Morgunblaðið - 22.02.1997, Page 19
MORGUNBLAÐIÐ
LAUGARDAGUR 22. FEBRÚAR 1997 19
VIÐSKIPTI
Arðsemi hlutabréfa
LVvar50,3% 1996
ARÐSEMI hlutabréfaeignar Lífeyr-
issjóðs verslunarmanna var 50,3% á
síðasta ári og ef litið er til heildararð-
semi hlutabréfaeignar sjóðsins á
sautján ára tímabili frá ársbyijun
1980 til ársloka 1996 kemur fram
að árleg raunávöxtun hefur numið
14,3%.
Lífeyrissjóður verslunarmanna
keypti hlutafé fyrir 382 milljónir
króna á síðasta ári eða fyrir um 5%
af heildarfjárfestingum sjóðsins sem
numu rúmum 7,7 milljörðum króna
í fyrra. Til samanburðar voru keypt
hlutabréf fyrir 42,5 milljónir króna
á árinu 1995 eða fyrir 0,7% af heild-
arijárfestingum ársins.
Keypt voru hlutabréf í sautján
félögum í fyrra. Þar á meðal keypti
sjóðurinn hlutabréf í Aflvaka hf.,
íslenskum sjávarafurðum hf., Plast-
prenti hf., og Sölusambandi ís-
lenskra fiskframleiðenda hf., en
sjóðurinn átti ekki fyrir hlutabréf í
þessum félögum. Þá voru seld hluta-
bréf í tuttugu félögum í fyrra sam-
tals að upphæð 443 milljónir króna.
Markaðsverðið hærra
Samkvæmt upplýsingum Þorgeirs
Eyjólfssonar, forstjóra Lífeyrissjóðs
verslunarmanna, er samkvæmt fjár-
festingarstefnu sjóðsins hlutabréfa-
eignin metin að þremur fjórðu hlut-
um á framreiknuðu kostnaðarverði
og að einum ijórða hluta á markaðs-
verði. Bókfært verð hlutabréfaeign-
ar sjóðsins um síðustu áramót nam
2.043 milljónum króna sem er 4,5%
af heildareignum sjóðsins, en þær
numu tæpum 45,5 milljörðum króna
um áramótin síðustu. Ef verðmæti
hlutabréfanna er reiknað miðað við
markaðsverð á hlutabréfamarkaði
um áramótin hækkar það um þriðj-
ung og nemur 2.917 milljónum
króna sem er 874 milljónum hærra
en bókfærða verðið.
Verðmæti hlutafjár sjóðsins er
mest í íslandsbanka rúmar 540
milljónir króna, en sjóðurinn á
10,4% eignarhlut í bankanum sam-
anborið við 10% í lok árs 1995.
Hlutfallslega á sjóðurinn hins vegar
mest í Þróunarfélagi íslands 12%
eða bókfært tæpar 130 milljónir
króna. Aðrir stórir eignarhlutir eru
í Eimskipafélagi íslands þar sem
bókfærður eignarhlutur er 326
milljónir króna, í Flugleiðum þar
sem hann er 263 milljónir króna
og Olíufélaginu hf., þar sem hann
er 107 milljónir króna.
