Fréttablaðið - 17.03.2005, Blaðsíða 18
18 17. mars 2005 FIMMTUDAGUR
Sveigjanleg meðferð á nýjum Teigi
Boðið verður upp á svo-
kallaða sveigjanlega
áfengismeðferð á Teigi
sem nú hefur verið flutt í
nýtt húsnæði. Um er að
ræða hugræna atferlis-
meðferð sem byggð er á
sálfræðilegum grunni.
Hún er ný af nálinni hér
á landi.
HEILBRIGÐISMÁL Áfengismeðferð á
Teigi verður breytt með flutningi
dagdeildarinnar frá Flókagötu inn
í geðdeildarbyggingu Landspítala
– háskólasjúkrahúss við Hring-
braut. Teigur hefur þegar verið
opnaður í hinu nýja húsnæði og
verður nú boðið upp á sveigjan-
lega meðferð, að sögn Bjarna
Össurarsonar yfirlæknis.
„Meðan deildin var rekin á
Teigi var boðið upp á fastan með-
ferðarpakka,“ sagði hann. „Nú er
fyrirhugað að hafa meiri sveigj-
anleika í meðferðinni og sníða
hana betur að þörfum hvers sjúk-
lings. Fólk getur komið mislengi
inn í meðferðina og nýtt sér mis-
mikið af úrræðum. Þeim sem það
hentar geta notað öll úrræðin og
er þá heildarmeðferðartíminn frá
morgni til klukkan tvö á daginn
í sex vikur. Aðrir geta verið
skemur á daginn og þurfa ekki
endilega að taka sex vikna með-
ferð. Öllum er svo boðið upp á
vikulegan stuðningshóp í tólf vik-
ur eftir dagmeðferð. Þetta fer allt
eftir því hvað hentar hverjum og
einum.“
Bjarni sagði að þá hefði með-
ferðaráherslum verið breytt,
meðferðin væri nú byggð meira á
sálfræðilegum grunni, því sem
kallað væri hugræn atferlismeð-
ferð. Sú nálgun hefur ekki verið
notuð hér á landi áður við með-
höndlun fíknivandamála og mætti
nefna að sálfræðingar sæju nú um
hópmeðferðarúrræði á hinum
nýja Teigi.
Góður árangur
Spurður um hvort 12 spora með-
ferðin væri ekki lengur notuð,
sagði Bjarni að slík vinna væri
ekki lengur inni á Teigi. Hins
vegar væri lögð áhersla á að
hvetja fólk til að ganga í AA-sam-
tökin, þar sem unnið væri í anda
12 spora kerfisins.
„Það hefur sýnt sig í rannsókn-
um að þær aðferðir sem við
notum nú á Teigi hafa borið góðan
árangur. Þá hafa þær virkað vel
hjá fólki sem er með aðrar geð-
raskanir, en það er sá hópur sem
við höfum mestar skyldur gagn-
vart. Loks er rekin öflug hópmeð-
ferð við öðrum geðröskunum svo
sem kvíða, félagsfælni og þung-
lyndi hér á spítalanum og það er
viss kostur að geta notað sama
meðferðarmódel gegn áfengis-
sýki og öðrum sjúkdómum.“
Bjarni sagði að 30 manns gætu
nú verið í fullri meðferð á Teigi á
hverjum tíma. Nýir sjúklingar
væru teknir inn hálfsmánaðar-
lega, tíu í senn. Síðan væri fyrir-
séð að mun fleiri gætu komið inn í
einstök úrræði. Þau væru til að
mynda fólgin í þematengdri hóp-
vinnu, svo sem sjálfstyrkingu,
fræðslu og fyrirlestrum. Einnig
eru kynjaskiptir hópar svo sem al-
mennt tíðkast í fíknimeðferð í
heiminum. Allir sem eru í með-
ferð hafa sinn eigin ráðgjafa sem
heldur utan um mál þeirra.
Á gömlum grunni
Meðferðardeildin Teigur stendur
á gömlum grunni. Hún var upp-
haflega opnuð á Vífilsstöðum sem
legudeild fyrir áfengissjúka árið
1976. Síðan var hún flutt á Flóka-
götuna árið1995 og eftir það starf-
rækt sem dagdeild sem bauð upp
á fastan meðferðarpakka. Sjúk-
lingar komu að morgni en fóru
heim til sín síðdegis. Hugsunin á
bak við það var sú að endurhæfa
fólk í sínu eiginlega umhverfi.
Talið var mikilvægt að bjóða fólki
upp á þann kost, þar sem það gæti
jafnframt meðferðinni fengist við
allar kveikjurnar að áfengisneysl-
unni og áreitið úti í samfélaginu.
Í nýju húsnæði, sem tekið var í
notkun nú í vikunni, er boðið upp
á dagdeildarþjónustuna, en með
breyttum áherslum. Fjölmennasti
hópurinn er á bilinu 30-40 ára, að
sögn Bjarna, en annars eru sjúk-
lingarnir á öllum aldri frá 18 ára.
