Morgunblaðið - 15.05.2006, Blaðsíða 10

10 MÁNUDAGUR 15. MAÍ 2006 MORGUNBLAÐIÐ
FRÉTTIR
VESTURLAND
Borgarnes | Landnámssetrið fékk
hæsta styrkinn við úthlutun styrkja
sl. laugardag í Borgarnesi. Athöfnin
fór fram í nýstofnuðu Landnámssetri
og hófst með ávarpi formanns menn-
ingarráðs; Helgu Halldórsdóttur.
Helga bauð gesti velkomna og sagði
vel við hæfi að athöfnin færi fram í
húsakynnum Landnámsseturs þar
sem stórhuga og framsýnt fólk töfr-
aði fram frábærar sýningar sem
tengjast menningu héraðsins og
landsins alls. Helga sagði frá því að
samningar á milli sveitarfélaga á
Vesturlandi, menntamálaráðuneytis
og samgöngumálaráðuneytis hefðu
verið undirritaðir haustið 2005 og
fimm fulltrúar af Vesturlandi skip-
aðir í menningarráð. Þegar styrkir
voru auglýstir til úthlutunar í vetur
hefði ráðið átt von á góðum við-
brögðum og góðum umsóknum. „Sú
varð líka raunin,“ sagði Helga, „því
sótt var um í sjóðinn til 78 verkefna
fyrir um samtals 92 milljónir. Menn-
ingarsjóðurinn fær á fjárlögum árs-
ins 2006 25 milljónir. Umsóknirnar
sýna vel þvílík gróska er í menning-
arlífi á Vesturlandi og verkefnin
mörg hver mjög metnaðarfull og
skemmtileg.“ Helga sagði að ekki
væri unnt að úthluta til allra þessara
verkefna en úthlutað var úr sjóðnum
í ár til 53 verkefna rúmlega 18 millj-
ónum.
Menntamálaráðherra, Þorgerður
Katrín Gunnarsdóttir, ávarpaði gesti
þar næst og sagði menningarsamn-
inginn sýna vilja stjórnvalda til að
styðja við menningarstarfsemi á
landsbyggðinni og að sveitarfélög-
unum væri falið ákveðið vald sem rík-
ið hefði haft áður. Þau Þorgerður
Katrín og Sturla Böðvarsson sam-
göngumálaráðherra afhentu styrk-
ina. Landnámssetrið hlaut 1,2 millj-
ónir í styrk vegna leiksýningarinnar
Mr. Skallagrímsson og sagnamanna
á sögulofti. Aðrir háir styrkþegar
voru: Fyrirtækið Askur og Embla
hlýtur 400.000 kr. styrk til fram-
leiðslu á mynd um vesturfara frá
Borgarfirði í byrjun síðustu aldar,
Byggðasafn Snæfellinga hlaut
400.000 kr. til uppsetningar á versl-
unarsýningu í Norska húsinu í
Stykkishólmi, Kammerkór Vest-
urlands hlaut 400.000 kr. vegna verk-
efnisins Bach í Borgarfirði 2006,
Verkefnið Matarkistan hlaut 500.000
kr. vegna heimavinnslu afurða og
menningartengdrar ferðaþjónustu,
Penna sf. fékk 500.000 kr. vegna
sumarlistasmiðju fyrir börn og
smiðju fyrir myndlist og keramik og
fyrirlestra, Leifshátíð á Eiríks-
stöðum hlaut 500.000 kr. en Leifshá-
tíð leggur í ár áherslu á aðild ungs
fólks að hátíðinni. Reykholtshátíð
2006 hlaut 500.000 kr., Markaðs-
skrifstofa Akraness hlaut 500.000 kr.
vegna leiðsagnar og kynningar á
gamla bænum og ströndinni. Hring-
horni fékk 500.000 kr. til kynningar á
lífsháttum Íslendinga á víkingaöld.
Héraðssnefnd Snæfellinga hlaut kr.
