Morgunblaðið - 23.05.1997, Qupperneq 60

60 FÖSTUDAGUR 23. MAÍ 1997
MORGUNBLAÐIÐ
MYNDBÖND/KVIKMYNDIR/ÚTVARP-SJÓNVARP
FOSTUDAGSMYNDIR SJONVARPSSTOÐVANNA
Sjónvarpið ►20.30 Hræsnin, tví-
skinnungurinn, fordildin í gildismati
samfélags og einstaklinga voru tíð
yrkisefni meistara Charles Dickens
og svo er einnig í sögunni sem
breska sjónvarpsmyndin Erfiðir
tímar (Hard Times, 1994) heitir
eftir. Þar eru úrvalsleikarar á ferð
- Alan Bates, Bob Peck, Bill Pater-
son og Richard E. Grant m.a. - en
leikstjórinn Peter Barnes er mér
ókunnur, sem og útkoman, en hún
er mjög trúlega traust.
Sjónvarpið ►23.00 Bandaríska
spennumyndin Málafærslumaður-
inn (Power Of Attorney, 1995) seg-
ir frá einum slíkum, ungum að
árum, sem fenginn er til að veija
stórglæpon og fær fyrst í stað glýju
í augun gagnvart veldi hans og
auði. En er samviskan til sölu? Því
er svarað og má hafa þolanlega
skemmtun af, einkum leikurunum
Danny Aiello, Elias Koteas og Rae
Dawn Chong. Leikstjóri Howard
Himelstein. ★ ★
Stöð 2 ►13.00 og 0.40 Robin
Williams sýnir sinn venjubundna
æðibunuleik í heldur skemmtilegri
gamanmynd með ofurlitlum ádeilu-
broddi, þar sem er Góðan daginn,
Víetnam (Good Morning Vietnam,
1987). Williams er hamslaus plötu-
snúður í herútvarpsstöð í Saigon
sem ögrar yfirboðurum og flestu
öðru sem lífsanda dregur. Bygging-
arlega er myndin í brotum. Leik-
stjóri Barry Levinson. ★ ★ 'h
Stöð 2 ►20.55 Þrír ninjar snúa
aftur (Three Ninjas Kick Back,
1994) þykir ágæt krakkaskemmtun
um þijá unga bardagakappa sem
fara til Japans og lenda í ýmsum
ævintýrum og svaðilförum. Martin
og Potter gefa ★ ★ ★ ‘A (af fímm
mögulegum) en Maltin er ekki eins
Martin Scorsese - skaut
framhjá en skoraði samt.
upprifmn og gefur ★ ★. Leikstjóri
Charles T. Kanganis.
Stöð 2 ►22.30 - Sjá umfjöllun í
ramma.
Sýn ^21.00 Engar umsagnir
liggja fyrir um bandarísku sjón-
varpsmyndina Hættuleg vinátta
(Fatal Friendship, 1996) en þar
segir frá tveimur mönnum sem ver-
ið hafa vinir til margra ára en ann-
ar þeirra gerir þá óþægilegu upp-
götvun að hinn er maður sem hann
þekkti ekki í raun og veru. Meðal
leikara eru Kevin Dobson, Gerald
McRaney og Kate Mulgrew en leik-
stjóri Bradford May.
Sýn ►23.20 Sá svipmikli leikari
Peter Coyote nær ekki að setja
nokkum afgerandi svip á heldur
bjánalega spennumynd, Hnífurinn
(High Art/The Knife, öðru nafni
Exposure, 1992), þar sem hann
leikur ljósmyndara í hnífabardögum
í Brasilíu við leit að morðingjum
vændiskonu. Leikstjóri Walter Sal-
les. ★
Árni Þórarinsson
Scorsese
skorar án
skotskónna
MERKASTI leikstjóri Bandaríkj-
anna, Martin Scorsese, á fá feil-
spörk ef nokkur, en mörkin eru
misfalleg. Víghöfði (CapeFear,
1991,Stö&2 ►22.30) telstekki
til glansmarka hans enda er hún
nánast á skjön við höfundarverk
hans yfirleitt. Scorsese endurgerir
hér samnefnda spennumynd J. Lee
Thompson frá árinu 1961, sem aft-
ur byggði á skáldsögunni The Exec-
utioners eftir John D. MacDonald,
þar sem segir frá lögmanni einum
og fjölskyldu hans sem sæta ofsókn-
um fyrrum skjólstæðings í líki
snældugalins nauðgara og ofbeldis-
manns og eru Nick Nolte og Ro-
bert DeNiro í hlutverkum andstæð-
inganna. Handrit myndarinnar
reynir að dýpka sálfræðilega stöðu
persónanna en Scorsese keyrir á
tæknilegum hamagangi sem er
vægast sagt yfirdrifinn og á köflum
hreinlega óþægilegur. Leikarar úr
fyrirmyndinni punta upp á í öðrum
hlutverkum - Gregory Peck, Robert
Mitchum og Martin Balsam, en best
er Juliette Lewis í hlutverki dóttur
Noltes. Martin Scorsese er um megn
að gera leiðinlega mynd og þótt
þessi teljist ekki til afreka hans kom
hún honum þó á kjöl í hugum
gróðapunganna í Hollywood. ★ ★ 'h
Morgunblaðið/Þorkell
„MONTHY Python-hópurinn er mjög skemmtilegur."
