Morgunblaðið - 16.05.2006, Blaðsíða 12

12 ÞRIÐJUDAGUR 16. MAÍ 2006 MORGUNBLAÐIÐ
FRÉTTIR
Beitukóngurinn
unninn á
Grundarfirði
Úr verinu á morgun
ÚR VERINU
Grundarfjörður | Í aprílmánuði
dvöldu í Grundarfirði fjórir meist-
aranemendur frá Alþjóðlegu um-
hverfisstofnuninni við Lundarhá-
skóla í Svíþjóð ásamt kennara
sínum. Ráðgjafarfyrirtækið Alta
sem rekur útibú í Grundarfirði átti
frumkvæðið að því að koma á sam-
vinnu sjávarútvegsfyrirtækja og
sveitarfélags um skoðun meistara-
nemanna á frárennslismálum í
Grundarfirði.
Nemarnir skiluðu síðan skýrslu í
Sögumiðstöðunni fyrir skömmu og
settu þar fram ýmsar hugmyndir
um lausn fráveitumála. Meðal
helstu niðurstaðna nemanna má
nefna að æskilegast væri að að-
skilja fráveitu frá fiskvinnslu frá
veitu sveitarfélagsins til að draga
úr umfangi skólphreinsistöðvar. En
magn skólps frá fiskvinnslu er gróf-
lega áætlað a.m.k. fjórfalt magn
húsaskólps. Þá fjölluðu nemarnir
um möguleika á nýtingu lífræns úr-
gangs til framleiðslu ýmissa auka-
afurða, svo sem dýrafóðurs, einnig
var mælt með því að skoða nánar
möguleikann á nýtingu slíks úr-
gangs, t.d. í jarðgerð og eða gerjun
til framleiðslu á metangasi.
Hugmyndum háskólanemanna
var vel tekið af samstarfsfyrirtækj-
unum í Grundarfirði en þau voru,
auk Grundarfjarðarbæjar, Djúpi-
klettur ehf., Fisk – Seafood hf.,
Guðmundur Runólfsson hf., Soff-
anías Cecilsson hf. og Sægarpur
ehf. en SSV – þróun og ráðgjöf
lögðu til aðstoð starfsmanns við
verkefnið.
Samstarf mikilvægt
Að sögn Stefáns Freys Einars-
sonar, ráðgjafa hjá Alta, er æski-
legt að skoða sérstaklega hvort og
hvernig hægt sé að beita fyrir-
byggjandi aðgerðum í matvælaiðn-
aði, til að draga úr umfangi sameig-
inlegrar skólphreinsunar og þar
með kostnaði sveitarfélaganna við
að uppfylla opinberar kröfur. Að
hans mati er mikilvægt að samstarf
sé milli sveitarfélaga og iðnaðar við
mótun lausna í fráveitumálum og
það sé ánægjulegt hve samstarfið
hafi gengið vel í þessu verkefni. Þá
gæti verið hagkvæmt með tilliti til
núverandi samstarfs sveitarfélaga
á Snæfellsnesi með Green Globe-
verkefnið að skoða sameiginlegar
lausnir varðandi fráveitu og með-
höndlun lífræns úrgangs.
Dýrafóður, jarðgerð eða metangas
úr frárennsli sjávarútvegsfyrirtækja
Morgunblaðið/Gunnar Kristjánsson
Rannsóknir Fulltrúar samstarfsaðila í aftari röð en fyrir framan frá vinstri eru: Håkan Rodhe, Svíþjóð, prófessor,
Stefán Freyr Einarsson, ráðgjafi hjá Alta, Felix Mensah-Yeboah, Ghana, Sandra Lopez, Kólumbíu, Lisa Isles, Ástr-
alíu, og Ana Shubitidze, Georgíu. Þau segja samstarfið hafa verið ánægjulegt og hafa gefið mikið af sér.
Í NÝLIÐNUM apríl voru seld 7.994
tonn sem er 13,8% minna en sama
mánuð í fyrra.
Verðmæti sölunnar var tæpir 1,2
milljarðar sem er aftur á móti meira
en í fyrra eða 18%.
Meðalverð í apríl 2005 var 109,06
kr., en apríl 2006 var það 149,26 sem
er 36,9% hærra.
Seld voru 41.187 tonn fyrstu 4
mánuði þessa árs fyrir 5.150 millj-
ónir. Meðalverð 125,07 kr.
Þrjá fyrstu mánuðina 2005 voru
seld 41.490 tonn fyrir 4.561 milljónir.
Meðalverð 109,93.
Þetta er 0,7% minnkun í magni,
12,9% aukning í verðmætum og
13,75% hækkun á meðalverði.
Mikil aukning hjá
Fiskmarkaði Siglufjarðar
Sala fyrstu fjóra mánuði ársins hjá
Fiskmarkaði Siglufjarðar var 812
tonn sem er tæplega þrefalt meira
en á sama tíma í fyrra (271 tonn).
Verðmæti sölunnar var 29,6 millj-
ónir á sama tímabili í fyrra, en 100,4
milljónir á þessu ári sem er 340%
aukning.

