Morgunblaðið - 23.05.1997, Side 4
4 FÖSTUDAGUR 23. MAÍ 1997
MORGUNBLAÐIÐ
FRÉTTIR
Morgunblaðið/Halldór
ÞEGAR hugað var að bifreið og fálka kom í ljós að
hann hafði hreiðrað um sig í um 15 sentímetra breiðu
rými á milli grills og vatnskassa.
JÓN Arnar reif grillið frá til að opna fuglinum leið
og hann brölti út úr prísundinni með nokkrum erfiðis-
munum, þótt leiðin út væri öllu greiðari og sársauka-
minni en leiðin inn.
FÁLKINN baðaði síðan út vængjum og flaug á brott,
frelsinu feginn og, að því er áhorfendum virtist,
ómeiddur eftir áreksturinn.
Bifreið á 90 kílómetra hraða ók á fálka
Lenti í holrými
o g slapp ómeiddur
FÁLKI varð fyrir fólksbifreið sem ók á
um 90 kílómetra hraða í Súgandafirði
í gærmorgun, lenti inni í vélarrými
hennar og var talinn dauður en rankaði
við sér eftir nokkra stund og gat flogið
á brott. Jón Arnar Gestsson, ökumaður
bifreiðarinnar, segir ótrúlegt að fuglinn
hafi lifað af höggið og hremmingarnar
í kjölfarið.
„Fálkaorða“
framan á bílnum
„Fálkinn flaug þvert yfir veginn þeg-
ar ég kom akandi en var ekki nægjan-
Iega snöggur og bíllinn skall á hann.
Hann lenti framan á bílnum og undir
bílnúmerinu. Þar eru örmjóar rifur fyr-
ir loftinntakið, en hann fór þar í gegn.
Eg hef áður keyrt á máv á svipuðu svæði
og stansaði því strax,“ segir Jón Arnar.
Þegar ég gætti að fálkanum var búk-
urinn kominn inn fyrir, en vængirnir
stóðu út úr og umvöfðu bílnúmerið,
þannig að segja má að ég hafi haft fálka-
orðu framan á bílnum. Þetta var ótrú-
legt. Hann kipptist eitthvað til og ég
hélt að það væru dauðakippir og leiddi
hugann ekkert að honum frekar,“ segir
hann.
Fyrir ofan veginn fann Jón Arnar
fuglshræ og telur að fálkinn hafi verið
að ljúka við máltíð þegar styggð kom á
hann vegna bílsins. Vatnskassinn keng-
bognaði við áreksturinn og er talinn
ónýtur, þannig að Jón Arnar gat ekki
ekið áfram og sníkti far til ísafjarðar.
„Um hádegi fór ég til baka til að
huga að bílnum og sá þá að fálkinn
hafði dregið vængina inn fyrir og sat
hinn spakasti í rýminu á milli grillsins
og vatnskassans, sem er um 15 sentí-
metra breitt. Það fór ágætlega um hann
þar sem hann beið björgunar. Eg reif
grillið frá og hleypti honum út þá leið-
ina,“ segir Jón Arnar.
Fálkinn flaug rakleiðis á brott og virt-
ist ekki hafa orðið meint af árekstrin-
um. Jón Arnar segir að bifreiðin, sem
hann hefur átt í fáeinar vikur, sé lítils-
háttar skemmd, en aðrar afleiðingar
virðist ekki hafa orðið. Hann tilkynnti
lögreglu um atburðinn.
„Ég hef keyrt á fugla áður og skemmt
bifreiðar með þeim hætti, en í tilvikum
sem þessum er yfirleitt ekki hægt að
afstýra árekstri, nema með þeim afleið-
ingum að slasa sig og eyðileggja bifreið-
ina.“
)
I
I
Búddistar sækja
um lóð í Kópavogi
Settur saksóknari í Guðmundar- og Geirfinnsmálum
Telur ekki skilyrði
til endurupptöku
RAGNAR H. Hall settur ríkissak-
sóknari í Geirfinns- og Guð-
mundarmálum, telur að lagaskil-
yrði fyrir endurupptöku dóma í
málinu séu ekki uppfyllt og skilaði
Hæstarétti í gær greinargerð sinni
þess efnis en Hæstiréttur tekur
endanlega ákvörðun í málinu.
Ragnar H. Hall vildi ekki ræða
efnislega niðurstöðu sína og rök-
stuðning þegar Morgunblaðið leit-
aði til hans í gær.
„Greinargerð mín er 32 prentað-
ar síður og þar er farið ofan í út-
listun á lagatúlkun og mat á sönn-
unargögnum,“ sagði Ragnar. „Ég
tel ekki viðeigandi meðan málið
er til meðferðar fyrir Hæstarétti
að vera með opinberan málflutn-
ing.“
Ragnar H. Hall var skipaður
settur ríkissaksóknari til að fjalla
um kröfu Sævars M. Ciesielskis
um endurupptöku Guðmundar- og
Geirfínnsmála. Hæstiréttur skipaði
Sævari sérstakan talsmann, Ragn-
ar Aðalsteinsson hrl., sem skilaði
greinargerð í febrúar sl. og taldi
þar lagaskilyrðin fyrir endurupp-
töku uppfyllt.
Hæstiréttur mun á grundvelli
greinargerða talsmanns Sævars og
hins setta ríkissaksóknara taka
ákvörðun um hvort dómar í málun-
um verða enduruppteknir.
