Morgunblaðið - 11.03.2004, Side 12

FRÉTTIR
12 FIMMTUDAGUR 11. MARS 2004 MORGUNBLAÐIÐ
LEIKTÆKI eru fyrst og fremst skemmtileg og til þess
fallin að stytta börnum stundirnar. En mörg þeirra, t.d.
kaðlabrýr á milli turna eins og hér sést, eru þó ekki síð-
ur góð til að æfa jafnvægið. Svo er líka hægt að hlaupa
og keppa jafnvel í hlaupi eftir brúnni. Skemmtilegast
er þó að fara í leik sem snýst um sjálfan kastalann, þar
sem t.d. tvö lið keppa um yfirráð kastalans og berjast
með ýmsum ráðum til að halda velli.
Morgunblaðið/RAX
Riddarar ráðast til atlögu
ÓÁNÆGJA er innan Starfsmanna-
félags Reykjavíkurborgar með
hvernig staðið var að greiðslu hæfn-
islauna um síðustu mánaðamót.
Svanur Pálsson, vagnstjóri hjá
Strætó bs., segir að margir standi í
stað í launum eða fái aðeins greidd-
an hluta af þeim hæfnislaunaflokk-
um sem þeir töldu sig hafa unnið sér
inn. Hann segir að Starfsmanna-
félagið hafi gert mistök með því að
gera samkomulag við borgina í lok
janúar um greiðslu hæfnislauna.
Bera hefði átt ágreining um málið
undir félagsdóm og raunar kunni
svo að fara að það verði gert.
Samkvæmt kjarasamningi Starfs-
mannafélagsins og Reykjavíkur-
borgar átti að taka upp starfsmat og
greiða hæfnislaun 1. desember 2002.
Starfsmatinu var frestað vegna þess
að vinnu við það er enn ekki lokið.
Starfsmannafélagið krafðist þess
hins vegar að borgin greiddi svo-
kölluð hæfnislaun hið fyrsta. Í sam-
komulaginu segir m.a.: „Hæfnislaun
samkvæmt eldra fyrirkomulagi falli
niður frá gildistöku nýrra hæfnis-
launa.“
Svanur segir að hann telji að ekki
hefði átt að gera þetta samkomulag
því að í gildi sé kjarasamningur og
ef ágreiningur hafi verið um fram-
kvæmd hans hefði átt að bera hann
undir félagsdóm. Í kjarasamningn-
um sé ekkert talað um að eldri
hæfnislaun eigi að falla brott heldur
einungis að ný grein í samningnum
um hæfnislaun taki við þegar eldri
grein um sama efni falli brott. „Það
þurfti því ekki að skrifa undir neitt
samkomulag um að eldri hæfnislaun
féllu brott.“
Svanur segir að hann og fleiri
vagnstjórar hafi á síðustu árum sótt
námskeið m.a. í þeim tilgangi að
vinna sig upp úr því sem kallað er
vagnstjóri 1 í það sem kallað er
vagnstjóri 3. „Við teljum okkur vera
búna að ávinna okkur þessa hækkun
og vissum aldrei að þessi námskeið
yrðu síðar meir skilgreind sem hluti
af hæfnislaunamati. Ég met það svo
að það sé verið að taka af okkur
áunnin réttindi einungis til þess að
við hækkum ekki um launaflokk.“
Svanur segir að það sé mikil
óánægja með þetta meðal starfs-
manna borgarinnar. „Ég veit um
menn sem hafa starfað hjá borginni
í 30 ár og ættu að vera búnir að
vinna sér inn fjögurra launaflokka
hækkun. Vegna þess að gamla
hæfnislaunakerfið fellur brott fá
þeir ekki nema tvo launaflokka. Að
mínu mati er hreinlega verið að
skerða launin okkar. Allar þessar
æfingar miða að því einu að við fáum
ekki þessa launahækkun sem var
búið að gefa fyrirheit um að við
fengjum.“
Svanur segir að strætóbílstjórar
komi saman til fundar á næstunni
þar sem þetta mál verði til umræðu.
Hann segir að óánægja sé víðar
meðal starfsmanna borgarinnar.