„Við sjáum fyrir okkur að allur
samrekstur verði auðveldari nú
eftir að Teigur er kominn undir
sama þak í spítalabyggingunni,“
sagði Bjarni. „Við erum með þrjár
einingar, göngudeild, innlagnar-
deild og dagdeild. Þetta býður
upp á mun meiri teymisvinnu,
samnýtingu á úrræðum og starfs-
fólki, þannig að þetta gerir ein-
staklingsmiðaða meðferð á Teigi
mögulega.
jss@frettabladid.is
Stjórnlagaþing Íraka kom saman í fyrsta
sinn í gær þrátt fyrir að sigurvegarar
kosninganna væru enn að koma sér
saman um myndun ríkisstjórnar. Það
sem í upphafi virtist létt verk hefur
reynst þrautinni þyngri.
Á hverju strandar?
Þegar atkvæðin höfðu verið talin upp úr
kjörkössunum eftir kosningarnar í janú-
ar var álitið að kosningabandalag sjía
og sameiginlegt framboð Kúrda myndu
líklegast mynda stjórnarmeirihluta á
þinginu þar sem þau fengu meira en
2/3 hluta atkvæðanna. Fljótlega settust
fylkingarnar að samningaborðinu og
gekk nokkuð greiðlega að ákveða
skipan nýrrar ríkisstjórnar: Sjíar fá for-
sætisráðherraembættið, forsetinn verð-
ur Kúrdi en forseti þingsins verður að
öllum líkindum súnníi.
Allnokkur ágreiningur hefur hins vegar
verið um tvö veigamikil málefni: stöðu
Kúrdistans og hlutverk íslams.
Kúrdistan
Bráðabirgðastjórnarskráin sem Írak er
stjórnað eftir í dag veitir Kúrdum tals-
verð réttindi enda er það í samræmi við
það sjálfstæði sem héraðið hefur notið
undanfarin ár. Þeir hafa til dæmis neit-
unarvald á stjórnlagaþinginu og er
heimilt að halda úti sínum eigin pesh-
merga-hersveitum. Við þetta bætast svo
kröfur þeirra um borgina Kirkuk en
Kúrdar líta á hana sem höfuðstað sinn.
Sjíum finnst hins vegar skjóta skökku
við að eitt þjóðarbrot fái slík völd og
óttast að með þeim sé grafið undan
lýðræðinu. Kúrdarnir eru hins vegar að
vonum tregir til að gefa upp þau rétt-
indi sem þeir hafa þegar áunnið sér.
Íslam
Þorri Íraka aðhyllist íslam og ríflega 60
prósent íbúanna eru sjíar. Þótt Kúrdar
séu einnig múslimar eru þeir almennt
hlynntari aðgreiningu trúar og stjórn-
mála.
Þegar bráðabirgðastjórnarskráin var
samin deildu Kúrdarnir hart við sjía um
hlutverk íslams í Írak. Sjíar vildu að
kveðið yrði á um að löggjöfin yrði alger-
lega á grunni íslamskra kennisetninga
en á endanum fengu Kúrdar því fram-
gengt að íslam verður ein af mörgum
uppsprettum löggjafarinnar. Um þetta
ríkir ennþá ágreiningur.
Þar með sannast hið fornkveðna: Ef
ósamið er um eitthvað þá hefur ekki
verið samið um neitt.
Ágreiningur um Kúrdistan og íslam
FBL. GREINING: ERFIÐ STJÓRNARMYNDUN Í ÍRAK
Mýrarljós
Sýning laugardagskvöld!
„Mýrarljós hefur allt til brunns að bera:
Drama, svartan húmor og lýtalausan leik.“
Grapevine, mars 2005
JALAL TALABANI Hann verður að líkind-
um næsti forseti Íraks.
FR
ÉT
TA
B
LA
Ð
IÐ
/A
P
YFIRLÆKNIR Bjarni Össurarson, yfirlækn-
ir á vímuefnadeild, og Katrín Guðjónsdótt-
ir, deildarstjóri vímuefnadeildar LSH, í hinu
nýja húsnæði Teigs þar sem ný meðferðar-
úrræði fyrir áfengissjúka verða í boði.
NÝTT HÚSNÆÐI Jón Kristjánsson heilbrigðisráðherra og Halldóra Ólafsdóttir, yfirlæknir
göngudeildar geðsviðs LSH, við opnun Teigs í nýju húsnæði fyrr í vikunni.
HÁRSBREIDD FRÁ BOLA Ródeókappinn
Wesley Silcox rétt náði að mjaka sér und-
an nautinu sem hann keppti á í
ródeókeppni í Houston, Texas í fyrradag.
FR
ÉT
TA
B
LA
Ð
IÐ
/A
P