Fréttablaðið - 28.11.2008, Qupperneq 71

FÖSTUDAGUR 28. nóvember 2008 47
Jeff Lindsey, höfundur bókanna
um Dexter, er afar hrifinn af
sjónvarpsþáttunum sem eru
byggðir á verkum hans. Til að
sýna stuðning sinn í verki ákvað
hann að koma fram í feluhlut-
verki í nýjasta þættinum sem
verður sýndur í Bandaríkjunum á
sunnudaginn.
„Þetta er Hollywood. Allir vita
að Hollywood nær í frábærar
hugmyndir og eyðileggur þær,“
sagði Lindsey spurður hvort fólk
hafi efast um stuðning hans.
Bætti hann því við að framleið-
endur þáttarins vissu nákvæm-
lega hvað þeir væru að gera. Í
þættinum á sunnudag leikur
Lindsay lögregluþjón.
Höfundur í
feluhlutverki
JEFF LINDSAY Leikur í nýjasta Dexter-
þættinum sem verður sýndur á sunnu-
daginn í Bandaríkjunum.
Karlakórinn Fjallabræður frá Flateyri heldur
tónleika í Þjóðminjasafninu á sunnudaginn. Þar
flytur hann sitt nýjasta lag sem nefnist Hó og er að
finna á plötunni Jól í Rokklandi sem er nýkomin út.
„Það vill svo skemmtilega til að mamma hans
Bárðar sem prýðir „singulinn“ fyrir jólalagið okkar
vinnur í Þjóðminjasafninu. Það kom til tals hvort við
ætluðum ekki að spila bráðum og þá lá beint við að
spila í Þjóðminjasafninu,“ segir Stefán B. Önundar-
son Fjallabróðir. „Við erum líka að taka upp mynd-
band við jólalagið og ætlum að nota Þjóðminjasafnið
í hluta af því. Fyrst við erum komnir í lakkskó og
bindi, af hverju ekki að nýta það?“
Lagið Hó, þar sem kórinn syngur undir dynjandi
rokki, var tekið upp sama dag og það var æft af
einhverju viti í fyrsta skipti. „Þannig gerast kaupin á
eyrinni,“ segir Stefán. „Það tók viku að semja það og
við vorum í einn dag að taka það upp.“
Hann segir Fjallabræður ætla að syngja sex til sjö
lög í Þjóðminjasafninu og í þetta sinn verði allt
saman órafmagnað, þ.e. án þess að hljóðnemar verði
notaðir. „Núna þurfum við að sýna virkilega hvað í
okkur býr þegar hljóðmaðurinn getur ekki lækkað í
ákveðnum mönnum,“ segir Stefán og bætir við: „Það
er löngu kunnugt að við erum ekki besti karlakór á
Íslandi en við erum bestu karlmenn í kór á Íslandi.“
Ókeypis er á tónleikana á sunnudaginn og hefjast
þeir klukkan 16. -fb
Órafmagnaðir Fjallabræður
FJALLABRÆÐUR Fjallabræður syngja í Þjóðminjasafninu á
sunnudaginn og flytja þar sitt nýjasta lag, Hó.
MYND/HÖRÐUR SVEINSSON
Söngkonan Beyoncé fór beint á
toppinn á Billboard-listanum í
Bandaríkjunum með nýjustu plötu
sína, hina tvöföldu I Am … Sasha
Fierce. Þetta er í þriðja sinn í röð
sem hún fer beint á toppinn þar í
landi með plötu.
Nýja platan seldist í 482 þúsund
eintökum fyrstu vikuna á lista, sem
er aðeins minna en sú síðasta, B-
Day, sem seldist í 541 þúsund ein-
tökum. Fyrsta plata hennar, Dang-
erously in Love sem kom út 2003,
seldist í 317 þúsund eintökum.
I Am … Sasha Fierce hefur að
geyma lög á borð við If I Were a
Boy og Single Ladies (Put a Ring
on It). Flytjendur eru Beyoncé og
hennar nýja annað sjálf, Sasha
Fierce.
Í öðru sæti á listanum var nýjasta
plata kanadísku rokkaranna í Nick-
elback, Dark Horse. Síðasta plata
sveitarinnar, All the Right Rea-
sons, var í 156 vikur samfleytt á
listanum og því er búist við miklu
af nýja gripnum.
Fór beint á toppinn
BEYONCÉ Söngkonan Beyoncé fór beint
á toppinn í Bandaríkjunum.
Jóhann Jóhannsson fær rífandi
góða dóma fyrir nýju plötuna sína,
Fordlandia. Platan er ósungin en
segir sögur um misheppnaðar
útópíur. Lagaheitin og útskýringar
sem Jóhann birtir á netinu segja
söguna. Gagnrýnendur beggja
vegna Atlantshafsins eru yfir sig
hrifnir.
„Töfrandi ritgerð í tónlistar-
formi,“ segir Slant tímaritið.
„Undursamlega fallegt verk,“
segir hið útbreidda Q. „Metnaðar-
full nútíma-klassík, sem hrífur
mann ekki bara, heldur gagntekur
mann alveg,“ segir Drowned in
Sound, og Allmusic segir: „Platan
er næstum því jafn djörf og
sögurnar sem hún segir, nema
öfugt við efnivið sagnanna þá nær
Jóhann fullkomnum árangri.“
Breska útgáfumerkið 4AD gefur
plötuna út. Fordlandia er nú
loksins á leið til landsins á vegum
12 tóna. Jóhann semur nú tónlist-
ina við Hollywoodmyndina
Personal Effects, sem frumsýnd
verður á næsta ári. Í aðalhlutverk-
um eru Ashton Kutcher, Michelle
Pfeiffer og Kathy Bates.
Rífandi
góðir dómar
FÆR MIKIÐ LOF Fordlandia Jóhanns
Jóhannsonar þykir hrífandi og djörf.