500.000 kr. vegna Jules Vernes-
hátíðar 2006. Eyrbyggja – Sögu-
miðstöðin í Grundarfirði hlaut
500.000 kr. vegna stafrænnar sýn-
ingar, Kór Stykkishólmskirkju hlaut
550.000 kr til sumartónleikaraðar
2006. IsNord-tónlistarhátíð í Borg-
arfirði hlaut 600.000 kr. Dögg Mós-
esdóttir hlaut 600.000 kr. til gerðar
stuttmyndar um sjóslys við Grund-
arfjörð. Listasetrið Kirkjuhvoll hlaut
kr. 650.000 til uppsetningar á mynd-
listarsýningum. Fjölbrautaskóli
Snæfellinga fékk kr. 750.000 til verk-
efnisins listahátíð ungs fólks á Snæ-
fellsnesi. Snorrastofa í Reykholti
hlaut 850.000 kr. til útgáfu þriggja
bóka um sögu og menningu Borg-
arfjarðar. All senses Group hlaut
900.000 kr. vegna samstarfs 17 ferða-
þjónustuaðila á Vesturlandi. Grunda-
skóli á Akranesi hlaut 1.000.000 kr.
vegna verkefnisins Ungir og gamlir –
tónlistardagskrá. Byggðasafn Akra-
ness og nærsveita hlaut 1.040.000
vegna níu sjálfstæðra verkefna sem
tengjast safnasvæðinu á Akranesi og
ýmsum viðburðum í bæjarlífinu.
Veiting styrkja úr Menningarsjóði Vesturlands
Morgunblaðið/Guðrún Vala Elísdóttir
Styrkþegar Menningarsjóðs Vesturlands 2006. Alls styrkir sjóðurinn 53 verkefni í ár.
Eftir Guðrúnu Völu Elísdóttur
SAMFYLKINGIN í Kópavogi legg-
ur höfuðáherslu á málefni eldri borg-
ara og skólamál í stefnuskrá sinni fyr-
ir komandi sveitarstjórnarkosningar.
Guðríður Arnardóttir, oddviti listans,
og aðrir frambjóðendur kynntu
stefnumálin á blaðamannafundi í gær
og sagði hún flokkinn ganga sókn-
djarfan til bæjarstjórnarkosning-
anna.
„Við treystum okkur til að leiða
nýjan meirihluta og erum með mjög
ábyrga stefnuskrá,“ sagði hún. „Við
lítum svo á að við séum raunhæfur
kostur til að mynda nýjan meirihluta
og taka forystuna.“
Öldrunarráði komið á fót
Guðríður sagði að fjölga þyrfti
mjög hjúkrunarrýmum í bænum og
þrýsta á stjórnvöld að koma að því.
Hún sagði Samfylkinguna styðja
samstarf við Hrafnistu um byggingu
hjúkrunarheimila við Boðaþing en
sagði mikilvægt að tryggja að aðstað-
an yrði opin öllum, óháð fjárhag.
Hún sagði einnig brýnt að verða við
hugmyndum Sunnuhlíðarsamtak-
anna um stækkun hjúkrunarheimila
og fjölgun þjónustuíbúða eins fljótt og
mögulegt væri. Bæjarsjóður yrði að
leggja sitt af mörkum auk þess sem
knýja þyrfti á um aðkomu ríkisins.
Hún sagði mikilvægt að efla heima-
þjónustu og sagði brýnt að byrja á að
tryggja starfsmenn í þau störf sem
væru til staðar á því sviði auk þess
sem fjölga þyrfti störfum.
Flokkurinn leggur einnig áherslu á
að efla þurfi tómstundir fyrir eldri
borgara og bjóða upp á endurmennt-
un. Þá er stefnt að því að koma á fót
öldrunarráði sem yrði til ráðgjafar og
umsagnar fyrir bæjarstjórn. Í því
ættu sæti fulltrúar eldri borgara og
myndi það fjalla um málefni sem
vörðuðu þann hóp.
