Morgunblaðið - 15.05.2006, Blaðsíða 6
6 MÁNUDAGUR 15. MAÍ 2006 MORGUNBLAÐIÐ
FRÉTTIR
24.200
Vika í Danmörku
kr. - ótakmarkaður akstur,
kaskó, þjófavörn, flugvallargjald
og skattar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
25
46
05
/2
00
6
Bíll úr flokki A
50 50 600 • www.hertz.is
*
Bókaðu bílinn heima
- og fáðu 500 Vildarpunkta
*Verð miðað við gengi 1. maí 2006.frá
„HELGIN gekk rosalega vel, það var kjaftfullt báða
dagana enda lék veðrið við menn,“ segir Gísli Páll Jóns-
son vallarstjóri á Grafarholtsvelli sem slær hér flötina
á 1. holu þegar hann var að undirbúa opnun vallarins
fyrir helgi. „Við opnuðum á laugardagsmorgun kl. 8:00
og það var fullt allan daginn. Í gær var opnunarmót
Grafarholts og mikið af fólki.“
Gísli hefur mikla trú á því að aðsóknin verði góð í
sumar, eins og undanfarin ár, svo lengi sem veðrið leik-
ur við golfáhugafólk.
Morgunblaðið/Brynjar Gauti
Slær flötina á 1. holu
SIGURÐUR Guðmundsson land-
læknir hefur áhyggjur af þróun
mála á Landspítala – háskóla-
sjúkrahúsi
(LSH) en segir
að vandamálin
sem þar séu uppi
séu ekki ný af
nálinni heldur
hafi þau verið
langvinn. Hann
hefur því ekki
fundið fyrir
fjölgun kvartana
frá sjúklingum
og aðstandend-
um en þær segir hann þó vera
stöðugar. Hann segir vandann nú
vera í umræðunni þar sem starfs-
fólk LSH hafi farið að opna sig
meira og segir hann það mjög já-
kvætt.
Sigurður segir gangainnlagnir til
dæmis hafa verið vandamál í ára-
tugi. „Við fórum síðast yfir það mál
fyrir nokkrum vikum og fengum
upplýsingar úr atvikaskrá Land-
spítalans og eftir því sem mig
minnir eru um 60 sjúklingar á
göngum einhvern tímann í hverjum
mánuði á spítalanum. Það er auð-
vitað afskaplega miður fyrir veikt
fólk að þurfa að liggja á stað sem
er einna líkastur járnbrautarstöð á
háannatíma,“ segir hann. „Fráflæð-
ið af spítalanum hefur líka verið
teppt of lengi. Það hefur verið
áætlað, sé litið til nokkurra ára, að
80–120 sjúklingar hafi legið á
Landspítalanum sem væru betur
komnir í annars konar umönnun.“
Sigurður segir manneklu einnig
hafa farið vaxandi undanfarin ár.
„Hjúkrunarfræðingaskortur á
Íslandi er langvinnur og það eru
um sex ár síðan Félag hjúkrunar-
fræðinga áætlaði að um 300–800
manns vantaði í stéttina,“ segir
hann. „Hagfræðistofnun Íslands
gerði nýlega úttekt á fjölda heil-
brigðisstarfsmanna og þar ber að
sama brunni. Þá er horft bæði til
hjúkrunarfræðinga og sjúkraliða
en hér á landi eru þeir færri á
hverja hundrað þúsund íbúa en í
nálægum löndum.“
Vinnuaðstæður fælandi
Sigurður kveðst ánægður með að
vandinn sé til umræðu og nefnir
fyrst þá lausn að mennta þurfi
fleiri hjúkrunarfræðinga og sjúkra-
liða. Þá séu um 500 hjúkrunarfræð-
ingar við önnur störf og velta megi
fyrir sér hvers vegna það sé.
