Fréttablaðið - 05.02.2009, Blaðsíða 50
34 5. febrúar 2009 FIMMTUDAGUR
bio@frettabladid.is
Þrjár hundamyndir verða
frumsýndar hérlendis á
næstunni og verður gaman
að sjá hvort Íslendingar séu
jafnspenntir fyrir þessum
loðnu ferfætlingum og
bandarísku kvikmyndagest-
irnir voru.
Hundamyndir hafa löngum notið
mikilla vinsælda vestanhafs,
enda fátt sem bræðir hjörtu bíó-
gesta jafnauðveldlega og sætir og
skemmtilegir hundar.
Lassý, Benji og Beethoven eru
allt hundar sem flestir ættu að
kannast við úr bíómyndum þar
sem þessi besti vinur mannsins
drýgir oftar en ekki hetjudáð
sem hvaða manneskja sem er gæti
verið stolt af. Margir muna einn-
ig eftir hunda- og löggumyndinni
Turner and Hooch þar sem Tom
Hanks lék aðalhlutverkið á móti
ófrýnilegum labradorhundi og
myndin 101 dalmatíuhundur, með
Glenn Close í hlutverki hinnar ill-
gjörnu Cruella De Vil, naut einnig
mikilla vinsælda.
Nýlega bárust fregnir af því að
enn ein hundamyndin, Hotel For
Dogs, hefði náð fjórða sætinu yfir
vinsælustu myndirnar vestanhafs.
Hún verður einmitt frumsýnd hér-
lendis á morgun og er henni lýst
sem gamanmynd fyrir alla fjöl-
skylduna, eins og flestar hunda-
myndirnar jafnan eru. Fjallar
hún um tvo litla krakka með stór
hjörtu sem laumast til að hýsa
níu götuhunda í yfirgefnu húsi í
nágrenninu. Laumuspilið leiðir af
sér ótrúlegustu uppákomur sem
erfitt er að dylja til lengdar.
Meðal leikara eru Don Cheadle
og Lisa Kudrow, betur þekkt sem
Phoebe úr Friends. Þrátt fyrir
vinsældirnar fær hún aðeins 3,6
af 10 mögulegum í einkunn á
Imdb.com og 44% á Rottentomat-
oes.com.
Íslenskir bíógestir mega í fram-
haldinu eiga von á tveimur öðrum
hundamyndum. Fyrst kemur hing-
að Beverly Hills Chihuahua, sem
var sýnd vestanhafs í fyrra við
miklar vinsældir, þar sem Drew
Barrymore og Andy Garcia tala
fyrir chihuahua-tík og þýskan
fjárhund. Hin myndin, Marley and
Me, var sömuleiðis feykivinsæl í
N-Ameríku. Fjallar hún á skond-
inn hátt um par (Jennifer Aniston
og Owen Wilson) sem fær sér lít-
inn hvolp sem verður allsráðandi
og óþolandi þegar hann stækkar.
Hundamyndir eru greinilega
vinsældaformúla sem getur ekki
klikkað. Krakkar flykkjast á þær
með foreldrum sínum og þannig
mun það verða um ókomin ár,
svo lengi sem þessir uppátækja-
sömu ferfætlingar halda áfram að
standa fyrir sínu sem gleðigjafar
mannfólksins.
Gleðigjafar mannfólksins
Tekjhuhæstu hunda-
myndirnar vestanhafs
1. Scooby-Doo (2002)
2. Marley and Me (2008)
3. 101 Dalmatians (1996)
4. Beverly Hills Chihuahua (2008)
5. Cats & Dogs (2001)
6. Scooby-Doo 2 (2004)
7. Eight Below (2006)
8. Snow Dogs (2002)
9. Turner & Hooch (1989)
10. 102 Dalmatians (2000)
The Curious Case of Benjamin Button og The Reader
státa samanlagt af átján Óskarstilnefningum, þar á
meðal sem besta kvikmyndin og besti leikstjórinn.
Þær verða báðar frumsýndar á morgun auk gaman-
myndarinnar Bride Wars.
The Curious Case of Benjamin Button fjallar
um Benjamin Button (Brad Pitt) sem fæðist sem
gamall maður og verður yngri eftir því sem árin
líða. Hún fær 8,4 í einkunn á Imdb.com og 70% á
Rottentomatoes.com og þykir leikstjóranum David
Fincher (Seven, Fight Club, Zodiac) hafa tekist ein-
staklega vel upp í þetta sinn.
Stephen Daldry, leikstjóri Billy Elliot og The
Hours, sendir frá sér The Reader. Hún segir frá lög-
fræðinema (Ralph Fiennes) sem rifjar upp ástarsam-
band sem hann átti sem ungur maður við eldri konu
(Kate Winslet) þegar hún er leidd fyrir herrétt eftir
seinni heimstyrjöldina. Einkunn: 7,9 á Imdb og 60% á
Rottentomatoes.
Bride Wars fjallar um tvær æskuvinkonur (Kate
Hudson og Anne Hathaway) sem eru að fara gifta sig
og ætla að vera brúðarmeyjar hvor hjá annarri. Fyrir
misskilning eru brúðkaupin bókuð á sama degi á
sama stað og ekkert virðist fá dagsetningunni breytt.
Myndin fær 4,8 á Imdb.com og 12% á Rottentomatoes.
Tvær með átján tilnefningar
THE READER Myndin er gerð eftir sögu Bernhards Schlink,
Lesaranum, sem hefur verið þýdd á íslensku.
HOTEL FOR DOGS Hundamyndin
Hotel For Dogs verður frumsýnd
hérlendis á morgun. Hún fjallar
um krakka sem geyma níu götu-
hunda í yfirgefnu húsi.