 




  
  


  


Lítil sala
í apríl
Bleikjan lét lítið fara fyrirsér í Breiðdalsá eftiropnunina 1. maí en þann11. var hún mætt er Jón
Sigurðsson setti í 30 á skömmum
tíma við Ytri-Grjóttanga. Tök-
urnar voru grannar og náði hann
einungis að landa átta þeirra. All-
ar tóku þær nýja flugu sem Jón
kallar Snædísi.
Setið um Þingvallaurriðann
Meðal stangveiðimanna er tals-
vert rætt þessa dagana um urriða-
veiði í Þingvallavatni og ólíkar
skoðanir um aðferðirnar sem beitt
er við veiðarnar. Bleikjuveiði er
varla hafin í vatninu svo nokkru
nemi. Þótt veiðimenn hafi staðið
við síðustu vikur, hefur kalt vorið
líklega séð til þess að bleikjan er
ekki komin að landi í þjóðgarð-
inum að ráði. Hinsvegar hafa sum-
ir fluguveiðimenn verið að fá
urriða á flugurnar, suma yfir tíu
punda þunga. Á sama tíma gera
aðrir út á urriðann, sem sam-
kvæmt rannsóknum vísindamanna
sem vinna að vexti hans í vatninu,
er helst í yfirborðinu og aðgengi-
legur á þessum tíma árs. Eru
sumir veiðimenn að veiða vel á
makríl sem beitu, en urriða sem
tekur slíkt agn verður vart sleppt
aftur út í vatnið. Ástæða er til að
hvetja veiðimenn til að ganga af
virðingu um bráðina, og jafn
merkur stofn, sem jafn mikil vinna
hefur verið lögð í að endurreisa og
raunin er með ísaldarurriðann í
Þingvallavatni, á skilið að gengið
sé um hann af nærgætni. Full
ástæða er til að hvetja veiðimenn,
sem eru það lánsamir að fá að tog-
ast á við þessi tröll, til að sleppa
þeim aftur að viðureign lokinni.
Fullyrt er að sumir veiðimenn á
Þingvallavatni, sem veiða af bát-
um, notist við fiskisjár, nýja
bandaríska tækni sem gerir þeim
kleift að finna stóra fiska í vatn-
inu. Spurt er hvort það samræm-
ist lögum og hvað þá siðareglum
um veiðiskap á stöng.
Varðandi Þingvallavatn, þá
hvetur Veiðimálastofnun veiði-
menn til að skrá allan afla úr
vatninu, en á því hefur verið mikill
misbrestur. Veiðibók liggur
frammi í þjónustumiðstöðinni og
einnig má senda upplýsingar beint
til stofnunarinnar.
Fisklaust í Soginu
Góð urriðaveiði hefur verið í
Elliðaánum í vor, betri en í fyrra
þegar vorveiði á urriða var leyfð í
ánum í fyrsta sinn. Hinsvegar fara
veiðimenn ítrekað úr Soginu með
öngulinn í rassinum, þar fæst eng-
in bleikja til að taka.
Stangaveiðifélag Reykjavík tók
upp þá ágætu þjónustu í fyrra, að
skrá veiðibækur helstu laxveiði-
ánna á vef félagsins og fylgdust
margir með skráningunni á net-
inu, þótt skráningunni væri misvel
sinnt í veiðihúsunum.
Nú hefur Pétur Pétursson,
leigutaki Vatnsdalsár, fært veiði-
bók síðasta sumars á vefinn vatns-
dalsa.is. Er þar að finna hefð-
bundnar upplýsingar um veidda
fiska og er hægt að leita í bókinni
eftir stærð laxa, þyngd og veiði-
stöðum. Til stendur að færa enn-
fremur inn á hvaða tíma dags fisk-
arnir eru veiddir.
STANGVEIÐI
Bleikjuskot í Breiðdalnum
Morgunblaðið/Golli
Veiðimaður togast á við urriða fyrir landi þjóðgarðsins á Þingvöllum.