Morgunblaðið - 23.05.1997, Blaðsíða 64

Jíem£d
-setur brag á sérhvern dag!
MORGUNBLAÐID, KRINGLAN 1, 103 REYKJAVÍK, SÍM! 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRl: KA UPVANGSSTRÆTI 1
FÖSTUDAGUR 23. MAÍ 1997
VERÐ í LAUSASÖLU 125 KR. MEÐ VSK
Hátt í hundrað manns stöðvað án vegabréfs
á Keflavíkurflugvelli undanfarið ár
Lítil fram-
leiðni í fisk-
vinnslu að-
alvandinn
FRAMLEIÐNI í fiskvinnslu á ís-
landi er um þriðjungi minni en í
Noregi og Danmörku og byggist
framtíð íslenskrar landvinnslu fyrst
og fremst á því að hægt verði að
auka framleiðni í greininni hérlend-
is á allra næstu árum. Það er ein
helsta niðurstaða fiskvinnslunefnd-
ar, sem skilað hefur af sér til
sjávarútvegsráðherra tillögum í tíu
liðum um framtíðarmöguleika ís-
lenskrar fiskvinnslu. Sjávarútvegs-
ráðherra skipaði nefndina í nóvem-
ber sl. og kynnti hann, ásamt
nefndarmönnum, nýútkomna
skýrslu á blaðamannafundi í gær.
Að mati þeirra er engin töfra-
lausn í sjónmáli til bjargar land-
vinnslunni, heldur þurfa að koma
til margþættar ráðstafanir á ýmsum
sviðum frá stjórnvöldum og ekki
síst frá greininni sjálfri þar sem
höfuðverkefni næstu ára verður að
bæta framleiðnina til muna. Það
yrði fyrst og fremst lykillinn að far-
sælli framtíð, að sögn Þórðar Frið-
jónssonar, forstjóra Þjóðhagsstofn-
unar og formanns nefndarinnar.
Alþjóðavæðing og betri
nýting fólks og fjármuna
Þórður segir að framtíðarhorfur
í fiskvinnslu einkennist annars veg-
ar af þeirri alþjóðavæðingu, sem
rutt hafi sér til rúms í íslenskum
sjávarútvegi að undanförnu og hins
vegar af nauðsyn þess að nýta
bæði fólk og fjármuni betur en
gert er nú.
■ Framtíð landvinnsIunnar/32
Sýknaður
af ákæru
fyrir mann-
dráp af
gáleysi
ÖKUMAÐUR fólksflutningabif-
reiðar var sýknaður í Hæstarétti í
gær af ákæru fyrir manndráp af
gáleysi. Bifreið, sem maðurinn ók,
valt í Hrútafirði í október 1995
með 41 farþega innanborðs, með
þeim afleiðingum að tveir farþegar
létust og allir hinir, þar á meðal
bílstjórinn, hlutu meiri eða minni
áverka.
Hæstiréttur komst að þeirri nið-
urstöðu, að slysið yrði að miklu leyti
rakið til náttúruafla og aðstæðna á
veginum, sem erfitt var að varast.
Þá var bílstjórinn ekki talinn hafa
raskað öryggi bifreiðarinnar eða
umferðaröryggi á þjóðveginum.
Einnig hafnaði Hæstiréttur kröfu
ákæruvaldsins um að bílstjórinn
yrði sviptur ökuréttindum.
Bílstjórinn var hins vegar sak-
felldur fyrir brot á umferðarlögum.
Taldi Hæstiréttur að bílstjóranum
hefði borið að gæta sérstakrar var-
úðar við aksturinn vegna aðstæðna
á þeim slóðum þar sem slysið varð.
Talið var sannað að bílstjórinn hefði
að nokkru vanmetið þá erfiðleika
sem við var að etja á slysstaðnum
og ekið án nægilegrar aðgæslu og
of hratt miðað við aðstæður.
Var bílstjórinn dæmdur til að
greiða 50 þúsund krónur í sekt og
helming málskostnaðar á móti
ríkissjóði, þar með talin saksóknar-
laun í ríkissjóð og málsvarnarlaun
skipaðs veijanda síns, Guðna Á.
Haraldssonar.
Sparar Flugleiðum
miklar fjárhæðir
HÁTT í hundrað manns hefur ver-
ið stöðvað í flugstöð Leifs Eiríks-
sonar seinustu tólf mánuði með
fölsuð vegabréf í tilraun til að fara
áfram til Bandaríkjanna, að sögn
Huldu Hauksdóttur aðstoðarstöðv-
arstjóra.
Miðað við þær sektir sem flugfé-
lögum er flytja vegabréfslausa far-
þega er gert að greiða í Kanada
og Bandaríkjunum, má áætla að
hert eftirlit hafi sparað Flugleiðum
á annan tug milljóna króna á þess-
um tíma.
