Morgunblaðið - 15.05.2006, Blaðsíða 14

Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
Daglegtlíf
maí
Fyrir mér er fötlun hug-tak. Mér finnst til dæm-is þeir sem eru sjálfs-elskir og nískir, vera
miklu meira fatlaðir en ég. Að
vera í hjólastól er ekki það versta.
Ég er til dæmis með kollinn í lagi,
en sumir sem lenda í slysi fá
heilaskaða. Mér finnst ég vera
mjög heppinn í samanburði við
marga aðra,“ segir Húsvíking-
urinn Aðalsteinn Hallsson, betur
þekktur sem Addi Halls, en hann
lenti í bílslysi fyrir tuttugu árum
sem varð þess valdandi að hann er
lamaður fyrir neðan geirvörtur.
Hann er með eðlilega hreyfigetu
um axlir en allir fingur hans hafa
verið lamaðir þar til fyrir tveimur
mánuðum að hann fór fyrstur Ís-
lendinga í mjög sérhæfða aðgerð
til Svíþjóðar, þar sem allir fingur
á hægri hönd voru tengdir á nýjan
hátt og nú getur hann bæði hreyft
fingurna og gripið með þeirri
hendi.
Kannski vakna
ég upp af draumi
Addi er í endurhæfingu á
Grensásdeildinni og mjög ánægð-
ur með árangur aðgerðarinnar.
„Strax daginn eftir aðgerðina sá
ég að ég gat hreyft fingurna og ég
vissi ekki hvort ég ætti að gráta,
öskra eða hlæja. Það var ólýs-
anlegt að sjá puttanna hreyfast í
fyrsta skipti í tuttugu ár og mér
fannst tíminn standa í stað. Stund-
um finnst mér eins og þetta sé
góður draumur sem ég eigi eftir
að vakna af.“
Addi segir muna miklu að fá
gott grip í höndina. „Þetta gerir
mér lífið léttara og ég verð ekki
eins háður öðrum. Nú er auðveld-
ara fyrir mig að klæða mig, ég get
tekið fötin mín út úr skápnum án
þess að nota til þess sérstaka
töng, ég get skrifað nafnið mitt
með annarri hendi undir vísanótur
án hjálpar þegar ég fer út að
versla, ég get í fyrsta skipti í tutt-
ugu ár tannburstað mig og rakað
mig með einni hendi en áður
þurfti ég að nota báðar hendur til
þess, sem var miklu erfiðara. Ég
get tekið upp það sem ég missi á
gólfið, ég get haldið á kaffibolla
eins og maður og drukkið úr hon-
um og ég get heilsað fólki með
handabandi.“ Svona mætti lengi
telja um það sem aðgerðin hefur
breytt í daglegu lífi Adda.
Addi var tuttugu og fimm ára
þegar hann lenti í bílslysinu. „Ég
hálsbrotnaði á sjötta og sjöunda
hálslið og það blæddi inn á mæn-
una sem varð fyrir varanlegum
skaða sem er þess eðlis að ég mun
aldrei framar geta gengið.“
Í aðgerðinni í Svíþjóð voru með-
al annars fjórir fingur Adda
tengdir við sérstaka sin sem að-
eins sumt fólk hefur í sér. „Ég
kalla þetta apasin, því þegar api
hangir á fjórum fingrum þá er
þetta sú sin sem lokar og stjórnar
því gripi. Ég var svo heppinn að
vera með þessa sin og segi því
stoltur að ég sé greinilega nýkom-
inn ofan úr trjánum.“
Sótti fast að
komast í aðgerðina
Langt er síðan Addi rakst á
grein um svona aðgerð á netinu,
sem varð til þess að hann var
harðákveðinn í að fara sjálfur í
slíka aðgerð. „Þetta var fyrir
þrettán árum, en enginn læknir
virtist hafa skilning eða þekkingu
á þessu fyrr en ég hitti Pál Ingv-
arsson taugasérfræðing fyrir fjór-
um árum, enda hefur hann unnið á
þessu sjúkrahúsi í Gautaborg þar
sem aðgerðin var gerð. Ég gafst
ekki upp með að hamra á því að
ég vildi fara í svona aðgerð og
hann gekk að lokum í málið fyrir
mig. Ég var eiginlega hættur að
trúa því að þetta yrði að veru-
leika, loksins þegar af því varð
núna í mars.“
Fer í haust í aðgerð
á vinstri hendi
Addi var fjóra tíma á skurð-
arborðinu og hann segir fyrstu
vikuna eftir aðgerð hafa verið erf-
iða, aðallega vegna verkja, því
tveir teinar voru settir í höndina.