SENDU SMS ESL BWB Á NÚMERIÐ
1900 OG ÞÚ GÆTIR UNNIÐ BÍÓMIÐA!
VINNINGAR ERU BÍÓMIÐAR, DVD MYNDIR,
TÖLVULEIKIR, GOS OG MARGT FLEIRA
WWW.SENA.IS/BRIDEWARS
Vinningar verða afhendir hjá ELKO Lindum
– Skógarlind 2. M
eð því að taka þátt ertu kom
inn í SM
S klúbb. 149 kr/skeytið. 9. H
VER
VINNUR
!
> ÆVIN Í EINLEIK
Jean Reno hyggst skrifa
einleik um skrautlegt
líf sitt. Reno er fædd-
ur í Marokkó en flutt-
ist með foreldrum
sínum til Spánar.
Þaðan flúðu þau
einræðisstjórn
Franco og fluttu
til Frakklands. „Ég ætla að
gera þetta meðfram kvik-
myndaleiknum, við erum
að klára handritið og svo
taka bara við æfingar.“
Al Pacino hyggst
bregða sér í líki
Lés konungs, eins
af þekktustu persón-
um Williams Shake-
speare. Í þessu sígilda
leikriti er sagt frá kon-
ungi sem þarf að skipta upp
ríkidæmi sínu á milli þriggja
dætra sinna. Lér ákveður að
hafa þann háttinn á að sú sem
elskar hann mest fær allt.
Tvær af dætrum Lés
flaðra upp um hann og dekra
við hann með öllum hætti en
sú þriðja neitar að taka þátt
í leiknum. Hún er síðan gerð
arflaus, Kóngurinn dagar
hins vegar uppi óhamingju-
samur og vansæll.
Pacino hefur áður daðrað
við Shakespeare, lék meðal
annars í kvikmyndunum
Kaupmaður í Feneyjum og
Looking for Richard. Stór-
leikaranum hefur áður verið
boðið hlutverkið en sjálfum
hefur Pacino ekki fundist
hann nógu gamall í það. Pac-
ino veitir ekkert af að hressa
aðeins upp á ferilinn hjá sér
enda hefur hann ekki verið
merkilegur að undanförnu.
Kvikmyndir hans hafa flest
allar verið skotnar niður og
þessi mikli gæðaleikari þarf
heldur betur vind í seglinn.
Leikstjórinn Michael Rad-
ford hefur verið ráðinn til að
leikstýra en hann er þekkt-
astur fyrir konfektmolana
sína Il Postino og áðurnefnd-
an Kaupmann í Feneyjum.
Samkvæmt bíósíðu Emp-
ire verður myndin búninga-
drama af bestu gerð, hún
verði svipuð og Kaupmaður-
inn í útliti. Þetta þýðir því
að hún muni ekki gerast á
þeim tíma sem Lér kon-
ungur ríkti en það var
fyrir tíma Rómverja í
Bretlandi.
LÉR Al Pacino leikur Lé
konung í mynd Michaels
Radford. Pacino finnst
hann nú vera orðinn
nógu gamall til að taka að
sér hlutverkið.
George Clooney og Adam Sorkin,
þekktastur fyrir West Wing-þætt-
ina, ætla að gera kvikmynd um
hugsanleg réttarhöld yfir bílstjóra
Osama bin Laden, Salim Ahmed
Hamdan. Clooney er mikill áhuga-
maður um Mið-Austurlönd, lék
meðal annars í Syriana sem
fjallaði um olíubraskið á bak
við tjöldin í arabalöndunum
og Bandaríkjunum. Clooney
hefur jafnframt verið harð-
ur andstæðingur Bush-
ríkisstjórnarinnar
og talað opinskátt
um hvað honum
hefur fundist
um fyrrverandi
Bandaríkjafor-
seta.
Í bakgrunni
verða h i nar
umdeildu Guan-
tánamo-búðir
sem núverandi
Bandaríkja-
forseti, Barack
Obama, hefur
lofað að loka í lok
ársins. Myndin
mun því ekki fjalla
um sekt eða sakleysi
Hamdans heldur mun
kastljósinu beint að
deilum lögfræðinganna
Charles Swift og Neals
Katyal um hvort fanga-
búðirnar hafi átt rétt á sér eða
ekki. Lögfræðingarnir fóru með
deilur sína alla leið fyrir hæstarétt
sem úrskurðaði að búðirnar væru
að öllum líkindum ólöglegar gagn-
vart stjórnarskrá Bandaríkjanna
og samkvæmt Genfarsáttmálan-
um; smáatriði sem bæði George
W. Bush og Donald Rumsfeld
kusu að horfa fram hjá. Sorkin
mun skrifa handritið eftir bók-
inni The Challenge of Hamdan
eftir Jonathan Mahler og
Clooney mun að öllum
líkindum bæði fram-
leiða, leikstýra og leika
aðalhlutverkið.
Blaðamenn Empire
mega vart vatni halda
yfir þessar hugmynd
og spá henni mikill vel-
gengni. „Þarna er skot-
ið fast að Bush, þetta er
hæfilegur skammtur
fyrir Law & Order-fíkl-
ana og George Cloon-
ey í hermannabúningi
mun að öllum líkindum
trylla helming heims-
byggðarinnar,“ skrifar
blaðamaður Empire.
Bílstjóri bin Ladens
á hvíta tjaldið
GEGN GUANTÁNAMO George
Clooney mun að öllum
líkindum framleiða, leikstýra
og leika aðalhlutverkið í kvik-
mynd um bílstjóra Osama
bin Laden.
Al Pacino til liðs við Shakespeare