Flestir frá Asíu
í fýrradag voru mæðgin sem
talin eru indversk að uppruna
stöðvuð á Keflavíkurflugvelli á leið
til Boston frá Hamborg. Þau höfðu
þýsk vegabréf undir höndum sem
talin eru stolin og veittu starfs-
menn Flugleiða því athygli að ekki
var allt með felldu. Mæðginin, kona
á fertugsaldri og ellefu ára gamall
sonur hennar, voru síðan send til
baka til Þýskalands í gær.
Hulda segir að flestir þeir sem
reyni að komast vestur um haf
með þessum hætti séu frá Asíu,
þar á meðal Kína, Sri Lanka og
Indlandi, og einu skýringarnar sem
hún kunni á þeirri fjölgun sem
orðið hafi á farþegum með fölsuð
vegabréf undir höndum, séu hert
eftirlit á seinustu misserum og
versnandi ástand í sumum þjóðríkj-
um og heimshlutum. Vandamálið
sé viðvarandi, en verra viðureignar
og meira áberandi yfir vetrarmán-
uðina.
„Við höfum varann á og beitum
ákveðnum aðferðum til að skoða
þau vegabréf sem farþegar á leið
vestur um haf framvísa við innrit-
un, í því skyni að skilja sauðina
frá höfrunum. Þau vegabréf sem
okkur þykir grunsamleg eru könn-
uð frekar og til þessa höfum við
ekki sent saklaust fólk til baka.
Fólkið hefur oftast borgað ein-
hveijum aðilum í heimalöndum sín-
um fyrir fölsuð vegabréf, misjafn-
lega mikið eftir löndum, og bregst
misjafnlega við þegar upp um það
kemst. Sumir verða óskaplega
aumir og miður sín, en aðrir rífast
hástöfum og þykjast ekkert hafa
að fela,“ segir hún.
Vegabréfum
fargað á flugi
Hulda segir að farþegar sem
hafa fölsk vegabréf undir höndum
reyni yfirleitt að farga þeim um
borð í flugvél á leið til Bandaríkj-
anna og Kanada, því ferðalangur
sem komi þangað án vegabréfs
geti sótt um pólitískt hæli.
Samkvæmt lögum í Bandaríkj-
unum og Kanada eru þau flugfélög
sem flytja farþega án vegabréfs
sektuð um 200 til 300 þúsund ís-
lenskar krónur á hvern farþega
sem svo er ástatt um. Hulda segir
Flugleiðir hafa nokkrum sinnum
þurft að greiða slíkar sektir sein-
ustu árin og hafi því verið ákveðið
að taka þessi mál fastari tökum
en fyrr, enda miklir hagsmunir í
húfi.
^ Stuðningsmenn
íslendinga öflugir
Kumamoto. Morgunblaðið.
ÍSLENDINGAR sigr-
uðu Júgóslava með
níu marka mun,
27:18, í A-riðli heims-
meistaramótsins í
handknattleik í Jap-
an í gærmorgun. Is-
lenska liðið er þar með í efsta
sæti riðilsins og var vel fagnað
af „íslensku" börnunum í
Kumamoto - nemendum Kita-
skólans, sem studdu vel við
bakið á íslensku leikmönnun-
um.
Guðmundur Á. Ingvarsson,
formaður Handknattleikssam-
bands íslands, var skælbros-
andi eftir leikinn - greinilega
mjög ánægður með sína menn.
„Það er gaman að vera for-
maður á svona degi, þegar allt
gengur upp hjá okkur. Þetta
var stemmningsleikur, en
Morgunblaðið/Einar Falur
menn mega ekki
gleyma sér. Þetta er
engan veginn búið,
við verðum að vinna
tvo leiki í viðbót í
riðlakeppninni. Menn
mega gleðjast, en
þeir verða að hafa það í huga
að það eru erfiðir leikir eftir.
Þetta var fyrirfram talinn
erfiðasti leikur okkar - hann
gekk ótrúlega vel,“ sagði Guð-
mundur.
■ íþróttir/C-blað
Morgunblaðið/Sigurgeir Jónasson
Eggjatími í Eyjum
BJARGVEIÐIMENN í Eyjum
hafa í nógu að snúast þessa
dagana því bjargfuglinn er
orpinn og eggjataka því
hafin. Stíf austanátt ríkti í
Eyjum frá miðri síðustu viku
og fram yfir helgi og því
komust bjargveiðimenn ekki
í úteyjar til eggjatínslu fyrr
en um miðja þessa viku. Fýll-
inn var þá orpinn og svart-
fuglinn einnig, svo bæði
fýlsegg og svartfuglsegg eru
nú á boðstólum hjá bjargveiði-
mönnum.
Eggjatíminn markar upp-
haf sumarsins hjá bjargveiði-
mönnum í Eyjum og þegar
egg bjargfuglanna eru komin
á borð finnst flestum sumarið
vera komið. Bjargveiðimenn í
Álsey skruppu til eggjatínslu
á miðvikudaginn og var feng-
urinn ágætur. Á myndinni er
ungur Álseyingur, Ágúst Hall-
dórsson, við feng sinn.