Ég mæli með
Fyrst o g fremst
afþreying
Valdís Gunnardóttir leikhúsritari LR
VALDÍS Gunnarsdóttir notar mynd-
bönd fyrst og fremst sem afþreyingu
og gerir töluvert aðrar kröfur til
þeirra en bíómynda þegar hún
bregður sér í kvikmyndahús. „Ég
legg aðaláherslu á skemmtanagildi
myndbanda og mæli þess vegna með
myndum Monthy Python-hópsins.
Hópurinn vakti fyrst athygli fyrir
gerð sjónvarpsþáttanna Monthy Pyt-
hon’s Flying Circus á árunum 1969-
1975. Félagarnir hafa gert einar
fimm kvikmyndir en auk þeirra hafa
sjónvarpsþættirnir verið gefnir út á
myndböndum. Til hópsins teljast
Bretarnir Graham Chapman (d.
1989), John Cleese, Eric Idle, Terry
Jones, Michael Palin og Bandaríkja-
maðurinn Terry Gilliam. þeir leika
sjálfir öll helstu aðalhlutverk mynd-
anna.“
Líf Brians
Life of Brian
Leikstjóri: Terry Jones.
„Þetta er tvímælalaust skemmti-
legasta mynd MP. Efnið er sótt til
heilagrar ritningar og rakin píslar-
saga Brians. Myndin nær algjöru
hámarki í lokaatriðinu þegar Brian
hefur upp raust sína á krossinum og
syngur: „Always look at the bright
side of life“!“ Myndin er frá 1979.
. Vií/i
QJSTAFYL
AFYLLTAR
BRAUÐSTANGIR
Og svo eru það líka brauðstangirnar
með kryddi og þremur tegundum
af osti ofan á.
■ET 533 2000
Hótel Esja • Kringlan
Tveir sögriþræðir
ARI Kristinsson kvikmyndagerðarmaður.
Morgunblaðið/Golli
Ari Kristinsson er
þekktastur fyrir verk
sín sem kvikmynda-
tökumaður. Hann sagði
Hildi Loftsdóttur
frá kvikmyndinni
Stikkfrír sem hann mun
leikstýra í sumar.
í JÚLÍ hefjast tökur á barnamynd-
inni Stikkfrír. íslenska kvikmynda-
samsteypan er framleiðandi, ásamt
Norðmönnum, Dönum og Þjóðverj-
um. Ari Kristinsson er leikstjóri,
en auk þess höfundur handritsins.
„Myndin fjallar um litla stúlku
sem býr ein með mömmu sinni.
Hún hefur aldrei þekkt föður sinn,
sem mamma hennar segir að búi
erlendis. Dag nokkurn uppgötvar
hún að pabbi hennar býr reyndar
í Breiðholtinu. Hún og vinkona
hennar ákveða að fara að skoða
hann, og fá svo hugmyndir um
hvernig hægt væri að fá hann til
baka með því að spilla sambandi
hans við nýju konuna. Þetta er
mynd í gamansömum dúr, en þó
um alvarlegt efni. Hérlendis er fjöl-
skyldumunstrið orðið ansi skrýtið
hjá mörgum. Þessi stúlka á engan
pabba, en vinkona hennar á hins
vegar fjóra,“ sagði Ari Kristinsson.
Tveir
söguþræðir
Ari er enginn nýgræðingur í leik-
stjórn. Hann hefur þegar leikstýrt
þremur barnamyndum.
„Eg leikstýrði myndunum um
Pappírs Pésa, og tveimur stutt-
myndum fyrir Sjónvarpið; Enginn
venjulegur drengur og Gamla
brúðan. Mér finnst á margan hátt
mjög gaman að gera barnamyndir.
Börnin eru mjög þakklátir og
hreinskilnir áhorfendur. Sjálfurhef
ég alltaf haft gaman af barna-
myndum, frá því ég sjálfur var
barn,“ sagði Ari.
„í barnamyndum er nauðsynlegt
að hafa tvo söguþræði. Einn sem
barnið sér og hefur gaman af. Svo
þarf að vera önnur hlið á málun-
um, sem börnin sjá frekar ab-
strakt, en sem foreldrarnir geta
haft gaman af. Þetta er nauðsyn-
legt svo myndin gangi, því börnin
fara ekki ein í bíó, og það má ekki
hætta á að foreldrarnir drepist úr
leiðindum. Allar barnamyndir sem
ganga vel og þykja vel heppnaðar
ná að höfða til víðs hóps,“ sagði
Ari.
Öðruvísi
barnamyndir
Undanfarið hafa verið skrifuð
mjög góð handrit að íslenskum
barnamyndum og má þá nefna t.d.
Benjamín Dúfu. Hafa íslenskir
höfundar sérstaka hæfileika fyrir
þetta tiltekna efni?
„Við skrifum öðruvísi handrit
að barnamyndum en Skandinavar.
Þeir eru reyndar búnir að mála sig
út í horn í þessum málum. Hjá
þeim komast engin handrit í gegn-
um kerfið nema þau séu skrifuð
af umferðarlögreglunni eða upp-
eldisfulltrúum. Kardimommubær-
inn eða Lína langsokkur mundu
aldrei komast í gegnum skandinav-
ískt kerfi núna. Ég á eftir að lenda
í vandræðum með þessa mynd,
vegna einhverra pedagóka. Það
má segja frá því að Benjamín
Dúfa er bönnuð börnum innan 11
ára í Svíþjóð!
í sambandi við fyrri myndir
mínar hef ég þurft að þola alveg
ofboðslegt stapp af hendi Skand-
inava. Þeir eru búnir að gelda
barnamyndir. Þeir halda að allt í
þeim þurfi að vera satt og rétt og