Morgunblaðið - 03.09.2003, Blaðsíða 23
LISTIR
MORGUNBLAÐIÐ MIÐVIKUDAGUR 3. SEPTEMBER 2003 23
STARFSÁR Sinfóníuhljómsveitar Ís-lands er að hefjast og kennir þar ým-issa grasa. „Töluverðrar eftirvænt-ingar gætir í hvert sinn sem
Sinfóníuhljómsveit Íslands kynnir nýtt starfs-
ár og nú er engin breyting þar á. Áhuginn á
starfi sveitarinnar fer vaxandi, yngra fólk
kemur í æ ríkari mæli á tónleika og almennt
hefur tónleikagestum fjölgað um 30% síðasta
áratuginn,“ segir Sváfnir Sigurðarson, kynn-
ingarfulltrúi Sinfóníuhljómsveitar Íslands.
„Verkefni starfsársins eru bæði hefðbundin
og nýstárleg og nokkurn veginn allt þar á
milli.“
Stór hljómsveitarverk
í Rauðu tónleikaröðinni
„Rauð tónleikaröð einkennist af stórum
hljómsveitarverkum og verða sinfóníur Sjost-
akovitsj mjög áberandi en á næstu misserum
verða allar 15 sinfóníur þessa merka sinfón-
íuhöfundar fluttar,“ segir Sváfnir. „Fullyrða
má að þetta sé eitt af metnaðarfyllstu verk-
efnum Sinfóníuhljómsveitar Íslands frá upp-
hafi. Þessi „Sjostakovitsj-hringur“ hefst með
látum. Heilar þrjár sinfóníur á einu kvöldi og
sú fjórða verður á dagskrá síðar í vetur. Söng-
sveitin Fílharmónía tekur þátt í flutningi á
þeirri annarri og þriðju. Einnig verða fluttir
fjórir ballettar Stravinskíjs og sinfóníur eftir
Brahms og Beethoven. Erling Blöndal
Bengtsson heimsækir „móðurlandið“ og flytur
sellókonsert Khatsatúrjans. Flamenco-
söngkonan Ginesa Ortega færir miðjarð-
arhafshitann með sér í Háskólabíó þegar hún
flytur söngva Manuel De-Falla, El amor
brujo. Aðrir einleikarar í Rauðri áskriftarröð
eru Pekka Kuusisto sem flytur fiðlukonsert
Beethovens, Denis Matsuv sem leikur píanó-
konsert Tsjajkovskíjs. Kór Íslensku óp-
erunnar tekur þátt í flutningi á 9. sinfóníu
Beethovens undir stjórn Rumons Gamba að-
alstjórnanda SÍ og á síðustu tónleikum rað-
arinnar næsta vor býður Vladimir Ashkenazy
til Stravinskíj-veislu. Matseðillinn sam-
anstendur af völdum verkum meistarans,
Pulcinella, Eldfuglinum og hinu fræga Vor-
blóti.“
Íslenskir tónlistarmenn áberandi
í Gulu tónleikaröðinni
Gul tónleikaröð státar af fjórum verka W.A.
Mozarts, þar af tveimur sinfóníum og píanó-
konsert sem Philippe Entremont mun bæði
leika og stjórna en hann kemur nú til landsins
þriðja árið í röð sömu erinda. „Önnur verk á
dagskrá eru Draumur á Jónsmessunótt, eftir
Felix Mendelssohn, þar sem Þóra Ein-
arsdóttir og Hulda Björk Garðarsdóttir munu
syngja, Hilmir Snær Guðnason verður í hlut-
verki sögumanns og stúlknakórinn Graduale
Nobili mun ljá raddir sínar til flutningsins. Ís-
lenskir tónlistarmenn verða atkvæðamiklir í
Gulri áskriftarröð og verður gaman að sjá
leiðandi bassaleikara Sinfóníuhljómsveitar Ís-
lands, Hávarð Tryggvason og Konunglegu
Fílharmóníunnar í Stokkhólmi, Val Páls-
son, stilla saman strengi sína í tvöföldum
kontrabassakonsert eftir Hauk Tómasson
undir stjórn hinnar finnsku Susanne
Mälkki sem nú gegnir stöðu listræns
stjórnanda Sinfóníuhljómsveitarinnar í
Stavanger. Joseph Ognibene fyrsti horn-
leikari Sinfóníuhljómsveitar Íslands leik-
ur einleik í serenöðu Benjamins Britten,
sem hann skrifaði fyrir tenór, horn og
strengi. Frumflutningur á íslenskum
sellókonsert eftir Hafliða Hallgrímsson er
mikið tilhlökkunarefni. Norski sellóleikarinn
Truls Mørk kemur til þess að flytja konsert-
inn með hljómsveitinni.“
Vínartónlist, Bítlalög og kabarett í
Grænu tónleikaröðinni
Græn tónleikaröð verður sífellt vinsælli
með Vínartónleikum og söngleikjatónlist svo
eitthvað sé nefnt. „Fyrstu tónleikar rað-
arinnar eru strax 18. september og þá mun
okkar ástsæla Diddú syngja tónlist eftir Aron
Copland og Leonard Bernstein. Vín-
artónleikarnir eru orðnir óaðskiljanlegur
partur af jóla-og nýársupplifun margra,“ segir
Sváfnir. „Tónleikarnir í ár verða með hefð-
