Fréttablaðið - 05.02.2009, Side 52
36 5. febrúar 2009 FIMMTUDAGUR
Héraðsdómur Reykja-
ness hefur staðfest lög-
bannskröfu STEFs gegn
skráaskiptasíðunni Torrent.
is. Framkvæmdastjórinn
Svavar Lúthersson ætlar
að áfrýja málinu til Hæsta-
réttar.
„Ég fer örugglega fyrir Hæstarétt
en áður en ég kem með slíkar yfir-
lýsingar ætla ég að lesa yfir dóm-
inn og forsendur hans. Það er mjög
líklegt að ég fari lengra með það,“
segir Svavar um málið. Honum
var jafnframt gert að greiða eina
milljón króna í málskostnað en
hann hefur þegar þurft að reiða
fram háar upphæðir á meðan
málið hefur velkst um í dóms-
kerfinu. „Ef einhverjir rétthafar
ákveða að fara í mál neyðist ég
til að verja mig sjálfur. Það gæti
farið þannig.“
Á Torrent.is gátu notendur
hlaðið niður innlendu og erlendu
tónlistar- og myndefni án endur-
gjalds. Vakti starfsemin spurn-
ingar um brot á höfundarrétt-
arlögum, enda hafði hún áhrif á
lífsviðurværi fjölmargra fyrir-
tækja og listamanna.
Pálmi Guðmundsson, sjónvarps-
stjóri Stöðvar 2, er einn þeirra
sem hafa kvartað sáran undan
starfseminni enda hafa þættir
á borð við Nætur- og Dagvakt-
ina verið sóttir á skráaskipta-
síður í þúsundatali. Hann telur
að tap stöðvarinnar vegna þessa
nemi tugum og jafnvel hundruð-
um milljóna króna. „Við erum
mjög ánægð með að það sé búið að
úrskurða að þetta sé ólögmætt og
að það sé komin viðurkennd bóta-
skylda í málum sem þessum. Við
erum búin að reka einkamál í vel
á annað ár til að kanna réttarstöðu
okkar og þessum málum hefur
verið vísað út og suður. Niðurstað-
an er algjörlega skýr og þetta er
stærsta skrefið sem hefur verið
stigið í þessari baráttu okkar,“
segir Pálmi.
Snæbjörn Steingrímsson hjá
Smáís, samtökum Myndrétthafa
á Íslandi, lýsti einnig yfir ánægju
sinni með niðurstöðuna. „Ef þessi
dómur er ekki víti til varnaðar
fyrir aðra sem eru að reka svona
síður eða ætla að gera það, þá
eru þeir bara næstir. Öllum þeim
rökum sem Svavar og hans lög-
fræðingur höfðu sín megin er
hafnað gjörsamlega,“ segir Snæ-
björn. „Það er mjög skýrt að með
því að reka svona vef ertu bæði
skaðabótaskyldur og meðsek-
ur. Miðað við hvernig vefurinn
er uppbyggður ertu að hvetja til
brota.“
Hann segir að þrjár skráaskipta-
síður séu reknar hér á landi, þar
á meðal Viking Bay. Næst verði
kastljósinu beint að stjórnend-
um þar enda hafi dómsmálið for-
dæmisgildi. „Ég er nokkuð viss
um að ef þeir færu og töluðu við
sína lögfræðinga fengju þeir vin-
samlega ábendingu um að loka í
hvelli,“ segir hann. „Það er mjög
skýr krafa að fara á eftir þessum
mönnum sem eru í okkar huga
ekkert annað en á góðri íslensku
þjófar.“ freyr@frettabladid.is
folk@frettabladid.is
HVAÐ? HVENÆR? HVAR?
Fimmtudagur 05. febrúar 2009
➜ Tónleikar
12.00 Alex Ash-
worth baritón og
Antonía Heversi
píanóleikari,
flytja verk eftir
Mozart, Donizetti,
Wagner og Bizet
í Hafnarborg við
strandgötu 34 í
Hafnarfirði.
20.00 Trúbatrixur spila á Paddys Irish
pub við Hafnargötu 38, Reykjanesbæ.
Aðgangur ókeypis.
21.30 Matti sax heldur tónleika ásamt
hljómsveit sinni M-blues project á
Rósenberg við Klapparstíg.
➜ Síðustu forvöð
Sýningu Ásdísar Kalman Lúmen, lýkur
á laugardaginn. Opið alla daga nema
sunnudaga kl. 13-16. Listasalur Mosfells-
bæjar, Kjarna, Þverholti 2, Mosfellsbæ.
➜ Opnanir
17.00 Þrjár opnanir verða í START ART
listamannahúsi. Ólöf Nordal sýnir í For-
sal, Sigríður Melrós Ólafsdóttir í Vestur-
og Austursal niðri og Kristín Pálmadóttir
á Loftinu.
17.00 Yfirlitssýning á teikningum
Alfreðs Flóka verður opnuð í dag í
Listasafni Reykjavíkur í Hafnarhúsinu
við Tryggvagötu.
➜ Kynningarfundur
20.00 Ferðafélag Akureyrar verður með
kynningu í Ketilhúsinu við Kaupvangs-
stræti á Akureyri. Nánari upplýsingar á
www.ffa.is.
➜ Sýningar
Rögnvaldur Skúli Árnason hefur opnað
myndlistarsýningu í Gallerý Tukt í Hinu
Húsinu við Pósthússtræti. Opið mán.-
föst. kl. 9-17.
Í Hafnarborg við Strandgötu 34 í Hafn-
arfirði, standa yfir tvær sýningar. Jónatan
Grétarsson sýnir ljósmyndir og Björg
Þorsteinsdóttir sýnir akrýlverk á striga.
