Fréttablaðið - 05.02.2009, Qupperneq 56
40 5. febrúar 2009 FIMMTUDAGUR
sport@frettabladid.is
Valsmenn hafa ekki sagt sitt síðasta orð á leikmannamarkaðnum en
í gær gengu þeir frá samningi við miðvörðinn Guðmund Viðar Mete
sem leikið hefur með Keflavík. Það verður því hart barist um
miðvarðastöðurnar á Hlíðarenda í sumar en þar eru fyrir
Atli Sveinn Þórarinsson, Reynir Leósson, Kristján Hauks-
son og Einar Marteinsson.
„Ég vissi að ég gæti losnað frá Keflavík í október
og við gengum frá starfslokasamningi í síðasta
mánuði. Ég bý í Kópavogi og vildi finna mér lið í
bænum. Ég var samt ekkert að drífa mig enda búinn
að vera slæmur í mjöðminni og ekkert spilað fótbolta í
vetur. Hef samt verið duglegur í ræktinni,“ sagði Guðmund-
ur sem skrifaði undir eins árs samning við Valsmenn.
Af hverju ákvað hann að velja Val sem hefur þegar á
að skipa öflugum miðvörðum? „Góður þjálfari, flottur
völlur og stuðningsmenn. Umgjörðin í sérflokki,“ sagði
Guðmundur sem neitar því að laun hafi nokkuð
með ákvörðun hans að gera. „Ég er ekkert með
há laun. Ég vil vinna titil og mér finnst mestu
möguleikarnir vera á því hjá Val. Ég óttast ekkert samkeppnina.
Hún er bara af hinu góða.“
Fréttablaðið hafði í kjölfar þessa samnings samband við Will-
um Þór Þórsson, þjálfara Vals, og spurði hann að því hvað
hann ætlaði sér að gera með alla þessa miðverði?
„Það er auðvitað hæpið að við komum þeim öllum
fyrir í byrjunarlið á þessum tímapunkti. Það er samt
betra að vera með fleiri en færri. Kristján Hauksson
hefur verið að spila bakvörð til að mynda og gert það
vel. Það eru stór skörð höggvin í okkar hóp og við erum hægt og
bítandi að mynda samkeppnishæfan hóp. Það er mitt prinsipp að
láta fótboltalið mótast og þróast á ákveðnum tíma. Þá verður að
hafa úr fleirum að moða en bara ellefu. Ég skil samt vel að menn
spyrji sig að þessu,“ sagði Willum Þór sem gerir sér vel grein fyrir
því að það verði ekki allir hamingjusamir í sumar þegar kemur að
því að velja í liðið.
„Ég hef aldrei verið í þeim bissness að gera alla hamingjusama.
Þjálfarar geta ekki stundað slík viðskipti,“ sagði Willum sem útilokar
ekki að lána frá sér einhverja leikmenn.
GUÐMUNDUR VIÐAR METE KOMINN Í VAL: FIMMTI MIÐVÖRÐURINN Í LEIKMANNAHÓPI VALS
Þjálfarar geta ekki gert alla hamingjusama
FÓTBOLTI Landsliðsmarkvörðurinn
Gunnleifur Gunnleifsson hefur
skrifað undir samning við FC
Vaduz til loka maí. Um er að ræða
lánssamning frá HK og hvað Gunn-
leifur gerir eftir þennan samning
er óljóst.
FC Vaduz kemur frá Liecht-
enstein og er Gunnleifur þriðji
Íslendingurinn sem gengur í þeirra
raðir á skömmum tíma. Áður höfðu
Guðmundur Steinarsson og Stefán
Þórðarson samið við félagið.
„Það var ýmislegt í deiglunni
sem gekk því miður ekki upp.
Þetta kom svo snöggt upp, eða síð-
astliðinn mánudag, og gekk hratt
fyrir sig. Hvað gerist í maí er svo
óljóst. Ætli ég fari ekki bara til AC
Milan,“ sagði Gunnleifur léttur
en hann var ánægður með þessar
málalyktir.
