Fréttablaðið - 17.03.2005, Blaðsíða 6
6 17. mars 2005 FIMMTUDAGUR
Langþráður áfangi:
Settu þingið í
skugga árása
BAGDAD, AP Stjórnlagaþing Íraka var
sett í gær en þetta er í fyrsta sinn í
hálfa öld sem þjóðkjörið þing kem-
ur saman eftir frjálsar kosningar.
Þótt mikill fögnuður hafi ríkt á
meðal þingmanna varð samkoman
að fara fram á græna svæðinu svo-
nefnda undir afar strangri öryggis-
gæslu.
„Við verðum að muna að á
meðal okkar eru hvorki sigurvegar-
ar né taparar. Annað hvort vinnum
við öll eða töpum öll,“ sagði Ghazi
al-Yawer, forseti bráðabirgða-
stjórnarinnar, við þetta tækifæri.
Þingsetninguna bar upp á sama
dag og efnavopnaárásina á kúrd-
íska bæinn Halabja fyrir sautján
árum en þá dóu 5.000 manns.
Stjórnarher Íraks stóð fyrir
árásinni.
Hlé hefur verið gert á stjórnar-
myndunarviðræðum Kúrda og sjía
vegna málefnaágreinings en gert er
ráð fyrir að þær hefjist á ný í dag.
Sprengjur sprungu víða í
Bagdad í gær en ekki er vitað um
manntjón af þeim sökum. Hins
vegar létust fjórir í sjálfs-
morðsárás í bænum Baqouba,
skammt frá höfuðborginni.
Sjá síðu 18
RÍKISÚTVARPIÐ Þorgerður Katrín
Gunnarsdóttir menntamálaráð-
herra segir að með nýja frum-
varpinu um Ríkisútvarpið hafi
hlutverk þess sem almannaútvarp
verið skilgreint. „Skyldur Ríkisút-
varpsins eru fyrst og fremst í al-
mannaþágu, að leggja rækt við ís-
lenska tungu, efla innlent dag-
skrárefni, standa að öflugri
fréttaþjónustu og uppfylla örygg-
ishlutverk þess,“ segir Þorgerður
Katrín.
„Við höfum skilgreint al-
mannaþjónustuhlutverkið og sam-
kvæmt því er Ríkisútvarpinu allt
leyfilegt, þar með talið auglýsing-
ar. Ríkisútvarpið getur í raun
sinnt öllu, við skilgreinum
almannaþjónustuhlutverkið
þannig,“ segir Þorgerður Katrín.
Hún segir að það sé löndunum
sjálfum í sjálfsvald sett hvað
felist í almannaþjónustuhlutverk-
inu. Pólitísk öfl innan Evrópusam-
bandsins, þar á meðal ráðherra-
ráð sambandsins, leggja einnig
mjög ríka áherslu á rétt ríkjanna
til þess að reka útvarp í almanna-
þágu og rétt einstakra ríkja til
þess að skilgreina hlutverk þess,
að því er segir í skýringum með
frumvarpinu. „Við erum ekki að
takmarka svigrúm Ríkisútvarps-
ins til að ná inn fé með auglýsing-
um,“ segir Þorgerður Katrín jafn-
framt. - sda
Ágreiningur um
rekstrarformið
Lögfræðingar segja það ekki standast lög um eignarrétt og félagarétt
að Ríkisútvarpið verði sameignarfélag í eigu ríkisvaldsins eins.
Stjórnarflokkana greindi á um rekstrarform stofnunarinnar.
RÍKISÚTVARPIÐ Í nýju frumvarpi
Þorgerðar Katrínar Gunnars-
dóttur menntamálaráðherra um
Ríkisútvarpið er gert ráð fyrir því
að það verði gert að sameignar-
félagi. Fram hefur komið gagn-
rýni á þetta fyrirkomulag og hafa
lögfræðingar bent á að Ríkisút-
varpið, sem er í eigu eins aðila,
fellur ekki undir hugtakið sam-
eignarfélag í eignarréttarlegum
og félagaréttarlegum skilningi.
Ríkisútvarpið sé einfaldlega ríkis-
fyritæki en ekki sameignarfélag.
