Fréttablaðið - 05.02.2009, Qupperneq 17

FIMMTUDAGUR 5. febrúar 2009 17
SAMFÉLAGSVERÐLAUN Lesendur
Fréttablaðsins voru iðnir við að
senda inn tilnefningar til Sam-
félagsverðlauna blaðsins. Liðlega
300 tilnefningar bárust á tæp 200
einstaklinga og félagasamtök.
Dómnefnd um Samfélagsverð-
launin hefur nú tekið til starfa og
hélt fyrsta fund sinn á mánudag.
Dómnefndin er skipuð þeim Ell-
iða Vignissyni, bæjarstjóra í Vest-
mannaeyjum, Guðjóni Friðriks-
syni sagnfræðingi, Hildi Petersen,
stjórnarformanni Kaffitárs og
Pfaff, Katrínu Jakobsdóttur
menntamálaráðherra og Steinunni
Stefánsdóttur, aðstoðarritstjóra
Fréttablaðsins.
Elliði og Katrín taka nú sæti í
dómnefndinni í fyrsta sinn. „Katr-
ín var þingmaður þegar hún tók
að sér að sitja í dómnefndinni en
varð ráðherra daginn fyrir fyrsta
fund hennar,“ segir Steinunn sem
er Katrínu þakklát fyrir að ætla
að gefa sér tíma til að starfa með
dómnefndinni.
Að sögn Steinunnar hefur dóm-
nefndin úr mörgum vönduðum og
vel rökstuddum tilnefningum að
vinna. „Fjöldi nafna hefur aldrei
verið meiri en í ár því nú var
minna um að fólk tæki sig saman
um að tilnefna tiltekin einstakling
eða samtök. Þetta er ekki kosning
þannig að það hefur ekkert upp á
sig þótt margir tilnefni einn.“
Forseti Íslands afhendir Sam-
félagsverðlaun Fréttablaðsins við
hátíðlega athöfn 5. mars.
Samfélagsverðlaun Fréttablaðsins verða afhent 5. mars:
Fjöldi áhugaverðra tilnefninga borist
DÓMNEFND UM SAMFÉLAGSVERÐLAUN FRÉTTABLAÐSINS Hildur Petersen, Elliði
Vignisson, Guðjón Friðriksson, Steinunn Stefánsdóttir og Katrín Jakobsdóttir.
KIRGISISTAN, AP Stjórnvöld í
Kirgisistan virðast staðráðin í
að bandarísku herstöðinni við
Manas-flugvöll, skammt frá höf-
uðborginni Bishkek, verði lokað.
Herstöðin gegnir lykilhlut-
verki í starfsemi Bandaríkjahers
í Afganistan. Á þriðjudag skýrði
Kurmanbek Bakiyev, forseti
Kirgisistan, frá því að herstöð-
inni yrði lokað og í gær lagði rík-
isstjórn landsins fram frumvarp
á þingi um lokun hennar.
Bandaríkjamenn segjast þó
ekki hafa fengið neina tilkynn-
ingu um að herstöðinni verði
lokað. Þvert á móti séu stjórn-
völd beggja ríkanna að semja um
framhaldsfyrirkomulag varðandi
hana. - gb
Manas-herstöðin í Kirgisistan:
Bandarísk her-
stöð í uppnámi
HERSTÖÐIN Í KIRGISISTAN Bandarískur
hermaður á flugvellinum. FRÉTTABLAÐIÐ/AP
SVEITARSTJÓRNIR Sveinn Kristins-
son, bæjarfulltrúi Samfylkingar
á Akranesi, sakar meirihlutann
um blekkingar vegna fjárhags-
áætlunar eftir að óskað var eftir
53 milljóna króna fjárveitingu
vegna framkvæmda sem flytjast
á milli ára. „Spurt var ítrekað um
þessi verkefni og hvort þau væru
inni í frumvarpi að fjárhagsáætl-
un fyrir 2009 og var því játað. Nú
er hins vegar ljóst að þar var ekki
sagt rétt frá. Slík vinnubrögð eru
með öllu ólíðandi þar sem verið
er að blekkja bæjarfulltrúa með
röngum upplýsingum,“ bókaði
Sveinn á fundi framkvæmdaráðs
bæjarins. - gar
Aukafjármunir í framkvæmdir:
Bæjarfulltrúi
segist blekktur
Kýldi mann og stórslasaði
Hálfþrítugur maður hefur verið
dæmdur í hálfs árs fangelsi fyrir lík-
amsárás, en hann kýldi mann í andlit
í Keflavík í fyrra með þeim afleiðing-
um að hann datt aftur fyrir sig, hlaut
heilahristing og svöðusár á hvirfilinn
sem náði inn að höfuðkúpu. Maður-
inn rauf skilorð með brotinu.
DÓMSTÓLAR
Hálfur milljarður í skóla
Mosfellsbær hefur fengið 500
milljóna króna lán frá Lánasjóði
sveitarfélaga til uppbyggingar grunn-
skólamannvirkja og annarra verk-
efna. Til tryggingar láninu eru tekjur
sveitarfélagsins.
SVEITARSTJÓRNIR
ALÞINGI Kristinn H. Gunnarsson,
Frjálslynda flokknum, vill að
samanlögð fram-
lög ríkissjóðs til
stjórnmálaflokka
verði lækkuð um
tíu prósent; úr
371,5 milljónum
í 334,3 milljónir.
Nemur mismun-
urinn 37,2 millj-
ónum.
Kristinn segir í
greinargerð með
frumvarpi þar um að tíu prósenta
lækkun á framlögum sé til sam-
ræmis við lækkun framlaga til
Alþingis. „Þykir nauðsynlegt að
stjórnmálaflokkarnir lækki fjár-
framlög úr ríkissjóði til starf-
semi sinnar við þær aðstæður
sem uppi eru nú í íslensku þjóðfé-
lagi,“ segir í greinargerðinni. - bþs
Kristinn H. Gunnarsson:
Flokkarnir fái
lægri framlög
KRISTINN H.
GUNNARSSON