Fréttablaðið - 17.03.2005, Blaðsíða 12

VELKOMIN Í HEIMINN
Vísindamenn í Idaho uppgötvuðu á dögun-
um áður óþekkta rækjutegund sem þeir
hafa gefið nafnið álfarækja. Álfarækjan lifir
í stöðuvötnum sem þorna upp yfir vetrar-
tímann en á meðan geta egg þeirra legið í
dvala. Ungviðið klekst síðan út með vorinu.
12 17. mars 2005 FIMMTUDAGUR
Æ fleiri þjóðir kalla herlið sitt frá Írak:
Bush segir banda-
lagið ekki í hættu
WASHINGTON, AP George W. Bush
Bandaríkjaforseti kvaðst í gær
skilja hvers vegna bandamenn
sínir vildu kalla hermenn sína
heim frá Írak en þvertók fyrir að
bandalag hinna viljugu þjóða væri
hrunið.
Síðan Bandaríkjamenn gerðu
innrásina í Írak fyrir um tveimur
árum hafa fjórtán þjóðir dregið
herlið sitt heim frá landinu. Í
fyrradag boðaði svo Silvio
Berlusconi, forsætisráðherra
Ítalíu, brottflutning ítalskra her-
manna frá Írak með haustinu en
3.000 Ítalir gegna herþjónustu í
landinu. Ákvörðun Berlusconis
kemur í kjölfar mikillar reiðiöldu
á Ítalíu vegna morðsins á ítölsk-
um leyniþjónustumanni sem tók
þátt í að frelsa blaðakonuna Giuli-
ana Sgrena á dögunum. Hollensk-
ir og úkraínskir hermenn streyma
nú einnig heim frá Írak.
Bush sagði að Bandaríkjamenn
yrðu í Írak þangað til Írakar væru
sjálfir í stakk búnir til að taka við
landvörnum og löggæslu landsins.
Aðspurður neitaði hann því að
bandalag hinna viljugu þjóða væri
að hrynja þótt margar þjóðir
drægju nú herlið sitt heim. ■
Bráðveikt fólk
á biðlistum
Þess eru dæmi að fólk sem er á biðlistum eftir hjarta-
þræðingum hafi þurft að fara á bráðamóttöku og
endað í aðgerð, að sögn sviðsstjóra á Landspítala.
HEILBRIGÐISMÁL Þess eru allmörg
dæmi, að fólk sem hefur verið á
yfir 200 manna biðlista eftir
hjartaþræðingu á Landspítala –
háskólasjúkrahúsi hefur komið á
bráðamóttöku og endað í aðgerð,
að sögn Guðmundar Þorgeirsson-
ar sviðsstjóra lyflækningasviðs
LSH. Biðin getur nú orðið þrír eða
fjórir mánuðir, ef taka þarf bráða-
tilvik fram fyrir listann.
Biðlistar eftir hjartaþræðing-
um á spítalanum voru svo gott
sem úr sögunni snemma árs 2004.
Á þessu ári varð hins vegar ljóst
að rekstur hjartadeildarinnar fór
stigvaxandi fram úr settum kostn-
aðarmarkmiðum, þannig að deild-
inni var gert að skera niður og
lengja sumarlokanir. Það varð til
þess að biðlisti byggðist óðum upp
aftur og á honum eru nú á þriðja
hundrað manns.
Guðmundur segir að einhver
aukning hafi orðið á eftirspurn
eftir hjartaþræðingum, pláss
vanti fyrir sjúklingana og á niður-
skurðartímum sé erfitt að mæta
þeim mikla efniskostnaði sem
hjartaþræðingar hafi í för með
sér.
„Í ár fengum við sérstaka fjár-
veitingu, um það bil 23 milljónir,
til að gera átak í þessum biðlist-
um,“ sagði hann. „Hún nægir ekki
til að ná niður þessum lista, en er
þó skref í rétta átt.“
Guðmundur segir að umrædd
þjónusta sé dýr og hafi vaxið
mikið á undanförnum árum, án
þess að fjármunir komi þar á
móti. Spurður um hvað hver
hjartaþræðing kostaði að meðal-
tali, sagði hann að inni í þeirri tölu
yrði að gera ráð fyrir því að um
40-50 prósent þeirra sem færu í
slíka rannsókn færu í kransæða-
víkkun í beinu framhaldi. Ef
reiknað væri með að tíu manns
færu í þræðingu og fjórir þar af í
kransæðavíkkun með tilheyrandi
kostnaði, þá væri jafnaðarverð
hverrar þræðingar um 250-300
þúsund krónur. Heildarkostnaður
við rekstur þræðingarstofunnar
næmi 300-400 milljónum á ári.
