Fréttablaðið - 05.02.2009, Side 2
2 5. febrúar 2009 FIMMTUDAGUR
Fjölnir, hvernig er heilsan hjá
hestunum?
„Þeir eru við hestaheilsu.“
Fjölnir Þorgeirsson sýndi mikið snarræði
við björgunaraðgerðir þegar á annan
tug hesta og knapa féll niður um ís á
Reykjavíkurtjörn í fyrradag. Fjölnir var á
staðnum sem blaðamaður Hestafrétta.
VINNUMARKAÐUR Jóhanna Sigurðar-
dóttir forsætisráðherra hefur lýst
yfir vilja til að vinna með aðilum
vinnumarkaðarins og stefnir að
fundi í vikunni. Gylfi Arnbjörns-
son, forseti ASÍ, fagnar þessu
en segir að dagsetning hafi ekki
verið ákveðin.
Kjarasamningar Starfsgreina-
sambandsins koma til endurnýj-
unar um í febrúar en kjarasamn-
ingur ríkisstarfsmanna, til dæmis
BSRB og BHM, rennur út í mars.
Stefnt er að því að ljúka samning-
um milli aðila vinnumarkaðarins
með aðkomu ríkisins. - ghs
Forseti Alþýðusambandsins:
Fagnar fundi
með ráðherra
SEÐLABANKINN Eiríkur Guðna-
son seðlabankastjóri vill ekkert
segja til um hvernig og hvenær
hann bregst við ósk forsætisráð-
herra um afsögn bankastjórnar.
Ekki náðist í Ingimund Friðriks-
son og Davíð Oddsson er í útlönd-
um. Eiríkur segir Davíð vera
erlendis á vegum bankans, en vill
ekki upplýsa hvaða erinda. Óski
menn frekari upplýsinga sé rétt
að skrifa bréf með vísan í upplýs-
ingalög.
Ágústa Johnson, ritari banka-
stjórnar, segir bankastjórana
munu svara „á þeirra forsendum“.
„Þeir munu fyrst og fremst svara
ráðherra, en ekki fólki úti í bæ.“
Í nýframlögðu frumvarpi um
breytingar á lögum um Seðla-
banka kemur fram að tveir banka-
stjóranna eiga rétt á 12 mánaða
biðlaunum og einn 6 mánaða,
þar sem hann hefur ekki setið út
heilt skipunartímabil. Er þar átt
við Davíð Oddsson. Samanlagður
kostnaður biðlauna sé því 44 millj-
ónir króna. Fækkun bankastjóra
um tvo lækki launakostnað um 32
milljónir króna á ári. - kóp, kóþ
Davíð úti á vegum bankans:
Ráðherra vænt-
ir svara í dag
VIÐSKIPTI Hópur sem kallar sig
Almenningshlutafélag um Morg-
unblaðið er einn fjögurra fjár-
festa sem fá að
gera bindandi
tilboð í Árvak-
ur, útgáfufélag
Morgunblaðs-
ins. Fimm fjár-
festar uppfylltu
skilyrði sölu-
ferlis félagsins.
Vilhjálmur
Bjarnason,
talsmaður
almennings-
hlutafélagsins, vildi ekki tjá sig
um smáatriði tilboðsins í gær.
Hópurinn hafi áhuga á að gefa
út læsilegt og eftirsótt blað sem
fólk myndi sakna klukkan sex á
morgnana.
Fjárfestarnir fjórir þurfa að
leggja fram bindandi tilboð 17.
febrúar, samkvæmt upplýsing-
um frá Nýja Glitni, sem hefur
umsjón með söluferlinu. - bj, kg
Fimm hópar bjóða í Árvakur:
Fjórir fá að gera
bindandi tilboð
VILHJÁLMUR
BJARNASON
DÓMSMÁL Ríflega þrítugur maður
hefur verið dæmdur í níu mán-
aða fangelsi fyrir að kýla annan
og skera hann í andlitið með hníf
fyrir utan skemmtistað í Hafnar-
firði í fyrra. Fullnustu sjö mán-
aða af refsingunni er frestað.
Maðurinn segist hafa reiðst
þegar einhver hrifsaði af honum
bjór, en hann hafi þó aðeins verið
að verja sig þegar hnífur hans
slæmdist óvart í andlit manns.
