Fréttablaðið - 17.03.2005, Qupperneq 44

Háspenna í Grafarvogi
28 17. mars 2005 FIMMTUDAGUR
> Við gleðjumst yfir því ...
... að Viggó Sigurðsson skuli
hafa brotið odd af oflæti
sínu og samið frið við
Jaliesky Garcia. Þar
setti Viggó hag
landsliðsins á oddinn
enda ljóst að íslenska
liðið getur illa verið án
leikmanns á borð við Garcia.
sport@frettabladid.is
> Við skiljum ekki ...
... þá ákvörðun Viggós Sigurðssonar,
landsliðsþjálfara í handbolta, að velja
frekar Ólaf Víði Ólafsson, leikstjórnanda
HK, heldur en Jónatan Magnússon,
leikstjórnanda KA, í landsliðshópinn
fyrir leikina þrjá gegn
Pólverjum um páskana.
Jónatan er einn albesti
varnarmaður deildar-
innar og maðurinn sem
Viggó vantar til að
stoppa í hripleka
vörnina.
Aðal frétt dagsins
Allt klárt fyrir undanúrslitin
Nú er ljóst hvaða lið mætast í
undanúrslitum úrslitakeppni
Intersportdeildarinnar í körfubolta.
Keflavík mætir ÍR og Snæfell mætir
Fjölni í undanúrslitunum sem byrja á
laugardaginn.
Knattspyrnumaðurinn Rúnar Kristinsson
var ekki á sólarströnd þegar Íslendingar
léku gegn Japönum og Englendingum á
Manchester-mótinu í júní í fyrra líkt og
haldið var fram í pistli í Fréttablaðinu í
gær. Rúnar var í sumarfríi á Íslandi og
fór meðal annars út til Englands og
horfði á félaga sína í íslenska landslið-
inu leika gegn enska liðinu. Þetta sagði
hann við Fréttablaðið í gær og kvaðst
verulega ósáttur við að ekki væri rétt
farið með staðreyndir.
Hann sagði líka að það væri mikil ein-
földun að stilla dæminu upp þannig að
það væri fáránlegt fyrir hann að treysta
sér ekki til að spila leikinn gegn Króöt-
um eftir ellefu daga vegna veikinda og
meiðsla. „Ég spilaði leik á laugardaginn
en þurfti að fá sprautu á sunnudags-
morguninn. Ég gat ekkert æft á mánu-
daginn en náði síðan einni æfingu fyrir
bikarleikinn í kvöld,“ sagði Rúnar í sam-
tali við Fréttablaðið í gær.
Hann sagði að það væri síðan deildar-
leikur fram undan á laugardaginn og
því væri ekki eins og hann lægi með
tærnar upp í loft þar til leikurinn gegn
Króötum fer fram. „Ef ég hefði spilað
með landsliðinu hefði ég spilað á
laugardegi og miðvikudagi og síðan
þurft að mæta hjá mínum vinnuveit-
endum á fimmtudegi til að gera mig
kláran fyrir leik á laugardegi. Ég
þekki líkama minn og veit að hann
hefði ekki þolað þetta. Þess vegna
tók ég þessa ákvörðun – ekki
vegna þess að ég hafi ekki leng-
ur áhuga á því að spila með
íslenska landsliðinu. Allir sem
sáu mig spila gegn Ítölum
hljóta að hafa
séð að ég hef
enn metnað
fyrir lands-
liðinu.“
Snæfell, Keflavík og Fjölnir tryggðu sér sæti í undanúrslitum í úrslitakeppni
Intersportdeildarinnar í körfuknattleik í gærkvöldi.
KNATTSPYRNUKAPPINN RÚNAR KRISTINSSON: ENN MEÐ METNAÐ FYRIR ÍSLENSKA LANDSLIÐINU
Var ekki á sólarströnd heldur á Íslandi
KÖRFUBOLTI Oddaleikir fjórðungs-
úrslitanna í Intersportdeildinni í
körfuknattleik unnust allir á
heimavelli. Snæfell bar sigurorð
af KR, Fjölnir marði Skallagrím í
háspennuleik og Keflavík vann
nágranna sína, Grindvíkinga.
Það var sannkallaður há-
spennuleikur í íþróttamiðstöðinni
í Grafarvogi þar sem nýliðarnir
tveir, Fjölnir og Skallagrímur,
mættust í hreinum úrslitaleik um
þátttökurétt í undanúrslitunum.
Gestirnir byrjuðu betur og fór
leikstjórnandi þeirra, Clifton
Cook, á kostum í fyrsta fjórðung,
skoraði þá 13 stig og náði Skalla-
grímur 10 stiga forystu í lok leik-
hlutans, 26-16.
