Morgunblaðið - 05.11.1992, Blaðsíða 24

24
MORGUNBLAÐIÐ FIMMTUDAGUR
5. NÓVEMBER
1992
BANDARISKU IORSETAKOSNlNíiARNAU
Bush vill sinna
bamabömunum
Houston. Texas.
GEORGE Bush, fráfarandi Bandaríkjaforseti, sagði í ræðu í gær að
hann hefði hringt í Bill Clinton, verðandi forseta, og óskað honum til
hamingju og árnað heilla í starfi. Bush sagði að hann og sljórn hans
myndu reyna að eiga mjög náið samstarf við hina nýju valdhafa til
að tryggja að valdaskiptin í janúar gengju vandræðalaust fyrir sig.
„Það eru mikilvæg verkefni framundan og hagsmuni Bandaríkjanna
verður ávallt að setja ofar öðru. Við munum því styðja við bakið á
hinum nýja forseta," sagði Bush.
Forsetinn þakkaði samstarfs-
mönnum sínum fyrir vel unnin verk,
ekki síst Dan Quayle varaforseta sem
hefði ávallt þurft að sitja undir hörð-
um árásum og þeim Jim Baker, skrif-
stofustjóra Hvíta hússins og áður
utanríkisráðherra, einnig Brent
Scowcroft, öryggisráðgjafa, en þá
sagði forsetinn hafa aðstoðað heims-
byggðina í gegnum breytingaskeið
SIGUR CLINTONS
43 milljónir höfðu kosið Clinton,
eða 43%, þegar talin höfðu
verið 98% atkvæða.
sem ætti sér ekki sinn líka.
Undir lok ræðu sinnar sagðist
Bush vilja beina orðum sínum sér-
staklega að yngri kynslóð Banda-
ríkjamanna: „Ég er algjörlega sann-
færður um að við séum þjóð á upp-
leið. Við höfum gengið í gegnum
óvenjulega erfitt tímabil. En ekki
láta það aftra ykkur; látið ekki hama-
ganginn sem fylgir kosningaári eða
ljótleika stjómmálanna hræða ykkur
frá því að þjóna hinu opinbera. Sjálf-
ur ætla ég að halda áfram að þjóna
og fínna leiðir til að hjálpa fólki. En
ég ætla mér einnig að verða mjög
virkur á vettvangi barnabamanna."

BEUTER
Clinton fagnar með stuðningsmönnum sínum við ríkisstjórabústaðinn i Little Rock.
Bandarí ski draumur-
inn rætíst við Litlaklett
Little Rock, Arkansas. Frá Rune Bech, fréttaritara Morgunblaðsins.
HÁTÍÐARSTEMMNING ríkti
fram eftir nóttu við ríkissfjóra-
bústaðinn í Little Rock, höfuð-
stað Arkansasríkis. Um 200.000
manns höfðu safnast þar saman
þegar líða tók á kjördaginn til
þess að fagna kjöri Bills Clint-
ons. f sigurræðu sinni fór forset-
inn nýkjörni hlýjum orðum um
störf George Bush forseta í þágu
Flestir þjóðfélagshóp-
ar vildu Clinton frekar
Boston. Frá Karli Blöndal, fréttaritara Morgunblaðsins.
BILL Clinton, nýkjörinn forseti Bandaríkjanna, sótti meira fylgi
til flestra þjóðfélagshópa en George Bush, fráfarandi forseti, ef
marka má skoðankannanir, sem gerðar voru fyrir utan kjörstaði
á þriðjudag, og virðist Clinton hafa tekist að vinna aftur þá demó-
krata, sem Ronald Reagan lokkaði til fylgis við sig á síðasta ára-
tug. Samkvæmt sömu könnunum tók Ross Perot fylgi jafnt frá
báðum aðalkeppinautunum.
