Morgunblaðið - 09.05.2003, Blaðsíða 11
FRÉTTIR
MORGUNBLAÐIÐ FÖSTUDAGUR 9. MAÍ 2003 11
SEX læknar starfa nú við heilsugæslustöðvar
Heilbrigðisstofnunar Suðurnesja, flestir raunar í
hlutastörfum. Þá eru þar í hlutastörfum nokkrir
sérfræðingar auk þess sem stöðin nýtur þeirrar
breiddar sem er í læknisþjónustu sjúkrahússins,
að sögn yfirlæknis þess. Þá verða tíu læknanemar
í afleysingum við heilsugæsluna í sumar.
Erfiðlega hefur gengið að manna stöður lækna
við heilsugæslustöðvar HSS undanfarna mánuði,
eða frá því allir heimilislæknar stofnunarinnar
sögðu upp störfum og hættu. Konráð Lúðvíksson,
yfirlæknir sjúkrahússviðs, segir að um þessar
mundir séu starfandi fimm heilsugæslulæknar við
stofnunina auk sérfræðings í krabbameinslækn-
ingum. Þessir læknar eru í hlutastörfum, nema
hvað einn heilsugæslulæknirinn og krabbameins-
læknirinn eru fastráðnir. Hann segir að eftir miðj-
an mánuðinn komi til starfa 10 læknanemar og eru
átta þeirra á lokastigi læknisfræðinnar. Þeir koma
til afleysinga eins og læknanemar hafa gert á und-
anförnum árum, þó heldur fleiri en venjulega.
Auk þessa eru starfandi við heilsugæslustöðina
tveir barnalæknar í hlutastarfi, þrír lyflæknar á
þremur mismunandi sérsviðum, sérfræðingur í
innkirtlafræðum og sérfræðingur í meltingarsjúk-
dómum. Sá síðastnefndi er sjálfstætt starfandi.
Konráð segir að læknisfræði stofnunarinnar
byggist á starfi þessara manna. Hann nefnir að á
sjúkrahúsinu séu starfandi skurðlæknir, bæklun-
arlæknir, kvensjúkdómalæknir, háls-, nef- og
eyrnalæknir og þvagfæraskurðlæknir. „Þessi
breidd hefur bjargað miklu í þeim þrengingum
sem við höfum farið í gegnum,“ segir Konráð.
Fá læknisþjónustu samdægurs
Þá lætur hann þess getið að hjúkrunarfræðing-
arnir hafi fengið aukið hlutverk á þessum tíma, án
þess að ganga í verk lækna, en vegna aukins fram-
lags þeirra hefðu þeir fáu læknar sem stundum
hefðu verið við störf nýst betur en ella. Loks getur
hann þess að við heilsugæslustöðina sé fjöldi ann-
ars sérmenntaðs fólks, eins og félagsráðgjafi, iðju-
þjálfar, sjúkraþjálfari og ljósmæður. Starfsfólkið
hefði lagt sig fram við að þjóna íbúum svæðisins
eins og mögulegt væri við þessar aðstæður.
Fólk sem leitaði til heilsugæslustöðvarinnar
fengi allt úrlausn sinna mála, það fengi yfirleitt
tíma hjá lækni samdægurs.
Konráð segir að eigi að síður söknuðu allir sér-
fræðinga í heimilislækningum og vonast til að þeir
fáist aftur til starfa sem fyrst.
Stefnt er að því að Heilbrigðisstofnunin kaupi
þjónustu heimilislækna af Heilsugæslunni í
Reykjavík og hefur verið undirrituð viljayfirlýsing
þess efnis. Konráð segir að samningar séu enn á
frumstigi en vonast til að samkomulag náist sem
leysi vanda heilsugæslunnar á Suðurnesjum þar
til heimilislæknar fáist þar til starfa.
Hann segir að starfsfólk stofnunarinnar sé stað-
ráðið í að koma sterkari út úr þeim hremmingum
sem það hafi gengið í gegnum. Verið sé að auka
sérfræðiþjónustu og þátt sjúkrahússins í að efla
heilsugæsluna.
Tíu læknanemar væntanlegir á heilsugæslustöðvar á Suðurnesjum
Sex læknar eru nú starf-
andi auk sérfræðinga
„Vinnslustöðin fer ekki á hausinn
af 10–20 króna gjaldi en hún lendir í
verulegum greiðsluerfiðleikum. Í
kjölfarið þarf félagið að selja frá sér
eignir, t.d. skip og kvóta til að lækka
skuldir. Um leið verðum við að
fækka fólki.
