Fréttablaðið - 17.03.2005, Blaðsíða 2

2 17. mars 2005 FIMMTUDAGUR
Héraðsdómur Reykjavíkur:
Dæmdur fyrir 30 brot
LÖGREGLUMÁL Rúmlega tvítugur
maður var í gær dæmdur til fjórtán
mánaða fangelsis fyrir ítrekuð
þjófnaðar- og fíkniefnabrot en
maðurinn hefur setið inni frá því í
janúar á síðasta ári og kemur sá
tími til frádráttar dómi Héraðs-
dóms Reykjavíkur. Maðurinn var
fundinn sekur um margvísleg brot
tengd innbrotum, þjófnuðum og
fíkniefnum.
Maðurinn játaði sök sína fúslega.
Dómurinn komst að þeirri niður-
stöðu að vegna langs brotaferils og
fyrri skilorðsdóma kæmi skilorðs-
binding ekki til greina. Þó tók dóm-
urinn tillit til ungs aldurs mannsins
sem og vilja hans til að taka á fíkni-
efnavanda sínum. Hefur viðkom-
andi þegar setið í varðhaldi þann
tíma sem dómurinn tekur til og
losnar úr fangelsi í þessum mánuði.
Félagi mannsins sem einnig tók
þátt í einu innbroti fékk fjögurra
mánaða skilorðsbundinn dóm en sá
hefur þrisvar áður hlotið dóm fyrir
samsvarandi brot. - aöe
Leikskólagjald á Akureyri:
Lækkar um fjórðung
LEIKSKÓLAR Skólanefnd Akureyr-
arbæjar hefur lagt til við bæjar-
ráð að gjaldskrá leikskóla verði
einfölduð og allir greiði sama
gjald. Samhliða breytingunni
mun almenn gjaldskrá lækka
um 25% en nefndin leggur
einnig til að tekin verði upp föst
greiðsla til allra foreldra vegna
vistunar barna hjá dagmæðrum.
Kostnaður Akureyrarbæjar
vegna breytinganna mun aukast
um 25 til 30 milljónir króna á
ári.
Kristján Þór Júlíusson, bæj-
arstjóri á Akureyri, segir breyt-
inguna á gjaldskrá leikskólanna
mikið réttlætismál fyrir stóran
hóp foreldra um leið og gjald-
skráin sé gerð gegnsærri. „Á
leikskólum bæjarins eru um
1000 börn og eftir breytinguna
mun kostnaður foreldra rúm-
lega 650 barna minnka um tæp-
ar 5.700 krónur á mánuði sem
jafngildir 100 þúsund króna
kauphækkun á ári,“ segir Krist-
ján.
Engin gjaldskrárbreyting
verður hjá 117 börnum í leik-
skólum Akureyrar. Gjaldskrá
170 barna mun hækka en þau
verða tímabundið áfram á lægra
gjaldi og 55 börn, sem verið
hafa á lægsta gjaldi, útskrifast
úr leikskólunum í vor. - kk
Stóru sveitarfélögin
vilja sérsamninga
Reykjavíkurborg ætlar að gera sérsamning við kennara í Norðlingaholti.
Garðabær hefur þegar lagt drög að sérsamningi fyrir samstarfsnefnd KÍ og
launanefndar. Fimm grunnskólar í Reykjavík sýna sérsamningum áhuga.
SKÓLAMÁL Sérkjarasamningur í
Sjálandsskóla í Garðabæ er til-
búinn og í höndum Kennarasam-
bandsins og launanefndar sveit-
arfélaganna. Einkaskóli Ísaks
Jónssonar lauk við gerð einstak-
lingssamninga við átta af tíu
kennurum í vikunni og í Tjarnar-
skóla, sem einnig er einkaskóli,
er hugað að breytingum.
Reykjavíkurborg ætlar að
semja sér við kennara og stjórn-
endur nýs skóla í Norðlingaholti.
