Fréttablaðið - 05.02.2009, Side 27

FIMMTUDAGUR 5. febrúar 2009 3
Fyrirtæki eru meira eða minna að spara og skera niður kostnað og á það einnig við um fínustu
tískuhúsin. Chanel framlengdi til
dæmis ekki tvö hundruð skamm-
tímasamningum um síðustu
áramót og sýndi ekki hátískuna
í þetta skiptið í Grand Palais,
sýningarhöllinni frægu sem er
frá Heimssýningunni í París í
byrjun tuttugustu aldar. Chanel
sýndi í sal nálægt Cambon-búð-
inni og skar verulega niður
gesta listann, hönnunin var undir
áhrifum japanskrar origami-
pappírsvinnu, látlausari og inn-
hverfari en áður. Allt í hvítu á
tímum þegar farið er í gegnum
núllpunktinn og byrjað upp á
nýtt. Fjöldi minni spámanna eins
og Anne-Valérie Hash til dæmis
sýndu ekki að þessu sinni og
sagði hún það mikilvægasta að
starfólkið héldi vinnunni.
Svona mætti lýsa nýafstöðnum
hátískusýningum fyrir kom-
andi sumar í París en það und-
arlega er að hönnunin var langt
frá því að vera undir merkjum
kreppunnar. Þar sannast líklega
sú gamla kenning að í alvarlegri
heimskreppu selst dýrasti lúxus-
inn betur enn nokkru sinni því
þeir sem hafa ráð á honum vilja
endilega sýna ríkidæmi sitt.
Þversögn sem virðist þó sanna
sig ef marka má hátískukjólana.
Christian Lacroix sagði fyrir
sína sýningu í Pompidou-safninu
kreppuna vera eins og grátt ský
yfir höfðum okkar og því sé ekki
á það bætandi með dapurlegum
hátískusýningum. Reyndar bætti
hann við að það væri kannski
ekki sanngjarnt en alltaf væru
til peningar. Sýning Lacroix var
einstaklega litrík, í barokkstíl en
með mjög stuttum kjólum. Líkt
og kjólar frá tímum Lúðvíks 14.
án neðriparta og fyrirsæturnar
allar með stífgreitt hár í ætt við
ballerínur.
Hjá Jean-Paul Gaultier vakti
athygli endurkoma fyrrverandi
toppmódels og hönnuðar á sýn-
ingarpallana, hinnar 51 árs
gömlu Inès de la Fressange, og
var hún í heldur betra formi
en jafnaldra hennar, Madonna.
Annars má spyrja hvort gegn-
sæju kjólarnir hafi verið tilraun
til að spara í efniskostnaði en
margir þeirra voru líkt og aðeins
væri um innralag að ræða.
Hjá Dior notaði Galliano hand-
málað silkiefni í efnismikla kjóla
undir áhrifum flæmsku málar-
anna Van Dycks og Vermeers
með fíngerðu blúnduefni sem
minnti á postulín.
Tískuhús Martins Margiela
var kannski það eina í takt við
tímann og sýndi eingöngu hand-
unna vöru, stundum úr endur-
unnum og umhverfisvænum
efnum. Sérstaka athygli vakti
að þessu sinni smókingjakki úr
bréfþurrkum eingöngu og kjóll
úr 140 horn- og plasthárgreiðum.
Nánast enginn tískuhönnuð-
anna virtist því vera sammála
Karli Lagerfeld sem sagði á dög-
unum að tími hógværðar væri
runninn upp í tískuheiminum.
Að vanda eru það þeir litlu sem
fyrstir tapa í tískuheiminum.
bergb75@free.fr
Silkidraumar á sumarnótt
ÚR HÁBORG TÍSKUNNAR
Bergþór Bjarnason skrifar frá París
Leikkonurnar samankomnar á frumsýn-
ingu myndarinnar He‘s just not that into
you. NORDICPHOTOS/GETTY
Fimm sætar
Tískumeðvituðu stjörnurnar
í kvikmyndinni He‘s just not
that into you, skörtuðu sínu
fegursta á frumsýningu mynd-
arinnar.
Kvikmyndastjörnur eru tískufyr-
irmyndir margra og leikkonurnar
í myndinni He‘s just not that into
you eru þar engin undantekning.
Þær voru glæsilegar á að líta
þegar þær mættu á
frumsýninguna í Los
Angeles á dögunum.
Drew Barrymore
var stelpuleg í kjól
frá Lanvin, Jenni-
fer Connelly var
í hátískukjól frá
Balmain. Nafna
hennar Aniston
var í klassískum
smóking frá
Burberry,
Ginnifer
Goodwin í
stuttum app-
el sínugulum
kjól frá Bottega
Veneta og Scarl-
ett Johansson, sem
hefur ávallt verið
veik fyrir blóma-
mynstri, var í blóma-
kjól frá Oscar de la
Renta. - sg
Vefta • Hólagarði • S: 557 2010 • & Mjódd • S: 578 2051
ÚTSALA
Mikil verðlækkun
w w w . v e f t a . i s
20% auka afsláttur
af útsöluvörum.
KRINGLAN SMÁRALIND LAUGAVEGUR
11933 51707
Litir: Svart, hvítt
Stærðir:
36 - 42
Winter Z.
20.990
11.995
Gærufóðraðir
11823 52733
Litir: Svart, brúnt
Stærðir:
36 - 42
Winter Z.
24.995
14.995
Loðfóðraðir
LOKADAGAR
ÚTSÖLUNNAR
40% afsláttur
af öllum ecco
leðurstígvélum