„Ég þurfti að vera í spelkum í
fjórar vikur og það er vissulega
erfitt að verða aftur svona ósjálf-
bjarga og þurfa mikla hjálp. Ég
þarf að passa vel upp á höndina
og má ekki reyna á hana að fullu
fyrr en eftir þrjá mánuði. Ég má
til dæmis ekki flytja mig sjálfur í
og úr hjólastólnum.“
Addi fór í endurskoðun út til
Gautaborgar fjórum vikum eftir
aðgerðina og Jan Fridén, lækn-
irinn sem gerði aðgerðina, var
mjög ánægður með framförina.
„Ég mun að öllum líkindum fara
í samskonar aðgerð í haust á
vinstri hendi, en hún er verr farin
en sú hægri, þannig að sú aðgerð
verður stærri og meiri.“
Heppinn að búa á Húsavík
Addi býr á Húsavík, einn með
hundinum sínum, tíkinni Nítu, og
sér um sig sjálfur utan þess að
hann fær heimilishjálp reglulega
og hann á bíl sem er sérhannaður
fyrir hann. „Ég hef haft að leið-
arljósi þá hugsun að maður getur
allt, þetta snýst bara um að finna
réttu aðferðina til að gera það.
Mér hefur oft tekist að finna
lausnir sem eru mjög einfaldar
þegar fötlun mín takmarkar að ég
geti eitthvað. Og ég er heppinn að
búa á Húsavík, því það er mín
reynsla að það sé kostur fyrir mig
að búa á Húsavík en ekki í
Reykjavík. Þar þekkja mig allir og
starfsfólkið á sjúkrahúsinu vill allt
fyrir mig gera.
Ef mér væri boðið að spóla til
baka og velja það að hafa ekki
lent í þessu bílslysi, myndi ég ekki
þiggja það. Af því að þá væri ég
ekki sú persóna sem ég er í dag.
En ef einhver kæmi til mín í dag
og byði mér að ég gæti staðið upp
og gengið, myndi ég þiggja það
með þökkum.“
Addi er afskaplega þakklátur
öllu starfsfólkinu á Grensásdeild-
inni sem hann segir vera einstakt
í sinni röð og að starfið sem þar
er unnið sé ómetanlegt. „Ég nefni
sérstaklega Pál, Karen sjúkra-
þjálfa og Sissú iðjuþjálfa, því þau
hafa fylgt mér í gegnum allt þetta
ferli.“
 AÐGERÐ | Aðalsteinn Hallsson fór fyrstur Íslendinga í handaraðgerð þar sem fingur voru tengdir á nýjan hátt
Gerir mér lífið léttara
Olnbogabeygjuvö
ðvinn tengdur við
beygjuvöðva þum
als.
Addi skömmu eftir aðgerðina, ásamt því fólki sem kom að aðgerðinni. F.v.: Jan skurðlæknir, Jóhanna iðjuþjálfi (situr), Anika, yfirmanneskja hópsins, Mia
sjúkraþjálfari og ónefnd kona sem er handarskurðlæknir í Uppsölum.
Búið að sauma og ganga frá eftir aðgerðir á fingrum.
Eftir Kristínu Heiðu Kristinsdóttur
khk@mbl.is