Fréttablaðið - 17.03.2005, Blaðsíða 51
FIMMTUDAGUR 17. mars 2005 35
Úrslitakvöld Músíktilrauna
ÍTR fer fram í Austurbæ
annað kvöld. Ellefu hljóm-
sveitir hafa tryggt sér
þátttökurétt í úrslitunum.
Úrslitakvöld hinna árlegu Mús-
íktilrauna fer fram í Austurbæ
annað kvöld. Ellefu hljómsveitir
hafa fengið það hlutskipti að bítast
um sigur í keppninni en fimm und-
anúrslitakvöld voru háð í síðustu
viku í Tjarnabíói. Sigursveit Til-
raunanna frá því á síðasta ári,
Mammút, verður sérstakur gestur
á úrslitakvöldinu.
Það þarf ekki að fara mörgum
orðum um mikilvægi Músíktil-
rauna því keppnin, sem hefur ver-
ið árlegur viðburður síðan 1982 (ef
undanskilið er 1983 þegar keppnin
féll niður vegna kennaraverk-
falls), hefur reynst mörgum ung-
um hljómsveitum öflugur stökk-
pallur inn í íslenskt tónlistarlíf.
Því til stuðnings nægir að nefna
hljómsveitir á borð við Maus, Mín-
us og Botnleðju sem allar hafa átt
góðu gengi að fagna síðan þær
báru sigur úr býtum í Músíktil-
raunum.
Hljómsveitirnar sem eru
komnar áfram eru: Jakobínarína,
Hello Norbert, The Dyers, Motyl,
Gay Parade, Koda, Mjólk, 6 &
Fúnk, We Painted the Walls, Myst-
ical Fist, Elysium og Jamie’s Star.
Hljómsveitirnar eru flestar í
rokkaðri kantinum en þó er boðið
upp á ágætis blöndu af tónlistar-
stefnum. Þar sem undanúrslita-
kvöldin voru öll í jafnari kantinum
og munurinn lítill eiga allar hljóm-
sveitirnar góða möguleika á að
landa sigri í keppninni.
Hljómsveitin Jamie’s Star lék
eigin útgáfu af bandarísku há-
skólarokki og vakti trymbill sveit-
arinnar verðskuldaða athygli á
undanúrslitakvöldinu. Elysium frá
Egilsstöðum þótti einnig með öfl-
ugra móti en sveitin lék vel út-
færða samsuðu af svartmálms- og
harðkjarna-þungarokki.
Mystical Fist lék einhvers kon-
ar tímaskekkjurokk og hefði tekið
sig ágætlega út sem tvífarasveit
Mötley Crüe. Glys, hár og gítar-
sóló féllu vel í kramið hjá við-
stöddum og vann Mystical Fist sér
inn þátttökurétt á úrslitakvöldinu.
Dúettinn We Painted the Walls
braut keppnina skemmtilega upp
með rólegheitatónlist og frum-
legri textasmíði. Þó að söng-
frammistaða tvímenninganna hafi
verið vafasöm sá dómnefndin
ástæðu til þess að hleypa hljóm-
sveitinni áfram, þótti mikið til lag-
anna koma.
Fönksveitin Mjólk, 6 & Fúnk
bryddaði upp á djasskenndri fönk-
tónlist. Sveitin var vel spilandi og
betur undirbúin en margir af
keppinautunum. Sama má segja
um hljómsveitina Koda sem stát-
aði af vel samanstilltum einstak-
lingum.
Þrátt fyrir að vera aðeins árs
gömul var Gay Parade einbeitt í
sínum aðgerðum og komst áfram í
úrslitahrinuna. Sömu sögu er að
segja af The Dyers en líftími
þeirrar sveitar er aðeins tveir
mánuðir og verður fróðlegt að sjá
framgöngu The Dyers í framtíð-
inni.
Motyl var einnig gríðarleg vel
samanstillt og vakti bassaleikar-
inn sérstaka athygli fyrir þétta
spilamennsku og öfluga sviðs-
framkomu.
Jakobínarína var ekki bara
mjög vel spilandi sveit heldur
með tvö af bestu lögum keppninn-
ar. Ekki skemmdi heldur fyrir að
bassaleikari sveitarinnar setti
skemmtilegan svip á frammistöðu
hennar.