Þegar við gengum í gegnum erf-
iðleikana 1999 störfuðu 320 manns
hjá félaginu. Eftir uppsagnirnar
störfuðu 150 manns hjá félaginu. Á
síðasta ári störfuðu að meðaltali 215
manns hjá félaginu, það er að segja
að félagið hefur ráðið til sín 65
starfsmenn síðan 1999.
Verðmæti hlutabréfa Vinnslu-
stöðvarinnar er um 6,5 milljarðar
„LÍFEYRISSJÓÐUR Vestmanna-
eyja gæti þurft að skerða lífeyris-
greiðslur sínar komi til fyrningar
aflaheimilda, jafnvel þó að þær verði
ekki keyptar til baka fyrir meira en
10 til 20 krónur. 40 króna gjald
myndi setja Vinnslustöðina beint á
hausinn og Lífeyrissjóðurinn myndi
tapa hundruðum milljóna króna,“
segir Sigurgeir Brynjar Kristgeirs-
son, framkvæmdastjóri Vinnslu-
stöðvarinnar í Vestmannaeyjum.
Sigurgeir segir að 10–20 króna
gjald hefði veruleg neikvæð áhrif á
Vinnslustöðina. Slíkt gjald þýði að
VSV þurfi að greiða 150–300 millj-
ónir króna til ríkisins.
króna. Með mikilli einföldun má
segja að við árlega gjaldtöku að
upphæð 10 til 20 krónur mun verð-
mæti hlutabréfa VSV lækka um 1,5–
3,5 milljarða króna. Lífeyrissjóður
Vestmannaeyja á um 15% í Vinnslu-
stöðinni, en markaðsverðmæti
þeirra bréfa er þá um 950 milljónir
króna. 3,5 milljarða lækkun þýðir
54% lækkun eða lækkun um 440
milljónir króna. Heildarstærð sjóðs-
ins er um 11 milljarðar. Þetta þýðir
neikvæða ávöxtun um 4% og hún
leiðir til þess að sjóðurinn verður að
skerða lífeyrisgreiðslur sjóðfélaga
sinna,“ segir Sigurgeir Brynjar
Kristgeirsson.
Fyrning aflaheimilda getur
skert lífeyrisgreiðslur
ÓEÐLILEGT er að stórir
handhafar kvóta, líkt og Út-
gerðarfélag Akureyrar og
Vinnslustöðin í Vestmannaeyj-
um, skuli blanda sér inn í póli-
tíska umræðu eins og gerst
hefur að undanförnu.
Þetta segir Árni Steinar Jó-
hannsson, þingmaður Vinstri-
hreyfingarinnar – græns fram-
boðs (VG). „Sjávarútvegurinn
er okkar aðalatvinnugrein og
það er auðvitað mjög ójafn
leikur ef stórfyrirtækin beita
sér í pólitískum átökum um
hvernig stjórna eigi auðlind-
inni. Það er fyrst og fremst
það sem við í VG fettum fingur
út í.
Þessi fyrirtæki hafa mikið
afl og það afl er auðvitað vand-
meðfarið.“
Beita peningaafli til að
halda óbreyttu ástandi
Árni Steinar segir mjög
gagnrýnivert hvernig til að
mynda Vinnslustöðin hafi kom-
ið inn á umræðuvöllinn með
sína útreikninga og hræðslu-
áróður. „Þetta er einfaldlega
ekki boðlegt í kosningabaráttu
að beita þessu gríðarlegu pen-
ingaafli til þess að tala fyrir
óbreyttu ástandi. Auðvitað eru
mörg fyrirtæki sem ekki hafa
gert þetta en þarna eiga engu
að síður stórir aðilar í hlut þeg-
ar Vinnslustöðin og Eimskip
eru komin inn í þessa umræðu
á fullu afli. Það er ekki eins og
þetta sé lítið mál því þetta eru
aðilar sem eru á fullu á banka-
og tryggingamarkaði nú orðið.
Ég veit satt að segja ekki
hvar það ætti að enda ef menn
ætla sér að hegða sér með
þessum hætti. Í lýðræðisríki
verða menn vitaskuld að gæta
að siðareglum,“ segir Árni
Steinar.
Óeðlileg
afskipti
í kosn-
ingabar-
áttunni
TRYGGVI Agnarsson, lögmaður og
frambjóðandi Nýs afls við komandi
Alþingiskosningar, segir í greinar-
gerð sem hann sendi Morgunblaðinu
að Vinnslustöðin hf. og Þorbjörn
Fiskanes hf. ráði vel við fyrningarleið
í sjávarútvegi og því sé það rangt,
sem haldið hafi verið fram í opinberri
umræðu, að hún gerði þau gjaldþrota.