Skólastefna flokksins er metnaðar-
full og sagði Guðríður hann vilja að
skólastarf í Kópavogi yrði með því
besta í Evrópu.
„Við viljum stórefla þróunarstarf í
grunnskólunum, færa íþróttir og tóm-
stundir inn í grunnskólana og sér-
staklega tónlistina,“ sagði hún. „Við
viljum ganga til samstarfs við Tónlist-
arskólann í Kópavogi þannig að
yngstu nemendurnir stundi sem mest
sitt tónlistarnám innan veggja grunn-
skólans. Við viljum að skólastarfi
verði nokkurn veginn lokið þegar
börnin koma heim.“
Raddir allra fái að heyrast
Svæði hestamannafélagsins Gusts
hefur verið til umfjöllunar og sagði
Guðríður þá lausn sem hefði verið far-
in, að flytja félagið á Kjóavelli, hafa
kostað bæjarfélagið milljarð.
„Tillaga Samfylkingarinnar fólst í
því að Kópavogsbær myndi byggja
upp svæðið á Kjóavöllum og afhenda
hestamönnum í Gusti sem enn eiga
hesthús þar hús gegn húsi en jafn-
framt bjóða upp á nægt byggingar-
land fyrir hina félagsmenn Gusts sem
ekki eiga hesthús,“ sagði hún. „Þessi
tillaga okkar hlýtur að teljast sann-
gjörn fyrir alla. Leiðin sem farin er
kostar yfir þrjá milljarða og okkar
lausn hefði kostað að lágmarki millj-
arði minna. Samfylkingin hefur stutt
hestamenn heilshugar.“
Guðríður sagði jafnframt að Ís-
landsmet hefði verið sett í lóðaúthlut-
unum í Kópavogi en að flokkurinn
horfði helst til Kársnessins varðandi
uppbyggingu. Til lengri tíma horfir
flokkurinn til Vatnsenda auk þess
sem enn séu tækifæri til að byggja á
Kópavogstúni. Þá séu óbyggð lönd í
hluta Rjúpnahæðarinnar og víðar.
Flokkurinn vill virkt íbúalýðræði
og sagði Guðríður að kæmi Samfylk-
ingin til með að leiða nýjan meirihluta
í bæjarstjórn kæmu raddir allra bæj-
arfulltrúa til með að njóta sín.
Samfylkingin í Kópavogi kynnti stefnumál sín fyrir bæjarstjórnarkosningarnar sem fara fram í lok maí
Málefni eldri
borgara og skóla-
mál í öndvegi
Morgunblaðið/ÞÖK
Kristín Pétursdóttir, Flosi Eiríksson, Hafsteinn Karlsson og Guðríður Arnardóttir kynntu, ásamt fleirum, stefnu-
mál Samfylkingarinnar í Kópavogi í gær.
Eftir Hrund Þórsdóttur
hrund@mbl.is
RANNSÓKNARSETUR í barna- og
fjölskylduvernd við Háskóla Íslands
var opnað formlega á föstudag.
Meginmarkmiðið með starfsemi
setursins er að efla fjölskyldu- og
barnavernd á grunni vísindalegra
rannsókna og að vera víðtækur
vettvangur fræðaþróunar á því
sviði.
Rannsóknarsetrið er starfrækt á
grundvelli samstarfssamnings við
stjórnvaldsaðila, hagsmunasamtök
og þjónustustofnanir á vettvangi
sem samstarf hefur verið við um
þróunarstarf, rannsóknir, starfs-
þjálfun nemenda og kennslu um
árabil. Þessir aðilar eru Velferð-
arsvið Reykjavíkurborgar, Barna-
verndarstofa, Efling-Stéttarfélag,
þjóðkirkjan, Reykjanesbær auk
ráðuneyta félags- og heilbrigð-
ismála. Morgunblaðið/Jim Smart
Rannsóknarsetur í barna-
og fjölskylduvernd opnað