eðvarð Ingólfsson
Blomberq
Frystiskápar
120-308 lítra.
Einstaklega
hagstætt verð.
Góð greiðslukjör.
Einar Farestveit&Co.hf.
Borgartúni 28
sími 16995.
Leið 4 stoppar við dyrnar.
Útsölustaðir:
Málningarþjónustan Akranesi,
Atlabúðin Akureyri,
Valberg Ólafsfirði,
Kaupfélag Þing. Húsavík,
K.A.S.K. Hornafirði,
Kaupfélag Skagfirðinga.
Poulseti
Sudurlandsbraut 10, simi 68 64 99
BRIMBORG HF. SKEIFUNNI 15 SÍMI: 685870