Tryggvi segir að því hafi verið hald-
ið fram „að mest (80%) af gjafakvót-
anum hafi skipt um hendur og því sé
ekki hægt eða sanngjarnt að breyta
kerfinu“. Ennfremur „að fyrirtækin
séu svo skuldug að þau hrynji við upp-
töku fyrningarleiðar. Eða að fyrning
veiðiheimildanna myndi valda gjald-
þrotahrinu í sjávarútvegi“.
Í máli Tryggva kemur fram að
hann hafi fengið Þórólf Matthíasson,
hagfræðing hjá viðskiptadeild Há-
skóla Íslands, til að reikna út áhrif
fyrningarleiðar á rekstur Þorbjarnar
Fiskaness og hann hafi bent á að ekki
væri rétt farið með staðreyndir varð-
andi stöðuna. Hugleiðingar um gjald-
þrot vegna fyrningarleiðar séu því út í
hött.
Greinargerð Tryggva
Agnarssonar
Fyrirtæki
ráða vel
við fyrn-
ingarleið
MORGUNBLAÐINU hefur
borist eftirfarandi frá aðal-
stjórn Knattspyrnufélagsins
Víkings:
Í tilefni af undanförnum
skrifum Halls Hallssonar, fyrr-
verandi formanns Knatt-
spyrnufélagsins Víkings, í
Morgunblaðinu þykir ástæða
til að taka fram að skoðanir
sem þar birtast eru hans per-
sónulegu skoðanir og lýsa ekki
afstöðu stjórnar Víkings til
borgarstjórnar og einstakra
stjórnmálamanna.
Orðsending
frá Knatt-
spyrnufélag-
inu Víkingi
UM 60 listamenn mótmæltu í gær
fyrir utan Ráðhús Reykjavíkur
aðgerðarleysi borgaryfirvalda
vegna fjárhagserfiðleika Borg-
arleikhússins en 38 starfsmönnum
þess hefur nýlega verið sagt upp.
Gunnar Hansson leikari las upp
opinbera áskorun til borgarstjóra
ásamt því sem leikarar létu tvær
grátandi grímur fljóta á tjörninni.
„Við listamenn og starfsfólk
leikhúsa, skorum á borgaryf-
irvöld að bregðast strax við því
menningarlega slysi sem nú er
staðreynd í Borgarleikhúsinu,“
sagði Gunnar í ræðu sinni. Hann
sagði leiklist hvorki vera áhuga-
mál né munað heldur listgrein
sem væri nauðsyn. „Menning-
arlegt slys í höfuðborg landsins
er staðreynd…Við krefjumst þess
að borgaryfirvöld í samvinnu við
Leikfélag Reykjavíkur endi þetta
óhæfuástand og sjái sóma sinn í
að reka Borgarleikhúsið eins og
það og allir borgarbúar eiga skil-
ið. Þetta glæsilega leikhús er ekki
annað en steinsteypa án fólksins
sem gæðir það lífi,“ sagði Gunn-
ar.
Þórólfur Árnason borgarstjóri
kom til viðræðna við leikarana.
Guðrún Ásmundsdóttir leikkona
var ein af þeim fyrstu sem voru
fastráðin hjá Leikfélagi Reykja-
víkur. „Auðvitað finnst mér
ástandið hræðilegt. Í gegnum ár-
in hef ég fundið hvernig farið var
að síga á ógæfuhliðina,“ sagði
Guðrún. „Þetta er elsta menning-
arfélag þessa bæjar, stofnað 1898,
og það hefur eiginlega alltaf ver-
ið í erfiðleikum. Nú er ögurstund,
hér verður að taka á málunum og
gera það myndarlega. Þetta eru
ekki bara leikarar, heldur eru
margir listamenn sem koma að
þessu,“ sagði Guðrún.
Halldór Gylfason hefur verið
lausráðinn hjá Leikfélagi Reykja-
víkur á sjötta ár. „Þetta er graf-
alvarlegt og ömurlegt mál. Mér
finnst bara svo skrítið að það er
verið að byggja menningarhús úti
um allt og svo er ekki hægt að
reka þessar stofnanir. Það verður
að gera eitthvað. Annaðhvort
verður að reka þetta með mynd-
arbrag eða draga verulega sam-
an. Það þarf að taka ákvörðun
svo fólkið þurfi ekki að vera í
óvissu endalaust,“ sagði Halldór.
Leikarar mótmæla aðgerðarleysi
Morgunblaðið/Júlíus
Guðrún Ásmundsdóttir leikkona mótmælir bágum kjörum Leikfélags Reykjavíkur. Þórólfur Árnason fylgist með.