Gagnrýni á samkomulag Reykjavíkurborgar og Starfsmannafélagsins
Óánægja með að eldri
hæfnislaun falli niður
DÆMDUM kynferðisbrotamönnum
á Íslandi er boðið upp á einstak-
lingsmeðferð hjá sálfræðingi innan
fangelsis á meðan afplánun fer fram
en síðastliðin 15 ár, a.m.k., hefur
enginn kynferðisafbrotamaður verið
dæmdur til meðferðar þótt stundum
komi fram í dómum að mælt sé með
meðferð. Engar tölulegar upplýs-
ingar liggja hins vegar fyrir um
hversu margir einstaklingar hafi
gengist undir slíka meðferð né held-
ur hefur árangur slíkrar meðferðar
verið metinn með skipulegum hætti.
Þetta kemur fram í skýrslu dóms-
málaráðherra um gerendur í kyn-
ferðisbrotamálum sem lögð var
fram að beiðni Guðrúnar Ögmunds-
dóttur og fleiri þingmanna.
Langtímameðferð
fyrir yngri gerendur
Í meðferðinni er markmiðið að
beina kynferðislegum áhuga ein-
staklings á nýjar brautir og hins
vegar að koma í veg fyrir ítrekun
brota. Þar kemur og fram að
ábyrgð á úrræðum fyrir gerendur
sem ekki hafa náð 18 ára aldri er
hjá barnaverndaryfirvöldum.
Barnaverndarstofa býður upp á
langtímameðferðarúrræði á með-
ferðarheimilum fyrir einstaklinga
yngri en 18 ára sem beita aðra kyn-
ferðislegu ofbeldi. Þá er í undirbún-
ingi hjá stofunni að koma á göngu-
deildarúrræði fyrir ungmenni sem
beitt hafa aðra kynferðislegu of-
beldi.
Í skýrslunni segir einnig að þegar
ungir sakhæfir gerendur eigi í hlut
grípi barnaverndaryfirvöld inn í á
fyrstu stigum þegar þeir hafa verið
kærðir fyrir brot. Gerendurnir fái
þá eins fljótt og kostur er viðeigandi
meðferð og sé hún oft enn yfir-
standandi þegar málið fer fyrir
dóm. Í mörgum þeirra tilvika hafa
dómstólar kveðið upp skilorðs-
bundna dóma sem kveða nánar á
um að viðkomandi ljúki þeirri með-
ferð sem hafin var.
Síðastliðin 15 ár, að minnsta
kosti, hafa kynferðisbrotamenn ekki
verið dæmdir í meðferð hér á landi,
en stundum kemur fram í dómi það
viðhorf dómara að hann mæli með
meðferð. Kynferðisbrotamenn sem
eru undir eftirliti hjá Fangelsis-
málastofnun eru oft hvattir til að
leita sér hjálpar og stundum er
þeim boðin aðstoð sálfræðinga
stofnunarinnar. Það er forgangs-
verkefni hjá sálfræðingum Fangels-
ismálastofnunar að sinna kynferð-
isbrotamönnum.
Ekki dæmdir
til meðferðar
Kynferðisbrotamenn á Íslandi
ÍSLENSKA hönnunarsýningin
Transforme verður opnuð í París 1.
apríl en hún er ein umfangsmesta
sýning sinnar tegundar sem ráðist
hefur verið í. Þá hefur verið stofn-
aður sérstakur samstarfsvettvangur
um hönnun en tilgangurinn er að á
einum stað verði hægt að afla upp-
lýsinga um íslenska hönnun og
hönnuði, miðla upplýsingum milli
hönnuða og fyrirtækja og að efla
samstarf á markvissan hátt.
Íslensk hönnun í
víðu samhengi
Íslenska hönnunarsýningin í París
verður haldin í hinu virta VIA gall-
eríi og á henni verður íslensk hönn-
un sýnd í víðu samhengi, þ.e. iðn-
hönnun, húsgagnahönnun,
textílhönnun, keramikhönnun,
skartgripahönnun, fatahönnun,
grafísk hönnun, arkitektúr og lands-
lagsarkitektúr.
Sýningin er hald-
in að frumkvæði
iðnaðarráðherra,
Valgerðar Sverr-
isdóttur, og kost-
uð að stærstum
hluta af iðnaðar-
og viðskiptaráðu-
neyti með stuðn-
ingi Reykjavíkur-
borgar en unnin í
samstarfi við Form Ísland, samtök
hönnuða en markmiðið er að koma
íslenskri hönnun á framfæri og
kynna þá framsækni og sérstöðu
sem íslenskir hönnuðir hafi tileinkað
sér.