Helmingur skráðra demókrata,
sem kusu Bush í síðustu kosning-
um, greiddu nú Clinton atkvæði og
sennilega er sú tala einna mikilvæg-
ust fyrir framtíð Demókrataflokks-
ins. Demókratar geta einnig fagnað
því að um helmingur þeirra, sem
nú gengu fyrsta sinni að kjörborð-
inu, kaus Clinton. í tíð Reagans
flykktist ungt fólk í herbúðir repú-
blikana, en nú leiða menn getum
að því að demókrötum hafi tekist
að snúa blaðinu við.
Clinton sótti meira fylgi en Bush
til allra aldurshópa. 41 prósent
karla kaus Clinton, 37 prósent Bush
og 21 prósent Perot. Yfírburðir
Clintons voru meiri meðal kvenna.
48 prósent kvenna lögðu Clinton
lið, 35 prósent Bush og 17 prósent
Perot.
Svartir kjósendur hafa hingað til
vel flestir haldið tryggð við demó-
krata og engin breyting varð þar
á. 84 prósent svartra kjósenda kusu
Clinton, aðeins 1£> prósent Bush og
sjö prósent Perot.
Clinton fékk atkvæði 61 prósents
kjósenda af suður-amerískum upp-
runa, Bush 26 prósent og Perot 14
prósent. Fólk í þeim hópi hefur alla
jafna stutt demókrata, ef undan eru
skildir Bandaríkjamenn af kúbönsk-
um uppruna. Clinton hefur hins
vegar borið víumar í þá og fékk
meðal annars drjúg framlög í Litlu
Havana í Miami eftir að hann hét
stuðningi við frumvarp um að herða
þvingahir gagnvart Kúbu í því skyni
að flýta fyrir falli Fidels Kastrós,
sem í gær rétti fram sáttahönd til
hins nýkjöma forseta.
Bandaríkjamenn af asískum upp-
mna vom eini hópurinn sem tók
Bush fram yfír Clinton. 56 prósent
þeirra studdu Bush, 29 prósent
Clinton og 16 prósent Perot. Asísk-
ir Bandaríkjamenn voru flestir
demókratar á þeim tíma, sem meiri-
hluti þeirra átti rætur að rekja til
Japans. Japönskum innflytjendum
var stungið í fangabúðir eftir að
Japanar gerðu árásina á Pearl
Harbor í heimsstyijöldinni síðari og
hafa japanskir Bandaríkjamenn síð-
an lagt mikla áherslu á það að al-
menn lýðréttindi væru í hávegum
höfð í bandarísku þjóðfélagi. Demó-
kratar hafa verið mun iðnari við
að halda réttindum minnihlutahópa
á lofti en repúblikanar og því kom
þetta hinum fyrrnefndu til góða.
Innflytjendum frá Víetman, Kína
og öðmm Asíuríkjum hefur fjölgað
mjög undanfarið á meðan fjöldi
Japana hefur staðið í stað. Þessir
nýju innflytjendur hafa farið út í
viðskipti og treysta því að repúblik-
anar sjái hag þeirra betur borgið
en demókratar.
bandarísku þjóðarinnar.
„Við viljum Bill, við viljum Bill,“
hrópaði margbreytilegur mann-
fjöldinn en fólk af öllum stéttum
og þjóðemum og ólíkum litarhætti
var saman komið við ríkisstjórabú-
staðinn. Til þess að verða vitni að
því er bandaríski draumurinn rætt-
ist. Til að fagna 46 ára nýkjömum
forseta sem ólst upp við lítil efni í
smábænum Hope í Arkansas, missti
föður sinn í bílslysi rétt fyrir fæð-
ingu og eignaðist ofbeldisfenginn
áfengissjúkling að stjúpföður.
Manninum sem braust úr .fátækt í
þriðja fátækasta sambandsríki
Bandaríkjanna til þess að verða
kjörinn forseti voldugasta ríkis
heims.
Gifurleg fagnaðaróp brutust út
er Clinton birtist á palli við ríkis-
stjórabústaðinn ásamt konu sinni
Hillary og 12 ára dóttur þeirra
Chelsea. Þar var einnig varaforseta-
efnið A1 Gore.
Clinton hóf sigurræðu sína með.
