Morgunblaðið - 19.01.1990, Blaðsíða 25
MORGUNBLAÐIÐ FÖSTUDAGUR 19. JANÚAR 1990
25
nefndar er reynsla hans af við-
kvæmum og umdeildum breyting-
um á leikhúsum sú, að leikhús-
gestir verði fljótt mjög ánægðir
með breytingarnar, þó miklar séu,
fylgi þeim ótvíræðir kostir.
Astæður þess að byggingarnefnd
leggur til að salnum sé breytt nú
eru einfaldar. Þær öryggiskröfur
sem langbrýnast er að uppfylla
fyrst, eru allar tengdar salnum.
Endurnýja verður gólf í sal og á
svölum og þá jafnframt stóla. Þess
vegna verður kostnaður við breyt-
ingamar ekki nema lítill hluti þess
sem ella yrði.
Byggingarnefnd telur það einnig
kost að bæta aðstöðu til leiklistar-
f lutnings strax í upphafi endurbóta
á húsinu, þó svo hún geri sér einn-
ig ljóst að ekki er síður mikilvægt
að bæta alla vinnuaðstöðu baksviðs
sem og alla aðstöðu starfsfólksins.
Stækkun á sviðsopi og
breytingar á stúkum
Ástæður fyrir stækkun á sviðsopi
og breytingum á stúkum eru aðal-
lega tvær.
1. Að auka möguleika þeirra sem
sitja til hliðar í sal að sjá mun
meira af sviðinu en nú er.
Þeir sem nú sitja í ystu sætum
í sal eða eru bundnir við hjóla-
stól sjá ekki nema hluta af svið-
inu og missa oft af hluta sýning-
arinnar.
2. Stækkun sviðsopsins gefur
möguleika á að minnka
„gluggaáhrif“. Sé hægt að
breyta halla eða stefnu hliðar-
veggja („sviðstrektar") opnast
möguleikar á mun fjölbreyttari
leikmyndum.
Kostir þess að stækka sviðsop
fullnýtast þó ekki fyrr en hliðarsvið
hefur verið stækkað til vesturs og
ljósaturnar fluttir eins og gert er
ráð fyrir í framtíðartillögum bygg-
inga.rnefndar.
Áður en hliðarsvið verður stækk-
að þarf að breyta fyrirkomulagi á
stjóm flugkerfis (ráa), þ.e. fjar-
lægja kaðla.
Salur á þriðju hæð
Með breytingu á svölum opnast
möguleikar á að loka sal á þriðju
hæð frá áhorfendasal og nota hann
sem fundarherbergi, æfingasal eða
jafnvel til fámennra leiksýninga,
t.d. barnasýninga.
Slíkar barnasýningar eru nú
mjög vinsælar í nágrannalöndum
okkar. Þær eru ódýrar í uppsetn-
ingu og geta verið gildur þáttur í
þeirri viðleitni að fá unga áhorfend-
ur í leikhúsið.
Sætafjöldi
Tekinn er saman sætafjöldi í
Þjóðleikhúsinu samkvæmt þremur
mismunandi tillögum ásamt núver-
andi sætafjölda.
í öllum tillögunum er miðað við
stækkun á hljómsveitargryfju og
sömu kröfur gerðar um bil milli
sæta og um gönguleið með hliðar-
veggjum (þó ekki á miðsvölum).
Við mat á tekjumöguleikum, þ.e.
„seldum sætum“, er miðað við að
sæti á efri svölum séu seld á hálf-
virði þó reynsla og nýting bendi til
þess að það mat sé alltof hátt.
Ef nota á stækkað framsvið verð-
ur að meta sæti á efri svölum mun
minna, afskrifa þau jafnvel alveg
eins og gert er í töflunni hér að
neðan.
Ekki er gert ráð fýrir að komið
verði fyrir sætum í hljómsveitar-
gryfju í „óbreyttum sal“ þó það sé
vel framkvæmanlegt, því halli og
hæð á gólfi gera það að verkum
að illa eða lítið sést úr sætunum
sem kæmu þar fyrir aftan.
Auk tillögu byggingarnefndar
sem merkt er E, er tillaga A skoðuð
og „óbreyttur salur“ merkt Ó.
