Morgunblaðið - 10.06.1999, Síða 15
MORGUNBLAÐIÐ
FIMMTUDAGUR 10. JÚNÍ 1999 15
AKUREYRI
Trésmíðaverkstæði Sveins Heiðars byggir tuttugu
og sjö raðhúsaíbúðir á Eyrarlandsholti
Stærstur hluti
húsanna byggður
inni á verkstæði
BÆJARYFIRVÖLD á Akureyri af-
henda á næstu dögum lóðir sem ný-
verið var úthlutað í nýju Teigahverfi
á Eyrarlandsholti. Trésmíðaverk-
stæði Sveins Heiðars var úthlutað
reit í hinu nýja hverfi en í reitnum er
gert ráð fyrir raðhúsum úr timbri,
samtals 27 íbúðum, 3ja og 4ja her-
bergja ásamt bflskúr við hverja íbúð.
Trésmíðaverkstæði Sveins Heið-
ars mun nýta sér byggingaraðferð
sem hefur verið í þróun sl. sex ár.
Samkvæmt henni er stærstur hluti
húsanna byggður inni á verkstæði og
fluttur þaðan á byggingarstað, þar
sem húshlutarnir eru settir saman.
Eftir að lokið er við að steypa grunn
er burðarvirki úr timbri og þak flutt
á staðinn frá verkstæði Sveins Heið-
ars. Gert er ráð fyrir að uppsetning
hvers húss taki aðeins örfáa daga.
Engar lagnir eru inni í burðarvirk-
inu en þess í stað er sérstakur lagna-
kjallari í hverjum grunni sem gólf er
byggt ofan á. Öllum lögnum er kom-
ið fyrir í sérstökum stökkum þar
sem auðvelt er að komast að þeim.
Petta gerir það m.a. að verkum að
auðvelt er að færa síðar milliveggi,
t.d. þegar fækkar í heimili.
Húsin verða klædd að utan með
dönskum steinplötum en kaupendur
geta að einnig valið aðrar gerðir
klæðninga. Ibúðirnar 27 verða allar
afhentar kaupendum fullbúnar að ut-
an sem innan ásamt frágenginni lóð.
Ráðgert er að afhenda fyrstu íbúð-
irnar í kringum næstu áramót en að
það taki um tvö og hálft ár að ljúka
framkvæmdum í reitnum.
Sérstök Húsbók
fylgir húsunum
Einnig má benda á það nýmæli að
hver kaupandi fær sérstaka Húsbók,
þar sem nákvæmlega er sagt frá öllu
sem máli skiptir, m.a. hvaða verktaki
vann hvem þátt, hvemig á að um-
gangast húsið og ráðleggingar um
viðhald í framtíðinni. Pá hafa Hita-
veita Akureyrar og Rafveita Akur-
eyrar lýst yfir áhuga á að koma upp-
lýsingum í bókina, að sögn Sveins
Heiðars Jónssonar. Þetta gerir það
að verkum, að sögn Sveins Heiðars,
að veðhæfni húsanna eykst og taldi
hann að innan fárra ára yrði hægt að
lána 85-90% kaupverðs tfl 30 ára.
Hann sagðist þegar hafa orðið var
við mikinn áhuga á þessum íbúðum
og meiri en hann hefur áður kynnst.
Trésmíðaverkstæði Sveins Heið-
ars hefur keypt iðnaðarhúsnæðið við
Óseyri 18 á Akureyri, þar sem verk-
smiðjanframleiðslan verður í fram-
tíðinni. Húsnæðið hentar mjög vel til
framleiðslunnar og verður tekið
formlega í notkun í vikulok. Þar með
má segja að sex ára þróunarverkefni
sé komið á framkvæmdastig.
Sveinn Heiðar Jónsson bindur
miklar vonir við nýju verksmiðju-
framleiddu húsin. Þau verði vandaðri
þar sem stærsti hlutinn er fram-
leiddur innan dyra á fullkomnu verk-
stæði. Þannig náist fram ákveðin
hagræðing sem komi kaupendum til
góða, m.a. í lægra verði. Sveinn
Heiðar álítur að markaður fyrir slík
hús sé fyrir hendi utan Akureyrar og
á það muni reyna fljótlega.
