Morgunblaðið - 22.05.1993, Síða 23
MORGUNBLAÐIÐ LAUGARDAGUR 22. MAÍ 1993
23
Æft fyrir komu
nýrrar 757-vélar
Þjálfun flugmanna kostar 40 millj.
AÐ undanförnu hefur staðið yfir þjálfun flugmanna á þriðju Boeing
757-200 flugvél Flugleiða en von er á flugvélinni hingað 28. maí.
Sextán flugmenn hljóta þjálfun til að fljúga vélinni og koma þeir
flestir úr hópi flugmanna af Boeing 737-400 flugvélum félagsins.
Flugvélin var keypt fyrir um það
bil tveimur árum en fór strax í leigu
til breska leiguflugfélagsins Britt-
annia. Leigusamningurinn rennur
út í lok mánaðarins og kemur flug-
vélin þá hingað til lands. Hún verð-
ur notuð til Norður Atlantshafs-
flugs. Flugleiðir á tvær aðrar Bo-
eing 757-200 vélar.
Þjálfun hvers flugmanns kostar
á aðra milljón króna. Auk þess
þurfti að þjálfa flugmenn af Fokk-
er 50 flugvélunum til að taka við
Boeing 737 flugvélunum. Heildar-
kostnaður vegna þjálfunar flug-
manna vegna komu einnar 757
flugvélar er því um 40 milljónir
króna.
Á Reykjavíkurflugvelli
Á REYKJAVÍKURFLUGVELLI voru gerðar aðflugs- og flugtaksæfingar á aðra af tveimur Boeing
757-200 vélum Flugleiða sem nú eru notaðar hér. Þess má geta að Reykjavíkurflugvöllur er vara-
flugvöllur fyrir miUilandaflug.
Sindri Freysson.
Kjarvalsstaðir
Sindri Freys-
son sýnir ljóð
Á KJARVALSSTÖÐUM verður
opnuð sýning á ljóðum eftir
Sindra Freysson í dag, laugar-
daginn 22. maí.
Sindri Freysson gaf í fyrra út
sínu fyrstu ljóðabók, Fljótið sofandi
konur, með óvenjulegum myndug-
leik af svo ungu skáldi að vera.
Áður höfðu birst eftir hann ljóð og
smásögur í tímaritum. Sindri yrkir
um nútímalífið í borginni og túlkar
tilveruna þar gjarnan með svipmikl-
um myndum, stundum óhugnarleg-
um og kröftugu orðfæri. Borgarlífs-
myndir hans sýna hraða og gervitil-
veru þar sem kvíði og ógn búa að
baki. Ljóð Sindra eru huglæg, hann
tjáir eigin reynslu með nokkrum
alvöruþunga og um leið reynslu
nútímamannsins og þá tilveru sem
honum er búin. Ymiskonar fyrir-
bæri úr vitundariðnaði neyslusam-
félagsins ber fyrir augu. Mannleg
samskipti eru fremur kaldranaleg í
þessum ljóðum og engin heit kær-
leiksmál milli kynjanna.
Ljóðstíll Sindra byggist á fjöl-
skrúðugum og stundum sérstæðum
myndhverfingum sem oft eru tor-
skildar við fyrstu sýn. „Minnið for-
sýnir felumyndir/á kúptu tjaldi"
segir í einu ljóðanna eftir hann og
lýsa þessar hendingar að nokkru
kveðskaparaðferð hans. Málfar og
orðvísi eru í góðu horfi hjá þessu
unga skáldi.
Ljóðasýningar Kjarvalsstaða,
sem unnar eru í samvinnu við Rík-
isútvarpið - Rás 1, hafa verið fastir
liðir á dagskrá safnsins síðan 1991
og vakið mikla athygli. Með þeim
hafa opnast nýir möguleikar fyrir
íslensk skáld í rými sem áður var
helgað myndlistinni en jafnframt
vekja sýningar spurningar um stöðu
ljóðlistarinnar í dag.
VZterkurog
k./ hagkvæmur
auglýsingamiðill!
5
löÉ
Tekjum af sölu Álfsins verður varið til að efla aðstoð
og meðferð fyrir aðstandendur alkóhólista