Tillaga A gerir ráð fyrir óbreytt-
um svölum en nokkurri hækkun á
salargólfi, fremst um 20 sm en um
80 sm aftast. Tveir öftustu bekkirn-
ir í sal fara burt (vegna lofthæðar)
og klefi fyrir hljóð- og Ijósastjórnun
færist aftast í sal.
Tillaga Ó er nær óbreyttur salur
en ofannefndar kröfur gera það að
verkum að það fækkar um einn
bekk á báðum svölum og einnig
fækkar sætum í sal.
Sjá töflu til vinstri
Kvennalist-
inn íhug-
ar framboð
i
KVENNALISTINN íhugar fram-
boð til bæjarstjórnarkosninganna
í vor, en á morgun verður haldinn
fundur þar sem framboðsmálin
verða rædd. Endanleg ákvörðun
um hvort boðið verður fram verð-
ur tekin fljótlega eftir fundinn.
Hólmfríður Jónsdóttir ein kvenna-
listakvenna á Akureyri sagði konur
innan Kvennalistans hafa þungar
áhyggjur af atvinnumálum kvenna
í dreifbýli og ef af framboði yrði í
vor yrðu þau mál sett á oddinn.
„Okkur hrýs hugur við hversu at-
vinnuleysið er orðið mikið bæði hér
á Akureyri og einnig í sveitunum,
en í kjölfar þess að bú hafa minnkað
er minna að gera í sveitunum og
bitnar það harðast á konurn," sagði
Hólmfríður.
Kvennalistinn bauð fram til bæjar-
stjórnarkosninganna á Akureyri árið
1982 og náði þá inn tveimur fulltrú-
um í bæjarstjórn. Við næstu kosn-
ingar, árið 1986 var ákveðið að
bjóða ekki fram og sagði Hólmfríður
að þreytu hefði gætt á meðal kvenna
á þeim tíma, en nú þegar atvinnu-
ástandið í bænum væru svipað og
var á árinu 1982 væru konur meir
en tilbúnar til að taka til hendinni.
Hólmfríður sagði að farið væri að
huga að væntanlegum frambjóðend-
um og væru oddakonur listans þegar
inni í myndinni.
Morgunblaðið/Rúnar Þór
Les á Dalbæ á hverjum degi
Óskar Karlsson á dvalarheimilinu Dalbæ hefur um all langt skeið lesið fyrir vistfólkið og nýtur upplestur
hans mikilla vinsælda. í vikunni var Óskar að lesa upp úr bókinni Draumurinn eftir Hafstein
Sigurbjömsson. „Fólkið hefur gaman af þesso, margir hafa komið að máli við mig og sagt sér finnist
mun skemmtilegra að heyra aðra lesa,“ sagði Óskar. Hann sagðist lesa margskonar bækur, m.a. þar sem
sagt væri frá ýmsum atburðum, ástarsögur og einnig ferðaþætti sem hann hefði sjálfur sett saman sem
og einnig kvæði eftir sig. „Kvenfólkið bað um ástarsögur og ég hef lesið margar kjarnmiklar sögur
þrungnar af ást.“ Óskar sagði að lestrarstundirnar væru vel sóttar, en hann les upp á hverjum degi. „Ég
kann vel við mig hér á Dalbæ, hér er mikið gert fyrir fólkið og þó ég hafi víða farið held ég að hvergi sé
eins mikið gert fyrir fólk og á þessu heimili, enda er forstöðumaðurinn mikið góðmenni," sagði Óskar.
Þrotabú Híbýlis hf.:
Heildarkröfiir í búið nema
tæplega 235 milljónum króna
LÝSTAR kröfur í þrotabú Híbýlis hf. nema samtals tæpum 235 miiyón-
um króna, en alls bárust 163 kröfur í búið. Skiptafundur i búinu
verður haldinn á þriðjudag, 23. janúar þar sem skrá yfir lýstar
kröfur verður tekin til umfjöllunar.
Forgangskröfur sem lýst var í
búið eru alls 69 og nema þær
samtals tæplega 33 milljónum
króna. Lýstar kröfur utan skuldar-
aðar eru átta að upphæð samtals
46,7 milljónir króna, en almennar
kröfur í búið eru 86 og nema þær
samtals 155,2 milljónum króna.