„Aðrir eru líklega betri en ég til
að svara til um hvort það sé vegna
launanna en það bendir því miður
margt til þess að vinnuaðstaðan á
Landspítalanum sé fælandi,“ segir
hann. Aðra lausn segir hann felast
í því hvernig megi sinna betur því
fólki sem liggi á spítalanum en
væri betur komið annars staðar.
„Þetta hangir saman við mönnun
og veitingu þjónustu í heimahús-
um. Þetta er spilaborgarkerfi og ef
við getum eflt þjónustu í heima-
húsum getur fólk notið þess að
vera lengur heima hjá sér og það
hefur sýnt sig að þá dregur úr inn-
lögnum á sjúkrahús.“
Um hugmyndir þess efnis að
sækja starfsfólk út fyrir landstein-
ana segir Sigurður það vissulega
betri kost en engan.
„Við eigum að vera mjög opin
fyrir því að fá inn fólk frá öðrum
löndum en eigi að síður getum við
ekki gert ráð fyrir að byggja stór-
an hluta þjónustunnar upp á fólki
sem kemur annars staðar frá. Það
væri nauðvörn,“ segir hann og á þá
einkum við tungumálaörðugleika.
„Ef hnökralaus samskipti skipta
einhvers staðar miklu máli er það í
heilbrigðisþjónustunni og við eig-
um að geta menntað fólk hér.“
Sigurður hefur áhyggjur af þró-
un mála.
„Já, ég hef það og hef haft nokk-
uð lengi. Við höfum held ég gott
heilbrigðiskerfi og eigum að hafa
alla burði til að reka þessa þjón-
ustu vel.“
Landlæknir uggandi vegna þróunar mála á Landspítala – háskólasjúkrahúsi
„Eigum að hafa alla burði til
að reka þessa þjónustu vel“
Eftir Hrund Þórsdóttur
hrund@mbl.is
Sigurður
Guðmundsson
SVEITARFÉLAGIÐ Blá-
skógabyggð hefur uppi áform um
að endurbyggja Eyfirðingaveg hinn
forna á 10 km löngum kafla frá
Kerlingu sunnan Skjaldbreiðar upp
að Hlöðuvallaskála við Hlöðufell.
Hefur sveitarfélagið sótt um fjár-
styrk til Vegagerðarinnar og mun
hún fjalla um erindið í lok þessa
mánaðar. Sótt er um styrk úr
Styrkvegasjóði Vegagerðarinnar.
Valtýr Valtýsson oddviti Blá-
skógabyggðar segir aðalmarkmiðið
með ofaníburðinum vera það að
hindra akstur utan við grófan slóð-
ann og þannig halda umferðinni á
slóðanum sjálfum. En til að svo
verði þarf að lagfæra hann. Um 5
þúsund rúmmetra af efni þarf til
framkvæmdanna sem kosta um 3
milljónir króna.
„Þessi slóði er stórgrýttur og
víða illa farinn. Þess vegna hafa
menn hneigst til að keyra út fyrir
hann með þeim afleiðingum að nýj-
ar slóðir myndast,“ segir Valtýr.
Hann segir slóðann mjög nauðsyn-
legan fyrir umferð sem fylgir
hestamönnum svo og vegna um-
ferðar bænda upp á afrétti.
„Þetta er vegslóði sem er inni á
kortum og því er ekki um að ræða
að verið sé að búa til nýjan veg-
slóða, heldur lagfæra þann sem
fyrir er. Þetta er liður í því að
hindra utanvegaakstur svo menn
hætti að krækja fyrir vilpur og
stórgrýti.“
Stóraukin umferð sem eykur
hættu á utanvegaakstri
Sigurður K. Oddsson þjóðgarðs-
vörður á Þingvöllum er alfarið á
móti fyrirhuguðum framkvæmdum
og sér fyrir sér stóraukna umferð á
hinni fornu reiðleið sem Eyfirð-
ingavegur er, fari svo að leiðin
verði lagfærð. Og það eitt og sér
auki hættuna á utanvegaakstri.