„Við erum að vona að við fáum
fleiri rúm fyrir hjartadeildina í
byrjun næsta árs, svo og betra
skipulag svo ekki þurfi að flytja
inniliggjandi sjúklinga milli
hæða,“ sagði Guðmundur. „Það
mun tvímælalaust bæta afköstin.
Þá þarf fjármagn sem nægir til að
reka hjartaþræðingastofuna svo
unnt sé að anna eftirspurn. En
ferlið sem slíkt gengur hratt og
vel fyrir sig og bráðaþjónustan er
skjót og örugg.“
jss@frettabladid.is
KRÓKÓDÍLL ÉTUR MANN. Lík af
manni fannst í tjörn í Flórída.
Var greinilegt að krókódíll hafði
gætt sér á honum því handleggur
mannsins fannst í maga dýrsins.
Talið er að maðurinn hafi reynt
að gefa honum að éta en teygt sig
of langt.
AÐSTOÐAÐI FÖÐUR SINN VIÐ
SJÁLFSMORÐ Fjórtán ára gömul
stúlka hefur verið handtekin í
Boulder í Colorado fyrir að hafa
banað föður sínum. Hún segir að
hún hafi verið að aðstoða hann
við sjálfsvíg.
■ BANDARÍKIN
■ LÖGREGLUFRÉTTIR
Óteljandi möguleikar
Auglýsingar um fréttastjórastöður RÚV:
Deilt um starfslýsingu
RÍKISÚTVARPIÐ Auglýsingar um
störf fréttastjóra Útvarps og
Sjónvarps hafa verið til umræðu
vegna ráðningar fréttastjóra hjá
RÚV. Greinir menn á um hvort í
síðari auglýsingunni hafi falist
endurskilgreining á starfinu eða
ekki. Elín Hirst var ráðin frétta-
stjóri Sjónvarps á grundvelli fyrri
starfslýsingarinnar, en Auðun
Georg Ólafsson fréttastjóri út-
varps á grundvelli hinnar síðari.
BUSH Á BLAÐAMANNAFUNDI Í GÆR
Bandaríkjaforseti kvaðst skilja bandamenn sína en sagði engin áform uppi um brottflutn-
ing bandarískra hermanna.
M
YN
D
/A
P
FRÉTTASTJÓRI SJÓNVARPSINS
Starfssvið:
- Daglegur rekstur frétta-
stofu Sjónvarpsins.
- Ábyrgð á fjármálum
fréttastofunnar.
- Eftirfylgni með áætlun-
um og markmiðum
hennar.
- Faglegt eftirlit og gæðamat.
- Forsvarsmaður fréttastofu innan lands
sem utan.
Menntunar – og hæfniskröfur:
- Háskólamenntun nauðsynleg og / eða
umtalsverð starfsreynsla við fjölmiðla og
sjónvarp.
- Reynsla af stjórnunarstörfum.
- Þekking á fjármálum og rekstri.
- Skipulags – og samstarfshæfileikar.
FRÉTTASTJÓRI ÚTVARPSINS
Starfssvið:
- Daglegur rekstur frétta-
stofu Útvarpsins, verkstjórn
og ritstjórnarleg ábyrgð.
- Ábyrgð á fjármálum
fréttastofunnar.
- Eftirfylgni með áætlunum
og markmiðum í starfsemi
fréttastofunnar.
- Faglegt eftirlit og gæðamat.
Menntunar – og hæfniskröfur:
- Háskólamenntun er nýtist í starfi og/
eða umtalsverð starfsreynsla við fjölmiðla
nauðsynleg.
- Góðir skipulags- og samstarfshæfileikar.
- Frumkvæði.
- Reynsla af stjórnunarstörfum og þekk-
ing á fjármálum og rekstri æskileg.
ELÍN HIRST AUÐUN GEORG
ÓLAFSSON
HJARTADEILD
Mósa bakterían varð til þess að loka varð rúmum á hjartadeild og taka deild sem notuð
var fyrir hjartaþræðingar undir bráðasjúklinga. Það varð enn til að lengja biðlistann.
LÝST EFTIR STOLNUM BÍL Lög-
reglan í Kópavogi auglýsir eftir
bifreiðinni YK-564, Subaru
Impreza 2WD, ljósblárri að lit,
sem stolið var frá Marbakka-
braut 10 í Kópavogi 15. septem-
ber 2004. Tekið er við upplýsing-
um hjá varðstjóra í síma 560-
3040.