Samstarfsfyrirtæki Sveins Heið-
ars eru hátt í tuttugu. Arkitekta-
vinna er í höndum Arkitektarstof-
unnar í Grófargili, Verkfræðistofa
Norðurlands sér um burðarvirki og
lagnir og Raftán um rafmagnið.
Kappkostað verður að skila vönduðu
verki sem uppfyllir allar ströngustu
kröfur.
EYRARLANDSHOLT. REITUR 1
TEIKNING af reit 1 á Eyrarlandsholti, vestan Mýrvarvegar og sunnan Hörpulundar, þar sem Trésmíða-
verkstæði Sveins Heiðars byggir 27 raðhúsaíbúðir með nýrri aðferð.
Morgunblaðið/Kristján
Mörkin
sett upp á
Akureyrar-
vellinum
AKUREYRSKIR knattspyrnumenn
og andstæðingar þeirra geta nú
loks farið að þenja netmöskvana í
mörkunum á Akureyrarvellinum.
Jakob Gunnlaugsson og Gunnar
Jakobsson, starfsmenn vallarins,
voru einmitt að setja upp mörkin í
gær en fyrsti leikur sumarsins á
vellinum fer fram á morgun, föstu-
dag. Þá tekur KA á móti Þrótti frá
Reykjavík í 1. deild Islandsmótsins.
Á laugardag taka svo Þórsarar á
móti Selfyssingum í 2. deildinni.
Akureyrarvöllurinn er aliur að
koma til en hann er yfirleitt ekki
nothæfur fyrr en komið er nokkuð
fram í júní. KA og Þór hafa til
þessa þurft að spila heimaleiki sína
á knattspyrnuvöllum félagssvæð-
anna, þar sem aðstæður eru vart
boðlegar, auk þess sem KA-menn
skiptu á heimaleik sínum við
Skallagrím og léku í Borgarnesi á
dögunum. Áhorfendur hafa heldur
ekki jafn mikinn áhuga á að fylgj-
ast með heimaleikjum sinna liða,
sem fram fara annars staðar en á
Akureyrarvellinum og því má bú-
ast við að áhorfendum fari að
fjölga á leikjum Hðanna.
Ferðafélag
Akureyrar
Gengið
á Múla-
kollu
LAUGARDAGINN 12. júní
verður ganga á vegum Ferða-
félags Akureyrar á Múlakollu
í Ólafsfjarðarmúla. Múlakolla,
sem er í 984 metra hæð, nefn-
ist hæsti hluti Múlans.
Af Múlakollu er útsýni
stórkostlegt og sést vítt um
fjöll og dali. Fyrir fótum
liggja Ölafsfjörður og Eyja-
fjörður og ef skyggni er gott
má sjá reykina í Námaskarði
liðast til himins.
Fararstjóri í ferðinni verð-
ur Una Þórey Sigurðardóttir.
Allar nánari upplýsingar um
ferðina er að fá á skrifstofu
Ferðafélagsins, sem er opin
kl. 16-19. Skráning í ferðina
fer fram á skrifstofunni og
skráningu lýkur fostudaginn
11. júní. Ferðafélag Akureyr-
ar er að Strandgötu 23 og
síminn er 462 2720.
Þriðju jafnréttisáætlun Akureyrar dreift í öll hús, tíu árum eftir að sú fyrsta var samþykkt
„Sumt þyí miður
JAFNRÉTTISÁÆTLUN Akureyrarbæjar
var að koma út í þriðja sinn og verður bæk-
lingnum dreift í öll hús í bænum á næstunni.
Leiðai'ljós áætlunarinnar, sem samþykkt var í
bæjarstjóm í desember síðastliðnum, er að
sjónarmið jafnréttis verði fléttað inn í líf bæj-
arbúa og alla þætti stefnumótunar, ákvarðana
og aðgerða á vegum bæjarins.
Aætlun um jafnrétti á vegum Akureyrar-
bæjar var fyrst samþykkt fyrir nákvæmlega
tíu árum, 6. júní 1989, og segir Sigríður Stef-
ánsdóttir, sviðsstjóri þjónustusviðs Akureyr-
arbæjar og fyrrverandi bæjarfulltrúi, að sumt
frá því í fyrstu áætluninni sé því miður.í fullu
gildi ennþá, þótt vissulega hafi margt áunnist.
