Morgunblaðið - 16.05.2006, Blaðsíða 2
2 ÞRIÐJUDAGUR 16. MAÍ 2006 MORGUNBLAÐIÐ
FRÉTTIR
ÁRANGURSLAUS LEIT
Leitin að Pétri Þorvarðarsyni, 17
ára pilti frá Egilsstöðum sem hvarf
frá Grímstungu aðfaranótt sunnu-
dags, hafði engan árangur borið í
gærkvöldi. Um 400 manns hafa tekið
þátt í leitinni, nokkrir spor- og leit-
arhundar og þyrlur frá Keflavíkur-
flugvelli og danska sjóhernum hafa
aðstoðað við leitina.
Stjórnmálatengsl á ný
Bandaríkjamenn og Líbýumenn
hafa ákveðið að taka á ný upp stjórn-
málasamband en því var slitið árið
1980. Hafa Bandaríkjamenn árum
saman talið Líbýu styðja hryðjuverk
og jafnframt reyndi stjórn Muamm-
ars Gaddafis forseta að koma sér
upp gereyðingarvopnum. Gaddafi
sneri við blaðinu fyrir þrem árum,
afhenti öll gögn um vopnasmíðina og
er nú umbunað.
Of lélegt fæði unglinga
Fjórðungur orku sem 15 ára ung-
lingar fá úr fæðu kemur úr „drasl-
fæði“ á borð við gosdrykki og sykr-
aða svaladrykki, sælgæti, kökur og
kex. Ný könnun Rannsóknarstofu í
næringarfræði við HÍ og Landspít-
alans á mataræði barna og unglinga
leiddi þetta í ljós. Þá borða börn og
unglingar lítið grænmeti.
Þjóðvarðlið að landamærum
George W. Bush Bandaríkja-
forseti ætlar að senda þúsundir
þjóðvarðliða til að gæta landamær-
anna að Mexíkó. Þau eru um 3.000
km að lengd. Er markmið Bush að
reyna að stöðva straum ólöglegra
innflytjenda til Bandaríkjanna. Talið
er að með aðgerðinni vilji forsetinn
reyna að tryggja sér stuðning
íhaldssamra repúblikana við
ákveðnar tilslakanir á innflytj-
endalöggjöfinni.
Óttast truflun á veiði
Verið er að leggja reiðveg með
Leirvogsá í Mosfellsbæ og verður
hengd upp reiðbrú við Brúarhyl,
gjöfulasta veiðistað árinnar. Að-
standendur árinnar og veiðimenn
óttast að þetta trufli veiðarnar í
þessari einni allra bestu laxveiðiá
landsins.
Y f i r l i t
Í dag
Sigmund 8 Umræðan 25/30
Fréttaskýring 8 Forystugrein 26
Úr verinu 12 Viðhorf 28
Viðskipti 14/15 Minningar 31/37
Erlent 16/17 Dagbók 40/43
Minn staður 18 Víkverji 40
Akureyri 19 Velvakandi 41
Landið 19 Staður&stund 42/43
Suðurnes 20/21 Af listum 45
Austurland 20/21 Ljósvakamiðlar 50
Daglegt líf 22/23 Veður 51
Menning 24, 44/49 Staksteinar 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%
&
'() *
+,,,
GUÐNI Ágústsson, landbúnaðar-
ráðherra, hefur ákveðið að aflétta
tímabundnum varnaðaraðgerðum
vegna fuglaflensu. Því er aftur komið
á viðbúnaðarstig I vegna fuglaflens-
unnar.
Í fréttatilkynningu frá Landbún-
aðarstofnun segir að vegna þess að
ekki hefur verið staðfest tilvik fugla-
flensu (af H5N1 stofni) á Íslandi hafi
landbúnaðarráðherra, að fengnum
tillögum Landbúnaðarstofnunar,
ákveðið að aflétta þeim ráðstöfunum
sem mælt var fyrir um í auglýsingu
nr. 268/2006 um tímabundnar varn-
aðaraðgerðir til að fyrirbyggja að
fuglaflensa bærist í alifugla. Með því
að aflétta þessum ráðstöfunum er
m.a. ekki lengur gerð krafa um að
hýsa alla alifugla.
„Ákvörðun Landbúnaðarstofnun-
ar byggist á því að nú liggur fyrir að
fuglaflensa hefur ekki greinst í yfir
240 sýnum sem tekin hafa verið úr
villtum fuglum hér á landi. Þá hafa
niðurstöður úr greiningu fjölda sýna
úr villtum fuglum á Bretlandseyjum
ekki gefið tilefni til að ætla að fugla-
flensa hafi náð þar fótfestu. Í sam-
ræmi við þessar niðurstöður er það
mat Landbúnaðarstofnunar að rétt
sé að færa viðbúnað vegna fugla-
flensu aftur á áhættustig I. Stofn-
unin mun hins vegar halda áfram
sýnatökum, greiningum og öðrum
viðeigandi ráðstöfunum til að fylgj-
ast með þróun mála varðandi út-
breiðslu fuglaflensu.“
Þá vekur Landbúnaðarstofnun at-
hygli alifuglaeigenda á því að þær
aðgerðir, sem mælt var fyrir um í
auglýsingunni, kunna að verða end-
urvaktar með skömmum fyrirvara ef
stjórnvöld telja ástæðu til vegna
hættu á smiti. Jafnframt skal forðast
að handleika dauða fugla.