Hvað varðar kröfur utan skulda-
raðar munar mest um fjórar kröfur
frá Akureyrarbæ, en bærinn gerir
28,4 milljón króna kröfu vegna
framkvæmda við byggingu Helga-
magrastrætis 53, 4,6 milljón króna
bótakröfu og 1,7 milljón vegna
skaðabóta, en samtals nema lýstar
kröfur Akureyrarbæjar utan skuld-
araðar tæplega 37 milljónum króna.
Útvegsbánki íslands lýsti 6,9 millj-
ón króna kröfu utan skuldarraðar
og Vátryggingafélag íslands 3,3
milljón króna kröfu.
Forgangskröfur í þrotabú Híbýlis
hf. nema samtals tæplega 33 millj-
ónum og þar munar mestu um
launakröfur fyrrverandi starfs-
manna fyrirtækisins.
Alls var lýst 86 almennum kröf-
um í búið, samtals að upphæð
155,2 milljónir króna. Landsbanki
íslands lýsti tæplega 10 milljón
króna kröfu í búið, bæjarfógeta-
embætti á Akureyri um 12 milljón-
um vegna þinggjalda og skatta,
Kaupfélag Eyfirðinga lýsti 16,3
milljóna króna kröfu, Páll Alfreðs-
son lýsti 36 milljón króna kröfu í
búið, Framkvæmdadeild Innkaupa-
stofnunar ríkisins tæplega 6 milljón
króna kröfu, Möl og sandur hf. 8
milljónum og Teiknistofa Hauks
Haraldssonar 5,4 milljónum. Þá
lýsti Blikkrás hf. einnig rúmlega
5 milljón króna kröfu og Byko um
4,4 milljóna kröfu.
Tónlistarfélag Akureyrar:
Ljóðatónleikar Gunnars Guðbjörns-
sonar og Jónasar Ingimundarsonar
Tónlistarfélag Akureyrar e&iir til ljóðatónleika á morgun, laugar-
dag, á sal Gagnfræðaskólans á Akureyri og hefjast þeir kl. 17. Á
tónleikunum koma fram þeir Gunnar Guðbjörnsson tenórsöngvari
og Jónas Ingimundarson píanóleikari.
Gunnar Guðbjörnsson fæddist í
Reykjavík árið 1965. Hann stund-
aði ungur píanónám, en sneri sér
að söngnámi 18 ára. Lengst af
stundaði hann nám við Nýja Tón-
listarskólann undir handleiðslu
Sigurðar V. Demetz, en framhalds-
nám stundaði hann í Berlín, en
hefur auk þess sótt tíma hjá Nic-
olai Gedda. Hann hefur víða komið
fram með kórum og hljómsveitum,
bæði hér heima og í Evrópu. Einnig
hefur hann haldið fjölda einsöngs-
tónleika.
Jónas Ingimundarson kennir við
Tónlistarskólann í Reykjavík, en
þar stundaði hann tónlistarnám
1959-67, en framhaldsnám stund-
aði hann við Tónlsitarskólann í
Vínarborg. Jónas hefur starfað sem
píanóleikari, tónlistarkennari og
kórstjóri frá árinu 1970 og hefur
hann haldið fjölda tónleika vítt og
breitt um landið og komið auk þess
fram á öllum Norðurlöndunum.
Hátíð vélsleðamanna
VÉLSLEÐAMENN efha til há-
tíðar á Akureyri um næstu helgi
og verður þar ýmislegt um að
vera.
Sýning verður á vélsleðum, út-
búnaði og útilífsvörum í íþróttahöll-
inni og verður hún opin frá kl.
13-18 á laugardag og frá 11-16 á
sunnudag. Verkleg kennsla í notkun
Loran-staðsetningartækja hefst kl.
15 á laugardag og skátar gefa leið-
beiningar og heilræði _um ferðalög.
Á útisvæði við Iþróttahöllina
verður markaður fyrir notaða sleða,
kerrur og aðra hluti tengda íþrótt-
inni. Ef veður leyfir er ætlunin að
haldin verði samæfing björgunar-
sveita og Landhelgisgæsluþyrlunn-
ar.
Á laugardagskvöld verður árs-
hátíð Landsambands íslenskra vél-
sleðamanna haldinn í Sjallanum og
hefst hún með borðhaldi kl. 19.30.
Gunnar Guðbjörnsson og Jónas Ingimundarson