bundnu sniði en stjórnandinn Ernst Kovacic
er nýi karlinn í brúnni og fróðlegt að sjá
hverju hann bætir við hefðina. Guðmundur Óli
Gunnarsson stjórnar hljómsveitinni í
skemmtilega samsettri dagskrá síðar í janúar
sem inniheldur meðal annars sellókonsert eft-
ir Joseph Haydn og þar verður Sigurgeir
Agnarsson einleikari. Martin Yates og West-
End International sem hafa undfanfarin ár
troðið upp með bræðing Yates af poppi og
klassík, heimsækja okkur í ár með glænýtt
prógramm í farteskinu. Nú er það tónlist fjór-
menninganna frá Liverpool sem Yates hefur
sniðið í nýjan búning. Síðustu tónleikar starfs-
ársins í grænu röðinni eru helgaðir kabarett-
hefðinni sem virðist lifa góðu lífi. Ekki síst
fyrir atbeina hæfileikafólks á borð við Ute
Lemper sem hefur öðrum fremur þótt túlka
söngva Kurt Weil og hinna meistaranna svo
sjálf Marlene Dietrich hefði orðið fullsæmd
af.“
Í blárri tónleikaröð eru íslenskir höfundar í
öndvegi. Verk eftir Jón Nordal og Karólínu
Eiríksdóttur eru á efnisskránni en auk þess
eru Myrkir músíkdagar (Tónlistarhátíð Tón-
skáldafélags Íslands) orðnir hluti af tónleika-
röðinni og á hátíðinni eru að sjálfsögðu ein-
ungis leikin íslensk verk. „Í ár eru þau eftir
Þuríði Jónsdóttur, Finn Torfa Stefánsson, Jón
Leifs og Þórð Magnússon.
Víkingur Heiðar Ólafsson heitir ungur pí-
anóleikari sem nemur við Julliard-tónlistar-
skólann og þykir eitt mesta efni sem sest hef-
ur við tangenturnar lengi vel. Víkingur
Heiðar mun leika tvo píanókonserta frá 20.
öldinni, annan eftir Jón Nordal og hinn eftir
Prokofíev. Allt of sjaldan heyrist gítarinn á
sviði Háskólabíós og því tilhlökkunarefni að
heyra Arnald Arnarson spreyta sig á flunk-
unýjum gítarkonsert eftir Karólínu Eiríks-
dóttur. Christian Lindberg slær ekki slöku við
í apríl næstkomandi þegar hann mun bæði
stjórna hljómsveitinni og leika einleik í verki
eftir Christian Lindberg. Þreföld ástæða til að
sækja þá tónleika.“
Todmobil með hljómsveitinni
á tónelikum í Höllinni
Að auki verður fjöldi tónleika á dagskrá ut-
an hefðbundinna áskriftartónleika. „Kvik-
myndatónleikarnir verða tvennir að vanda og
gefst tónleikagestum nú kostur á að sjá
hljómsveitina leika tónlist við kvikmyndirnar
Lestarránið mikla eftir Edwin S. Porter og
Hershöfðingjann eftir Buster Keaton á fyrri
kvikmyndatónleikunum.
Á þeim seinni og jafnframt fjölskylduvænni
verður gleðin og galsaskapurinn í fyrirrúmi
þegar myndir eftir þrjá helstu konunga þöglu
gamanmyndanna, Charlie Chaplin, Buster
Keaton og Harald Lloyd leiftra á hvíta tjald-
inu við lifandi undirleik. Í nóvember rís ein al-
vinsælasta hljómsveit síðasta áratugar,
Todmobile, úr öskustónni og heldur mikla
tónlistarveislu í Laugardalshöll ásamt Sinfón-
íuhljómsveitinni.
Í byrjun desember heldur SÍ í víking til
Þýskalands en heldur eina tónleika í lok nóv-
ember áður en lagt er í hann. Rumon Gamba
stýrir hljómsveitinni í ferðinni og á tónleik-
unum verður leikin sú dagskrá sem þýskum
áhorfendum býðst að heyra. Verkin eru Frón,
eftir Áskel Másson, 2. píanókonsert Rakh-
manínovs og 5. sinfónía Sibeliusar. Bern-
harður Wilkinson mun stjórna hinum vinsælu
jólatónleikum fjölskyldunnar líkt og síðustu
ár auk þess sem hann heldur um tónsprotann
13. maí þegar Karlakórinn Fóstbræður kemur
fram með SÍ.
Sinfóníuhljómsveit Íslands mun einnig taka
þátt í tónleikum á vegum Listahátíðar
Reykjavíkur, útskriftartónleikum Listahá-
skóla Íslands, 50 ára afmælistónleikum Lang-
holtskirkju og 30 ára afmælistónleikum Söng-
skólans í Reykjavík.“
Sinfóníuhljómsveit Íslands kynnir vetrardagskrána
Hefðbundin verk-
efni, nýstárleg og
allt þar á milli
Hljómsveitin Todmobil kemur fram með Sinfóníuhljómsveitinni í Laugardalshöll í nóvember.
Sigrún
Hjálmtýsdóttir
Arnaldur
Arnarson
Vladimir
Ashkenazy