Þá hefur náðst samkomulag milli
iðnaðarráðuneytisins, hönnuða,
Samtaka iðnaðarins, Útflutnings-
ráðs Íslands, Impru – nýsköpunar-
miðstöðvar og Aflvaka um að taka
upp samstarf um hönnun. Verkefnið
verður kallað Samstarfsvettvangur
um hönnun. Vettvangurinn verður
starfræktur sem þróunarverkefni í
þrjú ár og verður vistaður hjá Impru
en tilgangur verkefnisins er að á ein-
um stað verði aflað upplýsinga um
íslenska hönnun og hönnuði, upplýs-
ingum miðlað milli hönnuða og fyr-
irtækja og að efla samstarf á mark-
vissan hátt.
Valgerður Sverrisdóttir segist
telja vera mikilvæg sóknarfæri í ís-
lenskri hönnun sem hún hafi trú á að
geti aukið verðmætasköpun. „Við
höfum orðið vör við mikla þörf fyrir
samstarfsvettvang á þessu sviði,
bæði hjá hönnuðum og eins hjá at-
vinnulífinu. Þá er mikilvægt gagn-
vart útlöndum að hægt sé að hafa
samband við einn aðila á Íslandi sem
er eins konar samnefnari fyrir hönn-
unina og það gerist með þessum
vettvangi.“
Valgerður segir ekki leika vafa á
því að á Íslandi séu fjölmargir hæfi-
leikaríkir hönnuðir og það muni m.a.
koma í ljós á sýningunni í París.
„Það er svo glæsileg skrá sem við er-
um búin að láta gera fyrir sýninguna
í París.
Á sama tíma hleypum við af stað
samstarfsvettvanginum og það er
mikilvægt vegna þessarar sýningar í
París að það sé þannig tenging inn í
framtíðina.“
Íslensk hönnun sýnd í París
Ein umfangsmesta sýning
sinnar tegundar haldin í apríl
Valgerður
Sverrisdóttir
HÉRAÐSDÓMUR Reykja-
ness hefur dæmt tvo karlmenn
á þrítugsaldri í skilorðsbundið
fangelsi, annan í 4 mánuði og
hinn í þrjá, fyrir að ráðast á tvo
aðra karlmenn á dansleik í
Stapa í Reykjanesbæ árið 2001
og berja þá m.a. í höfuðið með
bjórglösum og flöskum. Dóm-
arnir eru skilorðsbundnir
vegna þess hve mikill dráttur
varð á að ákæra væri gefin út.
Rannsókn málsins var að
mestu lokið í byrjun mars 2002
en ákæra var ekki gefin út fyrr
en 3. október 2003.
Sakborningarnir voru
dæmdir til að greiða fórnar-
lömbunum skaðabætur og
einnig voru þeir dæmdir til að
greiða málskostnað.
Dæmdir
vegna lík-
amsárásar
FJALLAMANNINUM Cameron
Smith gengur vel á göngu sinni þvert
yfir Vatnajökul þrátt fyrir afleitt
veður. Hann er meira en hálfnaður
með gönguna og ef allt gengur að
óskum verður hann kominn yfir jök-
ulinn í kringum næstu helgi, segir
Halldór Kvaran, formaður Íslenska
Alpaklúbbsins, sem hefur verið
Smith innan handar.
Smith lýsir veðrinu undanfarna
daga á vef sínum og segir að það sé
engu líkara en það rigni yfir sig ísk-
rapa, svipuðum mislitum krapanum
sem seldur er í ísbúðum. „Ímyndið
ykkur svona krapavél sem snúið er á
hlið og þeytir krapanum á 20 metra
hraða á sekúndu. Þannig var þetta í
dag [í fyrradag] og ég þurfti að
hætta snemma til að þurrka mig. Ég
sé ekki fram fyrir hendur mér, sé
bara áttavitann í hendi mér undir
krapalagi,“ segir Smith á vef sínum,
www. solice.com.
Krapanum
þeytt lárétt
20 m/s
Gengið yfir Vatnajökul