Þorgerður Katrín hefur ekki
dregið dul á það að vilji Sjálfstæð-
ismanna stóð til þess að gera
Ríkisútvarpið að hlutafélagi. „Það
var ekki vilji innan Framsóknar-
flokksins til þess en við komumst
að þessari niðurstöðu. Ég er sann-
færð um það að með þessu erum
við að bæta og styrkja það rekstr-
arumhverfi sem Ríkisútvarpið
býr við,“ segir Þorgerður Katrín.
Spurð um fram komna
gagnrýni á sameignarfélagsfyrir-
komulagið segist hún skilja vel at-
hugasemdir lögfræðinga. „Sérlög
ganga hins vegar framar almenn-
um lögum og ef skýrt er kveðið á
um það að Ríkisútvarpið er sam-
eignarfélag í eigu ríkisins þá
gengur það að sjálfsögðu, við
höfum dæmi um það. Ég vil líka
benda á það að það má túlka þetta
þannig að Ríkisútvarpið sé sam-
eign íslensku þjóðarinnar,“ segir
Þorgerður Katrín.
Pétur Blöndal, þingmaður
Sjálfstæðisflokksins, sagði í
umræðum um Ríkisútvarpið á
Alþingi 10. mars: „RÚV er eign
ríkisins en ekki þjóðarinnar og
það er mikill munur þar á. [...] Tal
um það að menn eigi RÚV, að það
sé eign þjóðarinnar, er út í hött
því ef menn eiga eitthvað þá geta
þeir gert eitthvað við það og þeir
geta selt það eða veðsett það. Og
það geta þeir ekki með Ríkis-
útvarpið.“
Þorgerður Katrín segir að með
því að gera Ríkisútvarpið að sam-
eignarfélagi sé verið að skipta
yfir í rekstrarform sem er ekki
ósvipað hlutafélagi. „Ríkisútvarp-
ið fær með breytingunum tæki-
færi til að taka á ákveðnum
rekstrarþáttum, sem oft er erfitt
að taka á þegar stofnunin heyrir
beint undir ríkið,“ segir hún.
sda@frettabladid.is
PAUL WOLFOWITZ
Styr mun eflaust standa um skipun hans.
Alþjóðabankinn:
Wolfowitz
bankastjóri
WASHINGTON, AP George W. Bush
Bandaríkjaforseti mun sam-
kvæmt heimildum AP-fréttastof-
unnar mæla með að Paul
Wolfowitz aðstoðarlandvarnaráð-
herra verði skipaður bankastjóri
Alþjóðabankans. James Wol-
fensohn, núverandi bankastjóri,
mun senn láta af embætti.
Wolfowitz hefur staðið í eld-
línunni í ráðherratíð sinni en hann
þykir með herskárri mönnum í
ríkisstjórn Bush.
Alþjóðabankanum er jafnan
stýrt af Bandaríkjamanni enda
hefur sú þjóð mest áhrif allra
innan stofnunarinnar. Helstu
verkefni bankans eru lánveit-
ingar til efnahagsuppbyggingar í
þróunarlöndunum. ■
BRUNI Á ÍSAFIRÐI Tilkynnt var
um eld í herbergi íbúðarhúsnæð-
is í Fjarðarstræti á Ísafirði upp
úr hádegi í gær. Viðkomandi hús
er gegnt slökkvistöð bæjarins og
voru því hæg heimatökin að kom-
ast á staðinn. Tókst að slökkva
allan eld á tíu mínútum en nokkr-
ar skemmdir urðu af völdum
reyks og sóts.
Fiskistofa:
Fiskafli eykst
milli ára
SJÁVARÚTVEGUR Heildarafli íslenska
fiskiskipaflotans í síðasta mánuði
var 30 þúsund tonnum meiri en á
sama tíma í fyrra. Veiddust þá
tæp 270 þúsund tonn en aflinn í
febrúar á þessu ári varð tæp 300
þúsund tonn. Samanlagt er aflinn
fyrstu tvo mánuði þessa árs um
160 þúsund lestum meiri en í
fyrra.
