Fréttablaðið - 05.02.2009, Síða 48
32 5. febrúar 2009 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
„Ég get nú ekki sagt að Idol hafi
hjálpað mér mikið. Ég þurfti eigin-
lega að vinna mig út úr því. Menn
komu til mín steinhissa eftir gigg og
sögðu: Þetta var helvíti gott hjá þér,
varst þú ekki í Idol? Eftir Idol gerðu
eiginlega allir þær kröfur til manns
að maður væri alveg vonlaus,“ segir
Ingó í Veðurguðunum.
Ingó vakti athygli á sér í þriðju
syrpu Idol keppninnar og varð sjötti
enda „hálf óöruggur í sjónvarpinu“
að eigin sögn. Hann kom sér svo
sjálfur á kortið með því að semja
og syngja sumarsmell síðasta árs,
„Bahama“. „Það gekk ekkert hjá
mér að fá athygli hjá útgáfunum
eftir Idol þótt ég væri með fullt af
frumsömdu efni. En eftir „Bahama“
eru allir orðnir vinir manns og
hringja þrisvar á dag til að reyna
að gefa út plötu með manni. Í útlönd-
um eru umboðsskrifstofur í því að
reyna að uppgötva listamenn áður
en þeir verða vinsælir, en þessu er
alveg öfugt farið hér.“
Ingó og Veðurguðirnir hafa
hamrað járnið eftir „Bahama“.
Fyrst kom lagið „Drífa“ og fyrir
tveimur vikum kom nýtt lag, „Vin-
urinn“ – „Það er dálítið öðruvísi
en hin lögin, fyrir annan markhóp
virðist vera. Allavega kom einn
fimmtugur til mín hérna á Selfossi
og sagði að þetta væri besta lagið
okkar.
Ég veit ekki alveg hvað mér á
að finnast um það. Þetta er þorra-
smellurinn í ár, enda í E-moll. Mjög
þjóðlegt,“ segir Ingó.
Hann segir hljómsveitina nú
íhuga alvarlega að gefa út fyrstu
stóru plötuna sína í sumar. „Jú það
er líklegt, ég get nánast lofað því að
það komi plata. Ég á allavega bunka
af lögum, mjög ólíkum reyndar,
alls konar stílar. Það eru samt allir
voða bissí. Við spilum mikið, menn
eru að vinna, í skóla og ég í fót-
boltanum. En við látum þetta ekk-
ert stoppa okkur. Þetta endar með
plötu!“ - drg
Veðurguðirnir enda með plötu
MEÐ ÞORRASMELLINN Í ÁR Ingó segir
fyrstu plötu Veðurguðanna líklega koma
í sumar. FRÉTTABLAÐIÐ/HEIÐA
Weirdcore er nafn á raftónlistarkvöldum sem hafa verið haldin í Reykja-
vík nokkuð reglulega síðustu misseri. Flestir af fremstu raftónlist-
armönnum Íslands hafa spilað á kvöldunum og í kring um þau hefur
skapast góð stemning. Seint á síðasta ári settu aðstandendur Weirdcore-
kvöldanna saman safnplötu sem fólk getur halað niður ókeypis á slóð-
inni www.weirdcore.com. Á plötunni eru ellefu lög með Agzilla, Anon-
ymous, Biogen, Bix, Dr. Mister, The
Early Exploits of Tras Taylor, Frank
Murder, Plastik, Ruxpin, Skurken
og Tonik. Þetta er öflug safnplata
og það kemur í raun á óvart hvað
gæðastandardinn er hár á henni.
Þetta er greinilega ekkert afgangs-
efni. Platan er fjölbreytt. Biogen
og Agzilla eru einna harðastir, Dr.
Mister kemur sterkur inn með dub-
skotið töffarastykki og hágæða-
listamenn eins og Anonymous, Bix,
Frank Murder og Ruxpin klikka
ekki hér frekar en fyrri daginn.
Það hefur farið frekar lítið fyrir
útgáfu á raftónlist hér á landi frá
því að Thule-útgáfan lagði upp
laupana. Þær útgáfur hafa alltént
farið mjög hljótt. Maður þarf hins
vegar ekki að eyða miklum tíma á
MySpace til að komast að því að það er enn fullt af íslenskum tónlistar-
mönnum að búa til raftónlist. Frumsýning kvikmyndarinnar Rafmögn-
uð Reykjavík í haust hleypti smá blóði í raftónlistarsenuna og Weirdcore-
safnplatan er annað jákvætt merki. Vonandi fáum við meira að heyra á
næstunni.
Það þarf svo auðvitað ekki að taka það fram að Weirdcore-safnplat-
an er frábær kostur í kreppunni. Tæpur klukkutími af flottri tónlist
fyrir ekki neitt. Ég segi takk fyrir mig.
Gæðaútgáfa sem kostar ekki krónu
GÓÐ GJÖF Margir af fremstu raftónlistar-
mönnum landsins eiga efni á Weirdcore-
safninu sem hala má niður af netinu án
endurgjalds.
Akureyrski tónlistarmaðurinn
Rúnar Eff gaf nýverið út sína
fyrstu smáskífu í Danmörku. Á
henni er Aha-lagið Take on Me og
You, sem bæði eru á fyrstu sóló-
plötu hans Farg.