Opið alla daga nema þriðjudaga kl. 11-
17 og fimmtudaga til kl. 21.
➜ Listamannaspjall
17.00 Oddný Eir Ævarsdóttir og Birta
Guðjónsdóttir ræða við Davíð Örn Hall-
dórsson um yfirstandandi sýningu hans
í 101 Projects við Hverfisgötu 18a. Allir
velkomnir. Sýningin er opin mið.-lau.
kl. 14-17.
Upplýsingar um viðburði sendist á
hvar@frettabladid.is.
Svavar fer fyrir hæstarétt
Breski grínistinn Ricky Gervais
ætlar að koma fram í bandaríska
barnaþættinum Sesame Street. Í
þættinum, sem verður tekinn upp
í New York í næsta mánuði, mun
Gervais syngja eigið lag með
hjálp rauða skrímslisins Elmo.
„Ég hef alltaf haft gaman af
þættinum og sem misheppnuð
rokkstjarna reyni ég að koma
á framfæri mínum eigin lögum
eins oft og mögulegt er,“ sagði
Gervais. Hann hefur áður sungið
í sjónvarpi því í Simpsons-þætti
árið 2006 söng hann eigið lag til
heiðurs Marge. Aldrei hafa fleiri
horft á Simpson-þátt á bresku
sjónvarpsstöðinni Sky en einmitt
þá.
Syngur eigið
lag í Sesame
Kvikmyndir.is hefur verið valinn besti
afþreyingarvefurinn fyrir árið 2008 af
Samtökum vefiðnaðarins. Bar hann sigur-
orð af Tónlist.is, Vísir.is, Skjárinn og Ice-
land Socks.
„Það er mjög ánægjulegt að fá þessi verð-
laun. Þau eru viðurkenning á þeirri miklu
vinnu sem býr að baki vefnum og er jafn-
framt viðurkenning á miklu skemmti- og
afþreyingargildi hans,“ segir Þóroddur
Bjarnason, annar af eigendum Kvikmynd-
ir.is. „Vefurinn hefur verið að festa sig enn
frekar í sessi meðal bíóáhugafólks og hins
almenna bíógests, sem er einmitt það sem
að var stefnt. Við erum rétt að byrja og not-
endur mega eiga von á stöðugri framþróun
vefjarins hér eftir sem hingað til.“
Í umsögn dómnefndar segir að vefurinn
hafi yfir að ráða miklu og góðu magni af
afþreyingu og upplýsingum sem séu vel
settar fram. Einnig kemur fram að hönn-
unin sé létt og góð og að gott samfélag hafi
myndast á vefnum. - fb
Kvikmyndir.is besti vefurinn
SINDRI OG ÞÓRODDUR Sindri Bergmann og
Þóroddur Bjarnason, eigendur verðlaunavefsins
Kvikmyndir.is. FRÉTTABLAÐIÐ/GVA
Listahópurinn Weird Girls
Project verður áberandi á alþjóð-
legu kvikmyndahátíðinni Nort-
hern Wave Festival sem verður
haldin á Grundarfirði í annað
sinn í lok febrúar.
Þar ætla stúlkurnar að frum-
sýna nýtt tónlistarmyndand
auk þess sem nýjasta uppá-
tæki þeirra verður framkvæmt
á hátíðinni. Einnig mun for-
sprakki Weird Girls, Kitty Von-
Sometime, spila í „næntís“ partíi
ásamt Dj Mokki og útvarpskon-
unni Margréti Maack.
Fyrsta Northern Waves-hátíð-
in í fyrra heppnaðist einkar vel
og í ár voru sendar til keppni
yfir níutíu stuttmyndir og tón-
listarmyndbönd. Úr þeim bunka
voru fimmtíu myndir valdar frá
fimmtán löndum. Hátíðin fer
fram dagana 27. febrúar til 1.
mars.
Skrítnar stelpur á
kvikmyndahátíð
WEIRD GIRLS Skrítnu stúlkurnar verða áberandi á alþjóðlegu kvikmyndahátíðinni
Northern Wave Festival.
> FÚLASTA ALVARA
Joaquin Phoenix hefur stað-
fest að hann hafi gefið leiklist-
ina upp á bátinn og ætli þess í
stað að gerast rappari. „Þetta
er ekkert gabb,“ sagði hann.
„Á þetta eftir að koma
fáránlega út? Verður hleg-
ið að mér? Það er mögu-
legt en vonandi á það
ekki eftir að gerast,“ sagði
Phoenix, sem er greini-
lega fúlasta alvara með
uppátækinu.
MÓTHERJAR
Svavar Lúthersson (til vinstri) og
Snæbjörn Steingrímsson hafa deilt
hart um síðuna Torrent.is. Svavar vill
áfrýja til Hæstaréttar á meðan
Snæbjörn ætlar að herja
á aðrar síður á borð
við Viking Bay.
9. HVER
VINNUR
!
SENDU SMS ESL PSV Á NÚMERIÐ
1900 OG ÞÚ GÆTIR UNNIÐ BÍÓMIÐA!
VINNINGAR ERU BÍÓMIÐAR, DVD MYNDIR,
TÖLVULEIKIR, PEPSI OG MARGT FLEIRA
Vinningar verða afhendir hjá ELKO Lindum
– Skógarlind 2. M
eð því að taka þátt ertu kom
inn í SM
S klúbb. 149 kr/skeytið.
Frumsynd 30. janúar‘
WWW.SENA.IS/SKOGARSTRID
BÚI OG ELLI ERU MÆTTIR AFTUR Í FRÁBÆRRI
TEIKNIMYND FYRIR ALLA FJÖLSKYLDUNA!
MEÐ
ÍSLEN
SKU
TAL
I!