Auk þess séu jeppaslóðar í ná-
grenninu sem hægt sé að nota.
„Vegurinn á að halda sér eins og
hann er og mér finnst það mjög
slæmt að það eigi að fara að bera
ofan í veginn og gera hann að ein-
hverskonar jeppavegi,“ segir hann.
„Það er nóg af jeppaslóðum norðan
Skjaldbreiðar og víðar.
Það hefur sýnt sig að þegar um-
ferð eykst um þessa vegi, eykst
áhætta á utanvegaakstri. Mín skoð-
un er sú að þessi gamli vegur eigi
að vera friðaður og ekki eigi að
lagfæra hann.“
Sigurður segist þá mótfallinn því
að vegurinn hafi verið merktur inn
á kort sem jeppaslóði en segist þó
ekki á því að loka eigi veginum al-
farið, en heldur ekki að vekja at-
hygli á honum og lagfæra hann
með tilheyrandi aukinni umferð.
Lagfæring
Eyfirðingavegar
hins forna umdeild
Eftir Örlyg Stein Sigurjónsson
orsi@mbl.is
HLÝJA LOFTMASSANUM sem lá
yfir landinu í síðustu viku fylgdi svif-
ryk af hættulegstu gerð, enda fínna
en vetrarsvifrykið sem við eigum að
venjast. Þetta kemur fram á vefsíðu
Umhverfisstofnunar. Einar Svein-
björnsson veðurfræðingur segir á
bloggsíðu sinni (esv.blog.is) að
mistrið hafi komið alla leið frá Rúss-
landi. Lýsir hann atburðarásinni
sem orsakaði hlýja loftið og mistrið
á þessa leið: „Óteljandi landbúnaðar-
eldar í Rússlandi síðustu daga apr-
ílmánaðar mynduðu samfellt og afar
víðáttumikið reykjarkóf með miklu
magni fíngerðs svifryks. Reykj-
armettað loftið barst síðan til vest-
urs og síðar norðvesturs og séstakar
veðuraðstæður réðu því að reyk-
urinn dreifðist ekki betur og þynnt-
ist út í háloftunum eins og venjan er.
Frjókorn frá Austur- og Norður-
Evrópu dreifðust síðan út í loftið áð-
ur en það barst á haf út. Þessi meng-
aði og hlýi loftmassi beindist síðan
fyrir tilstuðlan háþrýstisvæðis í Nor-
egshafi alla leið til Íslands, án þess
að upprunalegir eiginleikar loft-
massans tækju breytingum að
nokkru ráði. Hann hélt með öðrum
orðum hitastigi sínu og lágu raka-
innihaldi ásamt stöðugleika sínum.
Afleiðingin hér var síðan óvenjuleg
hlýindi, sjaldséð mikil mengun frá
meginlandi Evrópu ásamt miklu
magni frjókorna þaðan.“
Mistur af hættu-
legustu gerð
ELDUR kviknaði í pappakössum
utan af flatbökum ofan á eldavél í
eldhúsi á fyrstu hæð í þriggja hæða
húsi við Njarðvíkurbraut í Innri-
Njarðvík í gærmorgun. Brunavarn-
ir Suðurnesja slökktu eldinn á
skömmum tíma. Einn maður og tvö
börn voru í íbúðinni en þau komust
út af sjálfsdáðum. Miklar skemmdir
og eignatjón urðu af völdum elds og
reyks. Engan sakaði og ekki þurfti
að flytja neinn á sjúkrahús.
Eldur í
flatbökukössum
VESTFJARÐARGÖNGIN lokuðust
á fjórða tímanum í gær er maður á
sextugsaldri ók bifreið sinni utan í
gangavegginn og velti henni. Loka
þurfti göngunum á meðan bíllinn,
sem er talinn ónýtur, var hífður á
vörubílspall. Manninn sakaði ekki
og ekki leikur grunur á ölvunar-
eða hraðakstri.
Bíll valt í Vest-
fjarðagöngum