Fréttablaðið - 17.03.2005, Blaðsíða 8
1Hversu margir eru taldir hafa látistúr hungri og sjúkdómum í Darfur síð-
asta hálfa annað árið?
2Hversu margar bækur seldust á bóka-markaði Félags íslenskra bókaútgef-
enda í Perlunni?
3Hvað heitir forseti Kosovo sem lifði afbanatilræði?
SVÖRIN ERU Á BLS. 46
VEISTU SVARIÐ?
8 17. mars 2005 FIMMTUDAGUR
Skíðafæri næstu daga:
Ágætt veður en blautt færi
SKÍÐI Spáð er hlýnandi veðri um
allt land eitthvað fram í næstu
viku. Um helgina verður milt
veður og hægur vindur. Því eru
líkur á ágætis veðri en blautu færi
fyrir skíðamenn samkvæmt upp-
lýsingum frá Veðurstofu. Erfitt er
að spá fyrir um veður um páska-
helgina sjálfa og verða spenntir
skíðaiðkendur því að bíða fram í
næstu viku til að sjá hvert skuli
halda í fríinu.
Páskarnir eru stærsta vertíð
skíðasvæðanna á landinu og eru
því ýmsar uppákomur skipulagð-
ar. Skíðavika Ísfirðinga verður
haldin í sjötugasta skipti í ár og er
búist við allt að 2.000 gestum til
Ísafjarðar.
Dagskrá skíðasvæða höfuð-
borgarsvæðisins er ekki ljós en
eitthvað verður um uppákomur.
Skíðasvæðin eru opin núna og
nægur snjór að sögn kunnugra.
Spá næstu daga er þó ekki mjög
hagstæð skíðamönnum sunnan-
lands.
Unglingalandsmót verður á
skíðasvæði Siglfirðinga um helg-
ina og fjölskylduhátíð um pásk-
ana. Þar eru allar lyftur og skíða-
leiðir opnar.
Nægur snjór er í Hlíðarfjalli að
sögn Guðmundar Karls Jónsson-
ar, forstöðumanns á svæðinu, og
spáin þeim hagstæð næstu
daga. ■
Háskólinn mun
sprengja vegakerfið
Bæjarfulltrúi í Garðabæ telur að flytji Háskólinn í Reykjavík í Vatnsmýrina
muni það sprengja vegakerfi miðbæjarins. Formaður skipulagsráðs Reykja-
víkurborgar telur þetta furðulegan málatilbúnað.
SAMGÖNGUR Ef Vatnsmýrin verður
fyrir valinu sem framtíðarstaður
Háskólans í Reykjavík mun það
að öllum líkindum sprengja
vegakerfi miðborgarinnar, segir
Einar Sveinbjörnsson bæjarfull-
trúi Framsóknar og óháðra í
Garðabæ.
Reykjavík og Garðabær bítast
um að veita Háskólanum í Reykja-
vík framtíðaraðstöðu. Annars
vegar býðst skólanum lóð í Vatns-
mýrinni og hins vegar landsvæði
við Urriðaholt í Garðabæ. Stjórn
skólans tekur ákvörðun í apríl um
hvor kosturinn verður fyrir valinu.
Einar telur að vegakerfið anni
ekki þeim tugum þúsunda sem
munu vinna og starfa á svæði sem
er einn kílómetri í radíus. Urriða-
holtið sé því skynsamlegri kostur
fyrir Háskólann í Reykjavík þar
sem það muni dreifa umferðinni
verulega.
Þá bendir Einar á að líklega
þurfi að ráðast í samgönguúr-
bætur fyrir miðbæinn, flytjist
Háskólinn þangað. Til að mynda Fossvogsbraut sem var í umræð-
unni fyrir nokkrum árum og var
mjög umdeild, eða brú yfir
Skerjafjörð frá Bessastöðum.
Dagur B. Eggertsson, formað-
ur skipulagsráðs Reykjavíkur
segir þetta furðulegan málatil-
búnað hjá Einari. Þá sé sérkenni-
legt að menn treysti sínum kosti
ekki betur en svo að þeir leggist í
skotgrafarhernað án þess að hafa
kynnt sér málin.
Dagur segir samgöngumál á
Vatnsmýrarsvæðinu vera í mjög
góðum málum. Svonefndur Hlíð-
arfótur tengi svæðið við Hring-
braut og nýverið hafi verið gengið
frá samkomulagi við samgöngu-
ráðherra um að hraða þeirri fram-
kvæmd og verði hún sett inn á
samgönguáætlun næsta árs. Þá
séu göng í gegnum Öskjuhlíð,
einnig á langtímaáætlun. Þetta
verði því eitt best tengda svæði
höfuðborgarsvæðisins.
solveig@frettabladid.is
– hefur þú séð DV í dag?
Lífeyriskóngur látinn
fjúka með
43 milljóna
starfsloka-
samning
STJÓRN SJÓÐSINS VISSI
EKKI AF SAMNINGNUM
fermingargjöf
Flott hugmynd að
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
74
76
12
/2
00
5
Jamis Ranger SX
Frábært fjallahjól. 6061 álstell.
SR M300 framdempari.
Shimano Tourney TX30 afturskiptir.
Til í rauðu og svörtu.
25.990 kr.
Einnig til án dempara (stálstell)
19.990 kr.
HRINGBRAUT OG VATNSMÝRI
Umferðin við Hringbrautina getur oft verið þung, en bæjarfulltrúi í Garðabæ segir að hún
verði enn þyngri ef Háskólinn í Reykjavík flyst þangað.
SKÍÐAVIKA
Ýmsar uppákomur verða á skíðasvæðum
landsins um páskahelgina. Á Ísafirði verður
meðal annars keppt í aldagamalli tví-
keppni.
Góður afgangur af rekstri Akureyrarbæjar:
Hreinar eignir skipta milljörðum króna
ÁRSREIKNINGUR Tæplega 240 millj-
óna króna afgangur varð af
rekstri Akureyrarbæjar og und-
irfyrirtækja á síðasta ári en
fjárhagsáætlun gerði ráð fyrir
rúmlega 146 milljóna króna
rekstrarafgangi. Gjaldfærðar
lífeyrisskuldbindingar sveitar-
félagsins jukust verulega á ár-
inu og voru 439 milljónir króna
en aukning þeirra kom í veg
fyrir enn betri afkomu.
Kristján Þór Júlíusson bæjar-
stjóri segir reksturinn hafa
gengið mjög vel á síðasta ári og
fjárhagur sveitarfélagsins sé
afar traustur. „Ég þakka þennan
góða árangur hæfu starfsfólki.
Bæjarfélagið veitir mikla þjón-
ustu en við sýnum aðhald í
rekstrinum og spilum vel úr
þeim fjármunum sem okkur er
trúað fyrir,“ segir Kristján.
Bókfærðar eignir sveitarfé-
lagsins eru rúmir 20,7 milljarð-
ar króna en skuldir og skuld-
bindingar rúmir 13,3 milljarðar
króna. Þar af eru skammtíma-
skuldir rúmir tveir milljarðar
króna.
Launagreiðslur bæjarsjóðs
og undirfyrirtækja námu rúm-
um fjórum milljörðum króna í
fyrra og stöðugildi voru að með-
altali 1420 talsins.
- kk
BÆJARSTJÓRINN Á AKUREYRI
Kristján Þór hefur ástæðu til að kætast enda afkoma Akureyrarbæjar betri í fyrra en fjár-
hagsáætlun gerði ráð fyrir.