því að segja að bandaríska þjóðin
hefði ákveðið að byija nýtt skeið
þar sem allir þegnar landsins skiptu
máli. Við það ætlaði allt um koll
að keyra af fögnuði. Forsetinn ný-
kjörni hallaði undir flatt og beið
þess að fagnaðarópunum linnti. Vék
hann þá máli sínu að George Bush.
„Eg bið ykkur öll að taka undir
með mér og þakka Bush forseta
íyrir ævistárf í opinberri þjónustu.
Fyrir það sem hann afrekaði sem
ungur hermaður er barðist fyrir
landið okkar í seinni heimsstyijöld,
fyrir að hjálpa til við að binda endi
á Kalda stríðið og Ieiða okkur til
sigurs í Persaflóastríðinu, þar til í
dag er hann játar sig sigraðan með
svo mikilli reisn. Við skulum hylla
George Bush saman eins og Banda-
ríkjamönnum sæmir best,“ sagði
Clinton.
Mannfjöldinn varð við áskorun
hetju sinnar og nýrrar vonar og tók
undir hlý orð Clintons í garð Bush.
Með ræðunni hófst nýr kapítuli í
bandarískri sögu. „Það er kominn
tími til að breyta til,“ sagði Clinton
við mikinn fögnuð viðstaddra. „Ég
bið ykkur um að verða bandarísk
aftur. Hugsið ekki einungis um að
þiggja, gefíð einnig. Álasið ekki
öðrum heldur axlið ábyrgð. Ekki
þijóskast við í eigingirni heldur
sýnið umhyggju fyrir öðrum. Við
þurfum meira en ný lög, loforð og
áætlanir. Við þörfnumst nýs hug-
arfars, um að við séum öll að vinna
verk saman. Og því aðeins mun
bandaríski draumurinn varðveitast
að við stöndum saman um að láta
hann rætast. Sameinuð getum við
það. Ég trúi enn á stað sem heitir
Von,“ sagði Clinton í iokaorðum
sínum. Þar skírskotaði hann til
fæðingarbæjar síns, Hope (Vonar).
í ræðunni gaf Clinton til kynna
hver yrðu helstu verkefni sem hann
hygðist sinna er hann tæki við
embætti í janúar. Boðaði hann bylt-
ingu í velferðarkerfínu og sköpun
nýrra atvinnutækifæra, umhverfís-
vernd og herferð gegn alnæmi,
stjórnmálaspillingu og glæpum.
Að ræðu lokinni gekk Clinton í
átt til mannfjöldans og tók í hendur
margra viðstaddra. Taktföst tónlist
bresku hljómsveitarinnar Fleetwood
Mac kvað við: „Don’t Stop Thinking
About Tomorrow. Yesterday’s
gone, yesterday’s gone“ eða á ís-
lensku: Hættið ekki að hugsa um
framtíðina. Gærdagurinn er
gleymdur.
BENDl!
Dublin og Smithfield-sýningin
Samvinnuferðir - Landsýn og Stéttarsamband bænda skipuleggja ferð á Smithfield-
sýninguna í London 30. nóvember nk. Dvalið verður í Dublin en farið í dagsferð
á sýninguna. Mjög hagstætt verð: 35.000 kr. á mann.
Innifalið er flug, gisting 14 nætur f Dublin,
ZZr!“L:r:r:D"Wh' Saminiuilei'iii'-Laiulsyn
dagsferð til London, íslensk fararstjórn,
skattar og gjöld.
Reyk|a«fk: Austurstræti 12 • S. 91 - 69 10 10 • Innanlandsferðir S. 91 - 69 10 70 • Símbréf 91 - 2 77 96 / 69 10 95 • Telex 2241
Hótel Sögu við Haflatorg • S. 91 - 62 22 77 • Símbréf 91 - 62 24 60 Keflavík: Hafnargötu 35 • S. 92 -13 400 • Símbréf 92 -1 34 90
Akureyri: Skipagötu 14 • S. 96 - 27 200 • Sfmbréf 96 - 2 40 87