„Þetta er náttúrlega í gegnum
Guðmund Steinarsson. Hann gaf
mér fín meðmæli og þeir hringdu
svo og spurðu hvort ég hefði áhuga.
Úr varð að ég verð lánaður frá HK.
Ég er mjög sáttur við samninginn
og þetta er vonandi byrjunin á ein-
hverju meira,“ sagði Gunnleifur
en honum finnst afar ánægjulegt
að fá að spila reglulega á þessum
tíma. Það muni hjálpa honum við
að vera í sem bestu ástandi fyrir
íslenska landsliðið þar sem hann
er orðinn aðalmarkvörður.
Gunnleifur er orðinn 33 ára
gamall og er að fara út í atvinnu-
mennsku í fyrsta sinn á ferlinum.
„Ég hef aldrei prófað þetta áður
og það er bara tilhlökkun hjá mér
og fjölskyldunni. Það skemm-
ir ekki fyrir að vera með tveim
öðrum Íslendingum þarna,“ sagði
Gunnleifur sem fór utan í morg-
un.
Hann mun spila sinn fyrsta leik
með Vaduz á laugardag og held-
ur svo til Spánar á sunnudag en
íslenska landsliðið leikur vináttu-
landsleik gegn Liechtenstein á La
Manga á miðvikudag og þar hittir
Gunnleifur eflaust nokkra af liðs-
félögum sínum.
„Þetta leggst allt saman mjög
vel í mig. Það er spennandi að
prófa þetta loksins og ég hef fulla
trú á því að þetta eigi eftir að
verða ánægjulegur tími. Þetta er
allt mjög fínt og nú er bara að fara
út og standa sig,“ sagði Gunnleif-
ur Gunnleifsson, nýjasti liðsmaður
FC Vaduz. henry@frettabladid.is
Loksins í atvinnumennsku
Hinn 33 ára gamli landsliðsmarkvörður, Gunnleifur Gunnleifsson, hefur verið
lánaður til FC Vaduz frá Liechtenstein út maí. Þetta er í fyrsta skipti sem Gunn-
leifur reynir fyrir sér sem atvinnumaður. Þrír Íslendingar eru því hjá FC Vaduz.
ENN AÐ BÆTA SIG Gunnleifur Gunnleifsson er orðinn 33 ára gamall og hefur aldrei
verið betri. Hann reynir nú loks fyrir sér í atvinnumennsku. FRÉTTABLAÐIÐ/ANTON
Opið virka daga kl. 8:00 til 17:00
www.velaland.is
VESTURLANDSVEGUR
VAGNHÖFÐI
VÉLALAND
HÚSGAGNA-
HÖLLIN
TANGARHÖFÐI
BÍlDSHÖFÐI
H
Ö
FÐ
A
B
A
K
K
I
REYKJAVÍK
Vélaland - VAGNHÖFÐA 21
Sími 577-4500
Vélaland sérhæfir sig í tímareimum.
Komdu í Vélaland og fáðu ráðgjöf um skiptingu
á tímareim. Vélaland skiptir fljótt og vel um
tímareimina fyrir þig, á föstu verði.
Fáðu ráðgjöf um tímareimaskipti
Er tímareimin komin á tíma?
Fast verð hjá Vélalandi
Skoðaðu fast verð hjá Vélalandi. Hringdu
núna í síma 577-4500 og pantaðu tíma.
Verðdæmi um tímareimaskipti:
Nissan Patrol 2,8 dísil Árgerð 1992-2000
Heildarverð, varahlutur og vinna: 36.507 kr.
Toyota Land Cruiser 90 D4D Árgerð 2000-2006
Heildarverð, varahlutur og vinna: 27.171 kr.
Toyota Corolla 1,6 bensín Árgerð 1997-2001
Heildarverð, varahlutur og vinna: 35.988 kr.
