Fréttablaðið - 17.03.2005, Blaðsíða 46

17. mars 2005 FIMMTUDAGUR
HANDBOLTI Á blaðamannafundi HSÍ
í gær var tilkynnt um 19 manna
landsliðshóp Íslands sem spilar
þrjá æfingaleiki hér heima við
Pólverja um páskana, en leikirnir
eru liður í undirbúningi liðsins
fyrir leikina við Hvít-Rússa í
sumar, þar sem farmiðinn á EM í
Sviss er í húfi. Landsliðshópur
Íslands skipuðu leikmönnum
undir 21 árs var einnig tilkynntur
á fundinum í gær.
Þegar A-landsliðshópurinn er
skoðaður vekur strax athygli end-
urkoma Snorra Steins Guðjóns-
sonar og Jaleski Garcia, en Ólafur
Stefánsson fær að hvíla vegna
mikilla anna með félagsliði sínu
Ciudad Real á Spáni. Einnig eru í
hópnum þrír nýliðar, þeir Ólafur
Gíslason úr ÍR, Árni Sigtryggsson
úr Þór Akureyri og Ólafur Örn
Víðisson úr HK. Fréttablaðið
ræddi við Viggó Sigurðsson lands-
liðsþjálfara og spurði hann fyrst
út í nýliðana í hópnum.
„Ef ég hef tök á því mun ég
leyfa Árna Sigtryggssyni úr Þór
að leika sinn fyrsta A-landsleik.
Hann verður að leika með undir
21 árs liðinu þessa helgi en hann
er sá leikmaður hérna heima sem
hefur vaxið mest á síðasta ári að
mínu mati og því langar mig að
leyfa honum að spreyta sig aðeins
með aðalliðinu. Landsliðið hefur
verið í markmannsvandræðum
undanfarið og þar kemur Ólafur
Gíslason inn sem framtíðarmaður.
Hann hefur verið að verja hvað
best af þessum markvörðum
hérna heima í vetur. Ólafur Víðir
Ólafsson er líka búinn að vera
leika vel með HK og er svona
spútnikleikmaður, ég er að vona
að hann geti gert svipaða hluti
með landsliðinu“, sagði Viggó,
sem telur að leikirnir við Pólverja
verði góð æfing í undirbúningn-
um fyrir leikina við Hvít-Rússa.
„Pólverjarnir eru að vísu dá-
lítið óskrifað blað, rétt eins og
Rússarnir, en við vitum bara að
þeir eru með mjög sterkt lið sem
er að miklu leiti skipað leikmönn-
um sem spila í Þýskalandi og því
verða þessir leikir kjörinn undir-
búningur fyrir okkur og við för-
um í þá með því markmiði að
vinna þá alla“, sagði landsliðs-
þjálfarinn, sem segir áherslur ís-
lenska liðsins svipaðar taktískt
séð og í Túnis. baldur@frettabladid.is
Breyttur hópur
mætir Pólverjum
Viggó Sigurðsson hefur tilkynnt landsliðshópinn
sem mætir Pólverjum um páskana og þar eru tals-
verðar breytingar frá HM í Túnis og þrír nýliðar
munu fá sitt fyrsta tækifæri með liðinu.
Einar Þorvarðarson sætti stríðandi fylkingar:
Garcia í landsliðið á ný
HANDBOLTI Á blaðamannafundi
hjá HSÍ í gær tilkynnti Viggó Sig-
urðsson að Jaliesky Garcia væri
kominn í landsliðshóp Íslands á
ný, eftir að hafa verið látinn sitja
eftir þegar liðið tók þátt á HM í
Túnis í janúar, vegna þess að
hann lét ekki í sér heyra í fimm
daga þegar hann var viðstaddur
útför föður síns í heimalandi
sínu.
Einar Þorvarðarson mun hafa
tekið að sér að leysa málið í eitt
skipti fyrir öll og Garcia er kom-
inn aftur í íslenska hópinn.
Fréttablaðið ræddi við Einar
og spurði hver staðan væri í mál-
inu.
„Þetta mál lenti í leiðinlegum
farvegi þarna í janúar og ég tók
að mér að leysa það. Ég tel að
Garcia sé það sterkur leikmaður
að íslenska landsliðið hafi ekki
efni á að vera án hans. Ég ræddi
við Garcia og fékk málið á hreint
og tilkynnti landsliðsþjálfaran-
um það að Garcia gæfi kost á sér
í íslenska landsliðið. Nú er
kominn mars og ný verkefni uppi
á borðinu. Menn hafa slíðrað
sverðin og eru tilbúnir að horfa
fram á við,“ sagði Einar. ■
JALIESKY GARCIA Hefur samið frið við
þjálfara íslenska landsliðsins og er kom-
inn í hópinn á ný.
LANDSLIÐSHÓPURINN
Markverðir
Birkir Ívar Guðmundsson Haukum
Hreiðar Levy Guðmundsson ÍR
Ólafur Gíslason ÍR
Roland Eradze ÍBV
Aðrir leikmenn
Alexander Peterson Düsseldorf
Árni Sigtryggsson Þór
Bjarni Fritzson ÍR
Dagur Sigurðsson Bregenz
Einar Hólmgeirsson Grosswallstadt
Guðjón Valur Sigurðsson Essen
Ingimundur Ingimundarson ÍR
Jaleski Garcia Göppingen
Logi Geirsson Lemgo
Markús Máni Mikaelsson Düsseldorf
Ólafur Víðir Ólafsson HK
Róbert Gunnarsson Aarhus GF
Snorri Guðjónnsson Grosswallstadt
Vignir Svavarsson Haukum
Þórir Ólafsson Haukum
LANDSLIÐSHÓPUR U-21 ÁRS
Markverðir
Björgvin Gústafsson HK
Davíð Svansson Aftureldingu
Pálmar Pétursson Val
Aðrir leikmenn
Andri Stefan Haukum
Arnor Atlason Magdeburg
Árni Björn Þórarinsson Víkingi
Ásgeir Örn Hallgrímsson Haukum
Daníel Berg Grétarsson Gróttu/KR
Einar Ingi Hrafnsson Aftureldingu
Ernir Hrafn Arnarsson Aftureldingu
Hrafn Ingvarsson Aftureldingu
Ívar Grétarsson Selfossi
Jóhann Gunnar Einarsson Fram
Kári Kristjánsson ÍBV
Magnús Stefánsson KA
Rúnar Hjaltested Víkingi
Ragnar Njálsson KA
VIGGÓ SIGURÐSSON LANDSLIÐSÞJÁLFARI Tilkynnti 19 manna hóp sinn gegn Pól-
verjum á blaðamannafundi í gær.
» BETRI
SJÓNVARPSDAGSKRÁ
Á FIMMTUDÖGUM