Hlutabréfaeign Lífeyrissjóðs verslunarmanna gnarhl. ífél. %
1996 Hlutabréfaeign Eignarhl. bóklært vero í fél. 31.12.1996 1995 Hlutabréfaeign E bókfært vero 31.12.1996
íslandsbanki Þús.kr. 541.220 10,4 419.192 10,0
Eimskipafélag íslands 326.232 3,7 285.977 4,1
Fluglelðir 262.842 5,3 219.493 6,2
Þróunarfélag íslands 129.761 12,0 114.722 12,7
Olíufélagið 107.465 2,8 91.068 3,2
Útgerðarf. Akureyringa 98.687 2,5 68.411 2,8
SÍF 95.164 4,8 0 0,0
Grandi 84.773 2,3 84.259 3,2
Skeljungur 80.003 3,1 67.233 3,1
Eignarhaldsf. Alþýðubankinn 74.084 7,7 66.579 7,6
Olís 52.276 2,5 35.017 2,4
Plastprent 28.395 2,3 0 0,0
Síldarvinnslan 27.222 1,3 24.221 3,1
Haraldur Böðvarsson 25.189 1,1 32.059 3,0
íslenskar sjávarafurðir 24.679 0,6 0 0,0
Hampiðjan 21.227 2,7 12.595 3,5
Jarðboranir 19.442 3,4 16.364 3,4
Aflvaki 15.000 10,1 0 0,0
Þormóður rammi 9.279 0,4 4.203 0,7
Máttarstólpar 6.923 9,3 6.923 9,3
Skinnaiðnaður 6.827 2,2 6.000 2,8
Samskip 3.340 0,4 3.930 0,4
Sjóvá-Almennar 2.798 0,1 3.857 0,2
Ármannsfell 416.7 0,4 463 0,4
Marel 0 0,0 7.738 3,6
Tollvörugeymslan 0 0,0 2.889 0,4
Skagstrendingur 0 0,0 3.817 4,3
Samtals 2.043.244 1.577.008
Afkoma Skýrr hf. varð lakari í fyrra en áætlanir gerðu ráð fyrir
Tapið 71 milljón króna
TAP Skýrr hf. nam alls um 71 millj-
ón króna á síðasta ári, en hagnaður
fyrirtækisins árið áður nam 6,6 millj-
ónum króna. Þetta er meira tap en
áætlað var, en Stefán Kjærnested,
forstjóri fyrirtækisins áætlaði að það
yrði á bilinu 60-65 milljónir króna í
frétt í Morgunblaðinu nýlega þar
sem greint var frá útboði á 51% eign-
arhluta í fyrirtækinu.
Rekstrartekjur fyrirtækisins á síð-
asta ári voru 746 milljónir króna en
höfðu verið 720 milljónir króna árið
áður _og hækkuðu því um 4% milli
ára. í ársskýrslu fyrirtækisins, sem
Morgunblaðið hefur undir höndum,
er í þessu samhengi bent á að véla-
taxtar Skýrr hafi lækkað um 10%
frá árinu 1989.
Rekstrargjöld án fjármagnsgjalda
námu 785 milljónum króna og hækk-
uðu um 76 milljónir króna frá árinu
1995 þegar rekstrargjöldin voru 709
milljónir króna. Rekstargjöldin
hækka þannig um 11% og er megin-
skýringarnar sagðar þær að laun og
launatengd gjöld hafi hækkað um
55 milljónir króna eða 15%. Það
megi rekja til fjölgunar starfsmanna
og breytinga á launum þegar Skýrr
var breytt í hlutafélag. Annar rekst-
arkostnaður hækkaði um 12,7 millj-
ónir króna eða 15% og afskriftir
hafi hækkað um 20 milljónir eða 33%
vegna niðurfærslu á ýmsum eigum.
Þá kemur fram að fjármagnsgjöld
hafi verið um 39 milljónir króna, en
hafi verið 10,8 milljónir árið 1995.
Hækkunin sé 28 milljónir króna og
megi rekja skýringuna til þess að
við breytinguna í hlutafélag hafi
fyrirtækið gefið út skuldabréf til eig-
enda sinna vegna eftirlaunaskuld-
bindinga að fjárhæð tæpar 267 millj-
ónir króna.
Um 140 starfsmenn voru að jafn-
aði hjá Skýrr á síðasta ári og fjölg-
aði um 15 sem einkum má rekja til
margmiðlunarverkefna og ijármála-
stjórnunarkerf a. V eltufj árhlutfall
var í árslok 1,11 og handbært fé
um 41,5 milljónir króna. Eiginfjár-
hlutfall í árslok var um 27%.
Skýrr hf. hét áður Skýrsluvélar
ríkisins og Reykjavíkurborgar og er
að helmingi í eigu ríkisins og Reykja-
víkurborg og Rafmagnsveitur
Reykjavíkurborgar eiga sinn fjórð-
unginn hvor aðili. Nýlega var starfs-
mönnum síðan seldur 5% eignarhlut-
ur í fyrirtækinu á genginu 1,3 og
seldist það hlutafé upp á skömmum
tíma. Nú stendur yfir fyrri áfangi í
útboði á 51% hlutafjárins í Skýrr og
rennur frestur til að skila inn tilboð-
um út þann 14. mars nk.
