Morgunblaðið - 15.05.2006, Blaðsíða 2

2 MÁNUDAGUR 15. MAÍ 2006 MORGUNBLAÐIÐ
FRÉTTIR
VIÐRÆÐUM LOKIÐ
Lokadrög að nýjum stofn-
anasamningi milli SFR og Svæð-
isskrifstofa fatlaðra voru handsöluð
í gærkvöldi. Samningurinn verður
lagður fyrir trúnaðarmenn stuðn-
ingsfulltrúa í hádeginu í dag og
verður hann kynntur fram-
kvæmdastjórum svæðisskrifstofa
málefna fatlaðra. Samþykki báðir
aðilar samninginn verður hann und-
irritaður í dag. Samningurinn nær
til um þúsund félagsmanna í SFR
sem gegna 800–900 stöðugildum á
sambýlum og öðrum starfsstöðvum
fyrir fatlaða víða um land.
Fuglaflensa í rénun?
Dr. David Nabarro, sem sér um
að skipuleggja varnir gegn fugla-
flensu á vegum Sameinuðu þjóð-
anna, sagði í gær, að svo virtist sem
sóttin væri í mikilli rénun í Suð-
austur-Asíu. Hefði ekkert tilfelli,
hvorki í fugli né mönnum, komið
upp í marga mánuði í Víetnam og
Taílandi. Haraldur Briem sótt-
varnalæknir sagði í viðtali við Morg-
unblaðið, að af þessu væri þó ekki
unnt að draga miklar ályktanir.
Flensan væri mjög árstíðabundin og
því eins líklegt, að tifellum ætti eftir
að fjölga aftur, til dæmis í haust.
Safn í gömlu slökkvistöðina
Áhugi er á að endurgera gömlu
slökkvistöðina við Tjarnargötu og
opna þar minjasafn. Mikið af búnaði
stöðvarinnar er enn til, t.d. hluti
innréttinga, útkallsborð, símar, bún-
ingar, slökkvibílar og fleira. Fjöru-
tíu ár voru liðin í gær frá því að
Slökkvilið Reykjavíkur flutti höf-
uðstöðvar sínar úr Tjarnargötu 12 í
Skógarhlíð 14. Af því tilefni hittust
slökkviliðsmenn, sem unnu í Tjarn-
argötunni, og rifjuðu upp gamla
daga.
Pilts leitað á Norðurlandi
Um 180 björgunarsveitarmenn og
lögregla tóku í gær þátt í leit að
sautján ára pilti sem í gærkvöldi
hafði ekkert spurst til síðan um
klukkan fjögur í fyrrinótt.
Leit stóð yfir frá því um klukkan
14.30 í gær og leitað var á stóru
svæði í nágrenni Grímsstaða á
Fjöllum. Var pilturinn ófundinn
þegar Morgunblaðið fór í prentun.
Dregur sig út úr baráttunni
Eyþór Arnalds, efsti maður á
lista Sjálfstæðisflokksins í Árborg,
segist harma innilega það atvik sem
átti sér stað sl. nótt þegar hann var
tekinn við ölvunarakstur. Slíkt hafi
aldrei hent áður.
Hefur hann í framhaldinu ákveðið
að draga sig út úr kosningabarátt-
unni en nái hann kjöri ætlar hann
að taka sér frí frá störfum sem bæj-
arfulltrúi í Árborg á komandi kjör-
tímabili meðan málið er í afgreiðslu.
Jafnframt ætli hann sér að fara í
áfengismeðferð.
Y f i r l i t
Í dag
Sigmund 8 Minningar 24/27
Fréttaskýring 8 Dagbók 30/33
Viðskipti 11 Myndasögur 30
Vesturland 12 Víkverji 30
Menning 16/17 Staður og stund 32
Daglegt líf 14/15 Bíó 34/37
Umræðan 18/23 Ljósvakar 38
Bréf 19 Veður 39
Forystugrein 20 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GUÐMUNDUR
Daðason, fyrrverandi
bóndi að Ósi á Skógar-
strönd, lést aðfaranótt
12. maí síðastliðins í
Holtsbúð í Garðabæ.
Guðmundur fæddist á
Dröngum árið 1900 og
fagnaði því 105 ára af-
mæli sínu í nóvember
síðastliðnum.
Hann var elstur ís-
lenskra karlmanna.
Guðmundur kvænt-
ist Sigurlaugu Maríu
Jónsdóttur árið 1933
en hún lést árið 1990.
Guðmundur og Sigurlaug eignuðust
fimm börn og eru afkomendurnir
orðnir margir, en auk barnanna
fimm eru barnabörnin
21 og barnabarnabörn-
in á fjórða tug.
Síðustu fimm árin
bjó Guðmundur á
dvalarheimilinu Holts-
búð og þótt sjón og
heyrn væri farin að
daprast var hann við
góða heilsu og þótti
hann mjög ern eftir
aldri.
Guðmundur fylgdi
lengstum Framsókn-
arflokknum að málum
og sér til dægrastytt-
ingar iðkaði hann tafl-
mennsku, bridds og kveðskap auk
þess sem hann gekk sér til ánægju
og heilsubótar.