Þessi þriðja jafnréttisáætlun Akureyrar-
bæjar, sem kynnt var í vikunni, hefur tvíþætt
viðfangsefni. Annars vegar er um að ræða
jafnrétti í bæjarkerfínu og hins vegar jafn-
rétti meðal Akureyringa. Æskilegt er talið að
þau atriði í áætluninni sem varða starfsmenn
bæjarins verði að sem mestu leyti felld inn í
starfsmannastefnu Akureyrarbæjar og séu í
verkahring starfsmannadeildar. í bæklingn-
um segir að jafnréttisráðgjafi veiti deildum og
stofnunum bæjarins, bæjarráði og bæjar-
stjóm aðstoð og aðhald og einnig verður boðið
upp á aðstoð við bæjarbúa, einstaklinga,
stofnanir og fyrirtæki í jafnréttismálum.
Áður var það jafnréttis- og fræðslufulltrúi
bæjarins sem sá um jafnréttismál en nú heyr-
ir málaflokkurinn undir þjónustusviðið og
verkefnastjórar eru Elín Antonsdóttir og
Gunnar Frímannsson.
Samþætting
Af helstu nýjungum í áætluninni að þessu
sinni má nefna að nýta á þá þekkingu sem
skapast hefur á samþættingu á sem flestum
sviðum. „Samþætting felur í sér að flétta
sjónarhom beggja kynja inn í alla stefnumót-
un innan samfélagsins, endurskilgreina hefð-
bundin hlutverk kynjanna og gera bæði kon-
um og körlum kleift að samþætta fjölskyldu-
og atvinnulíf," eins og segir í áætluninni.
Einnig er nú í áætluninni í fyrsta skipti
enn í fullu gildi“
gert ráð fyrir því að í öllum tölfræðilegum
greinargerðum og skýrslum á vegum bæjar-
ins skuli upplýsingar greindar eftir kyni, en
fram kom á fundinum að íslendingar hefðu
nokkuð verið gagnrýndir erlendis fyrir að
hafa ekki tekið upp þann sið.
Fyrsta jafnréttisáætlun bæjarins, sú sem
samþykkt var 1989, gilti í fjögur ár og einnig
sú næsta, frá 1993. Á síðasta kjörtímabili hófst
vinna við endurskoðun áætlunarinnar og sú
sem nú lítur dagsins er ekki tímasett. „Sumt
sem sett var fram í fyrstu áætluninni er því
miður enn í fullu gildi, - og þykir alls ekkert
orðið hlægilegt í dag,“ svaraði Sigríður Stef-
ánsdóttir aðspurð á fundi þar sem áætlunin
var kynnt. Sigrún Stefánsdóttir, formaður
jafnréttisnefndar, sagði jafnmikla þörf á sumu
í umræddri áætlun og þegar það var sett fram
í þeirri fyrstu, „en vonandi verður ekki þörf á
því miklu lengur. Jafnréttisáætlunin fléttast
vonandi í framtíðinni inn í áætlanir deilda og
stofnana; það er ekki nóg að setja slíkt inn í
áætlun því ekki eru allir tilbúnir að gera það
án aðstoðar; þurfa faglega aðstoð og við ætlum
okkur að veita hana“, sagði Sigrún.
Óþolandi launamunur kynjanna
Spurðar að því hverju væri erfiðast að
breyta í svokölluðum jafnréttismálum stóð
ekki á svari; launamun kynjanna, „sem öllum
finnst óþolandi", eins og Sigríður Stefánsdótt-
ir orðaði það. Skv. könnun sem Félagsvísinda-
stoftiun Háskóla Islands gerði í fyrra um
launamun starfsmanna Akureyrarbæjar kom
fram að miðað við heildarlaun fólks í starfi hjá
bænum höfðu konur 59% af launum karla.
Þegar könnuð voru laun fólks í fullu starfi
kom í ljós að konur voru með 70% af launum
karla og við samanburð á heildarlaunum fólks
í sambærilegum störfum varð niðurstaðan sú
að laun kvenna voru 24% lægri en karla.
Þegar ekki var tekið tillit til yfirvinnu, bfla-
styrkja og annarra álíka þátta, m.a. þess að
karlar eru venjulega með meiri starfsreynslu
en konur, var munurinn enn 8% milli launa
karla og kvenna.