Það þótti ótrúverðugt. Fórnar-
lambið hlaut átján sentimetra
skurð í andlit. Hann segist nú vera
kallaður „Scarface“ í bænum, að
því er segir í dómi. Árásarmaður-
inn þarf að greiða honum um 260
þúsund krónur í miskabætur. - sh
Í fangelsi fyrir að skera mann:
Fórnarlambið
kallað Scarface
LÖGGÆSLUMÁL Mikill kurr var í lögreglu-
mönnum á fundi Lögreglufélags Reykja-
víkur í gær. Þar var rætt um fyrirhugaðar
skipulagabreytingar, þar með talið áform
um að setja lögreglumenn á tólf tíma vaktir.
„Í því álagi sem þegar er á lögreglumenn
hugnast mönnum ekki að vinna á tólf tíma
vöktum,“ segir Snorri Magnússon, formað-
ur Landssambands lögreglumanna. Bera
þarf slíkar breytingar undir lögreglumenn í
atkvæðagreiðslu, og segist Snorri þess full-
viss um að slík tillaga yrði felld.
Samkvæmt upplýsingum Fréttablaðsins
hafa svo langar vaktir lögreglumanna verið
bannaðar innan Evrópusambandsins.
Stefán Eiríksson, lögreglustjóri á höfuð-
borgarsvæðinu, kynnti skipulagsbreytingar
á almennum fundi með lögreglumönnum á
þriðjudag. Um er að ræða stóreflingu fimm
hverfalögreglustöðva, sem verða sjálfstæð-
ar einingar með almennri löggæslu og rann-
sóknardeildum, auk sérhæfðrar rannsókn-
ardeildar sem sinna mun fíkniefnamálum,
kynferðisbrotamálum og heimilisofbeldis-
málum, svo dæmi séu nefnd.
„Ástandið er orðið grafalvarlegt og á enn
eftir að versna ef til frekari niðurskurðar
kemur árið 2010,“ segir Snorri. Lögreglu-
mönnum á höfuðborgarsvæðinu hafi fækk-
að um rúmlega fjörutíu frá sameiningu
umdæmanna árið 2007, úr 340 niður fyrir
300.
„Okkur líst vel á margt í þessum breyt-
ingum,“ segir Snorri. „Hins vegar er ljóst
að það er verið að setja þessa vinnu á undir
mikilli peningapressu. Á sama tíma og verið
er að koma fram með góðar hugmyndir er
verið að segja að þær séu nauðsynlegar
núna, því ekki séu til nógir peningar.“ - bj, jss
AUKNING Í AFBROTUM Formaður LL segir að afbrotum
í umdæminu fjölgi meðan lögreglumönnum fækki
vegna fjárskorts.
Formaður Landssambands lögreglumanna segir ástandið grafalvarlegt eftir fækkun lögreglumanna:
Vilja ekki skipta í tólf tíma vaktakerfi
FRAMKVÆMDIR Nýr menntamálaráð-
herra, Katrín Jakobsdóttir, telur
heppilegast úr því sem komið er
að lokið verði við Tónlistar- og
ráðstefnuhúsið við Austurhöfn
í Reykjavík. Hlé er nú á fram-
kvæmdunum að mestu. Ráðherra
segir að mikill kostnaður geti hlot-
ist af löngu framkvæmdahléi.
„Ég tel að það verði að klára
húsið, vonandi með einhverjum
sparnaðarútfærslum. Það yrði hins
vegar gert með þeim formerkjum
að framlag ríkisins ykist ekki, það
yrðu ekki auknar veðskuldbind-
ingar af hálfu þess,“ segir Katrín.
Hún tekur fram að viðræður þurfi
að fara fram um málið, bæði við
borgina og eins framkvæmdaað-
ila. Ríkið og Reykjavíkurborg eiga
saman fyrirtækið Austurhöfn sem
sér um verkið og á ríkið 55 prósent
og borgin 45.
Katrín segir að verkhlé geti þýtt
gríðarlega mikinn aukakostnað,
allt frá sex til 20 milljarða kostn-
að eftir því hve hléið er langt. Þá
séu hundruð starfa í húfi sem verði
að taka tillit til.