Hello Norbert vakti mikla at-
hygli fyrir skemmtilega lagasmíði
og vann sér þátttökurétt í úrslita-
kvöldinu. Fjórmenningarnir sem
skipa hljómsveitina eru tæplega 16
ára gamlir og eiga bjarta framtíð
fyrir höndum ef marka má vaska
framgöngu þeirra í Tjarnarbíói.
smari@frettabladid.is
Tónlistarveisla í Austurbæ
MAMMÚT Sigursveit Músíktilrauna frá því í fyrra. Sveitin verður sérstakur gestur á úrslitakvöldi tilraunanna í ár í Austurbæ.
Mercury Rev: The Secret
Migration
„The Mercury Rev hefur aldrei hljómað svona
óáhugaverð og á þessari nýju plötu. Það er eins og
liðsmenn hafi verið knúnir áfram af einhverju allt
öðru en sköpunargleði við að gera þessa plötu.“
BÖS
Kanye West: The College
Dropout
„Frumraun Kanye West er frábær hiphop-plata. Hér
er eitthvað fyrir alla. Plata sem á eftir að standast
tímanns tönn.“
BÖS
LCD Soundsystem: LCD
Soundsystem
„Frumraun LCD Soundsystem er um margt áhuga-
verð plata. Hún á þó líklegast ekki eftir að standast
það hæp sem hún er með frá erlendu pressunni.
Sæmilegasta plata, ekki mikið meira en það.“
BÖS
Gwen Stefani: Love Angel
Music Baby
„Fyrsta sólóplata Gwen Stefani veldur vonbrigðum.
Það er eins og þessi hæfileikaríka og sjarmerandi
stúlka hafi ekki vitað í hvorn fótinn hún átti að
stíga, og því hafi hún stólað á aðra til þess að
leiða sig áfram. Því miður virðast þeir hafa verið
með bundið fyrir augun.“
BÖS
Low: The Great Destroyer
„Að hlusta á nýju Low plötuna er eins og að fá
gamlan vin í heimsókn. Hann er kannski ögn
pirraðri en áður, en jafnar sig svo um leið og hann
fær tebollann sinn. Mér mun alltaf þykja vænt um
Low, sama í hvernig skapi hann er í.“
BÖS
Emiliana Torrini: Fisherman's
Woman
„Þetta er ekta inniplata sem maður hlustar á
heima, liggjandi undir teppi með lokuð augun á
meðan rigningin dynur á rúðunni. „
FB
The Game: The Documentary
„Nýjasta undrabarn Dr. Dre gefur út frumraun sína.
Sæmilegasta plata og ágætis rappari, en glæparím-
urnar virka þreyttar. Sama tuggan, aftur og aftur.“
BÖS
Tori Amos: The Beekeeper
„Þrátt fyrir að þetta sé áttunda plata Amos virkar
hún síður en svo þreytt í sínu fagi. Hún getur enn
samið falleg lög sem hreyfa við manni.“
FB
Smile á DVD
Þeir sem eru varla byrjaðir að
trúa því að Brian Wilson hafi
virkilega klárað meistaraverk
sitt Smile í fyrra eftir að platan
hafði verið rúm 30 ár á hillunni
ættu að búa sig undir enn önnur
góð tíðindi.
Nú hefur
Brian til-
kynnt að 24.
maí næst-
k o m a n d i
ætli hann
sér að gefa
út tvöfalt
DVD-diska-
safn sem
s k r á s e t u r
gerð plöt-
unnar frá
upphafi til
e n d a .
Einnig verð-
ur að finna
á disknum tónleikaupptaka af
verkinu frá því í fyrra.
Á fyrri disknum verður
heimildarmyndin Beautiful
Dreamer sem er í fullri lengd.
Þar er farið yfir alla söguna um
gerð plötunnar, bæði með við-
tölum við alla sem komu við
sögu, og myndefni frá því að
Brian byrjaði upphaflega að
vinna plötuna með The Beach
Boys.
Á seinni disknum eru tónleik-
ar sem voru teknir upp í Los
Angeles í fyrra. Þeir eru hljóð-
blandaðir í 5.1 kerfinu fyrir þá
sem kjósa það frekar. Báðir
diskar eru svo hlaðnir aukaefni.
Þar verður hægt að sjá The
Beach Boys flytja nokkur lögin
í hljóðverinu, bæði sem hljóm-
sveit og einstaklinga.Hörðustu
aðdáendur Wilson geta svo séð
hann flytja Smile á Hróars-
kelduhátíðinni í byrjun júlí. ■
BRIAN WILSON Ætlar
að gefa út DVD-disk af
meistaraverkinu Smile
sem kom út í fyrra eftir
að hafa legið þrjátíu ár
á hillunni.
[ SMS ]
UM NÝJUSTU PLÖTURNAR
Umsjón: BIRGIR ÖRN STEINARSSON.
biggi@frettabladid.is