Fréttablaðið - 05.02.2009, Qupperneq 10

10 5. febrúar 2009 FIMMTUDAGUR
ALÞINGI Í fyrsta sinn síðan 1991
– þegar Alþingi hóf að starfa í
einni deild – var í gær kosið á milli
tveggja manna í embætti forseta
þingsins.
Fram kom við kynningu á nýrri
ríkisstjórn um helgina að Guðbjart-
ur Hannesson, þingmaður Samfylk-
ingarinnar, yrði þingforseti. Því
voru sjálfstæðismenn andvígir og
í Morgunblaðinu í gær sagði Geir
H. Haarde, formaður Sjálfstæð-
isflokksins, það aðför að Sturlu
Böðvarssyni. Kvað hann gjörning-
inn til marks um „takmarkalausa
valdagræðgi,“ Samfylkingarinnar.
Við upphaf þingfundar harmaði
varaformaður Sjálfstæðisflokks-
ins, Þorgerður Katrín Gunnars-
dóttir, forsetaskiptin. Sturla hefði
eflt þingið og aukið vægi þess og
virðingu. Minnti hún jafnframt á að
Steingrímur J. Sigfússon, formaður
VG, hefði oft haft á orði að eðlilegt
væri að forseti Alþingis kæmi úr
röðum stjórnarandstöðu.
Nokkrir þingmenn blönduðu sér
í umræðuna, þeirra á meðal Jón
Magnússon, þingflokksformaður
Frjálslyndra, sem var sama sinn-
is og Þorgerður. Þingmenn stjórn-
arflokkanna vörðu ákvörðunina
og sögðu hana eðlilega í ljósi rík-
isstjórnarskipta. Fór á endanum
svo að Sjálfstæðisflokkurinn bauð
Sturlu fram til áframhaldandi setu.
Í kosningu hlaut Guðbjartur 35
atkvæði en Sturla 25.
Árið 2007 varð sú breyting að
þingforseti er kjörinn til setu út
kjörtímabilið, að öllu óbreyttu.
Áður voru forsetar kjörnir við
upphaf hvers þings. Var því kosið
á hverju hausti.
Ólafur G. Einarsson er sá for-
seti sem flest atkvæði hefur hlotið,
60 árið 1997. Halldór Blöndal fékk
hins vegar aðeins 31 atkvæði árið
2003. 54 þingmenn greiddu Sturlu
atkvæði sitt við þingsetningu 2007.
bjorn@frettabladid.is
Sjálfstæðismenn vildu
halda þingforsetanum
Eftir snörp orðaskipti var kosið á milli tveggja í embætti forseta Alþingis í gær.
Guðjartur Hannesson hlaut tíu atkvæðum meira en Sturla Böðvarsson.
KOSS, FAÐMLAG, HANDABAND OG HANDAPAT Þingmenn heils-
uðust með margvíslegum hætti við upphaf þingfundar í gær.
ÍSLENSK FRAMLEIÐSLA Einar K. Guðfinnsson og Össur Skarp-
héðinsson fengu sér í nefið. FRÉTTABLAÐIÐ/GVA
FORSETASKIPTIN Guðbjartur Hannesson
og Sturla Böðvarsson takast í hendur.
FRÉTTABLAÐIÐ/GVA
FORMENN FASTANEFNDA
Samf. á átta formenn en VG fjóra
Allsherjarnefnd Árni Páll Árnason S
Efn.h.- og skatt. Björgvin G. Sig. S
Fél.- og trygg.n Þórunn Sveinbj.d. S
Fjárlaganefnd Gunnar Svavarsson S
Iðnaðarnefnd Katrín Júlíusdóttir S
Menntam.n. Einar Már Sigurðars. S
Samg.nefnd Steinunn V. Óskarsd. S
Umhverfisn. Helgi Hjörvar S
Heilbrigðisn. Þuríður Backman V
Sjáv.- og landb. Atli Gíslas. V
Viðskiptan. Álfheiður Ingad. V
Utanríkism.n. Árni Þór Sigurðsson V
FORSÆTISNEFND
Forseti Guðbjartur Hannesson S
1. vf. Kjartan Ólafsson D
2. vf. Þuríður Backman V
3. vf. Ragnheiður Ríkharðsdóttir D
4. vf. Einar Már Sigurðarson S
5. vf. Guðfinna Bjarnadóttir D
6. vf. Kristinn H. Gunnarsson F
ALÞINGI Við kjör Guðbjarts Hann-
essonar Samfylkingunni í emb-
ætti forseta Alþingis urðu þau
tímamót í þingsögunni að forseti
er ekki í Sjálfstæðisflokknum.
Frá því að deildir þingsins voru
sameinaðar árið 1991 hafa sjálf-
stæðismenn farið með forseta-
embættið. Salóme Þorkelsdóttir
var forseti fyrsta kjörtímabil-
ið eftir breytingar og í kjölfarið
sigldu Ólafur G. Einarsson, Hall-
dór Blöndal, Sólveig Pétursdóttir
og Sturla Böðvarsson. Þau fjögur
síðastnefndu voru öll ráðherrar
áður en þau urðu þingforsetar. - bþs
Guðbjartur Hannesson:
Fyrstur þingfor-
seta utan Sjálf-
stæðisflokksins
Mán til mið 10–18.30, fi m 10–21, fös 10–19, lau 10–18, sun 13–18 | Sími 517 9000 | www.kringlan.is
FATLAÐIR MÓTMÆLA Hópur fatlaðra
lagðist á götu í borginni Karachi í Pak-
istan til að leggja áherslu á kröfur sínar
um að fá atvinnu hjá hinu opinbera.
FRÉTTABLAÐIÐ/AP
ALÞINGI Ágúst Ólafur Ágústs-
son, varaformaður Samfylking-
arinnar, lét í gær af formennsku
í viðskipta-
nefnd Alþingis
við endurkjör
í allar fasta-
nefndir þings-
ins. Álfheiður
Ingadóttir, VG,
var kjörin for-
maður viðskipta-
nefndar.
„Ég bað um
að verða ekki
formaður enda er ég á leið út úr
stjórnmálunum,“ sagði Ágúst Ólaf-
ur í samtali við Fréttablaðið. „Ég
vildi að aðrir fengju tækifæri.“
Ágúst Ólafur lætur af þing-
mennsku og þátttöku í stjórn-
málum í vor og hyggur á nám í
útlöndum. - bþs
Ágúst Ólafur Ágústsson:
Vildi að aðrir
fengju tækifæri
ÁGÚST ÓLAFUR
ÁGÚSTSSON