Heimamenn voru ekki af baki
dottnir og byrjuðu annan fjórðung
með 11-2 áhlaupi. Leikur Skalla-
grímsmanna riðlaðist töluvert á
þessum tíma en stórleikur George
Byrd, sem tók aragrúa af fráköst-
um og var iðinn við stigaskor, kom
gestunum yfir að nýju og staðan í
hálfleik var 37-44, Skallagrím í
vil.
Úrslitin réðust á vítalínunni
Jafnræði var með liðunum í seinni
hálfleik og voru lokamínúturnar
æsispennandi þar sem sigurinn
hefði getað lent hvorum megin
sem var. Jeb Ivey kom Fjölni yfir,
72-70, þegar 15 sekúndur voru til
leiksloka. Hafþór Gunnarsson
fékk tækifæri til að jafna á loka-
sekúndum leiksins en Magnús
Pálsson braut á honum í þriggja
stiga skoti þegar 2 sekúndur voru
til leiksloka. Hafþór fékk þrjú
vítaskot, misnotaði fyrsta skotið,
setti annað ofan í og glataði vísvit-
andi síðasta skotinu til að freista
þess að samherjar hans tækju frá-
kastið og næðu að jafna leikinn.
Hann skaut hins vegar of fast,
beint í spjaldið sem er ekki leyfi-
legt og Fjölnir dæmdur boltinn.
Leikmenn Skallagríms náðu ekki
að brjóta í tæka tíð og Fjölnir því
sigurvegari.
Vinnum alltaf á heimavelli
Grindavík freistaði þess að slá út
nágranna sína í Keflavík en
sterkur heimavöllur Keflvíkinga
gerði gæfumuninn í oddaleikn-
um. „Þetta voru tvö frábær lið að
spila, bæði lið spiluðu skynsam-
lega, tóku réttar ákvarðanir og
pössuðu þriggja stiga skotin hjá
þeim. Það háir okkur ekki jafn
mikið og þeim þegar skrúfað er
fyrir þriggja stiga skotin. Við
höfðum alltaf þennan heimavöll
og við vinnum alltaf á heimavelli.
Þetta er alveg ný keppni, staðan í
deildinni skipti engu máli,“ sagði
Sigurður Ingimundarson, þjálf-
ari Keflavíkur.
„Það var sárt að tapa þessum
leik. Við gáfum allt í leikinn en
hlutirnir duttu ekki okkar megin.
Við vorum að klikka á litlum hlut-
um í vörninni og það þarf örlitla
heppni í þessu þótt að hún sé ekki
til í íþróttum. Það vantaði að
hlutir eins og fráköstin duttu
okkar megin svo erum við að
klikka á vítum, hlutir sem gengu
betur í leiknum í Grindavík.
Keflavík hefur ekki tapað hér í
háa herrans tíð og refsar liðum
fyrir minnstu mistök,“ sagði
Einar Einarsson, þjálfari Grinda-
víkur.
Þetta bjargaðist
KR-ingar bitu vel frá sér í
Hólminum þar sem þeir mættu
Snæfelli. Þeir keyrðu upp
hraðann í fyrri hálfleik en þegar
líða tók á leikinn tóku leikmenn
Snæfells leikinn í sínar hendur
og unnu að lokum ellefu stiga
sigur.
„Þetta var strögl. Við réðum
ekkert við kanana til að byrja
með. Þeir létu okkur hlaupa en svo
í seinni hálfleiknum, þegar við
skiptum yfir í svæði þá náðum við
yfirhöndinni í leiknum. Í restina
tók Herra Sigurður Þorvaldsson
ásamt öðrum leikinn í sínar hend-
ur. Þetta var einstök heppni hjá
honum því allir boltarnir rúlluðu
ofan í. Vörnin hjá okkur var
skelfileg og merkilegt að við
skyldum vinna leikinn miðað við
hvað við fáum mörg stig á okkur.
Við réðum ekkert við Echols í
fyrri hálfleik. Þetta bjargaðist ein-
hvern veginn. Ég held að við spil-
um við Fjölni næst og það er frá-
bært að fá nýtt lið inn í þetta. Það
er ábyggilega best þjálfaða liðið á
landinu, með frábæra útlendinga
og Pálmar og Hjalti eru búnir að
sanna að þeir eru alvöruleikmenn.
Þetta verður hörkusería en við
vinnum,“ sagði Hlynur Bærings-
son, fyrirliði Snæfells eftir leikinn
gegn KR. smari@frettabladid.is
TROÐSLA AÐ HÆTTI HÚSSINS Fjölnismaðurinn William Coley sést hér troða með
tilþrifum gegn Skallagrími í gær. Coley átti fínan leik og skilaði sínu hjá Fjölnismönnum
sem eru komnir í undanúrslitin. Fréttablaðið/Valli