26,3% í
Glóbusi-
Vélaveri
til sölu
VIÐSKIPTASTOFU íslandsbanka
hf. hefur verið falið að selja 26,3%
hlutafjár ' í fyrirtækinu Globusi-
Vélaveri hf. Um er að ræða bréf
að nafnvirði 26,2 milljónir króna
sem bankinn á sjálfur, en upplýs-
ingar lágu ekki fyrir í gær um
hvernig þau komust í hans eigu.
Globus-Vélaver hf. var stofnað
í ársbyrjun 1995 þegar Globus hf.
var klofið upp í tvö sjálfstæð hluta-
félög. Globus-Vélaver tók við
rekstri véladeildar, en heildsölu-
deildin var áfram í gamla hlutafé-
laginu.
Hluthafar í Globusi-Vélaveri
voru Globus hf., hópur lífeyris-
sjóða, fyrirtæki og einstaklingar
sem m.a. voru stjórnendur og lyk-
ilstarfsmenn fyrirtækisins. Það
hefur haft umboð fyrir Zetor,
Ford, Fiat-dráttarvélar ásamt
umboðum fyrir vinnuvélamerkið
JCB, Alfa Laval mjaltavélar, lyft-
ara og nokkur merki heyvinnu-
véla.
Morgunblaðið/RAX
IHHHI
ilipffel é
tmWrn \ Jmx ÍzmMmfflr** ■■ -JéL I. WML T1 li "<fsm jfijl
35 fyrirtæki á kaupstefnu í NUUK
HÓPUR íslendinga lagði leið
sína á kaupstefnuna NuuRek í
Nuuk í Grænlandi sem var form-
lega opnuð á miðvikudagskvöld-
ið. Kaupstefnunni lýkur á morg-
un, sunnudag, en 35 íslensk fyr-
irtæki taka þátt í henni. Útflutn-
ingsráð hefur undanfarna mán-
uði unnið að undirbúningi kaup-
stefnunnar ásamt Eimskipafé-
lagi íslands og samstarfsaðilum
þeirra í Grænlandi, Royal Arctic
Line. Hér er hópurinn saman-
kominn fyrir framan hótel Hans
Egede í Nuuk.
Þriðja stóraðstoðin
við Credit Lyonnais
París. Reuter.
ÞRIÐJA og síðasta tilraunin til að
bjarga franska ríkisbankanum Cred-
it Lyonnais stendur nú fyrir dyrum
en hann var í raun gjaldþrota eftir
ævintýralegt fj árfestingarfyllerí.
Mun franska stjórnin fara fram á
samþykki framkvæmdastjórnar Evr-
ópusambandsins, ESB, við aðstoð-
inni en ekki hefur verið upplýst hve
mikil hún verður. Að því búnu verð-
ur bankinn einkavæddur.
Fyrir aðeins tveimur árum sam-
þykkti framkvæmdastjórnin rúm-
lega 550 milljarða ísl. kr. aðstoð við
Credit Lyonnais, sjálft flaggskip
franska bankakerfisins, og sam-
kvæmt óstaðfestum heimildum þarf
bankinn nú að fá hátt í 400 millj-
arða kr. Á sama tíma eru talað um,
að rekstur bankans á þessu muni
skila miklum hagnaði.
Þessar fréttir af miklum hagnaði
eftir gífurlegan fjáraustur til hans
af almannafé hafa vakið mikla reiði
meðal keppinautanna, einkum hjá
Societe Generale, en þar er þess
krafist, að Credit Lyonnais verði
tekinn til „skipulegra gjaldþrota-
skipta". Innan ESB eru líka háværar
raddir um, að nú sé komið meira
en nóg.
Ríkisafskipti eru rnikil í Frakk-
landi en kreppan í kringum Credit
Lyonnais virðist hafa breytt skoðun-
um margra hvað það varðar. „Ég
vona, að þessi slæma reynsla kenni
okkur, að ríkið á ekki að hafa nein
ítök í fyrirtækjum," sagði Jean Art-
huis, fjármálaráðherra Frakklands.
Stjórnendur Credit Lyonnais í
valdatíð sósíalistaflokksins létu sig
dreyma um að verða jafn stórir
Deutsche Bank og í þeim tilgangi
íjárfestu þeir fyrirhyggulaust á báða
bóga og útlánastarfsemin var eftir
því.