Munar mest um aukingu á
botnfiskafla og sérstaklega loðnu-
afla en aukning varð á afla í flest-
um þeim tegundum sem Fiski-
stofa mælir. - aöe
■ LÖGREGLUFRÉTTIR
■ LÖGREGLUFRÉTTIR
Átti að velja Þórð Guðjónsson
í landsliðshópinn í fótbolta?
SPURNING DAGSINS Í DAG:
Á að veita Bobby Fischer
ríkisborgararétt?
Niðurstöður gærdagsins á visir.is
45,4%
54,6%
Nei
Já
Farðu inn á fréttahluta visir.is
og segðu þína skoðun
KJÖRKASSINN
ÁREKSTUR Á ESKIFIRÐI Jeppi og
flutningabíll rákust saman
skammt fyrir utan Eskifjörð um
hádegið í gær. Taldi lögregla að
áreksturinn mætti rekja til hálku
en engin slys urðu á ökumönnum
eða farþegum.
ALMENNINGSÚTVARP
Hlutverk Ríkisútvarpsins hefur verið skilgreint og útvarp í
almannaþágu er meðal annars sagt fela í sér eftirfarandi:
Að leggja rækt við íslenska tungu, sögu þjóðarinnar og menningararfleifð.
Að senda út til alls landsins og næstu miða að minnsta kosti eina hljóðvarps- og
sjónvarpsdagskrá árið um kring.
Að framleiða og dreifa hvers konar útvarpsefni fyrir sjónvarp og hljóðvarp á sviði
fréttamiðlunar, fræðslu, lista og afþreyingar.
Að veita almenna fræðslu og gera dagskrárþætti er snerta málefni lands og þjóðar
sérstaklega.
Að halda í heiðri lýðræðislegar grundvallarreglur og mannréttindi.
Að flytja fjölbreytt skemmtiefni við hæfi fólks á öllum aldri.
Að veita víðtæka, áreiðanlega, almenna og hlutlæga fréttaþjónustu um innlend og
erlend málefni líðandi stundar.
Að flytja efni á sviði lista, vísinda, sögu, íþrótta og annars tómstundastarfs.
Að miða útvarpsefni við fjölbreytni íslensks þjóðlífs, þar á meðal að sinna eðlileg
um þörfum minnihlutahópa.
Að halda uppi nauðsynlegri öryggisþjónustu á sviði útvarps.
Frumvarp um RÚV:
Almannaþjónustuhlutverkið skilgreint
FALLIST Í FAÐMA
Youdaam Youssef Kanna, kristinn Assyríumaður (t.v.), og Abdul-Karim Mahmoud al-Mo-
hammedawi sjíi féllust í faðma á þingsetningunni. Þorri Íraka bindur vonir við að lýðræð-
isþróunin færi þeim langþráðan frið.
FR
ÉT
TA
B
LA
Ð
IÐ
/A
P
RÍKISÚTVARPIÐ EFSTALEITI.
Þorgerður Katrín hefur ekki dregið dul á það að vilji Sjálfstæðismanna stóð til þess að
gera Ríkisútvarpið að hlutafélagi. „Það var ekki vilji innan Framsóknarflokksins til þess en
við komumst að þessari niðurstöðu
ÞORGERÐUR KATRÍN
Segir sérlög æðri almennum lögum.
Frumvarp um RÚV:
Umræðu
frestað
RÍKISÚTVARPIÐ Þorgerður Katrín
Gunnarsdóttir menntamálaráð-
herra hefur fallist á beiðni stjórnar-
andstöðunnar að mæla ekki fyrir
frumvarpi um Ríkisútvarpið fyrr
en nefnd á vegum ráðherrans hefur
lokið við skýrslu um fjölmiðlaum-
hverfið á Íslandi. Samkvæmt upp-
lýsingum frá menntamálaráðuneyt-
inu er gert ráð fyrir því að að nefnd-
in skili skýrslunni 4. eða 5. apríl.
Nefndinni var meðal annars falið
að fjalla um markaðsstöðu og hlut-
verk Ríkisútvarpsins þótt henni
væri ekki ætlað að koma með til-
lögur um breytingar á lögum um
Ríkisútvarpið, heldur að kanna
hvaða áhrif Ríkisútvarpið hefði á
samkeppnismarkaði. - sda