í 184. grein laga um meðferð
opinberra mála segir um endurupp-
töku dæmdra mála að eftir kröfu
manns sem telji sig sýknan sak-
felldan skuli taka upp mál ef fram
eru komin ný gögn sem ætla megi
að skipt hefðu verulegu máli fyrir
niðurstöðu málsins ef þau hefðu
komið fyrir dómara áður en dómur
gekk eða ef ætla megi að dómari,
ákærandi, rannsóknari eða aðrir
hafi haft í frammi refsiverða hegð-
un í því skyni að fá fram þau
málalok sem orðin eru. Ragnar
H. Hall sagði í samtali við Morgun-
blaðið í gær að í greinargerð þeirri
sem hann skilaði Hæstarétti í gær
með fyrrgreindri niðurstöðu væri
tekin afstaða til þessara atriða.
BÆJARRÁÐ Kópavogs fundaði í
gær um beiðni félags búddista á
Islandi að fá lóð undir musteri fyrir
söfnuð íslenskra búddista í landi
bæjarins. Söfnuðurinn horfír sér-
staklega til lóðar í landi Vatnsenda
og svo kallaðs Eilífsreits við Nýbýla-
veg í Kópavogi.
Sigurður Geirdal bæjarstjóri sagði
að bæjarráðið hafi falið skipulags-
stjóra Kópavogsbæjar að vinna
áfram í málinu og eigi hann von á
að meðferð málsins verði flýtt eftir
megni.
Stærð engin fyrirstaða
„Við viljum leysa vanda búddista
eins og annarra og skipulagsstjóra
var falið að svipast um og fínna
hvaða iand hentaði hugsanlega best.
I landi Vatnsenda eru mörg ágæt
svæði en landið er í einkaeign og
því getur bærinn ekki úthlutað lóð
á því svæði, en möguleiki er á að
semja við landeigandann, annað
hvort um að selja skika eða leysa
málið með öðrum hætti,“ sagði Sig-
urður. Eilífsreitur sé hins vegar ólík-
legra svæði að hans mati.
Hann sagði hins vegar ekki ljóst
hvort búddistar fái lóð hjá bænum
fyrr en búið sé að skoða málið bet-
ur, en bærinn vilji greiða götu manna
ef þess sé nokkur kostur. Sigurður
kvaðst ekki vilja tjá sig um afstöðu
Bessastaðahrepps sem hafnaði bón
búddista um lóð. „Þetta er alfarið
þeirra mál og sömuleiðis afstaða
forsetaembættisins," sagði hann.
Búddistar biðja um 4.000 fer-
metra lóð fyrir um 400 fermetra
stórt hús. Sigurður sagði að stærðin
sé engin fyrirstaða, heldur einungis
að finna svæði þar sem slíkt must-
eri falli að skipulagi. „Við reynum
að hraða málinu, enda liggur búddd-
istum á svari og vilja hefjast handa
hið fyrsta. Búddistar eiga sama rétt
og aðrir á lóð og ef við getum lið-
sinnt þeim er það hið besta mál.
Málið er hins vegar á talsvert við-
kvæmu stigi,“ sagði Sigurður.
O »
O * ■ ,
Z '
| Það borgar sig að kunna skii á úrgangi.
1 Kynntu þér breytta gjaldskyldu
| á endurvinnslustöðvum okkar.
ivelkomln á endurvlnnsluslðDvarnar
3 S@RFA
SORPEYÐING
HÖFUÐBORGARSVÆÐISINS bs
Alvarleg staða atvinnumála rædd innan ísfirskra fyrirtækja
Fjallað sérstaklega um
framtíð landvinnslunnar
Á STJÓRNARFUNDUM í íshúsfé-
lagi ísfírðinga hf. og Gunnvöru hf.,
sem haldnir voru á miðvikudag, var
rætt um þá alvarlegu stöðu sem
uppi er í atvinnumálum á ísafírði
eftir nær fimm vikna verkfall
Verkalýðsfélagsins Baldurs. Á aðal-
fundum félaganna, sem haldnir
verða 3. júní nk., verður ijallað sér-
staklega um framtíð landvinnslunn-
ar hjá íshúsfélagi ísfírðinga.
í fréttatilkynningu sem Gunnvör
og íshúsfélagið sendu frá sér í gær
segir að undanfarin ár hafi frysti-
hús Ishúsfélagsins verið rekið með
verulegum halla en þrátt fyrir það
hafi verið unnið markvisst að endur-
bótum og hagræðingu í rekstri á
síðustu mánuðum, í von um að
reksturinn verði hallalaus og geti í
framtíðinni skilað viðunandi arði.
Tekjur frá útgerðinni hafa
gert landvinnslu mögulega
Sem dæmi er nefnt að nú í vor
hafi verið bundnar miklar vonir við
tilraunavinnslu á steinbít, sem hefði
getað fjölgað störfum og aflað fyrir-
tækinu viðbótartekna, en vegna
verkfallsins muni árangurinn af
þessari viðleitni verða lítill sem eng-
inn þetta árið, enda steinbítsvertíð
að ljúka. Þá hafí það ekki bætt úr
skák að verkfallsverðir Verkalýðs-
félagsins Baldurs hafi torveldað
útgerð skipa félaganna í verkfall-
inu, en frá útgerðinni hafi þær tekj-
ur komið sem gert hafí Ishúsfélag-
inu mögulegt að halda áfram land-
vinnslunni.
í fréttatilkynningunni segir enn-
fremur að með hliðsjón af þessu
og þeirri staðreynd að Verkalýðsfé-
lagið Baldur haldi fast við þá kröfu
að fiskverkunarfólk á Ísafírði skuli
hafa mun hærri laun en samið hef-
ur verið um nær alls staðar annars
staðar á landinu muni verða fjallað
sérstaklega um framtíð landvinnsl-
unnar hjá íshúsfélagi ísfírðinga hf.
á aðalfundum félaganna 3. júní nk.
>
I
í
I
í
L