Dregið úr viðbúnaði
vegna fuglaflensu
ÞAÐ vissi enginn að hann var
ósyndur og hann áttaði sig heldur
ekki á dýptarmuninum þegar hann
gekk eftir botni grunnu laugarinnar
út í dýpri endann. Síðan sást til
hans þar sem hann sökk.“ Þetta
segir Edda Lóa Philipp, sundlaug-
arvörður í sundlauginni á Húsavík,
um björgunaratvik í lauginni þegar
karlmaður á þrítugsaldri var nærri
drukknaður á föstudag. Fyrir snar-
ræði hennar og fyrrverandi starfs-
manns laugarinnar tókst að bjarga
lífi mannsins á síðustu stundu.
„Ég var ofan í pottinum og kom
hlaupandi og stakk mér ofan í til
hans og dró hann upp með aðstoð
sundlaugargests sem jafnframt er
fyrrverandi starfsmaður laugarinn-
ar,“ segir Edda Lóa. „Við náðum að
blása í hann lífi og síðan var hann
lagður í læsta hliðarlegu á meðan
beðið var eftir sjúkrabíl sem kom
fimm mínútum eftir að hringt var í
Neyðarlínuna.“ Var maðurinn síðan
fluttur á sjúkrahúsið á Húsavík.
Það kann að vekja athygli að
Edda Lóa hafi verið ofan í lauginni
þegar atvikið varð, en sundlaugar-
verðir á vakt í lauginni fara líka of-
an í laugarnar til að fylgjast með
öryggi sundlaugargesta þaðan og
sú var staðan hjá Eddu Lóu þegar
atvikið varð.
Bjargaði barni í vor
Edda Lóa hefur farið á skyndi-
hjálparnámskeið á vegum Rauða
kross Íslands fyrir starfsfólk sund-
lauga Húsavíkur og Ólafsfjarðar og
er þetta í annað skipti í vor sem
hún beitir kunnáttu sinni. Í fyrra
skiptið stökk hún út í laug vegna
barns sem var hætt komið en þó
ekki eins alvarlega og sundlaug-
argesturinn á föstudag. Edda Lóa
segir engan vafa leika á mikilvægi
skyndihjálpar og enn segist hún
ekki vera búin að átta sig fyllilega á
hlutunum eftir atburði föstudags-
ins.
„Ég er ekki búin að ná þessu. Ég
veit ekki hvað ég gerði, en ég gerði
rétt,“ segir hún.
„Það eiga að vera opin og reglu-
leg skyndihjálparnámskeið fyrir
alla, því þetta þurfa allir að læra.“
Sundlaugarvörður á Húsavík bjargaði karlmanni
frá drukknun með skyndihjálparkunnáttu
„Þetta þurfa allir að læra“
Morgunblaðið/Hafþór Hreiðarsson
Edda Lóa segir að engu hafi mátt
muna þegar hún bjargaði mann-
inum frá drukknun.
Eftir Örlyg Stein Sigurjónsson
orsi@mbl.is
SLÖKKVILIÐ höfuðborgarsvæðisins hafði farið
ellefu sinnum í sinubrunaútköll um áttaleytið í
gær. Sinueldarnir loguðu m.a. við Kaplakrika og
kirkjugarðinn í Hafnarfirði, ofan við Fylkisvöll-
inn í Grafarvogi, við Reykjanesbraut, Álfaskeið,
Jörfabakka, Kópavogsbraut, Sunnuhlíð og í
Elliðaárdal, Öskjuhlíð og Heiðmörk.
Brunavarnir Suðurnesja voru kallaðar að
Rósaselsvötnum milli Flugstöðvarinnar og
Keflavíkur, upp úr kl. 17.00 í gær. Þar logaði í
sinu en nokkur trjágróður er á svæðinu. Reynt
var að verja trjágróðurinn og taldi varðstjóri að
hann hefði sloppið að mestu undan eldinum.
Slökkvistarfið tók tvo og hálfan klukkutíma.
„Það er þurrkurinn sem veldur þessu. Við
þyrftum eina góða vætutíð, þá fer þetta að
grænka,“ sagði Jóhann Viggó Jónsson, varð-
stjóri hjá Slökkviliði höfuðborgarsvæðisins.
Ljósmynd/Pálmi Guðmundsson
„Við þyrftum eina góða vætutíð“
KARLMAÐUR á sjötugsaldri
fannst látinn á Fjarðarheiði á tólfta
tímanum í fyrrakvöld.
Samkvæmt upplýsingum frá
björgunarsveitarmönnum varð
maðurinn bráðkvaddur en hann
hafði verið á gönguskíðum. Fannst
hann skammt frá þeim stað er hann
hafði lagt bifreið sinni.
Einungis leið um hálf klukku-
stund frá því að tilkynning barst
þar til lík mannsins fannst, enda
var mikill mannskapur til taks
vegna leitar að ungum manni á Mý-
vatnsöræfum.
Ekki er unnt að birta nafn
mannsins að svo stöddu.
Fannst látinn
á Fjarðarheiði
UNGI MAÐURINN, sem fannst á
gangi hruflaður og marinn eftir lík-
amsárás aðfaranótt sunnudags, er
ekki enn úr allri hættu, að sögn
vakthafandi læknis á Landspítala –
háskólasjúkrahúsi í Fossvogi í gær-
kvöldi.
Pilturinn reyndist vera með inn-
vortis blæðingu sem reyndist tals-
vert alvarleg. Ástand hans var stöð-
ugt í gærkvöldi og líðan eftir
atvikum.
Ekki úr
allri hættu