Andlát
GUÐMUNDUR
DAÐASON
TÆPLEGA hundrað
börn og unglingar
komu fram á vortón-
leikum – uppskeruhá-
tíð krakkakórs,
barna- og unglinga-
kórs Grafarvogskirkju
– sem haldnir voru í
gær. Barnakórinn
flutti söngleikinn
Litlu-Ljót eftir Hauk
Ágústsson og kór-
arnir sungu svo hver í
sínu lagi og allir sam-
an. „Þetta voru
skemmtilegir og léttir
tónleikar. Þau sungu
m.a. gospellög og vor-
og sumarlög,“ sagði
sr. Vigfús Þór Árna-
son, sóknarprestur í
Grafarvogi að tón-
leikum loknum.
„Þetta var feikilega
vel sótt og mikil vor-
stemning í fólki.“ Að
loknum tónleikum var
haldið Pálínuboð, þar
sem öllum viðstöddum
var boðið til veislu við
mikla ánægju. Kór-
stjórar voru Guð-
laugur Viktorsson og
Oddný Jóna Þor-
steinsdóttir og undir-
leikari var Gróa
Hreinsdóttir.
Vorinu
fagnað
syngj-
andi
Morgunblaðið/Kristinn
ALVARLEG líkamsárás var gerð í
Hafnarfirði í fyrrinótt. Lögreglan
fékk tilkynningu klukkan þrjú að-
faranótt sunnudags að maður hefði
verið stunginn og að annar hefði
orðið fyrir bifreið í suðurbæ Hafn-
arfjarðar.
Þegar lögregla og sjúkraflutn-
ingamenn komu á staðinn var þar
fyrir allmargt manna en meintir
árásarmenn voru farnir af staðn-
um í bifreið, að því er fram kemur
í tilkynningu frá lögreglunni. Þeir
sem slösuðust voru fluttir á slysa-
deild. Sá sem stunginn var hafði
misst mikið blóð en var að sögn
lækna úr lífshættu í gær. Sá sem
varð fyrir bifreiðinni mun ekki
hafa verið alvarlega slasaður.
Nokkru síðar handtóku lög-
reglumenn þrjá menn í bifreið á
Kaldárselsvegi og eru þeir grun-
aðir um verknaðinn. Þeir sem að
málinu koma eru á aldrinum 16 til
19 ára. Rannsókn stóð yfir í gær
og miðaði vel, að sögn lögregl-
unnar. Tveimur sem handteknir
voru vegna málsins var sleppt í
gærkvöldi en gærsluvarðhalds
krafist yfir pilti á tvítugsaldri til
29. maí næstkomandi. Sá hefur
viðurkennt verknaðinn.
Hnífurinn sem talið er að hafi
verið notaður fannst í gærmorgun
og er í vörslu lögreglunnar. Rann-
sókn á hnífstungumálinu er mjög
langt komin, að sögn lögreglunnar.
Enn er unnið að rannsókn á
ákeyrslunni.
Piltur í gæsluvarðhald vegna alvarlegrar líkamsárásar
Einn var stunginn
og ekið á annan ÞJÓÐMINJASAFN Íslandsvar eitt þriggja safna sem
hlutu viðurkenningu fyrir
framúrskar-
andi árangur í
samkeppni
Evrópuráðs
um safn Evr-
ópu árið 2006.
Athöfnin
fór fram um
helgina í
Ayuda-
höllinni í
Lissabon og
afhenti Fabía, drottning
Belgíu, verðlaunin. Cosmo
Caixa-vísindasafnið í Barce-
lóna var valið safn ársins
2006 og ásamt Þjóðminjasafni
Íslands fengu listasafn í Ár-
ósum í Danmörku og Nátt-
úruminjasafnið í Austurríki
sérstaka viðurkenningu. sex-
tíu söfn voru tilnefnd, 35
komust í úrslit og að lokum
voru fjögur söfn sem þóttu
hafa náð framúrskarandi ár-
angri.
Ein mesta viðurkenning
sem safnið hefur fengið
Margrét Hallgrímsdóttir
þjóðminjavörður var viðstödd
athöfnina.
Hún segir þetta eina mestu
viðurkenningu sem safninu
hefur hlotnast. „Þetta er mik-
il viðurkenning fyrir Þjóð-
minjasafnið því með þessu er
það sett í hóp bestu safna í
Evrópu og þykir hafa náð
framúrskarandi árangri. Það
var sérstaklega minnst á að
við hefðum komið með nýj-
ungar sem stuðla að fram-
förum í safnastarfi í Evrópu
og dómnefndin tók fram að
hjá Þjóðminjasafninu væru
nýjar áherslur sem brúuðu
nútíð og fortíð og sýndu að
við værum spegill bæði sög-
unnar og samtíma sem bæði
vekti umræðu og veitti al-
menningi aðgang að menn-
ingararfinum með fjöl-
breyttum og aðgengilegum
sýningum.
Okkur var einnig hrósað
fyrir aðgengi, að safnið tæki
vel á móti öllum gestum og
væri með góða þjónustu og
faglegt starf almennt,“ segir
Margrét.
Þjóðminja-
safn Íslands
eitt besta
safn Evrópu
Margrét
Hallgrímsdóttir