VW Golf 1,6AEE bensín Árgerð 1997-2006
Heildarverð, varahlutur og vinna: 46.775 kr.
Ford Focus 1,6 bensín Árgerð 1998-2005
Heildarverð, varahlutur og vinna: 38.948 kr.
Sjáðu hvar við erum. Hringdu núna í síma
577-4500 og pantaðu tíma.
> Prinsinn til KR?
Hollenski framherjinn Prince Rajcomar gæti verið á leið
til Vesturbæjarliðsins KR. Rajcomar gekk nýlega frá starfs-
lokum við Breiðablik en þar fékk hann afar fá tækifæri
síðastliðið sumar. Hann kom svo hingað til lands í gær til
þess að ræða við KR-inga sem eru í
framherjaleit enda hefur KR misst
Guðjón Baldvinsson til Svíþjóðar
og svo er óvíst hvort Björgólfur
Takefusa spili með KR á næsta
tímabili. Ekki fékkst niðurstaða í
viðræðurnar í gær.
Enski bikarinn
Nott. Forest-Derby 2-3
1-0 Chris Cohen (2.), 2-0 Nathan Tyson, víti (14.),
2-1 Rob Hulse (27.), 2-2 Paul Green (60.), 2-3
Kris Kommons (74.)
Aston Villa-Doncaster 3-1
1-0 Steve Sidwell (15.), 2-0 John Carew (19.), 2-1
Jason Price (45.), 3-1 Nathan Delfouneso (61.).
Blackburn-Sunderland framlengt.
0-1 David Healy (7.), 1-1 Aaron Mokoena (37.)
Everton-Liverpool framlengt.
Iceland Express kvenna
KR-Keflavík 78-74 (41-34)
Stig KR: Hildur Sigurðardóttir 21 (8 frák.),
Guðrún Gróa Þorsteinsdóttir 13 (7 stoðs.), Sigrún
Ámundadóttir 11 (10 frák.), Helga Einarsdóttir
10 (11 frák., 6 stoðs.), Guðrún Ósk Ámundadóttir
10 (6 stoðs.), Gréta Guðbrandsdóttir 6, Heiðrún
Kristmundsdóttir 4, Margrét Kara Sturludóttir 2.
Stig Keflavíkur: Birna Valgarðsdóttir 29 (9 frák.),
Pálína Gunnlaugsdóttir 17, Bryndís Guðmunds-
dóttir 7, Ingibjörg Elva Vilbergsdóttir 6, Svava Ósk
Stefánsdóttir 5 (10 frák.), Marín Rós Karlsdóttir 3,
Halldóra Andrésdóttir 2, Hrönn Þorgrímsdóttir 1.
Hamar-Haukar 63-72 (35-33)
Stigahæstar: Lakiste Barkus 31, Julia Demirer 17
(16 frák.) - Kristrún Sigurjónsdóttir 28, Slavica
Dimovska 19, Ragna Margrét Brynjarsdóttir 10.
Snæfell-Valur 67-76 (27-38)
Stigahæstar: Kristen Green 29, Gunnhildur
Gunnarsdóttir 15 - Ragnheiður Theodórsdóttir 15,
Þórunn Bjarnadóttirr 14, Kristjana Magnúsdóttir
12, Berglind Ingvarsdóttir 12.
ÚRSLIT
HESTAR Fyrsta keppni í hinni
árlegu Meistaradeild VÍS fer
fram í Ölfushöll í kvöld.
Alls fara fram sjö keppnir í
Meistaradeildinni og lokakeppnin
fer fram 30. apríl í Ölfushöllinni.
Sjö lið taka þátt í keppninni
að þessu sinni sem hefur slegið
í gegn hjá hestaáhugamönnum
enda taka flestir bestu knapar og
gæðingar landsins þátt í móta-
röðinni. - hbg
Meistaradeild VÍS:
Fyrsta keppni
fer fram í kvöld
FÓTBOLTI Adriano Galliani, fram-
kvæmdastjóri AC Milan, staðfesti
í gær að félagið vilji halda David
Beckham út tímabilið og jafnvel
kaupa hann.