„Þetta hús hefur verið draum-
ur fjölmargra tónlistarmanna
um langt árabil. Ég er að ganga
inn í verkefni sem farið er af
stað eftir forsendum sem ég hefði
aldrei farið af stað með. Ég tel að
það verði að velja skynsömustu
útfærsluna úr því sem komið er.“
Óskar Bergsson, forseti borgar-
stjórnar, segir afstöðu ráðherra
gleðiefni. „Þetta eru jákvæðar
fréttir, enda er það fyrst og síðast
á ábyrgð ríkisins, sem er bæði
meirihlutaeigandi Austurhafnar
og eigandi Landsbankans, að taka
forystu í málinu.“ Óskar segir full-
snemmt að spá fyrir um hverjar
lyktir málsins verði.
Óskar segir það vera almenna
skoðun að húsið muni á endanum
rísa. Það skipti hins vegar miklu
máli hvað verkið kosti, það sé það
sem hljóti að ráða för á endanum.
„Viðræður eru í gangi og þeim er
ekki lokið. Vonandi enda þær vel
og hægt verður að landa málinu.“
Fyrirtækið Portus, sem stóð
fyrir byggingu hússins, fór í þrot
í lok nóvember, en það var eignar-
haldsfélag í eigu Björgólfs Guð-
mundssonar. Síðan hefur óvissa
ríkt um framtíð verksins. Fulltrú-
ar gamla og nýja Landsbankans,
Reykjavíkurborgar, ríkisvalds-
ins og aðalverktakans, Íslenskra
aðalverktaka, hafa staðið yfir um
nokkra hríð. Nú hefur nýr mennta-
málaráðherra opinberað hug sinn.
kolbeinn@frettabladid.is
Ráðherra vill ljúka
við Tónlistarhúsið
Nýr menntamálaráðherra telur heppilegast að lokið verði við Tónlistar- og ráð-
stefnuhúsið í Reykjavík. Formaður borgarráðs segir það jákvæð tíðindi. Hundr-
uð starfa eru í húfi og langt framkvæmdahlé gæti kostað milljarða.
KATRÍN
JAKOBSDÓTTIR
ÓSKAR
BERGSSON
VILL LJÚKA VIÐ HÚSIÐ Nýr menntamálaráðherra
segir það hagkvæmustu lausnina úr því sem
komið er að ljúka við Tónlistar- og ráðstefnu-
húsið. Viðræður um það eigi þó eftir að fara
fram við hlutaðeigandi. FRÉTTABLAÐIÐ/ANTON
MENNTUN Katrín Jakobsdóttir
menntamálaráðherra hefur sagt
stjórn Lánasjóðs íslenskra náms-
manna upp störfum og hyggur á
skipan nýrrar stjórnar í lok vik-
unnar. Hún vill láta gera grund-
vallarúttekt á úthlutunarreglum
sjóðsins.
„Við munum skoða breytingar til
framtíðar og hvort forsendur séu
fyrir því að breyta kerfinu í átt til
þess sem er á Norðurlöndunum,
að hafa samtímagreiðslur í stað
eftirágreiðslna. Þá losna náms-
menn við yfirdráttarkostnað,“
segir Katrín. Hún segir hafa verið
orðið tímabært að koma með nýja
hugsun inn í Lánasjóðinn. Sama
stjórn hafi verið þar síðan Sjálf-
stæðisflokkurinn komst til valda
árið 1991. Árið 1992 var lögum
breytt og námslán greidd eftir á.
Katrín segir ekki ákveðið hverj-
ir setjist í nýju stjórnina, en það
verði vonandi ljóst fyrir helgi. Hún
muni leita til fólks sem þekki vel til
innan námsmannahreyfingarinn-
ar. Nýrrar stjórnar bíði að starfa
með menntamálanefnd að tillögum
um breytta tilhögun sjóðsins.
„Fulltrúar allra flokka hafa lýst
sig reiðubúna til að skoða sam-
tímagreiðslur lánanna. Það verð-
ur því vonandi samstaða um þetta
mál. Hins vegar er ljóst að það
þarf að horfa á þetta til framtíð-
ar þar sem þessi stjórn hefur ekki
mikinn tíma né svigrúm.“ - kóp
Nýr menntamálaráðherra segir stjórn LÍN upp og mun skipa nýja:
Vill samtímagreiðslur lána
SKIPTIR UM STJÓRN Katrín Jakobsdóttir hefur sagt stjórn Lánasjóðs íslenskra náms-
manna upp störfum og vill uppstokkun á reglum sjóðsins. FRÉTTABLAÐIÐ/ANTON
SPURNING DAGSINS