Morgunblaðið - 22.05.1993, Blaðsíða 27

MORGUNBLAÐIÐ LAUGARDAGUR 22. MAÍ 1993
27
Reuter
Kólumbísku fórnarlömbin syrgð
132 menn fórust þegar farþegaflugvél hrapaði á fjall í Kólumb-
íu á miðvikudag. Ættingjar fórnarlambanna sögðu að stjórn
landsins ætti sök á slysinu þar sem hún hefði látið hjá líða að
endurreisa ratsjárstöð sem skæruliðar hefðu sprengt í loft upp.
Stjórnin vísaði þessu algjörlega á bug. Á myndinni hugga ætt-
ingjar eins af fórnarlömbunum hvorn annan.
Spillingarmálin á Italíu að breyta flokkakerfmu
Endalok Sósíalista-
flokksins í augsýn
Róm. Reuter.
GIORGIO Benvenuto, leið-
togi ítalska Sósíalistaflokks-
ins, sagði af sér á fimmtudag
og sagði við það tækifæri,
að sósíalisminn ætti framtíð
fyrir sér á Ítalíu, en óvíst
væri, að flokkurinn ætti það.
Flest bendir líka til, að hann
muni leysast upp en hann
hefur farið allra flokka
verst út úr því uppgjöri, sem
nú á sér stað við spillinguna
í landinu.
Benvenuto og sjö aðrir menn í
flokksstjórn Sósíalistaflokksins til-
kynntu afsögn sína á sunnudag
en Benvenuto tók við forystunni í
febrúar þegar Bettino Craxi, fyrr-
verandi forsætisráðherra, hrök-
klaðist frá vegna spillingarákæru.
Hann segir hins vegar, að gamla
liðið í kringum Craxi hafi snúið
bökum saman gegn sér þegar
hann reyndi að hreinsa til í fjár-
málum flokksins.
Hvatt til samfylkingar
Achille Occhetto, leiðtogi Lýð-
ræðislega vinstriflokksins, arftaka
kommúnistaflokksins, brást við
afsögn Benvenutos með því að
hvetja til samfylkingar vinstri-
manna en þótt kommúnistar hafi
aldrei verið í stjórn á Italíu hafa
Reuter
Benvenuto fer frá
GIORGIO Benvenuto, leiðtogi ít-
alska Sósíalistaflokksins, hefur
sagt af sér.
þeir ekki sloppið við spillingar-
áburð. Þar að auki hefur mikill
flótti brostið í flokkinn að undan-
förnu. Það þykir því ekki líklegt,
að margir kjósendur sósíalista
gangi til liðs við hann.
Líklegast þykir, að Sósíalista-
flokkurinn brotni upp í smáhópa,
sem hyggi jafnvel á framboð í
næstu kosningum, og Giuliano
Amatao, fyrrverandi forsætisráð-
herra, vinnur nú að stofnun eigin
samtaka. Þá hafa nokkrir ákveðið
að taka upp samvinnu við eða
ganga í Kristilega demókrata-
flokkinn.
Flokkurinn gjaldþrota
Fjármál Sósíalistaflokksins eru
í mestu óreiðu og hann er í raun
gjaldþrota. Útistandandi skuldir
eru rúmlega 10 milljarðar ísl. kr.
og starfsfólkið í höfuðstöðvunum
í Róm, 240 manns, hefur engin
laun fengið í þrjá mánuði. Er
ástæðan meðal annars sú, að
mútugreiðslurnar eru hættar að
berast og í þjóðaratkvæðagreiðsl-
unni í síðasta mánuði var ákveðið,
að ríkið hætti að kosta starfsemi
stjórnmálaflokka að hluta.
Vantar Uig vinnu?
Ertu reglusamur og stundvís?
£f svo er býðst þér að koupa hluto-
oðild að orðvænlegum rekstri.
Upplýsingor sendist auglýsingodeild
Mbl. merktot: „Þjónusía - bygging-
oriðnoður - 3741“ fyrir 25. moí.