Allir vilja skólarnir semja í takt
við fimmtu bókun í kjarasamn-
ingi grunnskólakennara og launa-
nefndarinnar. Þar stendur að
hægt sé að taka upp hliðstæð
vinnutímaákvæði og gilda hjá
öðrum háskólamenntuðum starfs-
mönnum sveitarfélaga í tilrauna-
skyni til eins árs.
Stefán Jón Hafstein, formaður
fræðsluráðs, segir um fimm aðra
skóla í Reykjavík hafa sýnt því
áhuga að gera sérsamninga innan
sinna veggja: „Við teljum þó
nauðsynlegt að frumkvæði að
breytingum innan rótgróinna
skóla komi sameiginlega frá
kennurunum og skólastjórnend-
um.“
Edda Huld Sigurðardóttir,
skólastjóri Ísaksskóla, segir laun
kennara þar verða í grunninn 240
þúsund en aukist um tíu þúsund
fyrir umsjónarkennara. Kennar-
arnir semja síðan sér um um-
framlaun hvers. Edda vill ekki
gefa upp hver þau séu en segir
kennarana mjög ánægða.
Laun grunnskólakennara við
Sjálandsskóla verða minnst 290
þúsund á mánuði, samkvæmt
Morgunblaðinu. Gunnar Einars-
son, forstöðumaður fræðslu- og
menningarmála Garðabæjar,
staðfesti það ekki í gær en hann
hafði ekki tíma til viðtals.
Margrét Theodórsdóttir, skóla-
stjóri Tjarnarskóla, segir lengi
hafa tíðkast að greiða kennurum
einkaskólans hærri laun en sveit-
arfélögin geri: „Okkur finnst svo
margt spennandi að gerast í
kjaramálum og því tel ég að við
hugsum okkar gang varðandi
samninga fyrir næsta vetur.“
Kristinn Kristjánsson situr í
samstarfsnefnd Kennarasam-
bandsins og launanefndarinnar
en undir hana þarf að bera sér-
samninga: „Eina erindið sem
hefur komið fyrir nefndina er frá
Sjálandsskóla. Við stefnum að því
að afgreiða það á næsta fundi en á
hvorn veginn þori ég ekki að
segja til um.“ gag@frettabladid.is
■ LÖGREGLUFRÉTTIR
VITNI ÓSKAST Karlmaður sem
slasaðist í árekstri við ungan
dreng á skautasvellinu í Skauta-
höll Reykjavíkur í lok mars
óskar eftir vitnum að atburðin-
um en hann var fluttur brott í
sjúkrabíl. Óskar hann eftir þeim
sem sáu slysið og eru tilbúnir að
vitna um það. Sími mannsins er
693 7301.
VIÐ KÖGUR
Þykk ísbreiða liggur að landi fyrir norð-
vestan og telja veðurfræðingar að enn eigi
eftir að bæta í.
Hafísinn á hægri ferð:
Gæti lokað
Grímsey af
HAFÍS Hafísinn fyrir norðan land
er á hægri ferð vestur á bóginn
og gera veðurfræðingar ráð
fyrir að siglingaleiðin fyrir Horn
verði áfram lokuð næstu daga.
Íslaust er orðið að heita fyrir
austan landið en samfelld ís-
breiða nálgast Grímsey og gæti
lokað eyjuna af breytist haf- og
vindáttir ekki næstu daga.
Ísjakar hafa sést í mynni Ísa-
fjarðar og fór þeim fjölgandi í
gær en ekki er talin hætta á að
fjörðurinn lokist. Hins vegar
bætist stöðugt í ísbreiðuna við
Horn enda hafstraumar verið
vestur á bóginn síðasta sólar-
hringinn. Engar tilkynningar
höfðu borist um skip eða báta í
vandræðum vegna þessa.
- aöe
FORSETINN Í INDLANDI
Þegar forseti og sendinefnd fóru til Ind-
lands flugu ferðamenn út og heim í sömu
vél og forsetinn.