Galliani staðfesti enn fremur
að lögfræðingar Beckhams væru
í viðræðum við forráðamenn LA
Galaxy, félags Beckhams, um
þessi mál.
„Ef Galaxy vill ræða samn-
ingamál þá erum við meira en
tilbúnir,“ sagði Galliani en Beck-
ham hefur slegið í gegn hjá Milan
– skorað tvö mörk og leikið virki-
lega vel.
Lánssamningur Beckhams við
AC Milan rennur út 9. mars næst-
komandi. - hbg
Lögfræðingar Beckhams:
Ræða við for-
ráðamenn LA
FÓTBOLTI Fjórir leikir fóru fram í
ensku bikarkeppninni í gær.
Stórleikurinn var á Goodison
Park þar sem Everton tók á móti
Liverpool. Steven Gerrard fór
meiddur af velli eftir stundar-
fjórðungsleik. Leikurinn var
harður en lítið um færi.
Hann fór í framlengingu og var
ekki lokið þegar Fréttablaðið fór
í prentun.
Aston Villa var ekki í vandræð-
um með Doncaster og Derby átti
ótrúlega endurkomu gegn Forest
eftir að hafa lent tveimur mörk-
um undir. - hbg
Enska bikarkeppnin:
Frábær endur-
koma Derby
BARÁTTA Marouane Fellaini og Jamie
Carragher berjast hér um boltann í gær.
NORDICPHOTOS/GETTY IMAGES
KÖRFUBOLTI KR-konur hafa verið
duglegar að enda sigurgöngu liða
á nýja árinu, fyrst ellefu leikja
sigurgöngu Hauka í bikarnum og
svo tíu leikja sigurgöngu Íslands-
meistara Keflavíkur í æsispenn-
andi leik í Iceland Express-deild
kvenna í gær. KR skoraði 5 síð-
ustu stig leiksins og vann 78-74.
Hildur Sigurðardóttir, fyrir-
liði KR, kórónaði góðan leik sinn
með því að skora úrslitakörfuna
þremur sekúndum fyrir leiks-
lok en hún kom þá KR í 76-74.
Keflavík tók innkast en kastaði
boltanum beint út af eftir það og
Guðrún Ósk Ámundadóttir gull-
tryggði síðan sigurinn með því að
setja niður tvö víti.
Lengi vel leit út fyrir að Birna
Valgarðsdóttir ætlaði sér nán-
ast upp á sitt einsdæmi að vinna
leikinn fyrir Keflavík en hún átti
enn einn stórleikinn og skoraði
29 stig.
Hildur átti eins og áður sagði
mjög góðan leik en auk henn-
ar var Helga Einarsdóttir gríð-
arlega mikilvæg. Guðrún Gróa
Þorsteinsdóttir var öflug á báðum
vallarhelmingum og Guðrún Ósk
Ámundadóttir setti niður stórar
körfur í lokin. Það kom ekki að
sök að Margrét Kara Sturludóttir
fann sig ekki og Sigrún Ámunda-
dóttir, sem átti góða spretti, fékk
sína fimmtu villu tæpum sex mín-
útum fyrir leikslok.
Birna var yfirburðamaður hjá
Keflavík. Pálína Gunnlaugsdótt-
ir reyndi þó sitt og skoraði meðal
annars fimm stig á 27 sekúndum
á lokamínútunni en það dugði þó
ekki til sigurs.
Liðin mætast aftur eftir ellefu
daga í bikarúrslitaleiknum og ef
marka má þennan forsmekk má
enginn missa af þeim leik. - óój
KR-konur enduðu tíu leikja sigurgöngu Keflavíkur í kvennakörfunni í gærkvöldi:
Frábær auglýsing fyrir Höllina
MIKILVÆG Helga Einarsdótitr kom
aftur inn í KR-liðið. FRÉTTABLAÐIÐ/STEFÁN