„Ég veit að þetta er farið í
útvarpsspilun á einhverri af stóru
stöðvunum,“ segir Rúnar Eff. „Ég
er með konu sem sér um öll svona
mál úti og hún er alla vega nokkuð
bjartsýn.“
Rúnar sló í gegn í Danmörku
í lok síðasta árs þegar hann tók
þátt í raunveruleikaþættinum All
Stars. Þá opnuðust honum ýmsar
dyr og skrifaði hann meðal ann-
ars undir dreifingarsamning í
Danmörku. Fyrr í mánuðinum átti hann svo
að fara í viðtal í sjónvarpsþættinum Go´Aften
Danmark á TV2 á sama tíma og smáskífan
kæmi út. Viðtalið var aftur á móti
flautað af þegar sending með
smáskífunum tafðist í tollinum í
heila fimm daga. „Svo kom þetta
ekki fyrr en daginn sem ég var
að fara heim. Þetta verður að bíða
betri tíma,“ segir Rúnar og játar
að vera örlítið svekktur enda átti
hann einnig að mæta í þáttinn í
desember. Ekkert varð af því
vegna góðs árangurs danska
kvennalandsliðsins í handbolta á
sama tíma.
Rúnar fær góða heimsókn á
næstunni því sænski tónlistar-
maðurinn Pontus Stenqvist, sem
hann kynntist úti í Danmörku,
ætlar að líta við. Þeir félagar ætla
að dunda sér við lagasmíðar og einnig halda
tónleika. Hafa þeir þegar bókað sig á Akur-
eyri 28. febrúar. - fb
Gaf út smáskífu í Danmörku
RÚNAR EFF Tónlistarmað-
urinn Rúnar Eff gaf nýlega
út sína fyrstu smáskífu í
Danmörku.
Þriðja „Songfushion-ið“ er
fyrirhugað á Hótel Glym í
október. Lagabræðingurinn
hefur spurst vel út og
mikill áhugi er fyrir næsta
lagahöfundamóti. For-
sprakkar mótsins segja
frábært að sjá hugmyndina
blómstra eftir alla vinnuna
sem þeir hafa lagt í það.
„Ég kom hingað árið 1994 til að
vinna við bíómyndina Viking
Saga. Ég hélt ég yrði í tvær vikur
en varð svo heilluð af landinu að
ég var í hálft ár. Á fertugsafmæl-
inu mínu skipulagði Gaui litli, sem
ég hafði kynnst við kvikmynda-
gerðina, veislu á Hótel Glym í
Hvalfirði og þá fékk ég þá hug-
mynd að gaman væri að gera eitt-
hvað menningartengt þar.“ Hér
talar Ginny Graham, annar for-
sprakki „Songfushion“ sem tvisv-
ar hefur verið haldið á Hótel Glym
í Hvalfirði. Hinn forsprakkinn er
Chesney Hawkes. Chesney söng
lagið „The One and Only“ eftir Nik
Kershaw, en lagið var í kvikmynd-
inni Buddy‘s Song sem Chesney
lék aðalhlutverkið í. Nik var ein-
mitt einn þátttakendanna í fyrra.
Ginny fékk Chesney með sér í
verkefnið því þau búa við sömu
götuna í úthverfi í London.
„Umhverfið í Hvalfirði er nátt-
úrulega svakalega hvetjandi.
Maður þarf ekki nema líta út um
gluggann til að langa til að semja
lög,“ segir Chesney. „Nik kallaði
mótið „speed-dating“ með gítur-
um og það lýsir því ágætlega. Við
erum að koma saman lagahöfund-
um, bæði frægum og samnings-
bundnum og algjörlega óþekktum,
og etja þeim út í að prófa nýjar
aðferðir og hugmyndir. Umhverf-
ið og stemningin á Íslandi er svo
það sem til þarf svo að allt gangi
upp.“
Á síðustu mótum hafa íslenskir
tónlistarmenn verið um þriðjung-
ur mótsgesta, Fólk eins og Gummi
í Sálinni, Magnús Þór, Dísa og
Sverrir Bergmann hafa samið með
lagahöfundum eins og Michael Jay
og CJ Vanstone. Báðir eru Óskars-
og Grammy-tilnefndir lagahöfund-
ar í Los Angeles sem hafa samið
lög fyrir alls konar poppstjörn-
ur. „Allir læra eitthvað nýtt og
nýjar víddir opnast,“ segir Ginny.
„Þú myndir ekki trúa því hversu
margir hafa sagt mótið og Íslands-
dvölina hafa breytt lífi þeirra.“
Þriðji bræðingurinn fer fram í
október og þau Ginny og Chesney
segja gríðarlegan áhuga fyrir mót-
inu. „Við höfum lagt hörkuvinnu
í þetta og það er gaman að sjá
dæmið blónmstra,“ segir Ginny.
Hún segir viðræður við ýmsa
heimsfræga snillinga standa yfir
þótt enn sé of snemmt að segja til
um hvaða lagahöfundar leggi leið
sína í Hvalfjörðinn í haust. Einn af
þeim sem ku vera orðinn verulega
heitur fyrir Íslandsferð er enginn
annar en Robin Gibb í Bee Gees.
drgunni@frettabladid.is
Þriðja Songfushion-ið í Hvalfirði í október:
Speed-dating með gíturum
ÞARF BARA AÐ LÍTA ÚT UM GLUGGANN Ginny og Chesney standa fyrir þriðja Laga-
bræðingnum í haust. FRÉTTABLAÐIÐ/ANTON
> Í SPILARANUM
Jóhann Jóhannsson - Fordlandia
Morrissey - Years of Refusal
Animal Collective - Merriweather Post Pavilion
Antony and the Johnsons - The Crying Light
Lily Allen - The Fear
LILY ALLENJÓHANN JÓHANNSSON
Bob Justman - Happiness &
Woe
✮✮✮
Það vantar herslumuninn, kannski
af því að þrátt fyrir augljósa hæfi-
leika og mikinn metnaðhefur Bob
enn ekki tekist að búa til sinn
eigin hljóm.“
- TJ
PLATA VIKUNNAR
föstudagur
Allt sem þú þarft
föstudagur