Kínaferð:
Flogið með
forsetanum
FERÐALAG Ferðaskrifstofan Úrval-
Útsýn auglýsir nú vikuferð til
Kína þar sem flogið verður með
Ólafi Ragnari Grímssyni forseta
sem fer þangað í opinbera heim-
sókn um miðjan maí.
„Forsetinn og sendinefnd
munu að öllum líkindum ferðast
með þessu leiguflugi til Kína og
frá Kína,“ segir Örnólfur Thors-
son, skrifstofustjóri á skrifstofu
forseta. Hann segir Úrval-Útsýn
hafa haft samband við skrifstofu
forseta en forsetaembættið komi
ekki að ferðinni sem Úrval-Útsýn
auglýsir að öðru leyti en því að
báðir hóparnir, ferðamenn og
sendinefnd forseta, fljúgi saman í
breiðþotu Atlanta. - bþg
ÁFENGISSKATTAR LÆKKAÐIR
Formælandi sænsku ríkisstjórn-
arinnar í áfengismálum leggur til
að skattar á bjór og víni verði
lækkaðir um þrjátíu prósent. Með
þessu mætti draga stórlega úr
smygli á áfengi frá löndum á borð
við Danmörku. Hann vill einnig
að áfengiskaupaaldur á vínveit-
ingahúsum verði tuttugu ár.
SPURNING DAGSINS
Gaui, ertu ekki að standa þig í
stykkinu?
„Til að fást við offitu þarf að takast á
við sálræn vandamál og íslenskir karl-
menn eru ekki mikið fyrir að flíka þeim“
Ný könnun sýnir að karlmenn í Evrópu eru orðn-
ir feitari en konur. Gaui litli hefur lengi barist við
offitu, bæði sína eigin og annarra Íslendinga.
■ SVÍÞJÓÐ
HÉRAÐSDÓMUR
Síbrotamaður var í gær dæmdur til fjórtán
mánaða fangelsisvistar fyrir rúmlega 30
lögbrot.FJÓRTÁN MÁNAÐA FANGELSI FYRIR:
A) Þjófnað á tveimur bifreiðum
B) Nytjastuld á tíu bifreiðum
C) Nytjastuld og þjófnað úr fjórtán bifreiðum
D) Nytjastuld og eignaspjöll á þremur bifreiðum
E) Fíkniefnabrot
F) Innbrot og þjófnað úr iðnaðarhúsi
Sameiningarkosningar:
Frestað til
næsta hausts
ALÞINGI Árni Magnússon félags-
málaráðherra lagði fram frumvarp
á Alþingi í gær þar sem lagt er til að
kosningum vegna sameiningu sveit-
arfélaga verði frestað til 8. október.
Þær áttu að fara fram hinn 23. apríl.
Ástæðan fyrir frestuninni er
fyrst og fremst sú að illa gekk að ná
samkomulagi í tekjustofnanefnd um
breytingar á tekjustofnum sveitar-
félaga og því dróst að sameiningar-
nefnd kynnti endanlegar tillögur
sínar. Er því nú ljóst að ekki er
nægur tími til stefnu til að tillögurn-
ar geti fengið nægilega kynningu og
umfjöllun í viðkomandi sveitarfé-
lögum fyrir kjördag. - sda
LEIKSKÓLABARN Á FLÚÐUM
Um 100 börn á Akureyri eru í umsjón dag-
mæðra en kostnaður foreldra mun lækka
verulega vegna 60 barna og lækka lítils-
háttar vegna 40 barna ef kostnaður vegna
fæðis er ekki tekinn með.
Í FRÍMÍNÚTUM
Krakkarnir í Ísaksskóla bregða á leik í frímínútum. Ísaksskóli er einkarekinn og hafa tíu af
sextán kennurum samið um önnur kjör en tíðkast meðal kennara í grunnskólum sveitar-
félaganna. Hinir sex eru æviráðnir. Sérsamningurinn hefur ekki verið borinn fyrir sam-
starfsnefnd Kennarasambandsins og launanefndarinnar.
M
YN
D

LA
N
D
H
EL
G
IS
G
Æ
SL
AN